萬發食館 (已結業)

因聖路易一行缺席了一次基礎, 這星期回復正常, 又來一次三人飯局. 其實真要多謝姊妹C每星期三跟我們的約定, 多個人可以試多幾樣.揀了這裡, 因為比較就腳.又要坐樓上雅座, 從類似後巷的地方, 經過廁所同隱蔽的樓梯, 環境比想像中更差. 但在樓上的地方尚算光猛.三個人唔食火鍋了, 要了三個小菜.馳名咸水雞$70: 7分, 半隻咸水雞, 係一隻肥雞, 仲係相當肥個隻, 雞皮極厚. 但雞肉好嫩滑, 黑肉部份就唔係好入味. 小弟專挑黑肉食, 留了白肉給文迪同姊妹C, 但跟據姊妹C講, 白肉都係好滑.作為掛頭牌的食物, 其實有點失望. 始終係小弟心入邊的排行榜, 這裡的雞不算很高分.黑椒牛仔骨煲$48: 8分, 熱辣辣的煲仔菜, 上臺時非常多煙. 黑椒汁好入味, 煲下面的粉絲同洋蔥吸收了黑椒汁, 相當美味. 但牛仔骨肉不多, 而且好多肥羔.味道幾好的一碟, 若果牛仔骨的質素好一點會有更高分.金銀蛋豆苗$48: 7分, 餐牌寫金銀蛋時蔬係$40, 叫的時候又沒有聲明豆苗要加$8, 但埋單時而碟就收$48, 不太老實. 不過而碟係相當大碟, 好多豆苗, 亦炒得不錯.整體來說, 食物係有水準, 環境

星期一見凍凍地同兩個朋友去呢處打邊爐, 叫左一個雜菜湯底; 三寶丸, 美國桶蠔; 枝竹; 本地牛肉; 一個三并(菜肉餃, 魚皮餃同竽絲)同兩支野飲. 個湯底好多菜, 叫左之後都唔洗再叫其他菜. 三寶丸勁正, 如果唔夠可以encall, 蠔就放落去再上返黎都係同一個size, 好甜呀. 唔洗加一. 每人都係唔洗100, 已經夠飽. 雖然地方唔叫好好, 似一般大排檔, 可以接受. 如果有人問我旺角打邊爐去邊, 一定介紹呢間.我見牆上面同d侍應手上的小菜個樣都好得, 下次都試吓.

我今日同我班friend去食飯,佢地話介紹我去一個地方,話有好野食,佢地帶到我去白布街,我一睇,心諗e d咁o既地方邊有好野食ka,我地一坐底,就叫左個雜菜湯底,點知一試之後,又真係幾好味bor, d 野好新鮮,由期是鵝腸,真係好新鮮,d牛肉又鮮味,虾丸同墨丸又正,若果鍾意食魚,呢到又有生劏大龍躉,由其係斑刺好味到暈!我地一共叫左十幾蝶,樣樣都唔錯,仲有仲有..我地仲叫左個椒鹽雞軟骨,呢碟餸用來佐酒真係無得頂,食到班fd 個肚脹卜卜,估唔到呢條街都有間咁既正野.

先講位置, 打滾左九龍咁多年, 呢條"白布街" 真係畀佢考起左. 原來喺黑布街隔離. 沿住染布坊街(火車軌對面)由泉章居向油麻地方向直行200米就會見到白布街, 轉右就得喇. 佢個門口可以泊車, 有人睇住唔驚抄牌.佢個豬骨煲好正, 好多黑椒夠0野味.到我0既至愛"肥牛", 佢呢度有4款牛:1)雪花肥牛($28)2)新鮮牛3)手切肥牛($48)4)極級手切肥牛($78)一埸來到, 當然試佢最好果隻$78極級手切肥牛.果真有料到, 好香牛味, 有d入口即溶feel, 掂! 不過份量就細碟左d.唔夠喉, 試埋佢個$48手切肥牛. 發覺同$78既極級牛有一段距離. 雖然都有牛味, 但入口有"渣", 有d "un".奉勸一句, 有心食就唔好慳個$30.其他配料, 推介墨丸, 蝦丸同蟹籽包.等埋單時, 聞到有陣好香0既味, 回頭一望, 原來係"煲仔菜", 仲要唔係一煲, 係幾煲, 最頂癮0既係煲煲都咁香! 好可惜我地已經好飽...... 下次一定要試.

一年前經朋友介紹黎呢度打邊爐~ 以前不嬲鍾意去d任食既酒家~黎過呢度之後...再無去任食果d!萬發d野係好新鮮~小食都好正，特別係椒鹽九肚魚~ 兩個人食都幾廿百蚊左右!泊車又方便!門口個肥仔走鬼果時會叫你，有時泊係另一間車隔離，要走果時先倒車~! 不過要講缺點就係...呢度太多人，成日都要等!!

昨晚兩公婆去到打邊爐,好旺要坐門口,但食物好新鮮,我地叫新鮮肥牛$48,雪花肥牛$28不過二種差不多所以都是叫雪花肥牛比較低.手打三寶丸唔錯,什菇不過鮮東菇太多金菇太少.生豪新鮮煮完唔會變細,貴花蚌好鮮,好爽.服務都幾好.

昨晚有點事約了出來，做完事之後我們三個人便來了這裏食晚飯。本來打算食火鍋，但因人少，最後決定叫小菜。我們叫了蜆介鯪魚球、油鹽水浸蜆、京都排骨和蒜茸炒西洋菜。蜆介鯪魚球- 炸得幾脆，又大大粒，鯪魚味都唔錯，而且唔會好油。油鹽水浸蜆- 好多蜆，但好多都只得個殼，肉甩曬，蜆又好細隻，有點失望。京都排骨- 味道一般，又多骨，比相差得遠了。蒜茸炒西洋菜- 唔算太新鮮，味道一般。因坐在街邊，天氣又凍，菜好快便涼了；而且小炒做得好一般，看來來這裏食，還是食火鍋會好點。

聽朋友說這裏打邊爐幾好，自已又未來過，早幾日便約了辣椒女和她的細佬一起來試試。我們叫了鴛鴦湯底(沙嗲和莞茜皮蛋)、雪花肥牛、新鮮魚肚、手打三寶丸(鮮蝦/墨魚/鯪魚)、美國桶蠔、貴花蚌、大雜菌、鮮豬腰、鮮魚頭、醬爆沙魚丸、蟹籽包、皇廷貢丸、健康竽絲、蘿蔔和山根。雪花肥牛- 細佬話都幾好味。新鮮魚肚- 很少打邊爐食這味菜，味道幾好，值得一試。手打三寶丸(鮮蝦/墨魚/鯪魚) - 鮮蝦和墨魚比較普通，鯪魚丸就幾好味又新鮮。美國桶蠔- 在這種食店，好少食到好味的生蠔，但今次都算例外，味道新鮮，完全沒有臭味，真係幾好。貴花蚌- $38元有六隻，價錢好底，也好新鮮，也可一試。大雜菌- 比上次那間多好多，味道都算唔錯。鮮豬腰/鮮魚頭- 我沒有興趣，但辣椒女和細佬都話好食。醬爆沙魚丸- 味道一般，可以不要。蟹籽包- 普普通通。皇廷貢丸- 味道唔錯，幾彈牙又有口感。健康竽絲- 正常的一般。蘿蔔- 切得比較薄，所以比較快熟，味道都唔差，又無根。山根- 一般。這裏的食物幾好，值得再來，可惜海鮮比較少選擇，唔係相信會更加好。

由於家住附近, 所以一星期總會有一,兩晚係呢到小炒晚飯或打邊爐, 呢到小炒出品相當唔錯, 另外打邊爐的肥牛, 四寶丸... 都不可錯過。豬骨鍋, 和羊腩煲都一樣可以做鍋底...可惜佢愈來愈旺...愈來愈早無位...

單拖食飯，無咩人未試過。但一條友火鍋，總會受到四週2打6閒人的注目禮。街邊火鍋，加上聽聞的士佬飯堂鑊氣夠，兜兩兜辣到飛起，以身一試，不過係試火鍋，因為我鍾意！首先魚肚係搭檯的，因為…我鍾意…但如果魚肚由一始就放，到包尾時食的話就真係正到暈。其他例牌鵝腸鱔片肥牛啤啤佢再加黑拍葉；都係為個湯比魚肚吸味的。