菲律賓會 - 無國界食點 (已結業)

好少讚人,但昨晚在無國界食點bbq燒野食竟然有驚喜,雖然食物款式唔多,廿幾款,而且無貴價貨,但服務環境抵讚,食食下落雨,徬徨之際,侍應已經冒雨將把太陽傘開起,仲將枱面整理,換返啲新既膠枱布.見到佢地衣衫盡濕,但都不減熱誠笑容,真係抵讚.點知落左個幾分鐘雨又天晴,佢地主動埋黎收傘,原來又怕我地焗,嘩,細心,抵讚睇見佢地今時今日積極正能量,我女朋友十分開 心,話我識揀.2個人假期消費共$304,但開心左成晚,無拘無束,於是上黎話俾大家知,拍拖好地方,好過山長水遠做咕哩霸爐.

琴晚趁住假期前夕,同5個同事一齊去見識一吓呢間咁具爭議性既bbq,打電話去訂位,嗰個哥哥己經講清楚曬啲規則,去到開爐嗰時,又再講多次,真係有啲煩,但係出發點好,有咩事都唔洗抝,至於嗰度又真係人山人海,好逼,但係從另一個角度睇,咪叫有氣氛囉,而野食呢,就真係好一般,但係有得睇人打波,吹下水,啤酒可以任飲,都算係咁啦,另外,無咩侍應反而我覺得係件好事囉,係因為唔同角度睇?所以成班同事都話下次會再黎,點解?咪就腳囉,而且無乜待應又真係幾自由嘅.

訂完位,俾左訂,朋友話上網睇,劣評如潮,因為自己做host,於是再打電話去,聽電話既經理話旺季既時候每日有超過300個客,一個月就有成萬人次,肯定唔可以滿足每個人,而且佢同host講完任飲任食規則,其他人又唔知道,所以會有衝突,如果真係唔滿意,可攞番d訂咁話喎.聽完佢講之後,唔想再約過d friend,因為實在太煩,姑且去一次,反正都係160蚊位(VIP位).食完之後,都OK喎, d friend都有讚,環境服務唔差,交通方便,有自製醬汁幾款,有原味蜜糖,食落唔似溝水.唯一唔掂既係個廁所,廁所污糟,同埋睇見普通位又好逼.3個鐘之後就有人黎問加唔加鐘(20蚊位),但已經好飽,侍應收左枱面就任我地坐,抵讚.

昨晚跟一班嘩鬼到開飯網劣評如潮嘅菲律賓會bbq，一行17人，重點都係見吓面，吹吓水，食物質素呀，招呼周唔周到呀呢d......全部都係小問題﹗不過都有嘢講：1. 食物，記憶之中，我全晚都係食腸仔、丸類同蒜蓉包，其他都好似有扖類，不過138任飲任食，你想有d乜高質素嘅食物比你呢？咁基本上，成晚成咁多丸同腸，再加上食左一隻雞中翼，一定飽啦﹗2. 佢啤酒任飲，仲有忌廉可樂個d都係任飲，我成晚都好似飲左半打啤酒，啤酒都有幾款，我飲左幾罐珠江潮啤（都唔知咩黎？）3. 地方實在太迫，好彩我地係坐單邊，唔使比兩邊夾攻，但係每次行出去攞嘢食都要穿過一條大造木人巷，又迫又窄，加上又有爐，細路仔又冇地方玩同行，實在太危險4. 燒燒吓，又有少少毛毛雨，我地問waiter攞把太陽傘，佢一句答「冇」；有冇攪錯呀?成個club搵把太陽傘都冇？跟住再搵個經理問吓，又有wor......即係點？5. 食左成晚，我只對雞中翼有印象，佢yep得幾入味，燒起上黎都好香，放入口仍然好juicy，成個晚上最安慰的食物；其他丸類同腸仔都係同你自己係supermarket買的一樣。138連開爐費回唔回到本？我諗應該回唔到

我地一共12人 合共埋單$16xx今時今日洗左千幾蚊都要受氣! 我念都係呢間寶號可以咁巴閉!環境點樣自己同意先入坐無得賴!唔好要求食物質素! ---根本就係求其整d味上去! 又唔入味! 應酬下你咁囉!唔好要求選擇種類! ---一般平價野仲要其中小量選擇! 連豬扒棉花糖d大路平野都無! 又係應酬下你咁囉!唔好要求服務態度! ---自助餐無咩服務都神早知啦! 你唔好要求要咁要咁!? 佢d伙記會同你講係呢度係咁架無得改! 應酬下你都費時!要你填form無筆比你點填呀! 佢話有無攪錯12個人筆都無支!!! 任食3小時 時間一到佢走埋來叫停! ok!早就食唔落大家都係飲下野吹吹水! 起身走人之時,飲埋罐內啤酒! 佢係你後面即時喝止! 有無攪錯呀! 我都無再開另外啤酒! 只係飲完手上罐內剩餘啤酒! 你都係掉啫! 洗唔洗咁態度! 我來消費架! 比錢你洗呀! 我真係感覺到我係集中營用飯時間要停就要即停! 連口裹都要扣出來! 唔停就喝駡! 十分委屈!我好希望睇過呢間(菲律賓會 - 無國界食點)所有食評朋友真係唔好幫襯!

A group of friends came here for a pre-xmas gathering. Met some good new friends, had a good chat, but...People here were really rudehuffy:. Not Daipaidong's no time to deal with you type of rude (Which i find acceptable, coz they are damn busy) , but they made me feel like I am lucky to have been allowed to dine there!!With the bad economy, who has time for these people? a sample conversation:Friend: "Do you have any butter?"Dish collector: "What? You'd be lucky if you get to get some butter he

唔知點解人人都講到咁差.........因為我地一行8人今晚arm arm 食左呢度既bbq. d 野食既質素幾好wor, 而d工作人員既attitude都好好, 完全冇之前d人講到咁樣... 開頭我地仲戰戰兢兢, 一副戰鬥格咁......但後黎就完全冇事啦!推介食物: 腎 (薄而爽口), 栗米 (真係好sweet and fresh!!), mushroom: 好好食, 新鮮ga 都, 燒到乾乾地身就very good la! 牛扒 (好ok wor 既quality, juicy得黎又有咬口), 腸仔同雞翼就係一般bbq既quality啦. 其他食物既種類唔係話好多, 但一定食得飽gep.s.: *u* 樽裝汽水係任飲既. nice~~可以改善既係d 蜜糖, 真係好好好稀呀, 冇乜味..... 個人覺得bbq個honey真係好重要, 超級影響到成個bbq 既 quality 啦!

今日(21-11-2008Fri)同女友人VY決定聽晚o黎呢o度燒o野食,佢打電話o黎book7點左右,個女人一聽見得3個人,就叫我o地一係早啲o黎,一係晏啲o黎.VY問佢晏啲即係幾點?女人答10點.VY問早又即係幾點?女人答7點要燒完走囉.VY聽完好嬲.佢o地有冇攪錯?3個人唔係客,佢咁o既態度,我一定要上o黎話畀人知囉.

好同意其他的食評, 價錢貴食物差服務更差, 夠鐘即叫你走人...食完都一肚氣...呢個價錢,的確有其他更好的選擇...成班朋友都未試過咁齊心,個個都話冇下次!! p.s."服務"我想比負數, 最衰開飯網最少要比一分...

我好後悔冇睇清楚食評就去原來由2006的食評到2008年都係一樣咁須 ，首先通知大家幾嗰重點先 ~好欺既HONEY，只有鼓油，不知名飲品，食物種類少味道好淡燒烤食品有一般既魚蛋燒賣豬肉丸,豬牛雞扒,雞翼魷魚翼多春魚,粟米蕃薯冬菇等全部街市最廉價的、悶到反胃、醃得亦唔好。叫個侍應雪定個蛋糕...佢話要收切餅費50蚊。鐵絲網加$10。(個爐嗰塊咁既鐵網根本唔夠長，我哋都係撻咗隔離個爐嗰塊黎用至夠長 但就走埋嚟話加$10) 過時每人每個鐘收$20(只得3個鐘)。搞gag嘅係d服務員的態度極為有禮貌地惡劣。一夠鐘就即叫你走即刻郁手收野，無商量可言，連你個爐上面既野食都要同你倒埋。我覺得咁好過份囉。另外我哋9:30到先 照計係12:30走 我朋友11:00都係要12:30走 服務員解釋係同一張單好難計數so就要同我哋一齊走我哋9:30到即比錢朋友11:00到11:00比錢咁又點會同一張蛋,如果大家喺裹面見到朋友要當唔識呀,如果唔係就計你一張單搞gag。最唔滿意個時間同收費。如果呢個價錢，真係唔駛黎。

我地呢d夜鬼....收工後想有d攪作~其實好鬼難搵...除左唱k、睇戲、韓燒打邊爐...有時想搵d好d ge放題(貴都冇所謂)都一早收哂，各大酒店ge"宵夜"都係去到11:30，死未...我地呢d收11點搵食搵野玩好難...繼上次朋友介紹佐敦逸東到1:30am後....俾我發現到(又係佐敦?!)我地"仲有機會食"既燒烤!!!野食一般~~冇咩特別....最好食係蒜蓉法包+狂噴honey!其實燒親野食我都有個怪習慣...就係不停專攻丸腸類....因為次次臨食前一定好肚餓....燒果d雞翼豬扒...餓死都未有得食...野飲ok~汽水一支支任飲..好good~啤酒任飲(不過我地唔好呢個)...仲有迪士尼檸檬水飲~我見惠康前排賣6.9(即刻灌多幾支)呢間行會員制...可以免入會費做個臨時證先...個證一個月內有效....呢個月去多幾次試真d@@"""最抵死係.....10:30pm入座全單八折...仲唔係明益我地d夜鬼??抵錫~啜啜啜~~卜

今天有廠商請班同事嚟lee度BBQ, 總括是lee度每樣都斤斤計較, 質素如下:1. 服務差:我們一行15人本來坐較平的行位, 但發現太窄, 故決定每位加$20坐另一邊, 那邊有3個爐, 我哋坐最入,用2個圓形爐, 但見最出那個爐是長方形比較大, 咪叫佢哋比我哋用, 但他們話我哋14人用2個圓形爐已很足夠,故不比, 咁我哋咪算數law, 但後來燒到半路, 佢哋走埋嚟話要用長形爐來換我哋用緊嘅圓形爐, 嘩!當初係佢唔比我哋用,依家又嚟換, 唉!2. 食物差:係我去過咁多間BBQ當中最差的一間- 雞翼,豬排,牛排,金沙骨,多春魚,雞腎...都冇味,牛丸有油益味,只有芝士腸,燒買,秋刀魚較ok, 而蒜蓉包是成晚最好味了!3. 明屈:因有3個同事與廠商在樓上打牌,已食咗佢哋嘅晚飯套餐, 而我哋攞咗一碟仔雞翼上去孝敬吓廠商, 但佢哋都要加收1人錢, (但攞上去時,他們沒有說要收錢噃!)4. 一到3個鐘, 便即趕我哋走!!5. 環境ok, 但很暗, 很難睇到熟未!

貴食物非常普通,無選擇無牛扒又唔加無魚旦牛丸又唔理難食唔衛生D爐又難燒,好易燒燶野不知所謂

我地26號下午去左呢度幫best fd蚊蚊慶祝生日,卡拉ok加bbq4個鐘$218一個...好似仲有爐錢..我地廿幾人開左3個爐好似幾十蚊度....室內係唱k同食野既地方...燈光暗暗地都算乾淨,d歌又ok新...一定唔係老歌室外bbq爐就放左出面,燒烤食品有一般既魚蛋燒賣豬肉丸,豬牛雞扒,雞翼魷魚翼多春魚,粟米蕃薯冬菇等特別dd既有蒜蓉法包(唔係方包),一條秋刀魚(本身唔知叫咩,係d侍應話我知)煙鴨胸(冇諗住可以用黎bbq)...一罐罐啤酒,一枝枝汽水任飲....不過我都係飲水...因為唱k飲汽水好辛苦,不過唔多唔少都因為驚飲多左汽水就食少左野...一開始黎之前我叫個侍應雪定個蛋糕...佢話要收切餅費50蚊..除番20人都唔係好覺...如果侍應唔提我地,直到燒完都唔記得左個蛋糕???!!!我拿拿聲叫佢拎黎...唱完生日歌...送埋禮物~~~~成個party就完喇....overall黎講...都幾好...野食ok,野飲任飲好好,多得侍應哥哥提醒先記得個蛋糕...所以服務都好好,起碼冇催冇黑面...地方又乾淨呢...所以下次再攪party都會番黎攪!!!!!!!!

我地一行十人上星期到呢度BBQ,120蚊一個人3個鐘，樓上好鬼當風所以每人俾多20蚊轉落樓下榕樹位....0野食一般啦，丸呀腸呀蕃薯粟米果d...但比我發現有我最鐘意食既秋刀魚仲要原條果種...果度啤酒汽水任飲，不過我地冇人飲啤酒，剩係狂飲汽水...裡面竟然有玻璃樽既coke light同coke zero..我都唔知有呢個包裝~!!!!今晚最大驚喜係坐我側邊檯既係i love u boyz.....呀占占坐我後面...好開心牙~~~聽d waiter講成日有明星黎幫襯佢地都見怪不怪.....不過倒頭來..我都唔敢叫佢地同我影相＞＜”