影片
港鐵黃竹坑站B出口, 步行約1分鐘
繼續閱讀
電話號碼
25553620
營業時間
今日營業
11:00 - 22:00
星期一至六
11:00 - 22:00
星期日
全日休息
以上資料只供參考, 請與餐廳確認詳情
平日午飯時間來要等位等落單等食物到。第一次來點了花膠雞米線，等了近半小時才到的熱騰騰米線，對於只得一個小時午飯的打工仔來說確實要吃得有點趕。不過吃第一啖已經消除了之前等待的不奈煩，雞湯味濃厚而不鹹，花膠足料又份量多，雞脾肉嫰口，大大碗，性價比極高。之後也有光顧好幾次，嘗試其他不同的小菜，也同樣出色。廚房內只得一個廚師，負責餐牌內幾十款菜式，每道餸也是即叫即做。樓面只有一個姨姨負責下單上菜凍飲收錢執枱一腳踢。每一道菜式也感受到廚師的功力和心機。雖然繁忙時間等候時間有點長，但也是非常值得。
繼續閱讀
禮拜六去蒲台島行山返黎，去黃竹坑站隔離南朗熟食市場2樓食飯，一行13個人，都夠位坐，老細熱情招呼，態度好好👍選擇多，上菜好快，味道出乎預料的好，份量十足，平均一個人50蚊，都食的好飽，性價比超高！
繼續閱讀
華寶小廚我第一次午飯時間去2023年8月9號（12:00-13:00）嗌碗花膠雞米線，同事嗌咗個飯。係忙嘅，叫嘢食都嗌咗好耐，隔離枱啲男客人大聲幫手嗌話點餐先有人理。嘢飲嚟得好快。嘢食催咗幾次都未有，眼見其他遲嚟嘅人都已經有飯食仲食完，覺得唔對路再催，原來已經等咗九個字，最後要鯨吞碗米線趕返公司⋯⋯今日2023年8月18號，見同事今日請咗假，俾多次機會去呢間喺熟食市場三樓嘅「華寶」啦。附近無乜食米線嘅地方。今次叫胡椒豬肚雞米線，嘢飲又係轉頭就上，我等到快五個字，就問佢地睇下我個米線得未，有無落單啦⋯⋯個肥婆職員話：「呢度食嘢係要等㗎！唔等得去第二度丫」我話：「上次我已經等咗九個字⋯如果我有兩個鐘頭食飯時間，我都可以同你等九個字嘅⋯但係我得一個鐘咯⋯」隔離枱2個男人都笑話：「又係呀⋯我地得一個鐘食飯時間」呢個時候我對面啱啱有2位男客人坐落嚟聽到，就問：「下？要等咁耐呀？」我話：「係呀⋯我上次等碗米線等咗九個字，今次等咗半粒鐘」跟著2個男人起身走，個氣燄職員向我發脾氣：「你唔等得就唔好喺度食！我做到執笠都唔做你生意！」（你咁做生意真係等執笠）我話：「無下次呀！」佢話：「咁你個麵仲要唔要！」我話：「我已經等咗半個鐘喇！仲可以去邊度食呀！梗係要啦！如果你要人等咁耐嘅，一坐低你就要同人講聲要等半個鐘頭以上啦⋯⋯唔係一味催，你一味要等呀！要人等大半個鐘先有嘢食」附近又無乜食肆。個廚房佬氣衝衝又出得到碗米線出嚟，個女人放完碗好滿湯嘅米線之後又發癲，拍枱鬧我：「十一點嘅外賣都未出到呀！」我問：「我問題呀！？要我等半個鐘仲拍枱閙我！？」有個瘦嘅女職員撳住佢。最搞笑當眾話我掛著一味撳電話！我同你打工呀！？咪就係你嘢食未嚟我先撳電話等，等半個鐘問嘢食嚟未好過份咩？你嚟咗嘢食我咪唔撳電話咯。之後嚟啲客人佢問人：「有無時間呀？要等半個鐘㗎！」人地猶疑想走，佢又低聲下氣，我都看在眼裏。到我俾錢時，我同瘦嘅女職員講：「大家都係女人，佢淨係惡我一個女人，對住其他男人就低聲下氣，女人洽女人，佢自己唔係女人呀！？」（擺明欺善怕惡）個瘦女職員話佢係咁⋯同埋佢啲雞脾要時間烚嘅明知lunch time咁忙又唔夠人係咪烚定幾隻喺度呀！烚個麵你咪教timer咯⋯又唔駛睇火自己蠢唔識偷時間仲大聲夾惡佢夾硬上俾我碗米缐隻雞脾未熟㗎午飯時間唔止要有等九個字嘅準備，仲要受到氣先好去食。無啦啦我無諗過食飯都要我發咁大火🔥
繼續閱讀
上篇大家樂食評提到,噚日 (18-11-2022 Fri) 同老公放假,特登去黃竹坑地鐵站隔離嘅熟食中心食晏,我哋嚟到啱啱係lunch高峰期開始,幸好仍有位,我哋要$80.00嘅華寶一品窩米線,有鮑魚,花膠,海參同冬菇,店員話今日冇海參,補返雞件可以嗎?我就反問唔要雞件*,可唔可以要鮑魚?佢答可以.咁我哋繼續睇要咩嘢,佢就提醒我哋有蜜瓜凍飲送,亦好快就嚟到.咁我哋唔使嗌嘢飲,但要多碟菜吧,睇睇,原本想要蘋果沙律,但要拼雞扒或雞中翼,我唔想食咁多肉,所以放棄,就決定要$78.00嘅啫啫芥蘭,但冇芥蘭只有菜心,咁要菜心啦.先飲啖蜜瓜凍飲,味道係對版同甜.味道:3分冇耐, 華寶一品窩米線到嚟,睇見佢俾咗一大兩細嘅鮑魚,花膠份量唔算少,冬菇好大件,我哋分好就開動.米線口感正常,啖湯唔鹹又好味;花膠夠腍但又唔會冇口感;鮑魚亦都係軟硬適中,亦入晒味;大件冬菇厚身又juicy,好正.味道:5分, 抵食:3分然後啫啫菜心到嚟,份量唔多,$78.00就有點兒那過,而佢哋用咗豬腩肉炒,食落唔算惹味,同食普通炒菜心分別唔大.味道:2分, 抵食:2分其他:呢喥重好好多嘢食,不過相信我哋專程再嚟嘅機會唔大.𠵱 o家睇返,至發現原來有$36.00嘅流心蛋蘋果沙律.*雞件老公嘅女同事食過$60.00嘅滋味花膠雞米線,佢係讚啲雞好滑,不過雞喥喥都有,所以我唔要雞件.
繼續閱讀
您可能會有興趣的...