莱茵河餐廳 (已結業)

環境好似好好，米走入去試下囉，心想唔方好食，即管一試，意大利黑醋煙鴨胸意粉，香辣茄茸德國腸意粉，誰不知有意外驚喜，鴨胸又腍，茄茸都好味，餐飲檸檬茶，杯檸檬茶好淡，冇乜味，失色咗！環境佈置也有特色，坐得都舒服！

呢間餐廳係荃灣都好似幾岀名🧐 勝在價錢夠抵食 而且幾大份😵-咁前幾日約咗fd係呢到食飯 分別要咗個煙三文魚🍣菠菜忌廉汁意大利麵🍝🍝 同黑松露意粉 兩個意粉都整得比較乾身 唔知第一個係因為焗既關係定係點 但兩個意粉食起上黎都無乜汁😵😵😵 但自己同fd都係比較鍾意食creamy d既意粉 如果唔係食到一半就會覺得好似乾啃個意粉好辛苦🤣 另外煙三文魚嗰個寫明有菠蘿都算 但諗唔明點解松露嗰個都有一大堆菜🧐🧐 真係r曬頭🤣 普遍食開都無菜係入面 到底係我唔識食定佢怪！？🤷🏻‍♀️ 而且加完係破壞曬我對松露意粉既幻想💔💔唔係怪既但就有d唔夾😵只可以好肯定我同fd都表示唔會encore🤢-

差唔多食晚飯，但又踩正下午茶尾班車，又想平平地食西餐，呢間滿足晒大胃兩個願望。我最喜歡佢是日特飲次次都係唔同款嘅果茶，不過咁平食西餐就預咗好似抽獎咁，有伏有唔伏，有次揀嘅款好味，今次可能有啲實驗成份都唔定，聽天由命啦！

Pizza 好味，餅底夠薄 有點脆，味道剛好。豬手很足料，很大份，皮很脆 很厚 口感不錯 只是有點點偏咸，醬料跟豬手很配合。餐廳店員服務不錯 友善，環境也舒服，適合朋友慢慢食&聊天的地方。

係荃灣廣場行完街，又無乜野arm吃，之後就落左隔離街搵野食，之前同朋有食過一次覺得ok今次再食補番寫。我叫左「和牛bbq漢堡」，漢堡肉都ok有肉汁，芝士味道普通，個包小小大硬身，有點似嘉頓，因為芝麻無香味所以唔係太鐘意食。整體來講都可以既，薯條正常。西式奶茶沖法，後加糖水甜度小菠菜煙肉闊面，味道都係普通，但下午茶來講cp應該都算高。正正常常食平價西餐。環境舒適裝飾都幾靚，下午茶時光休息一下食個tea都不錯。..

沒有華麗外表、沒有名星廣告、沒有長長排隊，食物+服務性價比高！食材不是用低價的！服務👍⋯⋯！上菜節奏慢得剛剛好！昨晚7大2小 order 左：- 二人餐（risotto..紫薯牛排⋯洋蔥炸雞🍗..歺湯⋯朱古力小泡夫）👍- 萊茵pizza👍👍- 墨魚汁意大利飯👍👍- Burger👍- 咸朱手👍👍👍- 牛油果雞肉沙律👌牛排因為小朋友叫了9成，變成太老了！自己問題！牛油果沙律內牛油果份量再多D，會好D！兩個小朋友由頭食到尾，仲有胃口！大家明！😬

又過嚟萊茵河食lunch，一直都冇機會寫食評今日食時，先記得影相來寫下！呢間野都OK，食簡單西餐又唔收服務費， lunch有包嘢飲同餐湯價錢都算係咁！我叫咗個德國腸意粉，意粉係用茄汁同蕃茄炒嘅，加幾片德國腸，其實個味道呢系好開胃，只係得三四塊腸太少！同事叫咗牛扒意粉，牛扒意粉個底係同德國腸意粉一樣，都係茄汁番茄炒底，牛扒佢哋話煮得熟咗少少，有啲鞋口，但味道係OK嘅因為冇比梳打粉那得好犀利！另外同事又叫咗咖喱雞扒飯，望落去細細碟，但係個份量佢話好多，係日本咖喱甜甜地，雞扒好滑，佢話味道唔錯啲汁可以夠晒撈晒所有飯！仲有個湯，係西蘭花薯仔湯，個湯個個同事都話好味唔係搵水溝到好悕嗰啲，個湯正！

平時都會行開荃灣廣場附近，不過荃灣廣場啲嘢食就比較貴，而呢間餐廳嘅地點同荃灣廣場只係一街之隔，地理位置冇得輸。我係星期日去，竟然仲有下午茶，叫左一個和風烤雞沙律、西冷扒配法式白黑椒汁意大利粉、意大利黑醋煙鴨胸意粉。和風烤雞沙律，烤雞肉質都唔硬，味道尚可，不過不失。西冷扒配意大利粉，塊牛一啲都唔韌，個汁味道都唔錯，意大利粉夠汁，食落唔會覺得乾，以呢個價錢食個扒餐連飲品算係抵。鴨胸意大利粉，個人覺得呢碟係三個之中最唔好食，意粉冇乜汁冇乜味，鴨胸煙得唔夠香。整體黎講都算抵食，星期日都比較少茶餐廳肯做下午茶優惠。地理位置雖然同荃灣廣場好近，但可能因為門面比較遜色，感覺有啲毫不起眼。

係附近返左5年工，第一次黎食呢間，門面唔太起眼，一直無留意到佢。價格介乎 $48 - 80 左右，包湯包熱飲，可以揀是日特飲熱既都係包埋。如果要凍飲加$3今日餐湯係打到好碎既薯仔煙肉忌廉湯，好 creamy, 不過好結身，直頭好似食緊糊仔咁，勝在味道好好，成碗飲曬 haha叫左塊西冷，跟薯菜，不過佢無問我幾成熟，我事後都費事再叫佢，反正太熟我都食到既，上碟都幾大塊，個黑白胡椒汁好香啊，無傳統黑椒汁咁 spicy , 但又有胡椒既香，不過就遮曬牛既香，食唔到牛味，哈哈。但係好彩無過熟，牛肉唔會 un , 好易切好易食，有少少粉紅色。薯條亦剛好，份量亦剛好，男仔就未必夠，但我就岩岩好 haha 。整體係好食既美中不足係我叫左熱既水蜜桃紅茶，但係佢係超級甜，飲左一淡就無再飲了。唔洗加一，$69 都算抵食啊，有下次

食物不錯種類也多，服務良好，燒春雞難得沒乾硬感覺，只是 黑松露卡邦尼意粉太多汁，吃得慢變成糊口，磨茹湯很好喝，最邪惡是前菜 黑松露薯條，吃過不停 經過荃灣大壩街可以去試試

我們是從open rice訂位的,不去到就可以入座很方便。叫了一個凱薩沙律，拼盤和意粉。兩個女生來說很足夠。凱薩沙律份量一般，沒有麵包碎煙肉碎，只有菜跟芝士感覺有點單調，cp值沒有很高。拼盤很不錯洋蔥圈很好吃。炸雞的炸皮上有柚子醬解解膩，味道不過不失，但當然不能以韓式炸雞要求。意粉略嫌芝士太多有點膩，加埋溫泉蛋覺得太sticky, 芝士愛好者可能很喜歡。服務很不錯，侍應不停主動加水。但要傾計的可能要預坐不久。要注意300元以上才可簽卡。

有一個問題成日比朋友問，就係荃灣好似好多野食喎，有D咩好推介啊? 老實講，真係唔係幾識答，今次同朋友係荃灣廣場睇完戲搵野食，見附近條街好似好多選擇，最後就揀左呢間莱茵河餐廳 ，因為本身鍾意食西餐，見到呢間未食過所以就想試下。巴馬火腿黑松露野菌溫泉蛋卡邦尼闊條麵，味道正正常常，但係好似唔係好夠CREAMY，不過有巴馬火腿吊一吊味，加返D分數，價錢黎講算係唔錯。墨西哥春雞西班牙式燴飯，舊雞肉整到好鞋，無乜肉汁，好乾，加上D飯都唔似燴飯，似炒飯多D，變左乾上加乾，對呢個菜式真係麻麻地。鐵板芝士炸雞配薯條，有好多芝士，但係其實芝士味好淡，不過配炸雞黎講，其實點都唔會話難食得去邊，雖然呢個都唔算好食，但係頭盤黎講合格有餘。

聽人講荃灣區都有好多好嘢食所以專登出去行吓搵吓食下午茶食過勁多人排隊嘅冰室咁晚上就食返個氣氛同食物都唔錯又有性價比嘅餐廳啦😁去到西餐廳，只要有黑松露薯條都一定係必叫今次嚟個個餐牌只係寫黑松露薯條但嚟到有埋芝士🤦🏼‍♀️最初想同佢地換返（因為麻麻芝士）不過放口一試竟然有驚喜芝士味十足但又唔會搶咗黑松露個香味好食😋😋😋😋😋😋嚟個意大利飯口感十足忌廉同飯混合到剛剛好唔會有啲餐廳嘅意大利飯每啖都係食忌廉無咗飯嘅存在嘩！嚟個好食！好食！好食！😋😋😋牛🐂全部都係🐂🐂🐂🐂🐂🐂🐂🐂個牛🐂🐂🐂就算唔點個汁已經好香（個汁偏咸）一放落口，牛嘅香味已經報滿成個口腔一路打嚟編嘢，一路睇住張相，又要回想個香味真係好鬼肚餓🤦🏼‍♀️🤦🏼‍♀️🤦🏼‍♀️🤦🏼‍♀️🤦🏼‍♀️🤦🏼‍♀️🤦🏼‍♀️🤦🏼‍♀️🤦🏼‍♀️🤦🏼‍♀️

今晚，我們原本去 ‘薩莉亞‘ 的，但實在太多人，排 50 几個飛禾，我皇上是情願比貴 D 都不想等的人；於是又是要發輝我的吃貨鼻的時候喇，我記得有條不遠的街有很多餐廳的；立即去看下。這裡有兩間 OK D 的西餐廳，一間我們吃過 OK 好味，但要排隊（約 4 個）的，另一間不用排的，它外面有擺餐牌的，皇上看了看，因不用等位價錢貴少少也不計了，即入去坐（我皇上日理萬機，每秒鐘千几萬上落-周星星對白，哈哈)。 我們叫了一個二人餐， 有餐湯 （野菌忌廉湯），我的另加了錢 upgrade 龍蝦湯（賣相 ok ， 但偏鹹，我這美少女不想吃太鹹）。上來了併盤，ok 好味，有芝士薯條，炸雞塊，蒜蓉包，少許沙律。我皇上叫了 豬手 ， 皮脆，肉一般，啊這個也有點鹹，不竟是鹹豬手哈哈，點了醬汁中和點。我叫了 黑松露長通粉，口感 ok 的， 我們還吃不完打了包，隔天再叮叮，味道也 ok.我小肥太子也叫了黑松露菌飯（看來我們都几鐘意吃 黑松露 的，哈）。黑松露汁 ok，但這意大利飯是我吃過不下數十次最硬的，米好像未熟，這個真的差矣。最後還有甜品，這個不太甜，ok 好味的，我這個不喜吃甜的也覺 ok；但可能愛吃甜

約左fd去荃灣行下街，經過見到e間餐廳就入左去食tea la。環境幾好feel，d裝修幾靚。店舖唔算好大，而且下午茶時段都幾多人，所以坐得有d迫。d下午茶餐有鹹有甜，我叫左牛角包薯條+煙燻三文魚。朋友叫左雪糕+crepe。份量一般，但食落又幾飽下。牛角包幾香同鬆脆，沙律菜有黑醋幾香，三文魚唔算多，薯條夠熱，唔算好多，味道一般。朋友話雪糕+crepe好食，我試左一啖覺得一般，無咩特別。整體來講，40幾蚊+1既下午茶餐算抵，下次去開荃灣都會食下。