華園美食

營業中

休息中

咁啱行過見有位就入咗嚟，覺得可以encore ，呀姐都有禮貌又快手。食物全部比想像好吃。奶茶都好飲。 特餐有幾款嘢，下次試下啲飯，睇落好大碟。好少寫食評原來要八十字，下次都係懶得寫。

係黃埔食野有好多選擇，今日揀左一間平時行過見佢唔太起眼，但係有好多捧場客既華園美食。每次試一間新既茶餐廳都會試下佢既熱奶茶同埋炒飯，所以今次就揀左欖菜牛肉炒飯。熱奶茶合格，佢既溫度、茶味同奶既比例都唔錯。佢既炒飯俾到好大既驚喜我，本身係大排檔以外既地方食炒飯都預左唔會有好勁既鑊氣，呢間亦都唔例外，但炒飯既基本功做足💪上菜之後已經見到佢炒得幾乾身，白飯粒粒分明👍欖菜同牛肉既分量都唔少，味道好夾。落油亦唔會重手，食完之後唔會見到碟底有油。整體賣相同味道都非常好👍日後會繼續幫趁👍

位於紅磡小巷嘅小店，店內座位唔夠，好多客人都出咗門口排隊。價錢真係非常實惠，食物質素亦都可以，勝在非常大份，我見隔籬枱嘅意粉都滿滿一碟。我同朋友點咗茶餐、牛肉通粉、仲有鹹牛肉炒蛋多士，茶餐仲可以有杯熱飲，點咗杯熱奶茶，熱奶茶味道香濃，係港式茶餐廳嘅味道。因為唔想食咁多飯，所以叫咗個雜扒飯走飯，雜扒可以叫佢走牛，大家平均都係幾十蚊落樓，真係好抵食，相信吸引到唔少街坊，所以如果嚟嘅話要早少少唔好撞正晏晝中午。

舊區重建中有不少地道的餐廳掩沒在時間的洪流之中，最近想襯著這些還沒有消失之前嘗試一遍。今次就來到紅磡、黃埔這，找到一間港式茶餐廳 - 華園美食從店員到客人的交流就能看出店內的大多都是熟客。每次去到茶餐廳，10次有9次我一定會點全日供應的特餐。主要是因為起身很晚的我總會錯過吃早餐的時段。金牌特餐 ($45) - 經典組合，要配的當然是奶茶。香滑的熱奶茶不用加糖，茶香而不澀，不喜歡奶味偏重可以一開始就叫少奶喔沙嗲牛肉通粉也是我指定的選擇，每次都是一個挑戰。因為我試過在茶餐廳食"沙嗲"會肚痛，不過這間沒這樣的情況。牛肉軟嫩也入味，通粉份量也多。沙嗲有微微的花生醬香很惹味。配了咸牛肉奄列 + 牛油多士。平時奄列多數只有火腿，見有咸牛肉當然要點。奄列不是滑蛋那種頗地道!? 但內餡是有蛋汁。多士則是已經烘底喔！

雖然一間茶記小店 但好好食 😋特餐裏面沙嗲牛肉麵超入味 多士都係有烘過裏面啲牛油又夠 下次要試埋茄汁雞髀飯 好多人話好食 不過又係多人排隊嘅餐廳 下午1點2點好多辦公室同事去食

卒之有戲想睇出左spider-man一定要去支持下我同老公都有情意結鍾意去黃埔睇戲睇戲前食個午餐先，老公一諗就諗起華園我哋好耐都冇踏入黃埔呢個區域仲喺度諗緊華園會唔會冇咗呢🙊果然冇令我哋失望，同埋仍然都係咁多人我哋等咗一陣就有位侍應姐姐好好俾我哋坐四人位差唔多食完嘅時候先有一個叔叔入嚟坐隔離侍應姐姐都好好服務即刻搵個甲板隔住第一次嚟呢度食湯飯原來係咁大兜個湯仲好好味添老公不嬲都係食雞髀飯話佢嘅豉油汁係最好味😛😋

依家香港冬天一D都唔冷，好懷念四十年前嘅香港得果八度六度嘅冰凍日子.....當年重要凍成2~3個月！想話簡簡單單食個飯，係民泰街行咗一圈，間間餐廳都好似無強勁嘅冷氣，華園餐廳閂咗大門相信有冷氣開放，打開門，冷氣迎面來，於是坐底，希望熱辣辣嘅我可以盡快降溫.Menu 有粟米豬扒飯，為免嚟嘅係玻璃芡汁，於是問清楚女待應，答案係粟米汁唔係玻璃芡汁，於是放心點咗一客，凍o茶少冰.𠵱？又話係粟米汁？點解變咗白汁？都算！白汁淡而無味，似金寶湯制成嘅芡汁.....都算！塊豬扒似豬肉乾，薄EE! 食唔到D咩味出嚟，份量又少，重點有下次！嘆冷氣，令我由地獄折返人間，食哩碟所謂粟米豬扒飯，卻將我由人間打翻落地獄，人生淒慘莫過於此.....

平時都有食開華園，今次開 party 搵華園幫手整嘢食，call 車將食物送上門，d 食物仲好熱辣辣。美極叉燒炒飯：叉燒好juicy，d 飯炒好乾身。豬扒牛扒午餐肉紅腸拼盤：樣樣都有得食，好滿足。雞蛋火腿薯仔沙律：雞蛋火腿鋪得滿滿，如果薯仔再切得細舊 d 會更好。鮮茄牛肉燴意粉：茄汁甜甜酸酸，牛肉又淋又滑，d 意粉沾滿晒啲汁，好開胃。星洲炒米：炒得好香噴噴，有少少少少少少微辣。生菜鯪魚球：鯪魚肉大大嚿，好彈牙！瑞士雞翼：瑞士汁好好味，啲雞翼好入味。今次我叫返華園餐牌有嘅食物（我食過最有保證），茶餐廳到會可以同朋友分享熟悉的味道。其他餐廳 d 到會套餐未必樣樣啱食，我就最鍾意華園好 tailor made，如果你想食佢哋餐牌以外嘅嘢都得，佢哋都會盡量安排。

Old style cha chaan teng with decent menu and prices.Went for lunch and ordered a typical meal for this kind of local cafe.Soy sauce braised chicken leg, fried egg served with rice.Chicken was not dry and extra soy sauce is served on the side, the nice sweetened kind. Asked for sunny side up for the egg and got exactly what I ordered.So happy with this lunch, $49 with iced lemon tea!!Place isnt that big so can get cramped.

這家小店不出名，看入去只是一間普通的小店也沒有什麼特色的食物，但這裏的鮮茄雞脾燴意粉是我每次到紅磡必食😛鮮茄雞脾燴意粉 $53 非常港式的燴意粉，茄汁炒意底，然後淋上鮮茄汁和各式配料，有洋蔥，青椒，草菇，新鮮蕃茄，每一條也可以吃到滿滿的茄汁🍅 味道算不上驚艷，但卻是一種食極不會厭的地道風味🤤雞脾係用瑞士汁雞脾，ꜱɪᴢᴇ非常大，食落好滑好多汁，最重要是不會鹵到過淋～除了雞脾，也推薦鯪魚肉鮮茄燴意粉，鯪魚肉大大粒充滿麻油香～

做街坊生意啦，早餐午餐晚餐炒嘢都OK。佢嘅牛肉包幾好食好香個包好香脆牛肉夠多加埋少少牛油配合好味。另外就係出前一丁，湯底都幾香，配合埋豉油雞翼組合唔錯煮得唔錯。

今日黎到紅磡 睇下有咩好食行行下 係條巷仔見到呢間外觀正正常常但坐滿人 應該都幾好食既等左幾分鐘就人有賣單一坐到落去 見格離枱d人食雞翼好似幾正咁我又整返個雞脾蛋飯隻雞翼大件 又有色水 入味又唔乾身 加埋d秘製豉油 同隻蛋 撈埋d飯 一絕

😍每次你都華園美食都會叫鮮茄燴意粉自己就最鍾意食鯪魚肉、牛肉👏🏻👏🏻今次再食鯪魚肉，雖然知道鯪魚肉都係溝左粉，但好鐘意食佢有麻油香既味道♥️而且真係覺得呢間餐廳真係好足料每次嚟到食都會份量好多💁🏻‍♀️💁🏻‍♀️但係價錢一啲都唔貴🤤💰💰真係覺得好抵食♥️而且最欣賞佢好多配料，有洋蔥、番茄、蘑菇、青椒，每食一啖都覺得好豐富好有層次感😍😍😍味道方面，真係比較舊式餐廳嘅味道蕃茄醬汁偏甜，如果多啲酸味就更加完美😆😆😆😆

紅磡一間小食，位置唔多，幫襯人流都幾多。熟客一定來幫襯，因為真係好味的。夠誠意！ 食物雖然普通簡單，但味道係有水準的！😜😜😜出名係豉油汁，飯係大大碟，仲有菜配埋碟飯。夠細心！ 我叫左牛扒煎雙蛋飯，叉燒煎雙蛋飯。堂食$43一碟飯已經包一柸熱飲，午餐抵食！因為疫情，華園仲做緊一個外賣自取價$30，加$2仲有一柸熱飲，加$3仲可以有一柸凍飲。超抵食！ 一間細舖，經濟實惠，用心煮，用心做。支持小食！支持香港！

紅磡美食系列 （二）呢排真係好忙，所以真係好攰，連飯都懶煮，所以諗住係屋企附近食。😋😋😋成日都見到人介紹呢間餐廳，特別介紹佢嘅燴意粉，所以就決定去試下啦！🤣🤣🤣@華園美食鮮茄雞脾燴意粉真係好港式嘅燴意粉，有洋蔥，青椒，草菇，新鮮蕃茄燴制而成，好多汁，但又唔會好糊口，食到新鮮蕃茄，唔會得茄味果隻，酸酸甜甜，好開胃，雞脾係用瑞士汁雞脾，食落好滑好多汁，最重要唔會鹵到過淋，好似食梅肉咁，真心好食👍👍👍評分：80分。章魚雞粒加臘腸煲仔飯因為天氣開始轉涼，佢哋都新加咗煲仔飯，經姐姐推介後，我哋就決定叫，佢話大約等廿分鐘，飯嚟啦！我見到就有少少失望，因為唔係煲仔上，係錫紙兜上，完全冇咗煲仔飯嘅風味，飯又唔夠乾身，米粒緊緊夠熟，臘腸係加咗$9，感覺有d比人搵笨，但都好彩，係有飯焦嘅，始終比我個人感覺唔太良好，失咗好多分。🙈🙈🙈評分：50分（唔合格）