莎樂美餐廳

營業中

休息中

其實呢啲有返啲年份嘅香港豉油西餐廳，質素真係冇乜好講，食嘅嘢唔會話特別好定唔好味，最吸引人嘅地方係大件夾抵食起碼飽肚。但呢張沙樂美做咗幾廿年， 咁多年呢地方都係咁大架勒， 但咁多年嚟都係好鍾意張啲枱擺到咁密。成間舖大部分員工都係中年以上 其實動作慢啲都可以接受 但係唔知點解個阿頭係都要將一啲好緊張嘅氣氛擺落去餐廳度，出嘢收碟操兵咁，最大鑊係餐廳嘅管理問題，個疑似大佬係要當面對啲員樓面呼呼喝喝，喝神喝鬼咁，鬧嘅仲係知無理取鬧嘅嘢，例如好話個樓面唔一次過攞鐵板同汁上枱，但其實咁就仲危險，有乜意外阿大佬擔唔擔當得起？總之大成餐飯食到好大壓力又唔舒服…而且呢間嘢畀我嘅感覺係個鼻好大。問親乜嘢都係以「我哋呢度係點點點」去回應客人問題， 想打去留位？「我哋呢度不設留位個播」；想要杯可樂冰底？ 「我哋呢度冇冰底㗎啵」， 但大哥你唔明唔明呀就係因為你哋啲嘢飲好細杯呀！ 一個餐收人百幾二百蚊個杯凍飲 得兩啖好唔好意思呀？叫冰底都係想自己飲一罐可樂啫！！定係另叫嘢飲一樣都 只限兩啖架咋？你地啲服務係咪一定要咁死㗎！！ 對staff同對客一樣咁掘！服務態度簡直係零分！就算去其他港式扒房去金鳳去第尾去花園都唔

去到荃灣上完堂，9點鬆d到就諗起呢間，歷史悠久香港老扒房9點入到門口，仲有兩枱客其他姐姐都等收工坐哂係到一坐底就講收十點🤪姐係話好快d食完走唔好左呀姐收工叫左一份西冷牛扒，飲白湯見佢寫到周打蜆湯都有d期待😚一飲就知出事，咸到呢又無白湯既牛油香，d配菜好似岩岩放落去牛扒黎到，大大件即時開心返🤪點知一食，又係咸到呢叫5成，硬到可以揼死人😔😔😔

好耐都冇食莎樂美啦！今日行過見到有個龍蝦牛柳餐就試吓啦！唔食又是可一試難忘啊！佢嘅龍蝦睇落好似麻麻地，但係其實啲肉質好靚，爽甜彈牙！牛柳叫左三成熟佢煮得剛剛好我就鍾意碟上唔要鐵板上的！總之就係208有龍蝦🦞又有牛柳真係物超所值！

呢間舊式扒房出咗名份量大，今日真係見識到。我哋兩個人一個就拉咗鐵板雞扒餐另一個就要咗鐵板豬扒餐，個餐有餐包有餐湯。又有餐飲仲有杯雪糕添。究竟點樣份量大呢，睇佢個鐵板豬扒餐你就知道。佢個鐵板豬扒餐一共有3塊豬扒，真係非常之驚人。不過個雞扒餐就只有兩塊雞扒，但係塊雞扒都幾大塊。食咗一半已經飽晒，不過我哋兩個都加咗$8嘅意大利粉，佢係茄汁意粉，佢嘅味道真係充滿童年回憶。連埋餐飲同雪糕，都唔係話唔係飽到上心口。

半世纪前才十六歲，在這家莎樂美餐廳食咗一個吉列魚柳套餐，當時覺得非常美味，到今天仍懷念當時的味道，那個時代家貧很少機會食西餐也是一個原因吧！今天興起特意去這餐廳鋸扒，點了一份黑椒牛柳，端出來的時候，睇見两塊比鐵叉還要厚的牛柳嚇了一跳，這個份量一個人實在吃不完，切一小塊放入口，心裡凉了一大截，肉很淋，但完全没有牛肉嘅味道，從來未吃過咁難食嘅牛柳，唯有放下刀叉，155元埋單走人，滿懷希望的進店，徹底失望的離店。

荃灣老牌子莎樂美，由細聽到大，間唔中想食牛排都會諗到。今日嚟到6:15老闆話要人齊先可以入座，最後等到6:30先入去2樓仲有位，晏少少就滿晒人了鐵板集扒餐 $155分量夠大每次都令人驚喜，因為朋友個餐吃飯，所以想叫個意粉一齊share，要加$8建議可以不用加。因為本身份量大又有薯條已經好足夠。味道當然唔會話係五星級嘅高級扒房啦，但調味亦都做得唔錯，肉有預先醃製過夠味得來又唔會太鹹，黑椒汁要加$3，我之前食過係會再濃味啲再鹹少少🤏是日晚餐鴛鴦扒飯 $108朋友食是日晚餐鴛鴦扒飯，有牛扒同豬扒配飯雖然冇鐵板，但呢個餐抵食，同樣有跟餐湯、包，餐茶同雪糕。我覺得羅宋湯好味啲，不過白湯配面包好食啲，每次都好難揀😂總結來講又細食到大都係一種懷舊嘅味道，但係環境真係同細個一模一樣有點舊，不過間中食下我又覺得幾好食係一種懷舊同情懷

搭巴士成日經過呢間西餐廳，終於有時間過嚟食個lunch ，以為佢舖頭細細冇乜位，原來佢有兩層，不過食lunch time時間，等咗大概10分鐘先有位。坐低咗，waiter們就急不及待過嚟落order，我哋order左周打魚湯、黑椒牛肋條，同埋串燒大蝦皇伴什扒。話口未完，上餐時間非常快，waiter亦非常之高效率😆好鍾意食舊式西餐廳嘅餐包加牛油，其實呢種餐廳嘅食物味道一般都係普普通通，亦都唔會有好大嘅期望，但以呢個價錢食到呢一個質素同質量，真係好抵。而且好開心見到飯後甜品嘅金屬雪糕碗，好懷舊😚

莎樂美餐廳扎根於荃灣多年，是一家主打港式西餐飲食的餐廳。餐廳的裝潢非常懷舊，氣氛舒適。今天我叫了一個雜排餐，餐點的份量，非常豐盛。雜排餐包括了牛扒、豬扒、雞扒和香腸等各式各樣的肉類（會因應當日餐廳供應，種類可能會有不同　），還有薯菜和雪糕，讓人一點也不會覺得不夠飽。所有的肉類都烤得很熟，口感十分美味。雞扒和牛扒的肉質都很嫩，入口即化。豬扒的肉質稍微有些緊實，但仍然很好吃。香腸的味道也十分特別，有著濃郁的香料味道。薯條非常酥脆，口感十分棒。雪糕亦相當可口。除了雜排餐，莎樂美餐廳還提供了許多其他的港式西餐美食選擇，例如鐵板餐，焗飯，咖哩等等，價格也非常合理。

朋友突然話想食扒，google一下附近見到呢間港式扒房…喺市區食慣花園餐廳嘅我哋原本期望不大。但呢份雜扒嚟到之後，全部人即刻「嘩」咗一聲！份扒真係好大份！而且$145包埋湯，餐包，生啤同雪糕真係抵到爛！味道雖然唔係話好標青，但港式扒房嚟講真係唔曳㗎喇…其餘重叫咗葡國雞飯同西炒飯都係足料大大碟！同埋份量都真係幾多，最後兩男一女都食唔晒，所以細食的話就注意一下唔好叫太多…總體嚟講真係好過預期好多，想食頹扒嘅不妨試吓！

嗰日同朋友傾開想食啲懷舊式扒房跟住佢就帶咗我過嚟啦好耐都未去過呢啲形式嘅扒房啦好似瞬間去咗八九十年代咁樣😂😂今次我嗌咗個黑椒牛柳扒餐$180我覺得呢個價錢都算係咁樣牛柳都有兩大舊仲有得跟飯或者意粉女仔食 真係超級超級超級飽同埋佢都有跟麵包同餐湯 飲品最估唔到竟然食完都會有雪糕添總括而言 我認為雖然環境比較狹窄既同埋廁所要走返去後巷😂😂😂但係我覺得如果想食吓呢啲懷舊扒房都不妨試吓 都真係抵食夾大件

假日去荃灣食午餐，這間餐廳裝修比較舊，環境一般，地下及閣樓座位與座位之間距離比較近，叫了兩個扒餐，上餐時間快，食物份量大，味道就一般，牛肋條有點韌，雜扒餐冇蝦，轉了帶子。薯角皮比較燶，焦黑咗。湯就不夠熱。雪糕內有朱古力碎。整體來說，都OK。價錢實惠。

因公司在附近，所以經常光顧，早兩個月食過， 食品質素，除了豬扒外，其它相當麻麻， 但踏進12月中後開始，唔知係咪換咗廚師，即刻又好食返， 但其羅宋湯又淡味了( 因一向相當重口味)。我反而覺得其午餐和下午茶餐 ，性價比相當高！

星期五晚搵好野食，路經唔起眼嘅門面，內裡卻滲透出8-90年代嘅扒房氣息。店內頗有氣氛，設有樓上雅座。六點半都未見太多人，毋須等位。少客嘅時間服務員態度都唔錯，多客嘅時候會比較燥底。標配餐湯麵包，有紅湯白湯選擇。鐵板上面串起幾塊肉扒，超乎想像咁大份。肉汁淋落鐵板，咋咋聲。有提供餐巾俾你保護自己，但明顯見到餐巾飽受歲洗禮，尚算乾淨但有唔少小洞。肉扒真係太多，份量十足，order左一人一份，結果每人食淨一半🙊。肉扒比較dry，味道一般，食到後期會好抗拒再食肉🙈，建議兩人share一份就好莎樂美什扒餐 $145大蝦皇配豬仔脾扒餐 $145

這是一家從小吃到大的餐廳，味道談不上是最好，服務未必是最周到，但是長大後想尋回小時候的味道，便會來這裏坐一坐。和很多老牌的餐廳一樣，這裏的套餐奉送餐包、例湯、甜品，今天下午我們點了：🍽黑椒牛肋條餐 $68 牛肋條調味偏鹹，掩蓋了所有的肉味，而且比較韌，以份量取勝，足足有五條！ 🍽串燒大蝦皇伴莎地亞什扒 $68 份量非常驚人， 適合食肉獸，有豬扒、雞扒、火腿片、腸仔、燒蝦🤤整體味道不過不失，以這個價錢來說，味道是正常的！ 但是就不能對肉質有任何要求了。餐包微溫，軟熟🤤我喜觀點周打魚湯吃。這裏的周打魚湯內有半塊梳打餅、兩小塊魚肉、洋蔥🧅味道是正常的，不會有很強的麵粉感。甜品是一小球巧克力雪糕，有少少朱古力碎，吃完主菜已經10分飽， 所以只是小小挖了兩口來吃。

Lunch 經過見唔多人入去食，一座低就黎料，不斷催趕客人，湯一上黎，倒到碗碟都係，大大力掉落黎，飲左半，職員好似趕投胎咁收左個餐包係凍既，唸住同主餐先食，又過黎收左個牛油碟，我都話未食，佢唔理照收，西面到一個點，個包又凍又硬，最後投降放檯（因個職員堅持要收走個牛油碟），個疑似老板娘走黎鬧，話：「做咩將個包掉檯面！」🤬大佬呀！ 係你個員工催命符咁不斷收收收，客人食一半已經被問幾次要收，真係好影響客人用餐！ 到底你間係咪唔夠碗碟，要不斷收黎洗再用，係既你就出聲，食個飯俾你催左好多次，不斷收嘢，咁趕客，咁唔想做，可考慮執左佢，唔洗再對客人！ 隔離檯啱入左幾個客，佢地因風口位要換位，個疑似老板娘又過去黑面鬧佢地： 「我地呢度全部都係冷風位，點調都一樣㗎啦！」嘩！ 不如你開到咁大冷氣，趕客走咋瓜講返個扒，又鞋又唔好食，真心普通茶餐廳都好過佢，至係D食評吹到份量好大，但好食先得㗎正如之前食評彈佢服務食物質素，如果你鐘意被虐待，可以去挑戰下自己但唔係因為食物而去，好唔值得貼錢買難受😣以後霸食，亦會提身邊親友切勿以身試法真係極品！！！😡