華記食堂

營業中

休息中

這裏早餐米粉好吃但收銀阿姐長期黑面，人地一路叫一路催，仲要落錯單，已經唔係人多時段。已不只一次！做收銀員做到咁唔耐煩，不如唔好做，返去玩電話咪好囉。相反，出餐啲姐姐就超好人……

起初知道要來到石門工業區工作，心想，唉! 這一區一定冇啖好食。不過，在這一區工作的人越來越多，再加上京瑞廣場的出現，同埋碩門邨的落成，令到這一個小區繁華起來。令到這一區，開始多了咖啡店、快餐店、型格茶餐廳、酒樓、酒吧，甚至連日本韓國餐廳都有了。說麻甩工友飯堂，依然是照顧區內工作人士的主力之一，不過，有一部份的所謂麻甩飯堂，因為要吸引工友以外的上班族，因為要令到環境舒服衛生，有不少都出現了大改革。在我公司樓下的《華記食堂》，就是改革過後的型格工廠飯堂了。位置就在新貿中心，亦即是我公司樓下。這一家 "飯堂" 給大家的感覺是一間時代感十足的地方。再者，食飯時間唔中會聽到張學友 "夕陽醉了" 的歌聲，令整個飲食氣氛都好浪漫。《華記食堂》的格局簡單。設計，就是一間給上班一族快吃快閃的快餐地方。不過，快得黎又有空間給大家充充電。而且，的確可以充充電，餐室一旁有少許面對牆壁的吧檯位，有許多的現插頭同 USB 插頭，可以為電話充電。第一次來，是早餐。簡單地叫了一個全香港茶餐廳都有的五香肉丁麵。大光麵的湯底，但有五香肉丁的香辣味伴奏，整個麵都變得香起來。這些，其實就是香港打工仔的日常。《華記食堂》的奶茶

今日中午遇上陣雨，我和同事落到公司樓下，先發覺落雨無拎雨遮，結果迫住去左附近的華記食堂。好耐無行入華記食飯，自從間店大裝修執靚左之後，我地食過幾次質素和味道都差過以前好多，之後就一直再無幫襯，今次再來可說係再俾機會佢。可能中午時段加上落雨關係，入到去見已滿座，我外賣所以無影響我。枱與枱之間隔得好疏，走動好方便。點野食都係似大集團快餐先付錢點野食等顯示號碼再自行取餐。排隊點餐不耐取餐就都要等10分鐘。今次點左馬來香辣椰香豬扒湯米線和金牌奶茶凍飲，米線好軟身不易夾斷，馬來香辣湯味較濃係有點椰香，有三粒豆泡浸在湯好吸味好正，豬扒好軟身好味但就細塊。金牌奶茶飲落唔覺有茶香味只覺得滑似飲奶，「金牌」之名有點誇大只係當一般奶茶好了，同區來說偏貴，咁嘅價錢區內仲有好多好的選擇，間中來下食都OK，質素和味道都有改善。

今年轉左黎石門返工華記喺正公司樓下間中都會落黎買個早餐好中意買佢個奶醬多($23)😍d醬落得唔手軟花生醬係有粗粒花生個隻食落有口感多士好似平時食西多咁厚食完都有飽足感亦都食過佢既蕃茄雞扒煎蛋螺絲粉($32)欣賞佢會將個湯同餸分開唔會浸到腍晒雞扒煎得香口(有時雞扒會轉做豬扒 唔知個餐單幾耐轉一次)蕃茄湯有茄肉 唔係就咁蕃汁/罐頭開如果三色豆可以走剩粟米就好喇😂有時想飽肚又想食平少少會叫佢既雙餸粉麵($28)五香肉丁真係米粉既好朋友😋佢既米粉浸得耐d都唔會腍依然爽口 正😋😋都有興趣試佢既午餐但lunch hour個場成日滿 價錢亦都稍貴仲未試過😂

每次帶亞女去上興趣班都會黎lee間茶餐廳食午飯，lee間餐廳樣樣野都大大碟大大份。我緊係叫番個邪惡車仔麵啦，本身食唔到太辣同收銀姨姨講要少辣汁，佢好好人甘提醒我可以一半腩汁一半辣汁，今次既辣完全接受到了。我今次叫左4餸，冬菇、豬紅、蘿蔔、肥牛➕粗麵仲送生菜添，肥牛唔un，其實碗麵都好大碗。冬菇好入味仲好大舊。可惜蘿蔔炆得太耐入味過頭，太淋了。另外朋友食霸王雞菜飯➕老火湯，又估唔到佢整得好靚仔，雞都好滑添喎。小朋友叫左蒸飯，魚肚冬菇滑雞，算叫幾靚仔，唔太濃味，雞太淋，都可以接受。lee間鋪頭既蒸飯都好搶手

-🦄華記食堂-三餸車仔麵 Hkd43Rating🌕🌕🌕🌑🌑-誤打誤撞咁入左來呢間餐廳😂應該都算係員工食堂來👫Anyway就係到叫左個三餸車仔麵🍜呢間餐廳樣樣野都好大碗好大碟🤤🤤份量十足架 三餸叫左時菜🥦冬菇🍄蘿蔔麵底就簡左米線🍜相對份量比其他既少啲🙈冬菇同蘿蔔係超入味 入味過頭🌚🌚我嫌佢有啲鹹 好似成枝蠔油倒落去咁🌚但蘿蔔就好淋既 冬菇口感都唔錯👏🏻時菜就比左生菜 生菜都叫新鮮可以接受🤗Overall只要整到啲野食唔好咁鹹🤣就會好好多架喇haha🙏🏻🙏🏻🙏🏻-

肉丁面，湯不熱，面身淋，應是預先淥好再加湯進去。湯無味腸仔旦，同樣是泠凍的奶茶，有蓋紙杯盛上。一早沖定一杯杯。同樣也是不燙口，溫暖奶茶，適合趕時間的上班族，一口盡喝環境乾淨，牆身有USB充電頭早餐不建議，寧去傳統的工廠食堂或茶餐廳

因為地點方便近公司，本來裝修好環境好咗坐得舒服左，但去過幾次，但每次都係一肚氣，職員有問冇答，等食物有超耐，杯熱飲次次都變咗凍飲！依家石門多咁多選擇，唔使再喺呢間餐廳受氣了。

早上因工作要到鄉議局大樓，附近只有酒店或麥xx,行行下留意到對面有間餐廳，門外或窗都冇貼出早餐餐單，推門入 好raw既裝修， 就見到有廁所同洗手盆， 再直望見到cashier, 取食物counter,原來個餐單係cashier對面電子版，選擇都足夠，叫完拎住飛，就搵位睇電視等號碼， 不過我覺得比平常慢 似係炒旦個邊慢。因為拎時，個麵已林，唔太熱，奶茶味唔錯但暖暖地，個旦最熱，如果快d就更好。入面人唔多，因為沿鄉議局再入，會有更多餐廳。

由於附近返工, 總會經過, 裝修後, 第一次幫親.有幾款小菜配白飯, 有例飯, 有鉄板飯, 有是日特價炒飯.3人行........試  滷水牛肉面, 鉄板芝士牛柳粒飯, 鉄板芝士豬肉飯.可選配例湯 或飲品.滷水牛肉面-- 味道不錯, 但細碗小小, 女仔可能都還可以, 男仔肯定要2碗.鉄板飯- 其實一樣的, 只系牛肉同豬肉的分別,  兩種肉都好淋,  芝士都好夠, 有好多, 但味偏淡, 所以配咗一小鰻魚汁, 熱熱鉄板, 正.味道好好......價錢算偏貴, $50幾蚊起 ./ 餐,  不過味道的確比一般荼記好......性價比都值.會再幫親, 附近返工, 有時轉下口味都唔錯.

呢間華記食堂係石門來講應該都叫高價食店, 因為佢既收費比起一般, 尤其附近既茶記, 真係高左一截, 食物款式基本茶記野都差不多有齊, 不過的確比較精緻D, 而且有更多另類選擇, 例如有沙律, 有日式午飯,   可能佢同另一間走西式快餐食店有合作關係, 所以食物種類都多D ; 佢地既外賣包裝亦唔同一般茶記, 好似今日叫個馬來亞沙爹牛一丁, 佢個碗分兩層, 將湯同麵分開裝, 咁拎到番去食既時間先放番一齊, 就唔會整淋哂D麵, 而且個麵加埋餐包餐肉蛋味道都唔差架, 咁既價錢都叫值得既.

人人都說馬鞍山是飲食沙漠. 但是今日在石門站附近俾我發現咗綠洲. 係工廠林立之中比我見到有一間裝潢設計都好有特色的餐廳。我同拍檔走入去就食咗個午餐，都好豐富喎，可以再嚟食過。門面設計都好特別，一見到就好想入去食返餐午餐。我就柯打了即叫即炒的星期二菜單.....鮮蝦韮王炒蛋配老伙湯.大約等了廿分鍾.香噴噴的小菜及一碗菜干紅蘿卜豬骨湯配白飯就在桌子上了.雞蛋炒得很嫩滑.一啲都唔老.蝦仁很多也很大隻.爽口彈牙.菜干湯菜干都很多.洗得很干淨.煲得好稔口.湯一啲都唔油膩.味道甘香清甜.是配白飯的最佳拍檔。朋友選擇了三杯雞套餐，安坐着等牆壁上的螢幕打出手上的單號，送到桌上的食物還是熱的，這點很重要，主菜當然是那盆雞，賣相都可以，有洋蔥， 大蒜，西芹同薑片，有好大量的配菜，增添色彩美味，非常好味道。

我本身好鐘意食pepper lunch，難得華記裝修完咪同同事試下囉！要食梗係食新嘢la，我就叫咗下面呢碟la,又幾好食喎，真心拍得住my 飛佛嗰間，正！！！重點係多芝士！！！！D肉燒到脆，真係超超超正！睇嚟嚟緊ge日子都會keep住食！！！！

雖然家住附近，成日經過呢間餐廳，都未有時間入去試一試，今朝終於一嘗。原本是一間工廠區嘅老式茶餐廳，改頭換面後變得很有人性 （有免費wifi 和叉電）、時尚和有格調，而且價錢大眾化。

裝修後同太太試早餐,我叫咗個Ａ+Ｂ+C餐,點知個餐包凍嘅,炒蛋凍嘅,三文治凍嘅.同舊華記有咩分別呢? 換湯不換藥..價格,裝修,經營同遠d個間鴛x一樣,但質數真係鴛鴦之別....