華豐海鮮菜館

營業中

休息中

一行三人，地鐵關閉，走到牛頭角附近一小店，此店已是第二次幫襯，小店格局，沒有豪華裝修，是一間人情味小店此店鑊氣小炒舊式新式都有。豉椒炒蜆，豆豉味濃郁小小辣，蜆嘅數量亦都非常多無死蜆冇空殼絕對捉料，非常惹味黑椒茨仔牛柳粒，一道小菜非常經典嘅菜式，配料炒得香口薯仔走油變得脆口牛柳粒入味，整體感覺亦都非常好椒鹽鮮魷配上喼汁，分量充足炸皮唔算太厚新鮮熱辣送酒一流海鮮粉絲什菜煲，海鮮有蝦帶子魷魚魚柳，略嫌菜比較少但味道不俗。我哋再叫咗幾個白飯仲有啤酒，總括嚟講呢間鋪頭適合幾個麻甩小生一齊聚聚舊吹吹水飲下酒！

只有一個小時的lunch, 點左沙薑雞，菜同埋上肉骨，唔錯上野食時間夠快，有埋湯同野飲，每人都係$43。觀塘lunch呢個價錢已經好平👍🏻味道菜同埋上肉骨好味既，但沙薑雞就有d失望，比較普通😑

小菜可以接受，味道同買相都唔錯，佢地墨魚餅都真係整得好好食，炸得唔會太濃，唔會太油；但個雞煲真係好唔得，多湯汁，淡而無味，佢個雞煲試一次就夠，服務都係一般大排擋服務態度。

今晚睇完夜場 一行4人去搵野食 有人提議去宜安街搵食 結果來到華峰開餐我個人覺得必食百花鍋貼小棠菜剛剛炸起 熱辣辣 d墨魚膠夠彈牙 重慶雞煲(小辣)我個人覺得無特別 聞落好香 但食落無味咁呢碟都係味道分明 如果無蝦醬點來吃， 真係食唔落

羊腩煲是可以，但其他野就不敢相信了，水煮班頭腩又少又不是水煮，很差，其他也不敢多叫，真的不敢相信水煮及服務差成這個樣子，不會再有下次，收費也不平宜，有相為証，只能在這報告

住咗觀塘咁多年，反而好少喺觀塘食飯，今年就係一單新聞呢間飯店俾人走數💸💸💸。。令我留意到原來觀塘都有條食街😅😅😅後來就來了好幾次試過不同的美食。。。但我都係比較喜歡食他的河鮮筍殼魚🐟，筍殼魚現在也很少食肆提供。。。其實真係好好食又滑又多肉。。但係呢度嘅小炒就水準難保持，師傅有時水準好啲有時水準差好飄忽。。。今晚呢兩個小炒就OK啦。。。XO醬炒藕片。。小炒王。。。都炒出水準來。。。👍👍👍👍

今晚同屋企人黎到觀塘食晚餐..原本想去APM樓上餐廳食..但我地太多人..又無book位..結果都係黎食大排檔..有人食過..話海鮮ok..我地分別order左蒜蓉開邊蝦..蒜炒瀨尿蝦..豉椒炒花甲..每樣海鮮都好新鮮..蝦同瀨尿蝦都大大隻..花甲夠肥美..爽口彈牙..對鐘意食海鮮既朋友黎講係一流..👍另外果個黑椒薯仔牛柳粒都唔錯..通菜就一般..仲有個茄子魚腩煲..都食到好飽..好滿足..雖然都幾貴..但都值得既👍👍👍埋單千幾蚊

半夜收工前老友約去宵夜，就帶佢去公司附近的「華豐海鮮菜館」。呢間菜館向來水準頗為飄忽，但勝在開得夠夜，在觀塘區中是名符其實的深夜食堂。招牌菜百花鍋貼小裳菜是我每次必點的菜式，依然香口好味，蝦膠都幾彈牙。話就話係有小裳菜，其實你當佢係炸蝦餅會貼切D。難得今日個例牌的芝士海蝦伊麵底做出水準，個蝦唔係死蝦，蝦頭仍然充滿羔，至於個蒸肉餅就不過不失啦，放在荷葉上蒸也不太有荷香。其實此店食物OK，不過侍應叫極都唔應的態度，就令人頗為煩躁，肯定要扣分。

3條友仔年三十晚想簡簡單單食個晚飯，但四圍都人頭湧湧，這兒附近食肆多，剛巧這兒有位，就不防入去試試。點菜時，落單阿姐態度勁差，又係咁賣龍蝦伊麵抵食，但我地唔啱，之後我地分別點咗羊腩煲，辣酒煮花螺，聖子皇及燉湯（但之後阿姐話燉湯售罄），個阿姐又係咁話例牌得好少，唔夠我地食，樣樣都話要叫中份量 / 一斤，之後我地話okok，佢都仲嚕嚕囌囌咁話我地叫咁少嘢。其實我地諗住叫住先，又唔想食咁多……之後我地再加碟南乳吊燒雞。叫飲品就叫6，7次都唔攞嚟，阿姐態度勁差！喺大牌檔都唔預有咩服務，但都唔好好似我地欠咗佢咁，抑或我地食飯無錢俾咁！！（臨近新年，即使佢地態度多差，我地都照俾小費）蒜蓉蒸聖子皇蒸過火，較韌，亦唔覺鮮味；羊羊腩煲上枱時，好似停咗油嘅煲湯渣咁樣，好彩滾返熱都ok，味道一般，唔羶，但唔係全部都稔；辣酒煮花螺有麻辣味，我地都唔太喜愛嗰隻辣味，仲要叫咗成斤，唔想浪費食物，幾經辛苦先食晒南乳吊燒雞真係最高境界，外皮微暖及脆口，但內裏一啲都唔暖味道就無咩特別。其實，啲餸份量不少，可能叫例牌反而會好啲。

所有侍應連啤酒推廣果個都態度超差，啲碗同杯是掉上枱的，我地十幾人，諗食咩都要時間，但不斷催人落單，強迫人要某些餸同啤酒，想落其他餸同飲品當聽唔到！一定唔會再黎！！

約了朋友宵夜吹水，今晚我地已經10點幾去華豐呢度近小巴站，多線小巴可出旺角及過海亦有好多住宅，人流有番咁上下，店裏有些客等一檯客走就先可以入座，沒有餐牌只有檯面的紙仲有牆上當餐牌，食物種類很多我地揀了一條大海班，仲有豉椒炒蜆，避風塘炒蟹避風塘炒蟹，舖滿炸蒜,香氣籠罩肉蟹新鮮啲肉算係足，幾鮮甜, 有蟹膏精髓係啲蟹上面嘅炸蒜味濃炸得好可口辣椒及蒜蓉蔥混合在一起, 十分惹味非常擁有香港風味嘅一度炒蟹清蒸大海班斤半重味道鮮甜，最重要係無蒸得過老！豉椒炒蜆都算係幾大只，很新鮮肥美但ｄ肉飛甩晒熱辣辣，個豉椒汁就較甜，不合個人口味兩條友飲吓啤酒吹吓水坐到點幾總括來說食物水準可以，服務態度一般啦而且感覺衛生情況麻麻大排擋型式，只要好食我地就吾求服務同環境況且坐室內都算有互遮頭

在牛頭角上班, 食物價格特別貴, 郁O的就用到五、六十蚊。但係, 位於牛頭角街市對面的華豐菜館就可以提供$39 的午餐, 相比起其他食肆平唔少。(午餐餐牌)可以睇到, 大家可以揀唔同O既小菜, 選擇有好多, 好適合一大班人去食再SHARE。另外一個好處就係, 一大班人去仲送埋兩碟菜同一盤湯水, 十分抵食。(如果少人O既話, 可能就得返一碟菜)而每叫一款小菜, 仲可以有一杯野飲, 選擇都唔少, 汽水, 一般茶餐廳飲品都有(EG. 凍檸水)每一O既份量適中, 一個人食都夠哂飽, 如果胃口大O的O既, 都可以叫多碗白飯(有叫小菜就可以白飯任裝)(小菜之一:梅菜扣肉)味道而言, 係牛頭角黎講都好OK, 材料都幾足。個人特別推介(30)沙薑雞-夠大份, (17)蝦醬通菜炒鮮魷-夠惹味。可能位置比較偏遠, 但係質素OK, 而且環境乾淨, 值得握介。

今天就同左三五知已黎食!三條友叫左4個送!鹵水拼盤,滷水膽靚,6出來的芽菜是好好吃生腸爽脆,墨魚彈牙九菜豬紅.豬紅煮得很滑.汁很入味九菜吸盡滿有味的汁料.這才叫正~蝦醬付乳通菜, 辣就辣. 但鹹味就唔夠蝦醬付乳唔夠. 通菜就索索聲幾新鮮西檸雞, 炸得麻麻地脆. 汁偏酸總括食物質素如一般的大排檔雖然沒有海鮮，亦無豪華裝修汽水$6支白飯3個埋單一人一舊水, 抵食!

當好多人都係一個月前為平安夜的晚餐做準備的時候，我仲係好輕鬆，因為大時大節唔一定要去高級餐廳食野，去啲平民餐廳一樣有好野食，今年我地就來到觀塘的華豐。佢好多野都好好食架，墨魚餅啦，桶蠔啦。佢地個墨魚餅唔係直接叫墨魚餅，而係叫百花鍋貼小堂菜，原來百花係代表墨魚，佢個餅有啲小堂菜係到，最初以為會出水，但係出來的效果唔錯，好脆，一啲水都無。桶蠔就係用砵酒煮，記得係砵酒桶蠔，因為有一個砵酒煮蠔，啲蠔係街市賣果啲唔係入口果啲，出來的味道係唔同架，佢地會先比個桶蠔你睇，一桶大約5-6隻，都幾大隻架，佢用錫紙包住來煮，出來啲蠔都唔係細隻咗好多，佢地仲好creamy，同砵酒好夾。最後我地仲食咗蝦多士，佢係多士上面鋪上蝦肉，啲蝦肉有啲蝦膏同一啲切得唔係好碎，所以好有口感，炸出來又好脆，當飯食都可以，因為一碟都有好多件。我地當日有得早放所以6點就來到，當時無乜人，但係一到食飯時間就無幾多位；佢地都有得打邊爐，等我下次都去試下。

今晚同4個朋友0T完大約9點左右，坐底叫左5個餸，其中一個係黃金蝦，我出去睇過都好新鮮，海中蝦每兩＄16，就叫左1斤，點知碟蝦出到來甩頭甩骨，D肉又梅，有幾隻個蝦頭重發黑，我以後都唔會再去