菜雍坊 (已結業)

兩個靚佬加兩個婦女(今日是三八婦女節)，坐足四個鐘，享受了一頓美味的私房菜。因其中一個靚佬是熟客，預早叫楊總厨寫咗以下的菜單：醬爆螺肉：是齋來的，但像真度是99.9%。 惹味的前菜，喜歡它不辣但也能刺激味蕾。淮香南瓜 ：來個180度對比，這個很清。薄薄的粉炸出來一点油膩的感覺也沒有。精製蹄膀 ：這個我喜歡它個皮做得很薄很脆，再咸少少的話我就給滿分石斛炖响螺 ：明目、下火、好甜、好重料。太白燴生蝦 ：蝦就一定係新鮮，個燴汁就非常正，因個汁滲入蝦肉內，令到成件事好連貫。(有些食店只會淋個汁上去，變咗蝦還蝦，汁還汁)君度特級牛肉 ：呢個望落似普通咗d, 但越普通就越考功夫。我不知牛肉是否特級，但好焾身。能煮出這個“質地”，大厨的功夫是功不可没啊！ 濃湯浸時蔬 ：得一句……佢排得好靚好整齊 生炒糯米飯: 好飽喎！不過都食咗兩碗 湯圓紅豆沙 ：好彩食甜品個胃是分開的……食兩粒湯圓都無問題。坐到11：00，紅酒加吹水之際，總厨一家大細響隔離枱開飯。望望佢地有乜好嘢食先……個湯個湯個湯搞乜鬼？！塞隻雞入豬肚內然後煲湯 ？！今云真係大開眼介 ……當然總厨也給我們一人一碗……正！！

响灣仔食晏好似打仗咁，是但搵間茶餐廳食午餐也要五六十蚊。又要早羈位，一食完又俾d伙計趕，想舒服d食餐lunch也唔容易。記起上個月那間私房菜，知佢地有做埋lunch，就同我5個同事去試試。哈哈，又真係有驚喜，日後可成為我地飯堂之一。佢地set lunch都係六十幾蚊，有廿幾款小菜選擇，包例湯、白飯及油菜。見佢menu上菜名好得意吓。我地當然唔會'立'亂試，就選番大路野及一兩款特別小小嘅菜。我地order了: 咕嚕肉、松子菠蘿魚、土魷蒸肉餅、頭抽煎鷄件、藕片鴨胸 及鬼馬蒸豆腐。再加埋套餐包的油菜，真係食到我地咀"lam lam" 佢地那咕嚕肉係用鮮果來煮！ 快餐一般也用罐頭菠蘿， 而呢度竟然有火龍果、士多啤利、蘋果。好鬼健康 松子菠蘿魚就好開胃，件魚唔係人地的只有炸枌，食得出唔係雪魚。我地最估不到係那鬼馬蒸豆腐，我地以為係油炸鬼蒸水蛋，食到一半時望番menu才記得係蒸豆腐。叫鬼馬蒸豆腐, 真係冇改錯名！正！ 其他的小菜也好好味。而那些侍應仍是好nice的招待，食個lunch但感覺似食晚餐。佢地話大廚係即叫即炒，所有菜式唔係預先煮好。所以每碟上枱也熱辣辣 我地埋單時，侍應提點下次可預先訂位

真係好野要花點時間去搵。 灣仔上個月開了一間私房菜, 有朋友試過話好O, 咪同屋企人去試新野。果然冇令人失望 呢間私房菜入口都幾隱密, 因大廈入口在巷仔內。 上到去, 裝修簡潔, 好舒服, 伙計也好Nice, 我地去食私房茶, 就係要有親切及好的服務。由於要預先訂位及告知價錢, 我地去到也唔知會食什麼。 只見枱上有張餐單, d菜名好靚, 好特別吓。到每上一道菜, waiter也樂意介紹菜式。首先, 佢地有幾款前菜小吃, 這已令我地有驚喜。 松子粟米粒及一個好似墨魚咀的齋, 連我媽咪也讚好到主菜, 嗰晚菜式有: 松茸海鮮羹, 精製蹄勝, 太白燴蝦, 菜謄北菇原條海參, 菜粒炒飯... (另有些唔記得 )當中, 松茸海鮮羹 及精製蹄勝 實必食之選, 個海鮮羹一開蓋時, 嗰陣松茸香味真係好正, 食完仲好想encore; 而那精製蹄勝就好似德國咸豬手咁, 味道當然更好, 而且那層皮脆得過份, 聽那waiter講係大廚自己燒那豬手, 火喉果真夠。 太白燴蝦原來用了酒來煮, 味道特別, 我同家姐就好like, 不過, 媽咪反而食唔慣特別味, 哈哈。 但呢味菜重點係個汁, 佢地有炸曼頭俾我地

朋友聚會, 朋友選了這間新開的食市, 因為朋友喜歡試新菜。亦是朋友預先點了菜及訂了房, 其他人只負責準時出席。先來了三小碟, 其中的金粟松子, 鬆化香口, 所有人都爭着吃, 之後本想多叫一碟, 可惜已經售罄, 下次一定要一開始就多點一碟。我們也預訂了石斛炖螺頭湯, 這湯非常足料亦十分美味, 並非一般餐館能嘗到的。餸方面最有驚喜的是那味精製蹄膀, 即皮脆肉嫩的咸豬手, 實在太...好味, 但這菜必須預訂。此外, 我們還吃了太白燴蝦, 杏仁焗石斑, 北菇海參, 鮑魚雞粒炆飯及甜品。每樣餸都十分大碟, 而且味道亦非常不錯, 真多謝朋友的安排, 否則就嘗不到這美味的一餐了。另外值得一讚的是他們的招呼, 非常親切周到, 有機會一定要encore.