莎樂美餐廳

營業中

休息中

剛喺荃灣上完堂，老公話同我去据扒撐枱腳，好彩唔洗等位直入，一入餐廳懷舊的裝修，茶黃色的燈光，紅地毯的樓梯。有如置身於八十年代。環境比狹小，樓底亦較矮。泰式辣大蝦皇牛柳餐 $180拳頭咁大嘅牛柳，仲要有兩舊，睇見都飽。隻蝦失色左，唔太新鮮😅泰式汁普普通通，冇太大驚喜，如要黑椒汁，要另加$3🤨跟餐羅宋湯🥣，比一般据扒餐廳較為足料，香濃重牛味🐮。指定雪糕杯🍧🥰云呢嗱味加埋幾粒棉花糖，好有兒時畫面😌

舊式扒房已經買少見少，最具特色可算是那條擋汁餐巾同牛形鐵板，莎樂美唔係我童年回憶，但有時候有人總想去鋸個扒。🍴烤厚切美國牛脷 $142⭐️⭐️⭐️⭐️因為對港式扒興趣不大，所以試咗個厚切牛脷，估唔到又幾好味，瑞士汁牛脷超入味，厚切得嚟唔韌又夠腍，因為個汁好味，我連所有薯菜都食晒🍴鐵板莎樂美什扒餐 $140⭐️⭐️有人話好掛住個什扒，點知個餐嚟度有啲嚇呆，因為份量大得驚人，我全部都試咗一啖，係無質素可言，雪味好嚴重，就算濃厚黑椒汁都蓋唔住，呢個價錢好唔值二人共消費：$300後記：莎樂美衛生麻麻，那條擋汁餐巾穿曬窿不特只，用完又摺返埋留比下手用，好污糟囉！

============== 𝐹𝑜𝑜𝒹 𝐿𝒾𝓈𝓉 𝒻𝑜𝓇 𝒯𝓌𝑜·• 鐵板牛柳餐 x2 💸 $363 (10% Charges)爸爸介紹喺荃灣有幾十年歷史嘅懷舊港色扒房🥩，佢十幾歲果陣食過🤣。裝潢有舊色舞廳風格，店內上左年紀嘅伯伯嬸嬸著哂恤衫西褲，成個感覺好似翻左去70年代咁～ 上層個樓底好矮，座位地方唔算大，但小小嘅空間感覺好cozy😆。有唔少扒餐、飯意粉餐選擇，湯類都有十幾款揀（單點）。價錢比其他港式扒房貴左少少🤏🏾，不過佢份量大、仲有雪糕送，相對抵食。-♡═━┈┈　　周打魚湯 ✰✰少少失望，味道好啖連忌廉味都冇乜( •̅_•̅)。餐包就熱辣辣好鬆軟。爸爸後來話佢地羅宋湯先係出色嘅，下次可以試下哈哈。♡═━┈┈　 鐵板牛柳餐 $165 ✰✰✰✰上菜果陣嚇親，兩塊大大塊牛柳大過個拳頭🙃。嗌左3成熟，鐵板熱辣辣煮多一陣就啱啱好😋。侍應額外再俾多左一兜汁我地，好貼心啊～牛扒軟腍，咁厚嘅肉一啲都唔難切唔韌。仲要佢好有牛味！非常驚喜😱。個別會有嘅位硬同老左少少，但整體都好食。大份到我地都食唔哂自己果份😆。不過唔太鐘意佢俾三色豆唔係一條條果色菜🥲-♡═━┈┈　朱古力雪糕 ✰✰✰✰以有綿花糖有朱古力

復活長期，有晚同男友入左荃灣据扒，揾左間懷舊餐廳。此店系荃灣都屹立多年, 而家當年都頗有名。🍴鐵板紐約西冷牛扒餐 $155西冷扒叫左5成熟, 黑椒汁。圖一可見, 塊西冷牛扒大大件, 再配有薯菜。性價比系幾高。注意點系西冷牛扒有少少筋。由於太大塊, 點左5成熟都似系4成熟。🍴鐵板黑椒牛柳餐 $160同樣都系叫左5成熟, 黑椒汁。牛柳有2件而且都系大大件。牛柳就相對無咩筋位, 所以整體黎講都抵食, 配有薯菜。*餐都配有白湯/紅湯 & 雪糕 & 餐飲。總體，當晚牛扒大大件咁, 又有埋湯、雪糕同飲品。性價比系幾高。食物味道方面就中規中矩。

👊🏻拳頭咁大嘅牛柳😆荃灣有間懷舊餐廳，好耐冇去。今日突然心血來潮好想去食下，我諗都有幾年冇去過，食物質素保持水準，但係價錢就貴咗唔少。我哋叫咗兩份牛柳餐，黑椒汁轉左蒜蓉汁，上枱嘅時候嚇親我，塊牛樓仲大過拳頭👊🏻😳，估唔到大成咁😂我哋嗌左五成熟，切開啱啱好，肉味濃又嫩口，仲另外上咗兜蒜蓉汁俾你自己加汁，不過個蒜蓉汁就唔夠熱。餐飲叫咗凍檸茶，佢哋用返以前好舊式嘅細杯做飲品。食完仲有雪糕食添😆😍💕莎樂美餐廳 (荃灣)荃灣沙咀道294號地下

懷舊餐廳-之前都諗住去，但未安排到，好彩今日有幸可以試到雞扒豬扒各有兩塊，都算大塊，蓋哂成個鐵板，薯菜帶子青蠔係雞扒豬扒底，好好味，有埋西湯飲品雪糕，食到好飽，$6幾蚊一個鐵板午餐非常抵食

依家真係見荃灣咁耐歷史先試下，應該無下次啦。薯角ok 架，連薯皮，幾香。紅湯，中下。無特別，多紅蘿蔔既茄膏湯，洋蔥大大片仲有少少硬，隨便煲過一下咁水。鐵板唔熱。。大家樂都熱過佢。。 蝦無調味，大大隻，其實都係雪藏野，靚唔靚睇彩數咁，我個隻肉質唔夠爽。雞扒豬扒普通野，指定落肉汁，普普通通無驚喜。大大份，唔係加飯意粉都好飽。最開心係有雪糕。朱古力味仲有細細粒朱古力碎係入面。正！棉花糖就略硬。深水埗好多店裝修都特色過佢。無乜特別。樓梯牆係鏡面牆。上層有個橫窗，望窗前面既枱係雲石枱但只有單人位，擺晒雜物，可能係最而特別既位。食物除左雪糕同薯角，應該同茶餐廳一樣但仲有加一，而佢杯熱檸茶係唔好飲的。

尋晚同寶寶喺荃灣談心，聽聞呢間莎樂美都出名，出名特別貴，所以就嚟咗幫襯吓。餐廳都full 咗，要等一陣，估唔到咗咁多人。打開餐牌，其實價錢西餐都唔貴，但以我同寶寶喺懷舊西餐廳縱橫多年，相對下係小貴，仲要加一！寶寶就滿懷希望點咗精選特餐，小弟就叫左夏威夷雞扒餐！先上紅湯，飲落係微辣，開胃嘅！再上寶寶嘅沙律，都幾豪氣，有煙三文魚，食落ok。再上法式田螺酥盒，個盒好鬆，同d汁幾夾！到主菜，寶寶七成熟牛仔骨扒，啱啱好！份扒又大份！到小弟份雞扒，有兩大舊，食唔曬，贏份量！夏威夷汁仲要有菠蘿，正！上埋餐飲同雪糕，滿足。咁多嘢食，寶寶話唔貴，所以都唔錯嘅！不過都係因為太多客，趕客服務，唔會坐得耐

原本同朋友去食燒肉做下午茶，點知3點半就last order啦！甘惟有轉場啦，係街搵下搵下，就搵到呢個比我仲要老既餐廳，聽d侍應講呢間餐廳197x年就開啦！◆大蝦什扒餐配肉汁：勁勁勁大份，除左大蝦，仲有豬扒，雞扒，火腿，腸仔，什菜，疊到成座山甘高吖~◆黑椒牛肋條配黑椒汁：牛肋條好重牛味，又冧，而且仲有6,7條，份量真係好多，飽到夜晚都唔使食啦!仲有餐湯，餐包，餐茶同雪糕，甘多野加埋都係66加一，72.5咋，超級抵食!

今日去荃灣行街，就去左荃灣大河道好出名既莎樂美餐廳食午餐。我們點了鐵板午餐，黑椒牛肋條 同串燒大蝦皇伴莎地亞什扒 $64。全場都係叫鐵板午餐，因為實在太抵食了。餐湯點了周打魚湯，周打魚湯好多料，有好多蔬菜超好喝，餐飽都大大個好吃。莎地亞什扒好大份好多野食，豬扒，雞扒，火腿，腸仔，蕃茄，薯角，仲有只巨蝦。好抵食。黑椒牛肋條，好有肉味，好淋，唔韌。除餐茶外(凍飲唔洗加錢)，仲有雪糕做甜品，很滿足，食飽飽。

小時候每逢節日, 都會嚷著要去扒房鋸扒慶祝。出嚟做嘢後雖然試過唔同嘅高級餐廳, 但間中都想去舊式扒房, 感受下懷舊風味! 知道莎樂美高峰時每晚門外都見排隊人龍, 難得星期日午市路過見唔洗排隊, 就入去一試! 80年代裝潢, 環境有點老化, 燈光昏暗, 但座位不算逼狹, 下層樓底較高。羅宋湯香辣惹味，配料豐富。如果餐包暖啲會更好!串燒大蝦皇伴莎地亞什扒鐵板餐 $64份量十足! 豬扒、雞扒好大塊, 配上一隻大蝦, 火腿和腸仔, 即使鐵板不連飯/意粉, 都足夠男士享用! 略嫌豬扒較乾, 多啲薯條會更好。

12月9日晚同女朋友去左呢間餐廳食晚餐，諗住試吓荃灣呢間舊式扒房，入到去啲侍應叫我哋上去，上到去無位再叫返我哋落去，算啦，坐低落單，叫左2個餐，轉左蒜蓉汁，點知一送到黎問都無問就淋左黑椒汁，自己淋錯仲要西我地面，都算啦，食落去要5成熟，點知一切落去舊肉仲生到無輪，另一份就熟晒甘濟，點解一間扒房連呢啲錯都會犯，成餐飯都感覺好差，侍應仲要乜都唔理甘，我同女朋友真係嬲到食到一半埋單走啦，埋單 400蚊，呢個價錢去金鳳個啲食會仲好，未見過甘差既餐廳，難食又無服務態度，而家疫情仲甘做生意，又污糟，唔明點解呢啲餐廳仲生存到，奉勸想去食既朋友真係要三思！！！

層層疊既雜扒，搭到咁高都唔知可以點開始食，鐵板上幾乎冇位子可以切野，叉住食下蕃茄先之後再食其他，過黎食前我唸要餓定個肚先食得哂（如果唔share的話)雖然個雪糕只係一個最普通既雲呢拿味，但見到依個非常懷舊既雪糕杯，你已經唔會再理個雪糕係咩味或者粒棉花糖會唔會淋，因為你食緊既係童年味鐵板餐其實真係好抵， 追求飽肚一定冇問題，但係太多肉，而且係煎炸嘢，食食下都有d頂唔順， 雜扒餐會好小小，多D其他味道， 冇咁寡

莎樂美餐廳既賣點就係份量好大此次於下午進餐叫左個鐵板餐食物方面，一開波有羅宋湯及餐包麵包嘅野只要熱就好食，佢係做到嘅湯方面亦非常夠味，有點辣，正！然後就到主菜，黑椒汁牛肋條比較建議叫牛肋條，原因係其他肉類都不太新鮮，無乜肉味，舊扒好似發過咁，雞牛豬都差不多，只食到汁既味，份量係好大，但真係麻麻，牛肋條算係最穩陣，因為只有牛肋條係無乜點處理過，食到肉味，但份量比起其他鐵板餐少，但其實都好多下薯角應該炸左好耐，不太脆另外我加左3蚊加碟意粉本人覺得唔錯最後甜點係朱古力雪糕環境方面，真心麻麻，冷氣出風口好多膠纸，d 杯用到花晒，餐巾穿窿，建議真係換左去服務方面，不過不失另外注意呢度會收服務費好老實講，去呢到就係想食到好飽，70幾蚊又包又湯又鐵板又意粉又雪糕，仲想點？

🎵一人有一個夢想, 兩人熱愛漸迷茫🎶懷舊既扒房，八十年代既裝潢，今日播發着黎瑞恩既「一人有一個夢想」。聽住呢首歌突然倍添傷感，我都有一個夢想，希望有日有人可以陪我呢個單身狗，一齊黎呢度割扒，事關呢度既扒真係超大份，自己一個食好罪惡。獨自享用左一份日本帶子伴美國雞扒，雞扒有一共2塊，大大塊，成隻手掌咁大，又厚身，好中意佢個白菌蒜茸汁，零舍開胃。雞扒食唔出有雪味，肉質亦唔鞋，食物質素同價錢成正比。隨餐更附送餐包和湯，有羅宋湯同周打魚湯，我簡左酸酸甜甜既羅宋湯來打開味蕾。