萬記粥品

營業中

休息中

大埔中心附近終於有一間食得過嘅粥店，因為好多年呢一區都係得兩間粥店，另外仲有一間茶餐廳有粥食(幾年前停賣粥因為請唔到師傅)，不過佢哋啲粥品都係麻麻哋，行遠少少仲有兩間以腸粉為主打嘅粥品店，係同一個集團嘅連鎖店，不過一來行得遠，二來佢哋嘅質素都係高呢幾間少少，所以已經好耐冇喺屋企附近食粥。不過呢間新開一段時間嘅粥品店質素唔錯，當然比起外面好食嘅都仲有一啲距離，不過喺區內嚟講算係唔錯，而且佢個價錢比較合理，一碗魚片粥都係$24 ，另外嗰兩間一間$26一間$30 ，大家可以比較吓。今日叫咗魚片粥、皮蛋瘦肉粥、豉油王炒麵同埋蔥花齋腸，各樣嘅水準都OK，有時會覺得其實一碗粥係唔係咁難，原來越簡單嘅嘢往往就係越困難。