華星冰室 (克街)

營業中

休息中

雖然都係一般冰室既野食，但首先佢地都好有禮貌，雖然都要快haha。叫左個常餐加熱奶茶，意粉唔會太腍，但最好食都係炒蛋，又熱又滑。熱奶茶都好飲，唔會話太奶，又有茶味。無落堂又唔有苦味。good good!

上次早餐時間蒞，先知道上午11:00前無常餐。今次下午茶時間來，一定要點常餐，轉炒蛋，飲熱朱古力(唔洗加錢呀)！通粉OK，唔硬又唔係煮到爛腍，不通啲叉燒就瘦咗少少，食起上來有DD硬。炒蛋好味，不過比較鍾意澳牛炒蛋，可能係食慣咗牛澳嘅質感與味道吧。多士呢，我比較喜歡食走油，但要等耐D，唔想等呀。。。所以我自己係不喜歡，但包的確是鬆軟的。唔鍾意食火腿，no comment。至於杯朱古力就普普通通，不如講下外子杯茶走。咁大個人第二次飲茶走，好味，不過記憶中嘅赤柱泗益更好味。總結：皮

「黑松露蛋多士」食，蛋好滑嫩，用埋多士食～「冻奶茶」中规中矩啦「特色猪扒包」猪扒肉好好味😋「叉烧意粉」港式特色嘅意粉系咁，汤汁搭上几嚿叉烧肉鲜鲜甜甜～⚠️呢间铺头店面如图一唔多，好温馨嘅感觉，服务员好会吆喝哈哈哈。人都好多嘅，我系中午饭啲去排队好长，但系速度就好快！所以唔好望住长队就走咗

今天專程逛完香港公園後坐叮叮來華星冰室嘆返個下午茶。喜歡他以懷舊風和用歌星做生招牌。而且主要想試相當著名的黑松露炒蛋多士。我們一行三人點了黑松露炒蛋多士$42份量頗大，很足料，炒蛋非常嫩滑，有奶及蛋香味，多士用牛油烘底，香脆厚身，黑松露則沒想像中的香味，但勝在有蛋搭夠。雖然有點貴，但也值得一試。特色豬扒包$20豬扒厚身多汁，加上蕃茄片，生菜絲及沙律醬，味道清新。西多士$22厚厚的西多士，吃下去軟棉棉，甜度適中，好滿足。另外點了蓮子蛋茶$28 及熱鮮奶$22 (北海道3.6牛乳)

華星一向係我地放lunch 嘅飯堂，一個常餐先45蚊，🙆🏻‍♂️🙆🏻‍♂️其實係抵食ge😀 叉燒可以轉牛肉(^^)叫左多士走油配炒蛋💕多士香口，配上炒蛋食好滿足！而且炒得幾靚，份量又多又大份！火腿就正常，薄薄地，冇咁肥ge😘😘另外叉燒通粉都係ok.湯幾清，叉燒半肥瘦，食落幾腍，而且算瘦，都有5至6塊👻👻平時仲會叫茶走小甜，茶底濃，飲落又滑，不過落左媡奶真係幾肥，小飲為妙👀👀#10月活動#灣仔食堂#華星冰室

见到人推荐，其实第一次来食唔知点解点左鲜茄猪饭但系来左滑蛋叉烧饭，有小小影响心情不过 校长多都几好食啦有机会再来可能会试下个咸牛肉蛋饼出前一丁hhhhhhhhhh

平時係太子食華星冰室一定會係大排長龍，一係要好早去食，一係就要好晏到先唔駛排隊。今日又黎開灣仔做野，咁岩見到灣仔呢間唔駛排隊，咁緊係要入去食返個例牌常餐啦餐類基本上都係無得選擇，但就好專，所以唔駛點諗都知道自己要食咩。而且餐牌仲有埋英文version，外國人黎到食都一定會識落單👍👍我叫左個常餐食，常餐係叉燒意粉，火腿炒蛋，牛油蛋士，配熱奶茶次次食親我都一定會飲哂個湯，今次都唔例外，因為個湯底真係好香濃，好好味😚😚😚多士熱辣辣又非常軟熟，食既時候有淡淡既牛油香😋😋炒蛋同奶茶更加唔駛講，2樣都好滑，奶茶仲好香奶味😚，所以成日都要排長龍係有原因的

好地地一個滑蛋叉燒飯，佢啲蛋居然變左做「蛋花」。好難食，啲蛋漿又鬼死咁稀，食落一啲口感都冇，就好似食緊一碟用水浸過既叉燒飯咁，有點兒令人反胃🤢🤢🤢。仲要餐牌上只係寫上「滑蛋叉燒飯」，食物送到黎先知道碟野同一般既滑蛋叉燒飯有咁大出入，令人感覺受騙。客觀地講$58一啲都唔值得，重要個價錢係唔包野飲。 ⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯

聽聞呢度d炒蛋好好食，開張左咁耐都冇食過，今日一於收工後去試下由於時間係下午5點幾 就黎6點，好多位坐一個人都可以坐到卡位，仲要唔駛俾人趕叫左個常餐:叉燒通粉+火腿炒蛋+牛油多士+凍檸檬茶滿心歡喜咁食啖炒蛋先...............凍既？唔熱架，凍架！！！超失望囉食埋其他野:唔記得叉燒有5舊定6舊，全部都幾厚通粉就淋淋地火腿: 普通，冇乜特別牛油多士: 熱熱地又厚身，相比其他野食 好食得多凍檸檬茶: 普通，冇乜特別總結:為左炒蛋而黎，結果失望而回唔會再食

心血來潮事件簿(24)😋秋天的時候，就總係本尊忙的時候，所以就決定係夜晚繼續工作之前一於去探索下灣仔食野的好去處😎一向鍾意食茶餐廳的本尊就決定到華星冰室一試😝當然本尊又係叫左最愛的常餐😋不過今次係飲品就有新的嘗試🤔話說我就係餐牌見到一樣飲品叫做谷古，原來其實就係我地平常講的可可，佢同朱古力有D唔同，有少少比較苦嘅感覺，但係個種感覺令我愛上左依款飲品❣️如果唔係太了解依款飲品嘅人可以下次叫一杯試下😎話咁快D主菜就上左啦😝就係常餐😎今次我對依間的常餐有少少失望，叉燒比較難入口同埋較韌😓不過佢的牛油多士同埋炒蛋都係十分好食😋食落後面兩樣之後即刻大滿足😎佢同其他茶餐廳一樣都係可以將意粉變通粉,煎蛋變炒蛋😎現場仲有好多明星留低嘅簽名😝真係好值得一去👍下次有機會再同大家介紹下啦 多啦😊

早午餐普通到極，熱飲，凍飲不外如是，價錢不算便宜，環境及座位比較大家樂和大快活遜色。最離譜就是一班楼面伙記，聚在一起聲線高頻率，旁若無人，粗言穢語高談濶論，句句令我們坐在一起用餐的男女同事坐立不安，特別是看見一些年青的女姓顧客進入餐廳更是評頭品足，互相粗口交流所見所聞怎樣！怎樣！簡直十足十似一間爛仔竇的場所。寄語女仕門或携同女朋友幫襯切記帶耳塞入去。我們的男女同事以後也不會再去光顧這間餐室，避免聽太多的炒媽拆蟹backing music! 不信？你或妳們去試試收聽吧。

yeah有滑蛋食係最開心架😜去華星嘆返個就最好了！常餐有叉燒通粉、火腿炒蛋同牛油多士😋叉燒通粉既雞湯幾清甜，叉燒雖然薄但勝在無肥膏。炒蛋超級滑用左牛乳來炒🥚😍多士烘過再搽左牛油，外脆內軟，太滿足了❣️午餐時間大約12:15來到，等左5分鐘都唔使就入座了。呢道重點當然係坐落嗌野要快，同樣上菜超快，所以大家都要食得夠快🤣靚仔哥哥們會不停明示暗示想你快d離座😂對於小編呢種平日食野好慢既人黎講都有d壓力架🙈

好耐冇黎華星冰室食嘢🙈🙈好掛住佢啲多士、炒蛋真係好好食㗎！以前差唔多日日食都唔厭但番新工之後就無黎過喇😭😭今日咁啱經過梗係要黎食番餐啦個校長多士就係必叫㗎啦🤷🏻‍♂️但係就咁一個多士又唔夠飽😂😂所以就叫埋個常餐豪食番餐個校長多士一啲都唔令人失望黑松露味好重加上啲芝士係上面一齊焗打埋塊厚多士夠脆真係食極都唔厭啦🤤而個常餐識叫一定係將個煎蛋轉做炒蛋炒蛋夠晒滑配埋塊查滿牛油嘅多士食落去成口都係由好滿足雖然都好肥雖然都好肥🙈🙈🙈依個叉燒通就正常茶餐廳水準但係食個炒蛋同埋校長多士已經值得啦👀

港式早晨全餐, 煎蛋可以轉炒蛋, 而炒蛋滑度足夠, 蛋味濃郁, 厚厚的多士塗上牛油十分香脆, 通粉湯底味道也算濃，火腿絲夠幼細，吃起來較細膩, 至於我至愛的熱奶茶質素很好，一口品嚐, 奶茶味齒頰留香, 口感不錯, 店員服務感覺良好，值得一讚!

華星冰室係我未轉工前常去既飯堂之一♡但並唔係次次都咁好彩 可以係午餐時間搵到位有時候排隊既人會好多 所以每到午餐時間都要及早趕黎 佢既常餐係我一向既首選價錢較為划算之餘 份量亦足 仲包一杯熱飲而且佢既搭配非常個性化可以自己選擇意粉/通粉 炒蛋/煎蛋通粉同炒蛋係我慣常既選擇一黎因為通粉同個湯較搭二黎係因為炒蛋做得非常出色蛋雖然炒得嫩滑 但既唔會水汪汪 亦唔會過生而且蛋既份量非常多 蛋香亦濃牛油多士亦烘得香脆可口我最鐘意將厚厚既一層蛋鋪係牛油多士上上軟下脆 口感非常豐富 通粉並唔會煮得太淋身 仍然留有一定既口感而湯則咸度適中 唔會過稀 亦唔會過於濃稠唯獨係內裡既叉燒略瘦 肉質較乾即使有時叉燒帶肥肉位置 該部分亦較為韌身 較以咬開~ 但整體上個常餐水準都唔錯~華星除左食物質素有保證外侍應哥哥亦好殷勤 服務態度好好雖然佢地外表好cool 但總係會隨傳隨到 盡力滿足食客既每一個需要♡同其他冰室比較 咁既服務水平實在令人感到非常滿意!