華星麵館 (已結業)

因為舖頭開係附近，成日都會經過，由其是有時收得夜行過都會聞到幾香既麻辣味。我睇過呢到既食評，好似伏伏地所以一開頭唔敢試😂但係收工行過成日聞到佢d麻辣湯既味又好想試(中意食辣)終於有一日諗唔到食咩就終於的起心肝試，點知，又幾好食喎！😳下午茶🍜排骨麻辣刀削麵1. 先講刀削麵，我覺得比路徳圍個間好，浸係湯好耐都無糊，好有咬口👍🏻份量都幾多2. 麻辣湯小辣，夠香夠惹味，加埋大京葱同香茜好正👍🏻3. 排骨有驚喜，夠淋👍🏻份量都夠，食落無個種擺左好多日既隔夜肉既味4. 店員態度好好啊👍🏻我食完再睇多次呢度嘅食評覺得出入都幾大，可能之前佢哋真係做得唔夠好但我相信佢哋有改善👍🏻今次覺得水準都幾好！我會再反兜😊大家可以俾多次機會呢間小店再試下，疫市下大家生意都難做，香港人加油💪🏻

6月3日9點30係該店買左麻辣雞拉麵 $38結果雞就得一舊完正 四片薑 加兩粒肉粒會唔會太過份吖 我仲要經常買既我都知生意難做 但比多兩舊雞真係咁難咩😑食齋面無分別 無下次😡

豬師奶今日同朋友去左路德圍食晚飯，衣間麵店開左好耐一直想試，今日仲有優惠套餐，$38蚊既蘭洲拉麵/刀削麵餐，有好多款餸可以揀，係荃灣想平平地食番餐衣度真係可以考慮下。我叫左雞扒刀削麵，朋友就叫左香茅豬扒力削麵，另外加一碟油菜。豬扒肉質厚實而且好幾入味，刀削麵煙煙韌韌，配埋原味湯底幾清淡麵底份量多，豬師奶都係食唔晒，女仔可能要叫小麵，雞扒正正常常，鐘意佢多蔥，d蔥好香，刀削麵正常水準，不過不失油菜非常大碟，廿五蚊，可以接受

同同事收工諗住搵地方宵夜，呢間系佢平時食開宵夜嘅最皆之選咁話，所以就由佢帶路過嚟喇因為我哋去嘅時間已經好夜，所以人客唔多，其實鋪頭細細，但坐位都舒服嘅，咁啱仲要坐正4人坐，正呀！哈哈～麻辣雞撈刀削麵不會過麻，中辣情度對我嚟講已經夠晒刺激，加埋蔥花去撈味更加香，刀削麵麵質煙韌又有口感，整體來講呢個麻辣撈刀削麵味道偏濃味，食嘅時侯最好預備一杯清水，咁就一流蘭州牛肉刀削麵牛肉湯底肉平時去食牛腩麵嘅湯底，非常入味又夠香，對比起麻辣撈嘅刀削麵，呢款會比較清d，濃度適中，要再讚一讚刀削麵夠晒厚度，浸湯唔會軟晒，保持到咬口，食到連湯底都飲咗半碗🙋🏻‍♀️俾多啲機會唔同食店，只要樂意比機會，通常進步空間可以好大，時日有加會愈做愈好，香港人太健忘急速，對一般評價或要等既食店都唔會返轉頭，相信大家可抱著支持本地食店想法，成長對每間餐廳都十分重要，請一齊多一分抱容之心❤️。

餐牌說明黑椒雞扒涼伴麵，大家請看，上餐時我打左個突，然後撈左幾下，何來雞扒？雞件定雞碎？仲有豆角，千其米試，一定仲伏，食過兩次，不知所謂，事不過三，甘既價錢，我係荃灣路徳圍是但一間都好過你地，(我好小黑各單食店)

噚日(14-9-2019 Sat)追月,同老公去買嘢前食early lunch,我哋去路德圍,但中途見到未食過嘅呢間,於是行嚟試,入去坐低後睇完menu,老公要$28.00嘅涼拌皮蛋同$46.00嘅紅燒豬腳涼拌麵,小辣,我要$46.00嘅香茅豬扒涼拌麵,兩個都加$2.00要凍奶茶. 落完單等一段時間,涼拌皮蛋到嚟,調味唔太辣,ok嘅.味道:3分之後兩杯凍奶茶到嚟,顏色都幾深,奶味唔多但又唔會苦澀,質地滑.味道:3分等咗都幾耐,小辣嘅紅燒豬腳涼拌麵同一碗涼拌麵到嚟,紅燒豬腳有3件,我食其中一件,鹵水味完全入晒味,而且好腍,亦冇拮人嘅豬毛,好乾淨.味道:5分涼拌麵口感唔啱啱好,會太腍.味道:4分然後香茅豬扒到嚟,老闆娘炸完佢後,細心地將佢剪成多件,方便我哋食.熱騰騰,口感好彈,味道又啱啱好,唔錯.味道:5分衛生:留意到佢哋將夾嘢食嗰邊嘅筷子尖,倒插向上喺筷子筒,我一直都覺得咁樣係乾淨過筷子尖插入底.抵食: 2.8分

行咗路德圍一個圈，都係決定試吓依間。香港不嬲都唔正宗嘅蘭州拉麵，但係每次見到蘭州拉麵呢四個字都會想試吓，比下機會。叫咗兩個撈麵。一個牛肉撈麵，一個麻辣雞撈麵。兩個撈麵個味係一樣，我個人覺得咸咗啲，同埋味道好單一，只係覺得有一種鹹味。肉類方面，佢哋處理得好差，好似平時罐頭五香肉丁嗰啲肉嘅質地好乾好鞋好唔新鮮嘅感覺。感覺到係葉左好耐又凍又熱 來來回回好多日咁。失望呀 地方細係唔緊要，但係我成日背脊掂到後面嗰個人背脊。檸檬茶又差，唔知咩味好的只係店員有禮貌

Menu上刀削麵的選擇不多，大概只有雞翼，牛肉，手撕雞，水煮魚，雞扒，豬扒等。刀削麵的口感有待改善，面太厚會像吃面團，太薄卻沒有口感容易斷。而麻辣湯底尚算可以，小辣的程度剛好。

今年天氣反覆無常，昨天的涼快，今日的悶熱。那天走過荃灣，迂迴的天橋令人鬱悶，想尋找激動的感覺，走進了這間川辣的店面。坐下後依然悶熱，除去外衣，看看餐牌，點了蘭州麻辣牛肉拌面，渴望那涼快但激盪的味道。從來都喜歡涼拌，喜歡那涼快的感覺。涼拌著麻辣的味道，伴隨著被辣剌傷的溫度。牛肉令我想起兒時的味道，零食包裝的牛肉干。拉面的口感彈牙，拌著蒜頭及麻辣醬，剌激著味蕾。後來才知道這店子，已不是從前的人經營。涼拌，還是涼拌，依然是帶著溫度的涼拌。

蘭州牛肉撈麵(刀削麵）中辣 $48記得幾年前食仲有個師傅係到打麵，即場削麵，裝修咗之後就冇左了。麵條方面份量多，口感似年糕，不過煮耐少少會好食啲。讚既係麵條超掛汁！而且辣味好有挑戰性，食食下麻木左就變得死辣了....唔太come 食。牛肉方面，份量適中。睇落食落都似牛肉乾，稍為細塊，有少牛味而且牛肉唔算肥。

隱身於橋下嘅麵館，門口細細，每次經過都覺得裏面充滿神秘感🙊今日開完會，番公司前想快食醫肚，見呢間無人等位就衝入去🧐阿姐好熱情，主動介紹有咩必食，落單都比好多意見我。最後我就order咗佢地舖頭招牌菜。蘭州牛肉拉麵😇其實佢地都有刀削麵選擇，不過阿姐話拉麵都係手工自家製，所以就本住try try no harm嘅精神試新野🌻拉麵質感同味道都合格有餘嘅，只係牛肉個人覺得有點偏咸🤭我揀左麻辣小辣，湯底無話特別岀色，普普通通👉🏻👈🏻加$2有杯熱檸水，加埋50蚊埋單，中規中矩。以荃灣有咁多美食黎講，佢嘅競爭力未免有點弱，再加上店舖位置亦都比較低調，相信都係做熟客生意多🧐😄不過阿姐係nice嘅，服務態度為此店挽回分數，經過可以一試✌🏻

以前的刀削麵款式，又辣又嗆，很惹味，很想知道是否轉了人，今日點麻辣雞撈麵，感覺就是很普通，沒了特式。麻辣雞撈麵$48 +2 熱菜蜜味道偏咸，不辣…沒有靈魂感覺，難怪有大量坐位。我中招了，吃了一半就放棄了

自從蘭州拉麵店結業後，好耐沒有再行去力生，今日咁o岩經過，見到呢間野，又咁o岩係食刀削麵，就入左去試，唔入尤自可，一入到去5秒都冇，個阿姐已經問想食乜？一囉起個餐牌想睇下又問，諗左5秒左右又問，不勝其煩，心諗：「你間野收凌晨12點，宜家先7點幾，你趕住收工咩？」睇睇下餐牌，先發覺原來間野冇得好似以前既蘭州拉麵店自已揀餸，唯有叫左個鹵水大腸刀削麵。等左5分鐘，個麵黎到，首先個湯底極淡味，淡到好似水咁，期次D 大腸有陣怪味，最重要係D 麵極為糊口，一D 口感都冇，最後食左半碗就頂唔順敗走，簡直垃圾，冇下次！

今日突然好掛住刀削麵，好想食，所以meal break時間就去左食，行到去發現改左名又裝修左，比之前光鮮，店員亦唔同左，不過見一樣有刀削面食，就試下啦！價錢都唔平，要48蚊碗，加3蚊送飲品，我叫左個川味手撕雞刀削麵小辣配凍檸茶賣相一般，但一咬落d麵度就知唔掂，無旦牙口感嘅！刀削麵來説真係非常失敗，雞絲又幼又無味，好難食，點解可以同之前差咁遠，真係又失望又無癮順帶提一提杯凍檸茶，好細杯極小氣，一定唔會再來幫襯

好多人都會鍾意食刀削麵，我都係刀削麵嘅捧場客，貪佢煙煙銀銀，有咬口，有著與別不同的質感，久不久就要試吓，呢間鋪之前我都成日有來捧場，現在佢轉左手，我都未試過，今日特登來試一下裝修新淨左，環境企理左，初步觀感唔錯坐低叫咗個牛肉刀削麵，承惠＄48，價錢唔可以話平，但係食好嘢，貴少少，我個人來講係冇問題嘅賣相不錯，望落去都好有水準，但係啲牛肉就硬左啲，咬落去肉質好實，份量又唔多，整體感覺令人有啲失望最可惜就係主角刀削麵，咬落去竟然係散的感覺，好似咬左一舊好冧嘅麵粉一樣，都幾唔開心㗎侍應話加多兩蚊有凍飲，可惜杯凍飲太小氣，用一個好細嘅杯，啜兩啖就已經冇咗，其實做飲食如果可以大方少少，客人食得開心，會返轉頭嘅機會都好大，可惜，我應該唔會再嚟幫襯了