華園甜品專家

營業中

休息中

有一晚係新蒲崗食完飯見到間米芝蓮得獎糖水店係附近, 當然要食埋先走離開當晚大概11點半到達唔需要等位, 見天氣寒冷乾燥就叫咗個木瓜銀杏燉雪耳滋潤一下, 個燉盅好熱要小心, 入面都有4件木瓜, 剛好唔會燉到淋晒, 材料都好多, 糖水唔會太甜, 好滋潤, 價錢非常親民. 此店營業至12點, 接近關門時間仲有人入來進食, 果然好多米芝蓮粉絲

這𥚃的芝麻糊芝麻味濃 甜度適中 質感未攪匀前偏稀揾匙攪一攪又杰身番感覺是真材實料已經幫趁過好多次只要我想食芝麻糊☕️就會心掛掛黎華園仲有 老闆/店員發自內心嘅笑容找到這石屎森林不易找到的溫暖&人情味加油支持這用心小店

諗住去外賣飯後甜品，點之買到一肚火，藐嘴藐舌，服務態好差，好似啲客係佢殺父仇人咁嘅樣，自己無聽清order怪d客，特登敲勺敲到大大聲咁，完全無米之連質素，普通中式甜品，大把老牌甜品鋪好食過佢地，不知所謂，無下次。

每次喺新蒲崗食完飯，都一定會去食埋華園既糖水先走😋個人本來唔係特別喜愛中式糖水，不過呢間令我一試愛上～特別係個合桃腰果糊，好香好滑，甜味適中，每次去到必Oder 💗另外仲有薑汁燉蛋同燉奶亦係唔錯嘅選擇～不過本人唔建議食西式甜品，試過味道好一般～甜品價錢亦好大眾化，希望之後都可以keep住水準

食完飯 緊係要食番個糖水吹水叫左合桃露 合桃燉奶 薑汁燉奶 同渣咋合桃露: 因為見好少有得食 我叫左一碗試下 好滑 好香合桃味其他都係朋友叫既~~~ 我就每樣都有試合桃燉奶: 我會建議有又想食合桃露又想食燉奶既人叫呢個 因為比合桃露只係多3蚊燉奶好滑 無諗過同合桃露會甘夾薑汁燉奶: 上面讚完燉奶 呢個薑汁燉奶就有d失望 唔知點解食落咸咸地同苦 而且唔滑身可以唔食渣咋: 好多豆 好香椰汁不過唔同好豆既我 就唔太吸引之後叫多個榴連冰有d細 但係好夠臭榴連味比想像中重不過呢到都好多人排隊 想食野就要等下喇

有追睇我openrice/ig既朋友仔，應該對華園唔會陌生喇!華園係獲得米芝蓮推介既一間糖水鋪！之前我都係偶然睇電視見到介紹就去左食，點知一食就愛上，成為左我既老地方!宜碗養顏杏仁糊（$18）賣相白雪雪滑溜溜，非常吸引！入口濃杰度剛剛好，每啖杏仁味都好香濃，質感幼滑！最值得食既原因除左佢又平又好味，係因為養顏呀！係！養！顏！呀！對女生來講，好重要吧！

鍾情中式糖水多於西式甜品，偶爾去新蒲崗用膳之後會去到這間華園食糖水，今晚亦不例外。一進去，看到門口貼上了米芝蓮推介的海報，才知這小店如此厲害, 心想聲名大噪後應該會漲價吧，看看餐牌，好像只是加了1-2元，加幅尚可接受。例牌點了桑寄生蓮子茶，茶味不算很濃，但飲得出紅棗的甜味，飲完不會覺得飽滯。不用20元便可品嘗有水準的糖水，依然是價廉物美的選擇。

獲得米芝蓮推介既華園甜品，真係實至名歸！又平又好味，簡直係吃貨恩物楊枝甘露（$19）有齊西米、芒困、柚子粒。西米既份量同芒果粒既份量都好多，酸中帶甜，解渴開胃！

門口貼了張米芝蓮2016 食店海報。薑汁燉奶唔算甜，薑味有點淡淡的，算滑，味道唔錯！我見同檯的食客叫了個芝麻糊，算稠，幾香。整間食店提供的款式唔算好多，都算做得出水準！價錢唔算貴，可以一試！

新蒲崗星期六，日都比較少食店營業，好在華園甜品都有開，可以一嚐米芝蓮推介既糖水。雖然係米芝蓮推介，但呢度既甜品價錢一啲都唔離地，大部份都係十幾廿蚊左右，平民價就食到啲星級美食真係幸福。我叫左呢碗合桃糊都只係17蚊咋~ 好耐都冇食過咁平既中式糖水，仲要合桃糊磨到非常平滑，亳不起沙，入口即被濃濃合桃味征服，秋涼天氣食更為保暖。其中一個招牌糖水就係喳咋啦~碗喳咋唔會因為只賣17蚊就偷工減料，反而仲好多紅豆，芋頭，西米露，腰豆等等，食完包你飽。仲有糖水唔會稀，椰汁奶味更起左畫龍點精之用，喳咋混合椰汁後香甜味美。

我細細個就住依區，由細到大每當食完飯後都扭計要公公帶我去糖水鋪，細個就鍾意咩都叫凍既甜品，而家大左就鍾意食熱甜品，食落有種情懷，我好耐無踏足依區了，經過點都要黎食碗糖水回憶下而家黎到都要等一陣位，因為真係長期爆滿，座位與座位間雖然迫，但我鍾意佢夠地道，等左一陣有位，餐紙都係放係枱玻璃底，價錢合理夠哂新民，我叫左個熱合桃露，我朋友叫左凍蛋白燉鮮奶。補腎合桃露: 用左個舊懷豆腐碗裝，成碗熱辣辣，食入口好香合桃味，合桃磨得好滑，少少沙都無，真係超正點蛋白燉鮮奶: 好重蛋白味，口感好滑，食落一D都唔覺得有濟膩感，好好食

新蒲崗有很多隱世美食小店，保留著一種舊有的人情味～星期日的下午，店舖人流多～光顧的大多數是街坊街里～店舖以中式糖水為主打，還有綿綿冰等選擇～價錢亦十分經濟，十零二十蚊～最貴都是四十蚊內！喳咋 - 材料足秤～紅豆、綠豆、紅腰豆、芋頭、西米均煮得軟稔粉嫩有口感～而且甜度適中夠冰涼。

一直都不知道原來公司附近有一間隱世的「平民米芝蓮食府」,而放工也剛好經過,就入去試一碗中式湯水吧!看到價錢都很平民化,因為時候尚早,所以人流都不多,都是3-4個人。整體環境也算寬敞,所以坐得也很適舒。我就點了薑汁燉鮮奶,食下去不算太熱,溫溫的,面上有薄薄的薑汁,食下去不會太辣。而燉鮮奶的確夠滑,而且入口也輕易溶化,奶味也很適中,這碗價錢也只是20元,我覺得也算很合算。可以日後和同事來這裡一試其他中式糖水,價錢也很大眾化,令我會再次光顧的。

跟男朋友去了新蒲崗mikki行街，有間非常出名的甜品舖近在眼前, 雖然只是黃昏時間，但怎也要入去品嚐一番～由於只有我跟男朋友吃，我們只點了蕃薯糖水（＄14），及甘露豆腐布甸 （＄23）～ 在店舖有宣傳豆腐布甸是新產品，而我跟男朋友討論時發現此布甸有三種配料，甘露，芒果及雜果～ 結果我們點了楊枝甘露加豆腐布甸，想不到效果是這樣的好，勁好味呀！！  豆腐布甸本身是很淸的，但一配上楊枝甘露則非常襯，芒果不算太甜，但味道剛剛好，但只是整碗的味道太甜～ 若果減少些糖分應該效果會更好～ 原本是我男朋友點的甜品，結果我差不多成碗食哂，呵蕃薯糖水方面則若果再多些薑味會好些（因為我係勁鐘意薑汁味的）～ 但整碗也是非常美味～ 果然真的是甜品專家 

即興食甜品，新蒲崗區選擇不多。去左好出名既「華園」，米芝蓮一星小店。店內無咩裝修，都唔好期待有服務。甜品款式好多好齊全。最吸引係價錢，大部分十幾蚊有交易！我地叫左芒果布甸同什果西米露。賣相一般，但足料好味！芒果布甸上面有一個雪糕球，比布甸更精彩，好香雲尼拿味！什果西米露有三種生果，西瓜、蜜瓜、火龍果，全部都好新鮮，西米露都夠滑！甜品好食，但唔算太大驚喜。質素同九龍城區各大甜品店無咩分別，分別就係佢賣一半既價錢。如果你只想食一碗平靚正甜品，而唔想花錢買裝修、服務、賣相的話，不二之選！