華園甜品專家

營業中

休息中

新蒲崗星期六，日都比較少食店營業，好在華園甜品都有開，可以一嚐米芝蓮推介既糖水。雖然係米芝蓮推介，但呢度既甜品價錢一啲都唔離地，大部份都係十幾廿蚊左右，平民價就食到啲星級美食真係幸福。我叫左呢碗合桃糊都只係17蚊咋~ 好耐都冇食過咁平既中式糖水，仲要合桃糊磨到非常平滑，亳不起沙，入口即被濃濃合桃味征服，秋涼天氣食更為保暖。其中一個招牌糖水就係喳咋啦~碗喳咋唔會因為只賣17蚊就偷工減料，反而仲好多紅豆，芋頭，西米露，腰豆等等，食完包你飽。仲有糖水唔會稀，椰汁奶味更起左畫龍點精之用，喳咋混合椰汁後香甜味美。