莎樂美餐廳

營業中

休息中

平時食開千色店個間，今次近呢頭，所以第一次食呢間！叫咗個澳洲T骨拼帶子半生熟，食物到時都覺得好大份，好抵食，不過切開時三成熟都未必有，所以好聲好氣叫服務員幫手整番熟D！之後換嚟句「半生係咁架啦，你自己叫架ma！」。我都冇出聲，見我要求你，點知都係出事。因為佢用微波爐將件扒*叮*到變咗牛肉乾，之後連碟都冇轉就俾番我，根本無可能食到半份！算了吧，一定冇下次！

突然想吃鉄板豉油西餐，莎樂美是不二之選，她比波士頓金鳳可靠，不曾令我失望。羅宋湯湯味很濃，西芹椰菜紅蘿卜材料豐富，惜湯不夠熱。我點了黑椒牛柳，兩大「舊」(不是片)，份量十足，鉄板真的燒得火熱，汁一灑，一陣查查聲，油汁四濺，好不熱鬧，廚煎牛柳十分到家，烤得outside burn，七成熟，一刀切開中間還是紅的, 不擔心，在鉄板上再煎煎，牛柳入囗時剛剛好，牛軟滑香嫩，肉汁四濺，啖啖充滿牛肉味，焦香令牛肉味更濃，絕不是一般豉油西餐把牛肉醃得淋而沒了牛肉，百多元一份有這樣質素的牛柳，夫復何求？友人的黑椒西冷牛扒也十分滋味，唯不及牛柳肉味濃郁。

今日約咗朋友去荃灣lunch. 上次去過莎樂美嘅分店, 感覺服務唔多掂, 食物比老店差一皮. 所以今次寧願行遠啲過老店食.叫咗兩份串燒大蝦伴什扒餐先嚟羅宋湯及牛油餐包--羅宋湯酸酸甜甜, 味道唔錯. 餐包夠熱, 即時搽上牛油, 正!串燒大蝦伴什扒--份量都好多, 有大蝦皇一隻/火腿/腸仔/雞扒/豬扒各一件, 仲有薯條+雜菜.大蝦爽口 (但朋友果隻就唔多掂) 雞扒煎得香口肉嫩 厚切嘅豬扒都唔錯 薯條雖然已被熱汁浸林了, 但起碼食得到 (唔似上次分店咁燶到食唔到)仲有雪糕+飲品 非常滿足!埋單 $117.00 每個餐$58.50

今日突然有小小想食鐵板, 咁啱又再經過莎樂美,見不用等位就同朋友一試今次我係食五成美國西冷,而朋友係第一次黎當然提意食雜扒!!先係餐湯和餐包, 兩者都係普通就不多提了不過不失主角西冷同雜扒到!! 侍應立即幫我們淋汁發覺兩份鐵板並不熱只是暖西冷大約6成熟, 有一點生口感還可以但味道不好, 因為完全沒有牛味一點也沒有!!朋友的雜扒份量多, 由於份量太多所以我也嘗試了雞扒和豬扒但味道真的不能接受, 雞扒和豬扒就只有雪藏味, 是雪壞了嗎!連朋友也覺得難食!兩份晚餐合共$270, 雖然食物份量是大但這個食物質素並不對應這個價錢,只小不會吃到雪壞的扒吧!?整體10分有3分我和朋友都覺得莎樂美已經退步到快餐店水準, 不會再幫襯了!

雜扒好大份，超抵食，但牛扒同雞翼味道一般，只有豬同雞扒好食。有湯，凍飲同雪糕跟，百幾蚊，係唔錯既仲有係咩大蝦同豬仔肉餐，塊肉好好食，隻蝦一般，雪藏貨，但塊豬扒好食，平衡返

今日同老婆帶啊仔去荃灣睇中E，順道去久違了的沙樂美食午餐！先講講，本人對沙樂美感情十分深厚，和朋友由細食到大，介紹個比好多朋友，同同事特登揸車落去開午飯，同老婆拍拖都會食佢，但係從此我唔會再來，今餐真係非常失望！服務差了，食物質素比快餐店還差(可能是開了新分店關係，在千色店付近)好入正提，和老婆大人及兒子坐下，小兒在把玩餐牌時，有個講嘢唔正的女士應走來，一手搶左去，用D唔友善嘅眼神望住小兒講，呢個牌唔玩得個wo！小姐我個仔得十六個月大唔洗咁呀？算叫嘢食，叫左個午餐黑椒牛x骨和正常的鐵板什扒，兩個紅湯…………餐包和湯上枱，餐包凍的，兩個紅湯變左一紅一白，算忙中有錯，照飲！鐵板上枱，份量和以前一樣，但只跟了一個汁來，要出聲問先講，我以為你地唔要黑椒汁…………都算！(有食過沙樂美的朋友都知，呢到D鐵板大多數都跟(肉汁)要改其它汁水要加錢的，但枱面上的那個汁，一看就知是燒汁，而且味道還比快餐店的差！仲有個什扒件雞扒是生的，好心同個士應講，叫佢提提師傅，換來在背後討論一番……最後，差唔多走時，小兒嘔吐了些水在地上，那士應攞D餐纸過來，唔係用來抹咀，而係叫我抹返佢！我當時即刻一笑，好抹在佢，抹左我

突然間不知為什麼很懷念小時候難得食到的豉油西餐，長大後才了解到這是我們香港的特式食品，也可稱為港式西餐，這天就拉著太座和肥妹倍我一同重試。因為這餐廳不設訂位，要趁著時間尚早，未到中午十二點就到達餐廳，才不用排隊等位，也剛好開放閣樓，我們就坐上閣樓的卡位。坐下後看到檯上的餐牌已被鐵板餐吸引著，或許是太久沒有食這類鐵板餐吧，結果我點了蒜茸龍脷魚柳扒餐，肥妹就要串燒大蝦皇伴莎地亞什扒，太座怕肥就點了個沙律餐。先上來的是牛油餐包，雖然是外購品，但還算有點心思，麵包微微焗過，有微溫，入口綿軟，算是不錯。餐湯我要了周打魚湯，湯底做得麻麻，用粉開出來再加料，但非常不均勻，入口太稀，但當中又有些未完全溶解的粉漿，味道算是咸淡適中，可惜魚味和忌廉味都極淡，不過就很有誠意地在湯內放入一片梳打餅，懷舊味道十足。太座的羅宋湯我也試了兩口，味道微酸，頗有菜味，似乎比我的周打湯好。蒜茸龍脷魚柳扒，份量十足，我原先估計都是一件普通的龍脷魚柳加幾條薯條和一兩件菜蔬，但上來的龍脷柳竟有兩大件，薯菜等份量也不少，但質量當然不是太高了，魚肉有點散，入口頗削，兼且無魚味，食得出是雪藏材料，而不是冰鮮，蒜茸汁就調得不錯，清淡香

難得今天工作清閒，於是即興致電火星，說要請客慰勞他的工作辛勞，我提議到黃金海岸吃泰國菜，但他反建議到荃灣，因我跟他乘車過去也方便。本來我是計劃好到BBQ Military 吃韓燒，已經到達門口，但火星看過餐牌後改變了主意，難道是想幫我省錢? 他想改為到一年前去過的莎樂美据扒。我是沒有什麼所謂，反正這間是老字號，一年前我倆已吃過質素有保證，而且也可以幫我省錢哦! 今天竟然是不用等位，實在太開心了! 卡位已經滿座，但也無損我用餐的愉快心情。 是日晚餐分別如下:由於我不好海鮮，因此選了 A 餐而火星選了 B 餐及一紅一白湯。 莎樂美的餐湯比一般餐廳的大碗，雖然不夠熱( 個人較喜歡熱辣辣的湯，即使夏天也如是) ，加上上桌時碗邊沾滿了點點的湯，扣了點分數。但這羅宋湯材料十足，味道也挺好，而火星也說他的周打魚湯也不錯。吞拿魚沙津的菜也有FRESH 的感覺，因此大家都對主菜充滿期望。正當我們正快樂用餐的時候，後方的桌傳來一位女士的吵鬧聲，內容大致是她旁邊朋友A餐的牛扒太燶，她感到非常憤怒。但她的朋友已吃過，所以侍應不肯換給 他。由於當時我看不到那牛扒，我感覺是她會不會有點小題大造。我的A 餐來了，機

聽人講咁耐諗住試下啦,結果不外如是..食品真係一般般,叫左個每月精選既晚SET, 個T 骨肥膏佔左三分一咁際,男朋友叫左西冷, 佢話都還可以, 但只有肉汁指定...無得揀燒汁/黑椒之類囉...D服務員好似趕客咁...食完一樣收一樣.而且野食質一般, 普通到任何茶餐廳都有咁...俾我有得揀咁價錢, 唔會再幫襯, 唔值

今日約左中學同學黎呢到食lunch，好幸運地唔使排隊，因為平時呢到好多人排隊！入到去我同同學分別點左一個牛扒同一個雜扒鐵板餐，係正餐未黎之前它既餐包同湯已經吸引左我，話咁快就已經比我食曬，等左5分鐘到，主角終於出場啦，d肉好有汁感，又唔老，而且又大碟，食到個肚漲曬！如果係3個女仔黎既可以叫兩個餐就夠！最後仲送咪雪糕比你食！最後埋單每人55元，咁平咁正既餐廳你去邊到搵😍😍

依間餐廳排隊人數唔少 都要等位先可以去食 我去嗰時9點幾 等左15-20mins就有位 餐廳環境幾好 係舊式設計 都算幾浪漫 但食物價格唔係平 叫左一個西冷牛扒同t字位扒 食落味道失色左好多 肉太老好難咬 燒汁既味道仲好奇怪 雖然好浪費但係食剩好多 薯仔太爛 一叉就散晒 湯係ok 飲品叫左朱古力 係完全無味 仲要加錢 雪糕亦都不在話下 食左幾啖就無再食 而且係叫嘢食既時候 侍應落落下單走左去 明明就未落完單 依咁既價錢一啲都唔抵食

今次，荃灣地膽帶路，推介餐廳就係莎樂美。晚上七點入到餐廳，店長氣勢十足地問：『一係門口，一係排隊？』眼見已經有條約７-８人的隊伍，加上又唔係好想係樓梯排隊，所以就選擇了門口的二人位。門口位有２樣唔好。第一，不停有人出出入入，又冷又熱，不過坐得門口都預左；第二，店長不斷大大聲係門口叫位，耳仔都嗡埋。。。|||紅湯酸中带微辣，可惜比較稀；白湯香滑，裡面居然有魚肉，真材實料但餐包沒半點溫度，有點可惜。見到隔黎枱座"肉山"咁高０口０!我地又叫返個，而事實証明，我地又一次眼闊肚窄=~=!雜扒的內容有：雞翼、火腿、香腸、雞扒、豬扒、牛扒各一雞翼同豬扒都太老，雞翼ｄ肉好散，豬扒要用多兩錢力先切得開雞扒同牛扒就岩岩好，唔會過火。另一個餐叫左羊架，羊架有三件，但睇真ｄ有一半係肥羊膏，實際分量同目測有很大分別＝　＝味道可以，唔會羶，但個人覺得黑椒汁偏辣。我的餐飲係橙汁，飲得出係果汁先生呢餐飯，無論主菜味道或者環境都係一般唯一令我驚喜的食物居然係甜品......球雪糕...味道幾好。雪糕入面有朱古力碎唔出奇，但雪糕上的果仁碎，又的確係小處上，花了點心思。總結："肉山"的龐大的確吸引眼球，但二款主菜的味道只屬

位於荃灣沙咀道， 舖面較窄，不太起眼，入内原來有兩層， 充斥著八十年代氣味，黑漆漆燈光， 桌上的小花瓶， 播着張國榮哥哥的歌聲…… 我們點了串燒大蝦伴什扒(午餐), 焗肉醬意粉 (下午茶餐) ， waitress 端上洋蔥汁淋在鐵板上， 咋……咋……咋咋聲，興奮不已 什扒份量驚人， 有雞扒，豬扒，腸，火腿，煙肉，大蝦，薯條，什豆， 样样大大件， 雞扒豬扒肉質尚可，大蝦絕不是蝦毛， 肉質弹牙，雖不至鮮甜，味道不過不失啦！ 薯條剛炸好，熱辣辣，脆卜卜！！ 個餐仲配餐湯麵包，餐飲及朱古力雪糕作甜品， 大滿足啊 焗肉醬意粉， 濃濃芝士味，香氣撲鼻， 肉醬汁惹味且不油膩， 醒胃！！埋單才$97- 抵食夾大件，讚！

見到咁多好評，就姑且黎試下啦，點知中大伏。。。。男朋友叫左個西冷要7成熟，黎到係全熟，鋸好耐先切得開，塊鐵板仲要係唔熱既，失敗。。我叫左個薯容海鮮大會，都係凍既，啲薯容只係裙左個斗邊，係有好多海鮮，不過無樣好食，全部都一陣雪味。。。連杯餐飲，咖啡都係酸既。。。差到不得了。。。埋單267。。。早知去美心鋸仲好食

今日好想食西餐，所以諗下有邊間好食，有時經過見到呢到咁多人等，就不如試下，叫左晚餐鐵板牛柳粒配飯，個餐有鮮果沙律，要餐茶，雪糕二選一，叫左個大蝦配豬仔脾！鐵板牛柳粒好大粒好香，少少un，不過好juicy，牛柳粒多到連飯都食唔啱，叫完餐茶，無端端有雪糕食，應該係送 大蝦配豬仔脾，大蝦唔新鮮，有d霉，但豬仔脾份量好多好正呢間抵食，埋單194，好平，不停食不停好多人係到等，伯伯都好忙，值得推介