菓一道健康餐廳 (已結業)

之前以為是食素的，原來有素有不素，主打健康，餐牌附卡路里數目供參考。肉以鴕鳥肉、羊肉、海鮮、雞及火雞為主。晚餐$88另加一，包湯、餐包、主菜、甜品、餐飲，其他的加$18可轉餐，加$10連頭盤。最後大家都沒有叫餐，而選其他主食轉餐。昨天的頭盤是煙三文魚沙律。感覺很健康，但沙律醬不知是很淡還是很少，感覺不到它的存在。麵包暖暖的，外面有點脆，餐湯很特別，仍是那句，感覺很健康。主食要了南瓜咖喱海鮮焗紅糙米飯，海鮮頗多，咖喱汁也不錯，紅糙米的口感也頗佳個人覺得很不錯，會再去，但其中三個朋友不大喜歡，其中兩個分別要索取鹽及醬油。

話說小妹見完營養師...得知一個禮拜重0左3磅之後, 驚驚地就去呢度食個健康lunch 第二次幫襯, 繼續留有好印象~今次食佢個LUNCH, 上次食佢個TEA~叫0左個板燒煙三文魚配露筍汁花翅煨墨魚汁麵, 味道整體不俗! 只係佢個SALMON太鹹同墨魚汁麵的墨汁好似唔太能夠同個麵融合咁...整體上清清地, 我好鍾意~~~搭多杯黑豆漿, 無上次咁香豆味...>.<不過, 呢餐食得幾愜意~~

我地叫左芒果雞胸肉串燒紅糙米飯, 駝鳥肉紅糙米飯, 銀鱈魚紅糙米飯, 白肉腸紅糙米飯(唔係好記得d名),各樣都okay~ 每個飯都有好多瓜菜~好鍾意食紅糙米, 好有咬感~ 佢有多種健康米選擇~ 另外, 好buy佢個紅蘿蔔湯, 原因得一個--- 勁紅蘿蔔~!! 正~ 仲有一點點halloween氣氛XD o向menu度列出所有食物o既卡路里, 好細心~ 環境唔錯, 坐得算舒服, 唔逼, 可以坐好耐~ 除番開$7x一個人, 值得一試~

今日第二次來這兒了，叫了蕃茄龍脷柳炒天使麵，好好味呀，蕃茄味好濃..D麵唔會太淋......跟餐\有野飲..柑桔檸蜜不錯哩仲有個湯同包都不錯甜品係芝麻雪糕..好味七十多元，算抵了

多得同學仔介紹, 先至知道這間餐廳主打健康美食, 餐牌上都有列明每款食物的卡路里, 讓食客心裏有預算, 食得放心。本人心水之選是咖喱雞扒紅米飯, 咖喱好味唔辣, 雞扒好嫩滑, 紅米對腸胃好。

叫了一個set dinner$88要了比目魚糙米飯，有一個雜菜湯，主菜，甜品和一杯飲品．個雜菜湯係將d菜打瀾，唔會太咸，幾好飲．個比目魚煮得幾滑，個糙米飯無味，所以要點d汁一齊食．飲品要了黑芝麻豆漿，不過無嘜芝麻味．甜品有得三選一(咖啡雪糕，果凍，番薯糖水)．要了番薯糖水，d番薯煲得幾淋．另外要了一個蟹肉雜茹墨汁麵，個墨汁麵煮得幾夠味，麵質唔會淋又多茹和配料．

之往食健康食品主觀認為一定淡而無味想不到這間店可將這兩方面取得平衡兩個人叫了一客素食春卷主菜就分別是海蜇煙鴨胸天使麵及海鮮焗飯每個主菜加多廿元有湯有飲品及甜品餐湯都幾好味係南瓜湯飲品我就叫左凍柚子蜜略淡但可接受甜品三選一凍比較普通下次都係選豆腐雪榚

之前平日試過來食午餐..間餐廳好忙好爆.今次等了幾個字..無理由唔等下去..等呀等..終於等到個帶位話有位..好了見著張剛清理好便帶我快快入坐...d職員..嘩..呢個給水,那個比菜牌然後我就問個職員..邊樣最快..因我只剩下20分鐘食飯連返回公司..咁同個職員個職員問我心目中想食?...個職員即該話同廚房同事講.我要了個3號個炒麵真的好快便煮出來了.飲了杯好味豆漿..好感動呀!!我以9分鐘9秒的時間食完..好味..好爽..我的來也的走了...呢間d職員好禮貌過對面住家菜.一食完就眼望望..成日想人走.對面同呢邊一樣咁爆咁迫,當然要選間食得開心啦!

今日同朋友黎呢度食dinner，我叫左個set dinner..湯同包都好味，主菜係比目魚造米飯，比較普通但係都好味，最後甜品係木耳紅棗糖水，係木耳唔係雪耳有些古怪但都不錯..仲有野飲唔記得乜名lu.不過都好味..酸酸的呢度比人個感覺係d野食較健康..仲有成個餐咁大都係88元..幾扺！

前些日子.晚上一行幾人到了利舞台..唔知食d咩.咪睇有什麼食.一眼見到果一道健康餐廳..個名好得意..咪去睇有咩食.我和我的朋友看了一會餐牌.不太明白又問了店員..雖然我們問了好似都幾多問題..幸好店員都好好的為我們解答問題.我們再三問問題店員都好有禮貌..最後我們幾個叫了些菜一齊食.個店員推介個鴕鳥扒和三文魚都好好味,總算無介紹錯,另外叫了些素菜..真的好健康.又多菜.第一次食唔知咩什麼糙米飯的我也食到.唔錯..我們還點了個唔知咩麵.有蝦有帶子都好好味.跟餐好低食.有湯有飲有個好好味好熱的包.還有甜品..我們4個人叫了3份也食得飽飽了.d食物好清唔覺肥.太好了..最合我們減肥的女仕..我們坐落唔覺坐了成晚..店員都加了好多次水.招呼都唔錯.下次一定再帶其他朋友來.唔只是覺得坐得擠迫了些..

一行四人,點了蜜汁鴕鳥肉飯,咖喱南瓜飯,鰻魚飯,仲有1個唔記得咩名意粉!加多少少錢有頭盤+沙律~ 食到六成經已飽左,可能五穀有ロ 感又飽肚,連大食既老豆都投降!!甜品有椰汁黑米and西梅紅茶jelly,都好食! 今晚真係健康,唔駛諗減肥lu~

前晚相約友人食飯,看到食評說又健康又美味,決定一試餐\牌上選擇很多,揀吃什麼都揀了很久,因為好多都好想試,餐\牌上食品加$18可轉餐\,有湯,包,餐\茶及甜品,另可再加$10 有沙律餐\湯是菇味的湯,名字已忘了,但好好飲,好香菇味餐\包是提子包,又熱又軟,好味道餐\飲要了熱黑豆漿,豆味香,本身未落糖,可自行調較甜味~good!每個主菜名都好長,長到唔會記得,最好一點是每個主菜都寫明有多少卡路里,最適合我們這些怕肥的女孩子,吃都吃得放心點.我點了一個蜜汁銀雪魚糙米飯,醬汁很\"野\"味,配糙米飯吃一流.銀雪魚焗後很香,又不失魚的嫩滑友人點了一客意粉,似白汁,有蝦有三文魚的,其實都幾好味,但相比起我的飯則較遜色一點.甜品要了雪耳蓮子糖水,很清甜,而且每碗都有不少雪耳和蓮子~~

以前在尖沙嘴試過一次，感覺不錯。今天來這裏，因為是繁忙時段，要等位。等位期間已先落單，服務細心。T：葡汁果子板煎雞扒配有機紅糙飯/ 甘筍椰菜花湯+餐包L：紅洋葱菠菜煙三文魚蜆仔肉炒天使麵/ 熱黑芝麻豆漿兩個餐都是約四百多卡路里，吃得很放心。雞扒味道清淡但可口，反而天使麵稍鹹，但好吃。放了一包太古原蔗糖的豆漿，甜度剛好，證明平日在超市買的包裝豆漿是過甜，放了太多糖。湯不錯，餐包又先問要不要牛油，以免浪費。整體而言，食物水準和服務都佳，價錢又合理。

13 June 2007 (Wed) - 晚飯約咗兩個舊同學黎食飯，但原來佢哋兩個成日黎呢度，只得我一個係第一次黎，認真大鄉里！三個人坐低好耐，都未叫到嘢食，因為太耐冇見，勁多嘢講，女孩子就是如此！最後我同一個舊同學揀咗佢哋既set dinner A1($88)，另一舊同學則揀咗一個dish再加$18變set，呢度啲set都OK抵食！Set Dinner A1 係比目魚扒配紅糙米飯，湯係唔知咩冬菇雪耳溶湯（咁上下啦），另一同學既main dish 係鴕鳥肉配糙米飯，湯就一樣！個湯好得，好好味，好香冬菇味，好溶，好正！我第一次飲咁樣既湯！啲包麻麻，唔夠熱，但同學們話平時佢哋啲包好正好熱，係今次唔得啫，話係我唔好彩！我覺得我個比目魚紅糙米飯唔錯，比目魚扒好大塊，配菜好味好多又好健康，紅糙米雖然冇乜味道，但配埋個汁係OK架！最後叫嘢飲同甜品就係此處較幣筆既地方：嘢飲我揀咗紅梅紅棗茶，佢哋兩個就一個叫熱豆漿，一個叫咩金桔青檸，我仲諗住紅棗茶應該OK啦，點知怪怪的，又酸又甜咁，紅梅係酸，紅棗就甜，好怪啦總知！而甜品我揀咗peach果凍，佢哋一個要芝麻雪糕，一個要．．．．唔記得，我嗰個又係唔好食．

6.9 (sat) lunch原本食隔離o既ease of mind，但成7-80幾蚊食個lunch又唔多值。朋友想黎呢度多ｄ，而且好耐都冇食果一道，所以就黎左…兩個set lunch- 深海魚唔知咩三色飯(個名好難記):其實聽個名好似食完會中毒，唔明佢點解唔specify邊種深海魚。個魚啖啖肉，煎得好香。飯就好似果一道o既一般作風：咩都有ｄ，有菇、青椒…健康ｄ掛-咖喱(素食): ｄ齋扮牛腩。味道有ｄ怪，朋友仲話有ｄ"壓味"，唔係超難食o既，不過有得揀就唔會食囉。呢個其實幾特別，少少辣，唔食辣都可以接受。不過ｄ齋要改良果一道ｄ食物唔會太離譜o既，不過要驚喜o既就唔好黎喇