菲爾斯曲奇專賣店

營業中

休息中

Mrs Fields 應該是灣仔金鐘人的集體回憶，以前金鐘廊電梯未上到已經聞到曲奇香。後來分店越來越多，質素也有下降，不過偶然經過還是會買它的「買五送一」曲奇。這幾年店應該關閉了不少，昨日經過金鐘站， 還是回頭買了「五送一」，索價$75。記得上次買的時候還是$60。百物騰貴可以理解，不過很失望曲奇是薄薄的一塊，不是正常曲奇的厚度。回到家裏，孩子見到曲奇，還是很開心，說很好味，但媽暗想已經不是以前的味道，幸好你們沒有察覺，沒有感到我的失望。即使如此，下次再經過，我還是會再光顧的，但希望質素可以改善。

夜晚九點半...帶着疲憊嘅身軀經過金鐘轉車本身諗住買個muffin獎勵下自己實行大大啖隊晒啲糖落口迫自己食到好甜好甜令自己有開心嘅感覺嗱...我唔係自己呃自己㗎.....話說我用$30買咗6件迷你白朱古力果仁曲奇只係用咗3分鐘嘅時間係咁食食食，好快就食晒個人亦都開心晒白朱古力果仁曲奇係我係Mrs fields 裏面最鍾意嘅曲奇餅因為d夏威夷果仁好好咬雖然佢哋嘅曲奇餅隻隻都係好甜但係有時氹下自己,食下甜野都係需要既

每次早少少返屋企都好期待買買二送二既鬆餅，雙重朱古力真係好好味，勁濃朱古力味，仲有野莓都好正❤️❤️另外仲有買三送三既朱古力特韌曲奇，最適合係同朋友仔開心些牙。通常金鐘站比起灣仔站款式多啲～特別係鬆餅😋

上Friend屋企幫佢妹妹睇PROJECT功課之前, 肚餓餓地，唔想成日食魚蛋燒賣，所以去左菲爾斯曲奇店買幾塊朱古力曲奇。 曲奇不是HEA放, 仲有心機用膠袋包好 這個是雙重朱古力曲奇，幾夠大塊, 朱古力粒似是半溶裝態， 食落唔算太甜，因為塊曲奇本身仲甜！ 餅唔係好脆， 有少許煙靱，我就鍾意Pret 的。起碼啲服務員態度無咁差先.....( 我在選味道時, 職員不耐煩, 完全唔想我企響度睇, 阻住佢冥想....), 失望!

今朝，阿妹買左幾個鬆餅返黎做早餐。呢隻鬆餅係美式鬆餅，唔係英式。我見四個鬆餅，求其拎一個黎食;個樣好似發霉;大細就好似一個女仔掌心咁大:色水方邊又紫藍色又紫紅色，唔講唔知我以為上緊chem。食的時候，我覺得鬆餅好軟﹑好鬆;初時唔甜，食食下越食越甜;開始食到紅莓的味同果皮﹑果肉。對我嚟講，佢屬於偏甜。本人認為要遷就番本地人口味會比較好;始終香港人比美國人無咁受太甜的食物。

今日做了好人，搭的士執到電話，致電約好交還給機主，對方好客氣，約定時間到了地鐵站交收，對方好開心，仲送了曲奇做回禮，真的驚喜，因為都不是第一次執到手機，幫人不望回報，但對方有心會好開心（開心過比錢）回家打開，一個好精緻紅色小盒，內有三塊杏仁味曲奇，每塊都有獨立紙袋，肥髀同我一人一塊試食，佢就好喜歡，我就唔喜歡呢間曲奇店個口味，呢間店曲奇係勁淋，唔脆口，而且太甜，雖然中間夾雜脆果仁，都唔能令我喜歡個淋淋嘅口感！所以另一塊都係比埋肥髀！心意最重要！幫到人！feeling great!

跟友人食晚飯，唔知喺唔喺驚我食唔飽，仲送我一個Mrs Field美式鬆餅一個當宵夜，客在太客氣，其實餐飯小弟食得好飽。打開包裝紙，未見樣，一「聞」已大概知咩口味，因為「蕉」氣勃勃，加上鬆餅面鋪滿唔少合桃粒，所以，未食都知喺香蕉合桃鬆餅。鬆餅烘得金黃，入口鬆軟，卻帶點濕潤，每啖都有陣陣牛油甘香，又充滿濃濃蕉味，不過，除咗餅面有合桃粒，奇怪在餅心又唔多有合桃粒喎。食晒成個，其實都幾有飽肚感，今個食評寫得簡單好迤，就正如跟朋友嘅一餐飯，就算食得迤，都喺帶着一份心意，一份友情。