菠蘿仔食堂 (已結業)

菠蘿仔食堂⋯ 理應菠蘿包係招牌，點知中伏。正如其他食客所評，係無試過咁難食嘅菠蘿油⋯菠蘿皮唔脆，包唔夠熱，牛油細細塊仲有勁大陣雪藏味，整個包無半點牛油香味。我估最大原因係出自牛油選材，一定係用廉價來貨，令到酥皮都係咁差。收銀姐姐好熱情同客人講笑，我落左單大大聲嗌「淨菠蘿油熱辣辣」。仲講得出口熱辣辣嘅⋯包都攤凍左！都唔明點解仲可以生存到，無論沙田同東涌都係咁多人幫襯。我不如去連鎖麵包舖買個五蚊菠蘿包喇，使咩晒十七蚊？？

今日係菠蘿仔度買左盒飯，估唔到一打開盒，反轉條魚就見到有條頭髮係度，即刻咩食慾都無哂。。。。。。個衛生情況都幾差下。。。。。。就算佢搞優惠，唔搞好衛生都無用囉！

工作日的早餐，外賣自取最普通的菠蘿油返公司食。可能係我食過最難食嘅菠蘿油，個包好林，連層菠蘿酥皮都係林嘅，中間層牛油有陣怪味，食左兩啖頂唔順掉左。仲要賣$17一個，唔怪得平日朝早附近間間食店都排長龍，得呢間無人。

見接阿女放學仲有d時間去左食個下午茶先！哩間成日經過其實都想試好耐，因幾特別咁平時朝早仲會有人舉牌引你入去買～但因趕返學都未食過食左個餐49蚊、有隻雞脾，菠蘿包夾鮮奶油 同新鮮菠蘿，加杯熱飲我叫左熱奶茶個菠蘿包都ok唔錯，我都第一次咁食，仲要咁食都唔會太甜個雞脾就不過不失！熱辣辣既，不過感覺再耐d會開始overcook鞋口，而家都還ok既！For 飽肚係可以既不過個熱奶茶就唔掂喇，凍既，仲要幫你加埋糖！其實我飲開唔加糖既，但唔想換，一黎唔想浪費野食，二黎佢都算加得輕手既不過如果佢問下顧客加唔加糖會好好多lo!我慣左平時糖自己選擇加唔加所以唔記得講.....環境黎講只係for你外賣，同有張高枱企響度食，而今日我係企響高枱度食總結都可以再試下其他野食～佢仲有個三送飯～豬扒包果d我都好有興趣！如試左再上黎報告一下！

經過東涌港鐵站,見呢度張相個菠蘿包幾靚，於是買來試試，試過後太失望了，菠蘿包還可以，但裏面的牛油太厚，而且吸哂D雪柜味，鷄肶就浸得太耐，甩皮甩骨，而且有变壞的味道，無下次

下午茶食個菠蘿包滿足下個肚仔先，$7個價錢合理可以接受，獨立包裝感覺衛生，我落去有少少實的感覺，坊間出面有啲似食空氣，可惜塊菠蘿皮唔脆，有少少失落，可惜服務有少少慢

今次係👦🏻無意中既一次搵食，話說去左東涌站唔想食咁heavy就想買個間西式平價三文治店，點知原來舖頭轉左做新舖—「菠蘿仔食堂」，見到啲相片同價錢都幾吸引，所以就諗住試下，買左單售$28既豬扒包(套餐連一杯熱飲$38)，佢係即叫即製既，等左幾分鐘就有得食，收到個包既時候真心有俾個份量驚訝左一下，因為佢用左菠蘿包黎做佢既麵包皮，除左正常既蕃茄、生菜、沙律醬之外，佢仲有加入新鮮菠蘿，我既印象入面無食過有新鮮菠蘿做配菜既豬扒包，所以都覺得幾特別同新鮮。佢既麵包好有趣，因為唔似一般麵包舖、茶餐廳食到既菠蘿包，佢用上西式漢堡包再加上菠蘿包既外皮去烘焗，麵包比一般食開既都來得鬆軟，鐘意食菠蘿包既我都覺得呢個新款菠蘿包值幾高分。新鮮既蕃茄片同生菜配合埋沙律醬一直都係一個不敗既配搭，但係始終沙律醬既油膩並唔係蕃茄同生菜可以解決到，所以加入新鮮菠蘿係一個好巧妙既設計，利用新鮮菠蘿中既蛋白酶有助幫助消化，對於細食既朋友仔，可能可以完全KO一整個包。無骨既豬扒唔會柴身，我真係好怕食豬扒包既時候，個豬扒比個麵包更乾更難入口，呢間既豬扒當然無咁既情況出現，唔知道會唔會因為佢地醃肉既時候用左新鮮菠蘿汁，所以塊豬扒好

有睇美食車都會見過呢個菠蘿包，其實係東涌都有分店，佢地既菠蘿包係得過獎，難得去一次東涌當然要試下喇。話明菠蘿包出名緊係有個大菠蘿放左係度，仲戴埋個超型既眼鏡，另外菠蘿包仲可以加雪糕，咁就有埋個大大既雪糕俾你打下卡喇。呢個得獎美食《鮮忌廉菠蘿包》($20)，菠蘿包面皮夠脆不過唔太熱，入面放左一大堆自家製忌廉同埋新鮮菠蘿～不過俾我揀既，都係鍾意食番傳統菠蘿包。店名：菠蘿仔食堂地址：東涌港鐵東涌站22號舖餐牌:

成日都經過呢間野，第一次去食。今次係早餐去食，點左呢個鹹牛肉雞蛋菠蘿包配凍絲襪奶茶。發現係超好食，啲雞蛋好大塊好厚，雖然略嫌鹹牛肉比較少，但係菠蘿包夠熱，上面啲塊菠蘿皮又夠脆。個菠蘿包仲好大個，朝早八點鐘食夠我頂到兩點。$30真係幾抵跟住講個奶茶，係好正宗嘅港式奶茶，我個人超鍾意飲。呢個包，趁熱一定係最好食，外賣的話焗耐左可能會令到個皮林哂。加上趁熱食個外皮係最脆，正！個人覺得用菠蘿包夾咸既野好新奇，仲正過用牛角包🥐

約佐朋友週日去昂坪行山，前一晚搵吓OpenRice 東涌有咩地方食早餐，意外發現嚟間我好想一試，但又未試的美食車”菠蘿仔食堂”，二話不說明天早餐就係佢。第二天，我當然是要一嚐果個招牌”鮮忌廉菠蘿包”啦。現左叫做總算試過，真係有菠蘿嘅菠蘿包。你話好唔好食呢？就好似買個嘉頓餐包，加幾粒地們菠蘿咁樣囉。

剛剛去完沙灘出到黎東涌見好肚餓離遠俾佢既忌廉菠蘿飽吸引左超級大個🍍🍞好彩同朋友share拎上手個飽暖暖的😍個皮又鬆化😝仲有新鮮菠蘿肉👍🏻好正！下次想試下🍦菠蘿飽😋

今早去東涌，見到前subway 唔見左變左專賣波蘿包既店，早餐好抵25元就有個波蘿包，火腿通粉同杯野飲！叫完外賣安頓好一切就開始品嚐一下食個同平時究竟有咩唔同既波蘿包呢？一口一啖咬落去，上面層硬硬地既皮配軟軟地既包！好美味啊⋯⋯同個包真係比平時食開既份量都唔同，依間店既份量比較大！火腿通粉個湯底好好味！通粉係用厚身嗰款！雖然通粉係細通粉黎，配埋個飽份量剛剛好！熱飲隻杯都幾特別，整到成個波蘿既紋，都幾有心思架！

又一個無聊既中午又唔知食乜好上次試咗PINEAPPLE CANTEEN好似唔錯所以今次再去買個飯盒食先門面其實裝都唔錯燈火光明 設計簡單門口餐牌都幾大塊清晰簡潔咁我今次要咗個豬扒腸仔飯飯比較爛 但佢係用珍珠米既(好似係)點解唔用返我地食開個啲中國或者越南米可能想走日式風啦但變得敗筆呀個白飯菠蘿其實我覺得唔太夾個飯但影響不大豬扒一般 唔算出色 咬落唔靭 用汁黎調味搭夠整體一般 但四十蚊算係咁去個茶記或者快餐店可能唔止呢個間添但佢仲有茶飲個茶都有茶味 算好飲

今日係東涌睇下有咩食咁見到呢間鋪係新開嘅門口有個大大個菠蘿包咁我又未食過見佢好似賣相唔錯咁就試下佢啦門面都裝修得唔錯餐牌如上跟住俾佢個瑞士雞脾飯吸引住咁就同女朋友點咗個雞脾飯食啦同埋點咗個熱咖啡瑞士雞脾飯 啲瑞士汁甜甜地 味道適中但汁唔多話勁多成碗飯都唔會話濕晒而雞脾都算惹味配瑞士汁都算幾好味雞俾肉都唔鞋 算滑吸埋啲瑞士汁 啲味道都幾豐富但白飯好爛 好彩佢啲汁唔算多但都冇補於事 太爛啦啲飯真係應該用得太多水煲啦女朋友話熱啡好飲

自從無喺機場工作後，都好少入東涌lu~難得朋友過嚟香港，住喺東涌嘅酒店，我就一早早餐都未食坐車過去搵佢一岀地鐵，就見到有間新開嘅菠蘿包店，就買嚟試下原本想揀個雞脾加菠蘿油套餐，點知佢話十一點先有所以就轉左叫個菠蘿油加腸仔炒蛋餐，包埋熱飲一杯☕️。拎到上酒店先知我比錯左杯奶茶我加上茶底好苦，唔太啱我口味。菠蘿油嘅牛油放得好少，菠蘿包個面唔香脆，有點乾。一咬落無左食菠蘿油個種香脆加牛油香夾埋一齊食嘅滿足感。比較失望。腸仔炒蛋質素就正常，不是滑蛋，不過不失。總評價不高，香港岀色嘅菠蘿包有太多，可以用更便宜價錢選擇更好。