華星冰室 (西洋菜南街)

營業中

休息中

眾所週知，華星冰室係由一眾明星夾份開設既茶餐廳。入邊嘅餸菜都名字都比較有特色，例如校長多士、重口味一丁、撻沙一丁、森美滷水雞髀等。門口多數都會有條人龍，但流量都算好快，唔駛等好耐就入得。鮮牛肉通粉，味道認真一般，湯底冇特別但通粉過腍，而牛肉又過鞋，總之可以唔洗再叫。鹹牛肉蛋餅重口味出前一丁，所謂重口味湯底，即係番茄湯。蛋餅嘅鹹牛肉味唔太出，但都算係出面比較少見既配料，如果鹹牛肉份量可以多少少，咁就好喇。豬扒包，豬扒都算厚，香茅味好重，但食落味道偏偏又好淡。唔juicy唔嫩滑，口感仲有少少鞋，都真係麻麻地。如果想慕名黎睇下明星相，都可以試下，但就唔好期望太多了。唯一可取是店員友善有禮，比一般茶記高質！

逛完花園街有點肚餓，一個人都唔知食咩好，行過華星冰室，見唔係太多人，就入去醫下個肚！雖然有下午茶餐，但最鍾意食呢度嘅鮮茄燴意粉，香港地唔係咁多餐廳，整鮮茄燴意粉整得好味，十居奇九個汁都係生粉太多太杰，呢度果汁調得恰到好處，蕃茄夠新鮮，牛肉份量又多，咬落煙韌，牛味濃，每條意粉都沾上番茄汁， 十分好味！

好耐冇去食過。今天經過再去回味一下。發現好唔掂。首先啲伙記好唔客氣，在外面排隊已經好惡咁同你講野，好似審犯咁。食物質素方面真係差咗好多。食翻佢個常餐，個通粉啲湯好咸好糊，是煲了很久很久的後果，义燒好靱，食煎蛋，個蛋炒埋一舊，唔識煎。總括個餐都可以食嘅，不過唔值$47蚊啫。以前食佢因為佢的員工冇澳洲牛奶公司咁串，個常餐都不差太遠，點知而家真係以後唔駛去。不過對於一般過境自由行係冇問題既，因為唔知乜頭乜路，信咗啲宣傳去食，所以食客95%都係自由人。正呀！

常餐冰室控揮手👋🏻區🤗有無人一入茶仔就好想睇下有咩常餐呢⁉️ 見呢間野好似好出名又未食過，就試下啦😂，去華星要食常餐是常識吧‼️🉐 ——————👉🏻常餐火腿炒蛋多士連飲品☕轉左食牛肉通粉🐮🐮牛肉唔係平時咁沙嗲果D，牛肉係預先調左味，不過不失😌都有好多塊下，而通粉配雞湯個味都幾濃‼️唔錯👍🏻👉🏻炒蛋多士成日聽，炒蛋都算叫滑，但感覺個蛋味唔太出，我最後要加鹽，重口味‼️🧂但份量唔少！👉🏻🍞多士夠厚，加埋少少燶底，本身想唔食住，但對面的女人話即熱趁熱試下，果然係OKAY WO❗️外脆得黎，入面都有少少帶鬆軟岩岩好！👉🏻冰室我一定會忍唔住飲奶茶，我幾喜歡佢個濃茶底，唔重奶味都唔會澀🉐👍🏻👉🏻常餐呢到唔會太趕太催人，重成日大排長龍😌-------------華星常餐 $47旺角-華星冰室

佢最好係服務！整個地方感覺乾淨 坐都OK舒服（無人趕你快啲走）非常有耐心嘅服務業👴🏼 食物普普通通 飲品好多奶 麵包最好食 公仔麵最難食🤐 Overall a nice place, even for foreigners trying to get a feel of the local food.

之前成日聽人講呢度常餐好食，炒蛋好食，呢晚趕住開會，所以約朋友去呢度快食，我當然唔使諗叫常餐啦。首先佢塊多士係真心厚嘅，都烘得唔錯，但有牛油會開心d 囉，就咁食好似drydry地。佢個炒蛋加火腿真係好求其，火腿純粹淥熟左就算，個蛋係大份嘅，蛋蛋味未夠濃都唔夠滑一定要加胡椒先食得落。個通粉先係最失望嘅位，什麼也沒有，通粉好硬完全無彈牙口感 唔知自己食緊一堆麵粉定點，個湯同味精湯無異，所以就算睇落唔多，食一半都已經飽到唔想食。最downgrade係原來那個常餐係唔包飲品架！所以埋單都唔平，真係唔理解其他人覺得好食嘅位係邊度...我寧願食普通晚餐無咁hurt.

唔講食物，員工服務態度極差又要漏單！叫左炸雞脾等左20分鐘我善意提醒下個伙計一次，叫我唔好吹佢地。提左伙計第二次，態度依舊傲慢。一直以為我既提醒係錯，以為我一直淨係識吹單。好心你地自己檢討下自己既服務態度！到最後伙計們咪又係發現真係漏左我單，華星員工我話你知，唔好以為自己好醒！客人講一句問一句都係錯？你地永遠都是對的？員工對食客黑口黑臉，食客問幫拎個餐刀都要客客氣氣？算咩啊呢間冰室？我黎食野得罪你？你唔尊重食客時，食客根本唔會尊重你，比你差評好正常。旺角華星係我出生到而家遇過態度最差既餐廳！大把冰室做得好過你，態度好你好多！唔好自以為是，你憑咩咁傲慢？「祝你生意興隆！」

三點三，又係食下午茶嘅時間。難得今日無咩野做就出去買個tea返公司食先。平時lunch經過華星冰室都會有超級多人排隊，今日無咩人緊係要去食啦!!華星冰室都有好多唔同嘅選擇，好想食滑蛋，但又想試下校長多士。但最後叫左個黑松露炒蛋。炒蛋係整得幾出色，好香蛋味同埋好滑。可能係叫外賣，啲蛋汁流晒入去多士到，搞到多士變淋左。最失望嘅係無咩黑松露味。下次食多士都係堂食好啲。最要改善嘅係員工服務態度，真係有啲差。

我也經常去食,為求一餐,入去食要有一個字,就是(忍)排完隊坐落,你就會發現這裡有一個特色,除了所為食品外,就是這店內員工服務態度極度差劣,當員工代客人落單時,對話態度極度無耐性和語氣甚差,我也看慣,:而食品方面都是什麼常餐,味道0k,其它就麻麻,入去也多是旅客,他們也感受到不禮貌招待,留下不好印象,也影響旅遊業,我也見慣,所以快快食t完走人,但真的希望這公司真的注意員工服務態度,希望有所改善,客人才可真的享受食品,今日又去了灣仔呢間食,但這間D員工就有正常服裝,l

今日經過呢間野，見到有十幾人排緊隊，見呢間野好似好出名咁，所以就決定試下😂。最後大約等左15min就入得，但因為個陣已經1130am,所以就食唔到平啲嘅早餐啦😞😞，最後叫咗一個常餐$47+$3凍飲常餐包一碗通粉/意粉+火腿炒蛋多士連飲品☕️牛肉通粉🐮🐮老實講呢碗野味道真係好普通，牛肉都唔係特別話好食，有兩舊仲要好硬咬都咬唔開😑火腿+炒蛋🍳🍳啲蛋都炒得幾好食既都幾滑，火腿就無評語啦，都係咁既味，多士係厚個隻，所以都幾飽肚🥪🥪凍奶茶，黎冰室就諗住飲奶茶試一試，點知都係好普通，唔係話特別好飲，有少少失望😞題外話，我就覺得呢個價其實真係唔係好抵，多人排但味道真係好一般，同其他茶記真係差唔多，而且因爲多人排，服務員可能比較忙，所以對客人既態度都係一般般😔

第一次嚟食首先中肯啲講句嘢食味道唔差本人好鍾意飲奶茶依度既奶茶都夠味可以話係合格以上嘅作品但問題來了對冰室呢類型嘅餐廳本身對服務都冇乜期待都會估到你食晒啲嘢之後會行嚟行去想你快啲走但我啱啱食到唔夠20分鐘啱啱食完個飯姐野都未開始飲(係成杯凍檸茶滿嘅)啲waiter就不停係我身邊講多謝哂每隔一兩分鍾就過黎放低啲新嘅餐具(頭2分鐘擺完2分鐘後再放多兩杯熱茶同埋兩套新嘅餐具) 完全係逼人走自問食左20分鍾左右姐仲要兩個人野飲都未飲完全無霸住張檯Staff 無禮貌真係一個好大影響就算幾好食嘅嘢都會變得唔好食希望大家行入去之前要有心理準備唔好中伏未試過咁冇禮貌嘅餐廳🤦🏻‍♂️

華星冰室唔使多講大家都聽過甚至都一定食過架啦。咁今日食完就想寫翻篇食評 原來一直都無寫過。大家如果有去過既話都知道好多「同胞」排隊既，咁我見親有排就唔食架 而今日去就未有人排住例牌啦，我就一定係叫常餐既牛油多厚到不行了 又脆 不過個人認為可以再多d牛油(好貪心)煎蛋 炒蛋都食過，前者其實健康d，後者用多油去整 火腿都中規中矩有得簡通粉同意粉啦 意粉就比較似樣 個味真係外面茶記難食到 叉燒好似比以前少左 細塊左總結，好簡單 四個字 保持水準

今日咁岩經過旺角，食晏時候黎左食華星冰室！好耐冇食啦，今次都keep到以前既水準。我叫左常餐，叫左無耐好快就有得食啦多士依然脆脆地好好食，叉燒通粉都唔錯，仲有炒蛋奄列，令人食完好滿足既常餐～～～

去華星要食常餐是常識吧🤷🏻‍♂️炒蛋多士真係必食👍🏻👍🏻食咁多次都維持到水準炒蛋夠晒滑多士夠厚加埋少少燶底😮正！叉燒通都好好食通粉唔會淋晒一pet野咁加埋杯奶茶滿足晒！

近年越開越多冰室主打常餐，不過質素好參差，華星係我覺得最穩定既一間所以都仲成日要排隊，今日因為一個人食既關係，唔洗等就入得常餐$45 叉燒通粉，火腿煎蛋同牛油多士叉燒唔只兩塊架，都有四至五片，今日食既肥瘦均勻！意粉唔會過腍，仲好有咬口不過意粉再多啲就好喇，因為本人係意粉愛好者今日啲多士就麻麻，上檯係熱同脆既，不過牛油真係好小火腿都係正正常常無特別，炒蛋好滑生熟度岩岩好唔會過多蛋漿！除左常餐，華星都越黎越多野食，仲有蕃茄湯底，燴意粉等熱食！