萬利士多

營業中

休息中

實在不能抵抗鴨既騷香(膻香),入石澳唔食過唔安樂,所以我又食鴨屎忽牛筋瀨粉啦,飲埋黑啤冇得頂XDDDD其實佢地仲有好多野食,牛腩牛肚牛雜叉燒雲吞菜肉餃雞翼魚蛋墨丸大腸.....朋友問點解我淨係食燒鴨同牛筋呢?咁咪因為鍾意食,而佢果度整得好食囉XD就係好食先要話比人知之嘛,唔係寫openrice 做乜姐XDDD燒鴨既油脂香味,鴨籮柚既膻味,辣椒油既辛辣香味,牛筋既滷水香料味,滑捋捋既瀨粉,有時係爽口,有時係煙韌充滿彈性,有時係軟軟黏黏,唔同口感既牛筋,仲有肉質實而不嚡既燒鴨,點會次次唔想再食?

咁耐冇放假,一早訓醒拿拿聲奔入石澳,曬返夠本先,個肚空空又點游水呢?一落小巴先係ming's cafe買杯爽歪歪熱情果菠蘿沙冰,再直衝停車場盡頭既萬利士多(個地面真係好熱,係真係要衝既)整碗燒鴨牛筋瀨粉先,同老闆講要食鴨籮柚,因為好鬼鍾意果陣騷香味XDD膠質豐富,又唔會太濃味既牛筋,仲有滑捋捋既瀨粉,加兩匙更辣椒油, 真係超正.一邊熱辣辣食到成頭汗,再飲返啖熱情果沙冰,成件事簡直係完美呀食飽就落沙灘曬住訓嚕.

Weekend去沙灘玩中午食碗粉先，唔係第一次呢，叫自己食開既牛腩-自問唔係專家，覺得好入味，好過好多出面食到既韮菜餃-好飽滿，覺得幾新鮮Hea hea 地去沙灘既唔錯選擇下之食埋燒鴨同炸雲吞#石澳#萬利士多

起身本來好眼訓,但見到咁好天都係要入一入石澳,男人話掛住海參,就要食萬利士多,點知...... 燒鴨賣曬!冇燒鴨食吖,點算好呀,男人即時決定要叉燒出前一丁,加罐提子芬達,其實佢有海參同佢玩就食乜都一樣架啦,如我所料,問佢叉燒丁如何,佢話ok,對眼淨係望住海參.....我就揀返牛筋瀨,唔記得走蔥,好彩得幾粒...同上次一樣,牛筋淡口,同日日食滷水果種唔同口味,點辣油豉油食,都幾有白焯鮮食feel,有d 牛筋比較爽身,有d 比較軟焾,兩樣都好食,不過真係好熱.. 探海參更要帶手信啦~

好耐冇入過石澳啦,好掛住哩度既海,人同食物呀,上次入黎好似係浮台吹爛之前....今日首先食既萬利士多既鴨粉,男人首先搶走左鴨patpat,好過份,老細見到咁,再開鴨果時果舊比左我XD我要燒鴨牛筋瀨粉,燒鴨肉軟,唔難咬,有肉味,牛筋白雪雪,以為好淡口,,原來又唔同平時食滷水咁,反而有d 鮮焯既感覺,加d 辣油調調味,正,燒鴨pat 夠曬騷香,好在老細肯比埋我咋XD食野其間仲有貓咪巡視業務,佢叫做海參呀,佢鍾意人摸摸多過食罐罐

難得來港島東南區，乘車入石澳逛逛，看看浪濤湧，或來個午睡一兩小時，想必十分寫意。當然午睡前要有催化劑，才可睡得更香，就是先要填填肚子。在停車場旁的這間士多，兼經營了熟食檔，由兩位女士打理，有三文治，燒鴨，叉燒，魚丸，雲吞粉麵等，我們點了魚丸麵和牛肚河。牛肚爽脆、清淡，沒有濃郁的花椒八角味，河粉軟滑，而魚丸麵有魚丸和魚片，彈牙得來帶丁點魚腥，使我清楚知道是用真材實料造的，麵質也不錯，最欣賞的是每碗都有菜心伴著，鮮嫩多汁，咬落與別不同，難道這真是「郊外油菜」？現今不過二十元的粉麵，也很難得會有菜伴了，何況是那麼可口。看過山頭村的巨浪拍岸和一望無際的大海，四時許，太陽光減弱了，我們走到沙灘租借兩張沙灘椅一邊聽浪聲，一邊聽弄潮兒的歡樂聲，徐徐進入夢鄉，睡了個多小時，叉足電，又要回家做飯給小魔怪了。