華苑茶餐廳 (已結業)

今日返返下工，夠鐘食飯，見喱間未食過，諗住試下啦，點知就出事啦。一打開，見到有條頭髮，至少我當時覺得係頭髮，有頭髮都算啦，大家都有頭髮，人之常情。食左兩三啖，諗住食第四啖既時候，見到有半隻強哥同我say hello，而我都幾肯定，我岩岩果啖飯同強哥有親密既接觸，當堂反胃唔想食，同時懷疑一開始見到果條唔係頭髮，可能係另一隻大佬強既鬚。40蚊食4啖飯，實在令我印象深刻，奉勸大家試依間野三思而後行，勿衝動。P.S.本人好撚驚強哥。

位於香港最熱鬧嘅地區之一嘅銅鑼灣，一個午餐到底要幾多錢，呢間茶記只需要38蚊，雖然未必係最平，但都已經非常優惠。蒸排骨飯，餸嘅量唔少，飯更加係多，好似我胃口唔算細都食唔晒。排骨唔少係軟骨，但唔會咬唔爛，啱啱好，但汁略少，亦可能豆卜吸收咗，少汁唔夠送飯。跟餐仲送一杯茶/咖啡。呢個蘿蔔牛腩飯，蘿蔔仲有少少口感唔會太稔，牛腩就比較細塊，但數量都唔少，味道較濃，都幾唔錯。檸檬茶，正常無問題。D餐具都比較殘舊，未必好衛生。苦瓜火腩飯，個燒腩都幾肥下，味道比較淡，苦瓜都唔苦，味道主要靠個汁。有時仲會送個例湯，好似呢個係冬瓜薏米煲豬骨，佢湯料嘅配搭都幾有水平，呢個湯有D袪濕嘅作用，味道都可以，唔似味精湯。總括嚟講，38蚊嘅價錢，大碟飯，又跟餐有野飲，又送湯，記住呢度係銅鑼灣，上餐速度仲好快。但衛生比較麻麻，而且呢個地方好重陽剛之氣，顧客95%都係男性，佬味十足，應該唔會有一個女仔自己走嚟食。如果但求快，飽肚，呢個地方絕對可以係你嘅選擇之一。

今日落雨，加上我同同事仔都病，於是，齊齊叫外賣，今次叫咗一個肉片湯米，諗住清清地，米粉同湯分開上，d菜都幾新鮮，above average 㗎，只係d肉無咩味，但$40的午餐已算好唔錯。

太忙唔想外出食飯，又太攰唔想用腦諗食咩，於是連續兩日跟同事叫外賣。兩次都係食粉麵，三絲炒麵＆肉絲炒米，食物ok，不過不失，勝在夠快夠平，但未試過堂食，不知環境如何。

這幾天凍的厲害, 早上必須吃的豐富, 才能保持體溫.想起很久沒吃餐蛋治了, 下車之後就直接前往華苑, 也好順路探訪一下老朋友.還沒到達店門外, 遠遠就見到老朋友站在門邊做迎賓了, 身型也好像發福了, 哈哈.打過招呼, 就立即下個外賣單子－餐蛋治+熱檸茶外賣.大約5分鐘左右, 食物預備妥當, 別過老朋友, 我也快步回公司準備享用暖暖的早餐.步程約為10分鐘, 到達公司時食物仍然熱辣辣, 還好沒有因為寒冬而凍掉.熱檸茶茶味剛好, 沒有苦澀味, 喝一口, 暖在心頭.餐蛋治, 暖暖的白麵包夾著厚厚的蛋和煎得美味的餐肉, 整體非常的厚實, 絕對足夠飽肚, 吃完能量滿滿的!!

很久沒去華苑探老朋友了, 不知他是否仍在, 正好今早較預期中早到達銅鑼灣, 順道過去吃個早餐.華苑隱身於一棟舊式大廈地面大堂內, 店外空地也擺放了少量摺枱櫈, 是個可以抽煙的地方，所以很多sales喜歡來這吃飯.點好早餐, 就向老朋友招手, 他比早年瘦多了(雖然仍然肥美), 小肚子仍然脹脹的.點了一碗餐肉炒蛋米粉+凍檸茶.餐肉配蛋永遠是最佳拍檔, 只是米粉的湯有點淡, 如果味道濃一點會更好.凍檸茶茶味有點淡, 或許是因為天氣熱, 冰太多影響吧.不過, 我主要是來這探老朋友, 至於食物, 還算不過不失.不過要在銅鑼灣吃個不用$30的早餐,也就這樣吧.

一直都係華苑叫開外賣，不嬲都覺得餸多飯多，大碟又抵食，一個男人食完都覺得飽嘅份量，餸菜方面有好多選擇，意粉米粉湯麵飯講得出嘅都有，食過紅燒茄子豆腐，茄子煮得好食，可惜豆腐唔太入味，仲食過青檸雞，隻汁酸甜度岩岩好，加埋炸雞塊一流，最鍾意佢個茄子炆伊麵，伊麵煮到軟但仲係原咬感，有小小辣更惹味，要提嘅係佢唔係每次水準都咁高，不過外賣速度好快

是日來到位於希雲街的華苑茶餐廳吃午餐，點了一個蒸土魷肉餅飯配凍咖啡與例湯。例湯真的一點湯渣也沒有動了匙喝了一口已放棄，淡淡的完全不知道是什麼湯而土魷蒸肉餅飯，土魷肉餅量少，飯多且有味精吃後感到口乾得很

忙完一個上午. 間場的時間, 來了銅鑼灣Hea一Hea. 先去了Time Square, 方便一下. 再係電話交代了一下事情. 之後的2個小時, 是一個完全自由的時段. 就是這樣, 我就細心的找找有什麼地方可以一個人午餐. 找茶餐廳, 找找下, 又來到了這一個舊式這廈. 12點的中午, 成個昏暗的商場, 原來是一個大飯堂. 為了選擇合適的茶餐廳, 我先巡視一周, 其中, 不斷的有人大叫. 原來是一家茶餐廳用來招客的叫賣聲. "埋黎食飯喂, 唔好等星期日啦, 有飯有麵有快餐..........." 一個身穿T-恤熱褲人字拖的阿叔不停的在商場內大叫. 很是搞笑.....我行過了, 出了商場, 仍然聽到呢一個絕世凡音....而我心想, 大叔咁有趣, 而且又咁落力. 唔幫襯下, 好似白費了你的心機咁. 於是, 就同佢說一個人......"一個人....冇問題, 冇問題....坐門口好唔好....."........之後有一班OL, 似係Team lunch, 黎下多一個, 黎下多一個.....她們搞到又加檯....當叫到那位大叔時...他說...."加檯呀嘛...靚女叫到, 加幾多張都得"..

午睡後, 肚子餓了. 但身子很懶... 不如叫點什麼外賣吃吧!order 15mins後哥哥仔已送來. 叫了檸檬豆豉蒸烏頭- 檸檬味不足, 烏頭不肥有泥味, 不過29元一整條魚+例水+飯+菜, 想點.xo醬炒西芹豬頸肉- 有少許辣, 幾野味不過最衰無酒送下.例水- 東瓜意米豬骨, 意米煲到好林, 入味, 正!在懶懶的晚上, 都可以是一個填肚的選擇.

今晚因時間關系, 冇出去食飯.所以只好叫外賣野食.就食樓下算了.都冇幫襯一排.星米 29蚊跟凍飲.叫了加辣的, 因下午的咖哩唔夠喉.4分鐘, 好快.果真好辣有火腿, 蝦, 肉絲.但不是义燒....份量ok, 但比以前細了少許.凍飲正常.這餐廳, 其實這條街, 真的是千年不變呢...在街頭巷尾食星米, 又回到十年前咁....

捧阿Sam場之前在附近醫肚。此店在大廈裏面，在大廈外圍行過未必留意到。要了蕃茄斑腩飯($23)及馬拉盞乾炒牛河($26)，均屬一般水準，牛河帶點辣幾好味，略嫌太多油及鹹了些。餐飲熱咖啡和熱奶茶亦都夠濃夠味，兩位阿哥也相當有禮，幾好招呼，都算經濟抵食。只可惜由得客人在舖內吸煙，要扣分。