華星冰室 (筲箕灣東大街)

營業中

休息中

我最近在華星冰室用餐，整體體驗非常愉快。華星冰室的環境非常乾淨，餐桌和地面都保持得很好，讓人感到很舒適。裝潢帶有懷舊風格，讓人感到放鬆。座位安排合理，不會感到擁擠。服務員也會定期清理，給人一種安心的感覺。每次來這裡用餐都很愉快。我點了他們的招牌絲襪奶茶，口感順滑，茶香濃郁，甜度剛好，非常好喝。隨後，我試了菠蘿包，外脆內軟，搭配一片黃油，簡直是絕配。此外，還點了一份蛋治，蛋煎得恰到好處，味道鮮美。服務方面，服務員的態度非常友善，點餐和上菜的速度都很快，讓我們不必久等。整體來說，華星冰室不僅食物美味，環境舒適，還有良好的服務。我一定會再來！

下晏肚餓同朋友搵下午茶食，醒起佢穿過電車特燈行過去。佢比東大街行小小，之後記會見到依個門口。好幸運啱啱就有位，大部分位置都有人食緊入門口就見到好多香港特式poster, 仲寫左有咩可以食哈哈全部都想試！叫左個特餐，黎左我最喜歡的茶走先！ 煉奶係底，繼續搞左先飲，好香既紅茶底加好滑餐入面仲有多士，可以揀炒蛋定太陽蛋，仲有雙腸，係好滿足既下午茶！可以配埋麵/夾麵包食好耐無食過沙嗲牛肉岀前一丁！麻油佢地俾你自己加，牛肉夠大塊同幾腍，唔會好咸，希望其他分店都咁有特式同水準！

呢間冰室開喺民生區，主要都係做返街坊生意，亦都係我哋全家嘅飯堂，百吃不厭，諗唔到食咩嘅時候，華星就係我地最好選擇🤭裝修唔講，食嘅係人情味，好有家的感覺(因為食到同啲員工都已經好熟)🤭一個常餐已經飽到上心口, $47依家嘅物價嚟講好抵🤭仲要有質素👍我同仔都係常餐揀左叉燒意粉：叉燒軟腍，意粉煙靭，湯底濃郁👍炒蛋蛋味好重，好滑👍牛油厚多士超級鬆軟，真係超鍾意佢個多士口感👍熱奶茶，茶底濃郁，口感好滑，奶味唔會過重👍全部都好啱我口味🤗老公呢次揀左沙嗲牛肉出前一丁餐，沙嗲味濃郁，用新鮮牛肉，無梳打味，牛肉味重，沙嗲醬份量足，用出前一丁，跟埋包麻油自己落，麻油沙嗲湯底原來10分惹味，正👍兩仔爺唔夠喉，再加多兩塊炸薯餅🤭全部嘢食清曬🥰

疫情後幫襯了幾次，每次也一樣，忍不住評論一下1. 食物味道比一般還要差，純粹靠以前名氣維持，以及附近沒有其他茶餐廳競爭而已2. 等待時間極耐，試過好幾次。先講堂食：不計在外已等10-15分鐘，由坐下點餐起計，依家等30分鐘食物才到，期間看到廚房只不斷進出外賣（網上外賣平台)；再講外賣自取：咁要等超過45分鐘；未試過網上外賣平台，沒有評論。3. 態度未到惡劣，但禮貌就一定冇，點餐就好快，點完餐就唔再理你要求。（不過茶餐廳就預咗，都唔算係缺點，只係順便講埋）

🌻老外早餐🐱有時返工前係要俾自己食得好D先有動力完成住日辛苦嘅工作，呢個老外早餐入面有齊煙肉、蛋、粟米、茄汁豆、多士、薯餅，真心係正嘅，全部都同人生唔一樣，所有嘢都唔係「整定」而係即叫即炸，熱辣辣咁上碟，又熱氣又好味，大愛!! 配埋香濃檀島咖啡，幸福咁說聲「正呀」然後傷心地講「我返工喇」📍 華星冰室 (筲箕灣東大街)筲箕灣筲箕灣東大街185-187號順景樓地舖⚡️為食貓：😻😻😻⚡️氣氛貓：😹😹😹⚡️翻食貓：😸😸😸

冰室既茶餐係永遠都食唔厭，一有時間就係同屋企人一齊去食返個靚早～.明星開既，所以餐廳周圍都貼滿不同歌手既poster，有啲都幾懷舊😝每次都好專一，只會叫常餐 ($47)😆 有我至愛烘得夠脆既厚多士，搽上薄薄牛油超香🍞 仲有炒到超滑溜既蛋，加上兩片火腿，配多士或者就咁食都好好食👍🏻 仲有叉燒通粉煮得夠淋，不過叉燒就乾身少少～再嘆返杯幼滑奶茶，奶味同茶味比例岩岩好，食完真係good morning呀☀️

之前食過九龍灣分店覺得普通，今次就試下筲箕灣店。一去到門口已經有人龍，排左十分鐘左右就有位，店內裝飾睇得出都有啲歷史，牆上好多明星簽名同poster。今次就試左老外早餐（$48），個炒蛋分量好多，多到遮住晒下面既粟米，茄汁豆無特別，但我鍾意佢用兜裝住，唔會搞到其他野食都變晒茄汁豆味🤣薯餅仲熱架👍🏻脆卜卜咁好正(˶‾᷄ ⁻̫ ‾᷅˵)將炒蛋夾落多士到一齊食簡直完美。常餐（$47）可以轉牛肉意粉，唔洗加錢架，跟餐叫左太陽蛋🍳，真係煎得好靚👍🏻👍🏻第一次見湯意粉個陣覺得好怪，食多幾次又覺得ok，但一定要加胡椒粉，如果唔係個湯底有啲普通。我覺得整體質素比九龍灣個間好好多，唔知係咪因為呢間係總店所以質素好啲呢😆😆

餐廳座落橫街，但都容易認出。由於平日過了上班時間，無需等位就可以入座。餐牌上有港式和外國早餐，但由於之後去做運動，我就點了一份公司三文治，另外一個朋友就點了港式早餐。上餐速度奇快，基本上一叫到入單就已經上菜。公司三文治入面有滑蛋鹹牛肉、番茄、青瓜、火腿同芝士等。味道有層次，而且口感不錯，我最欣賞滑蛋鹹牛肉加入三文治後令到口感提升。而朋友的港式早餐也很不錯，通粉味道可，而滑蛋都很出色。華星冰室的黑松露炒蛋真的要試，蛋漿很滑，黑松露也很香。另外我也喜歡食他常餐，通粉不會煮得太淋，味道不錯！

快要離開筲箕灣這個地方 於是想在辦公時間試到試遠近馳名的華星冰室☺️ 無奈午飯時間太短 來不及在華星冰室好好享用午餐 故此選擇了他們家的早餐！👅當天很想吃fresh一點的三文治🥪 於是決定來一個三文治總匯 - 公司三文治✨✨✨✨ 承惠$50大元 不包括餐飲 三文治的材料非常豐富 包括火腿、芝士🧀、蕃茄🍅、生菜🥬、咸牛肉、炒滑蛋🍳 隱約好像見到每片麵包都塗上了牛油🧈入口很香 面包鬆軟帶甜 好吃！而且三文治的層次非常豐富 有蔬果的配合 完全不會膩！店內名物 - 炒滑蛋果然名不虛傳 非常滑溜 富有蛋香 真的很想瘋狂吃他們的雞蛋🥚🤣🤣🤣 當天我也分了一些給同事試吃 她也大讚出色！-另外值得一提的是 在counter的應該是老闆娘吧 她的服務非常深刻 🥺🥺 她並不是溫柔有禮那種 是有點像媽媽的感覺 👩🏻 嗓門很大 講話沒有尾音 看起來很兇 但其實她十分善良 而且也很照顧客人 比如我付款後 因為手上的東西繁多 🥵🥵 還未收妥款項 也未放好錢包 就趕着要提取外賣離開 免得阻礙其他客人 🥵🥵🥵 但老闆娘着我不要急 千萬要放好錢包👛一直勸我不要急 感覺很溫暖😫 而且在電話裏 我一直舉棋不定 挑選不了哪一份

叫左常餐，有煎蛋，送来荷包蛋，問職員我要煎蛋(佢話熟蛋，是熟，煎蛋是荷包蛋，我落order 是煎蛋要熟的，已不同佢理論，因為不是該職員寫ORDER.)但最離譜佢用手拿起方包，望下隻蛋，用落ORDER. 用執枱的手係兩隻'手指'夾起方包，望底下隻蛋)這方面衛生大家接受到嗎？ (已未想到去廁所有冇洗手，或者埋單收银隻手的用途)出外食飯一向不要預有甚麼衛生。但當面表演手指夾包，真的第一次見。反正45元食個常餐，筲箕灣大把選擇。不用光顧 試一次得個知。

呢間餐廳食咗不下20-30次，近來才開始寫食評，今朝來到，又介紹吓佢。第一次來係幾年前，貪佢門口有位泊到車，店舖內有CCTV可以望到架車，食得安心啲。但一試難忘，間中就會過嚟食早餐。店內約有20張枱，牆上貼滿電影、歌星海報。更有多幅明人明星的簽名，看得出老闆交遊廣闊。今日同太太來一如既往，各點了一個早餐，坐係卡位，望到架車同CCTV螢幕，食得安心啲。港式火腿通粉，間間茶餐廳都有得食，但呢間很有水準，通粉軟硬適中，湯底好濃郁。滑蛋多士更加出色，蛋味濃，炒得好滑身，而兩塊厚多士，外脆內軟。 雖然只是簡簡單單的早餐，但是食得出是用心製作，殊不簡單。順帶一提，醫護全單有九折。

平日差唔多9點就好多日喺門口排隊趁今日早左8點去到可以直入有位坐叫左個早餐沙嗲牛肉+出前一丁，煎雙蛋+熱咖啡煎雙蛋配厚切方包，烘過係脆口既蛋就無乜特別，至少蛋黃仍然係流蛋汁既不過唔敢食晒成個包，因為碗麵都好大，要留返個肚食出前一丁跟埋包麻油，麻油係成個出前一丁既精粹，梗係要加落去啦出前一丁真係唔同啲，浸喺熱湯到咁耐食入口都仲爽口，唔會浸到一pat薄切牛肉都好淋，份量都有成十片湯底都夠味，但我鐘意較傑身既湯底，所以不過不失熱啡就普通茶餐廳既水準，帶點苦味既整體$4x一個餐，性價比都好高

自問幫襯左華新好多年，每逢假日一定幫襯。疫情之後食物質素每況愈下。最過分係全部做外賣生意，叫一份常餐外賣要等成半個鐘。仲要毫無系統，出咗外賣就咁放低就算數，見你喺出面等又唔會問你。真係越嚟越差，唔會再食

老字號茶餐廳...當年很多明星、歌星來光顧👩‍🎤🧑‍🎤店名與當年一間唱片公司一樣...來到華星冰室，當然要食它的招牌港式奶茶及嫩滑炒蛋多士。奶茶☕️用了黑白淡奶，所以份外香甜滑口，加上茶奶是黃金比例，沒有加白糖也很好飲。炒滑蛋 + 牛油多士，多士烤至外酥內軟，裏面塗上一層牛油，夾在一起食很滋味😋😋。火腿通粉的亮點是湯底，味道濃郁之餘，帶有清雞湯味。來這裏的客人大都是想尋回傳統港式茶餐廳風味。雖然食物種類不多，但勝在貴精不貴多，好味又平民價，所以每日都吸引不少食客。

我諗呢度出名應該係因為明星效應，哈哈，整體用餐感覺比較一般，侍應態度麻麻地，叫咗個常餐，食咗兩啖發現入邊有條頭髮，，即刻叫個侍應換，佢比我嘅感覺係經常發生嘅樣心好累，同埋嘢食要等好耐，佢換咗第二碟俾我嘅時候，個炒蛋多士先至到😅😅真係誇張，唔會再有下次啦，有點失望