葫蘆館 (已結業)

今日本打算去吃甜品……去到看到掛在招牌上的招租牌……結業了……可惜呀！這店我由通明街開始幫襯，雖然有一段時間搬離該區而少了光顧，你說它的撞奶變了嗎？我不太認同……不過各花入各眼……店舖也關了，爭論也不再有意義。不過說到對這店的至愛，非腐竹雞蛋糖水莫屬……它們這糖水有點與別不同……首先我喜愛的是沒有像大多糖水店一樣加入白果，其次是糖水中的腐竹是一塊一塊可吃到的不似得其他地方那樣又碎又爛，而最後一點，它的甜度對我來說也是剛剛好，而且那個甜的味道，也是我在其他地方找不到的至於雞蛋……不過不失吧，雖然說不出優點，但也找不到缺點呢

好多年冇寫食評，今日真係忍唔住。知道呢間舖頭好多年，一直都想試佢嘅薑汁撞奶，話晒成40幾年歷史。叫咗一碗外賣薑汁撞奶， $31，比完錢嗰下已經知道中伏，見到四位員工（兩位女士加兩位小朋友）喺廚房度不斷將啲糖水放入微波爐叮。唔係講笑，如果你堂食嘅話你會不斷聽到「叮叮叮」咁嘅聲。落單時間啱啱好晚上9:30 ，我足足等咗23分鐘， 9:53先拎到，返到屋企大約10:15，碗嘢仲熱辣辣，但佢係一碗液體，姜奶，有少部份凝結，非常少，請參考下面圖片。見到另一個留言話曾經打返去問，仲俾人話佢撞散晒個薑汁撞奶，真係好笑。喺另一個評價見到有人話呢間舖頭俾人接咗手，睇嚟留住咗招牌但係留唔到食物味道，可惜。大家要去飲姜奶就不妨考慮啦，$31碗㗎

最近我去咗觀塘葫蘆館，聽講佢哋之前有結業，但而家又有人接手繼續做，真係好開心！呢間野既薑汁撞奶我由細食到大，所以就再去一試轉手後，究竟有無變葫蘆館環境幾舒服，設計簡約又有啲懷舊感，坐落唔算太多，但算係乾淨企理轉手後見到廚房係個女士負責，店員竟然係佢既女兒，女兒好乖，好有禮貌，好叻叻薑汁撞奶薑汁撞奶一上到桌，香味就撲面而來。奶味濃郁，配上薑汁的辣，口感真係好好，奶好滑，入口即化，而薑汁又帶嚟一陣暖意，如果天氣涼d就好適合暖身。雖然轉左手，但質素一d都無變👍我特別鐘意呢道甜品嘅平衡感，唔會太甜，仲可以感受到薑的香味，同埋我係食慣多薑少甜，咁就可再特出種薑味同奶味。最緊要係質素一樣好，味道完全無變，真係好開心見到新主人繼續保持咁好嘅水準💕🌟

已經食咗好多年就算呢排轉咗手都仲KEEP到水準👍呢度好多糖水選擇餐牌都有4張😝基本上大部分港式糖水都可以喺呢度叫到而呢度最出名係食🫚薑汁撞奶🥣好足料~薑夠辣~奶夠滑👍又濃又好味🤤🤤另外可選辣度，如果怕太辣既可以叫少辣😜不過我最鐘意都係食🥚腐竹雞蛋糖水🥄同出面唔同無咁稀，腐竹都唔會碎哂無白果/意米~簡簡單單就已經好滿足😋😋我平時仲會配埋飛碟餐，當食埋LUNCH/晚餐😚飛碟有好多餡料可以選，例如香蕉/咸牛肉等而且每次都係熱辣辣上枱架♨️

網上看了下原來這間鋪經營有40年歷史可惜2月後就易手到他人繼續經營店舖細細間都幾多人光顧不過人手有點少而且好亂應該好好安排人手 薑汁撞奶好足料的薑汁但辣度蓋過奶香 楊枝甘露豆腐花 雜果西米露

呢間葫蘆館已經開業左四十年絕對係陪伴住觀塘人成長既小店大家都大讚佢地既薑汁撞奶好出色今次就特登黎觀塘試下佢一黎到見到好水汪汪 仲天真以為佢未撞好點知放左隻鐵匙羹上去就知道 係撞得岩岩好🥺係DONG L DONG L 岩岩好既狀態一食落啲薑味非常出 非常濃郁 好夠辣薑味唔會淡貿貿 食得出係真材實料呢到另一樣好好既係 可以自由選擇辣度如果怕辣又或者想食辣啲 可以自由選擇下次黎要試個再辣啲既先得😋薑汁撞奶 $30📍葫蘆館觀塘宜安街二至四號地下

係觀塘區讀書工作遊走多年，葫蘆館係其中一間伴我成長嘅小店，好local 嘅中式糖水店，家庭式營業，藍底紅字，鐵羹，好多記憶點嘅食店，特別喜歡佢個“羗”字自己唔太飲得奶，但每到冬天都會幫襯佢個熱薑汁撞奶（加辣）好多做薑汁都係唔夠薑。但佢薑夠辣，奶又滑，冬天食簡直暖在心。因為係即撞，所以呢d就係手工，心機。今次很奇怪，知道這味道正倒數中... 當前畫面既熟悉又陌生，感觸良多，但亦無奈！眼見越來越多小店因為不同嘅原因慢慢消失，更令自己要努力去珍惜這些現有嘅回憶同味道。

係觀塘區讀書工作遊走多年，葫蘆館係其中一間伴我成長嘅小店，好local 嘅中式糖水店，家庭式營業，藍底紅字，鐵羹，好多記憶點嘅食店，特別喜歡佢個“羗”字自己唔太飲得奶，但每到冬天都會幫襯佢個熱薑汁撞奶（加辣）好多做薑汁都係唔夠薑。但佢薑夠辣，奶又滑，冬天食簡直暖在心。因為係即撞，所以呢d就係手工，心機。今次很奇怪，知道這味道正倒數中... 當前畫面既熟悉又陌生，感觸良多，但亦無奈！眼見越來越多小店因為不同嘅原因慢慢消失，更令自己要努力去珍惜這些現有嘅回憶同味道。

開業起過40年，號稱全港首間薑汁撞奶專門店的葫蘆館早前宣布將於2024年2月24日結業。由於我家是這間店的忠實顧客，得知這個消息後亦大感不捨。畢竟，如今還會供應薑汁撞奶的甜品店已經少之又少，再覓替代品也不是易事。🍴薑汁撞奶 ($30)這裡的薑汁撞奶有三大特色。一，手法正宗，店舖標榜無需蒸焗燉，只要靠純粹的「撞奶」便能成功製成。二，糖度和辣度通通任食客決定，甚至無糖也可以。不過要注意無糖版本不是甚麼時候也供應，所以也非常靠運數。三，撞奶有多種口味供選擇，除了正宗的原味，還有很多迎合年輕人的另類口味，例如椰子和士多啤梨味。一個合格的薑汁撞奶，匙羹要能夠放在奶的表面上而不會掉下，這點葫蘆館做得到。奶亦非常順滑且不會呈水狀。最重要是薑味十足，同時又跟奶香取得平衡。不太能忍受薑的朋友記得選擇少薑。還有一星期，大家快點好好跟它道別吧。

以前試過，無乜消息，以為已經執咗，原來未，今次再黎，雖然要等20mins，不過唔緊要啦，因為好可能係最後一次人龍8:30pm 後開始出現，起碼20+人個人意見：好食過義順，因為姜味夠辣

網上見到唔少老字號、人氣小店等相繼宣佈結業，幾許唏噓😢有幸係開業將近四十載嘅呢間中式糖水舖，結業前提前嚟回味一下～下午3點開門前已經有人龍排隊等，天氣凍入到去食碗熱辣辣嘅薑汁撞奶真係暖入心😳店舖以即點即撞嘅薑汁撞奶馳名，辣度同甜度都可以按顧客要求加減呢樣貼心👍薑汁味重而且奶香濃，兩者平衡得好好味😋用薄身鐵匙羹片起食，入口好滑溜，食完一碗會想再encore~臨走不忘買包薑汁軟糖，甜得嚟煙煙韌韌，薑味相對冇咁強勁，即使完全唔食得辣都啱食👍家庭式嘅經營，除咗keep到味道水準好，仲有份人情味☺️可惜店主年紀大，店舖將會係2月底結業，成為街坊回憶入面嘅味道了～

呢間觀塘薑汁撞奶老店呢？喺2月29號就正式結業，趁住佢未結業之前就一於買兩碗懷念吓，好耐之前食過一次係唔錯的，而家嘅傳統中式糖水真係買少見少！夜晚10去到都係要排長龍好多人，薑汁撞奶每張單只係限購兩碗，生意非常之好！🍴薑汁撞奶 $30 (7/10)非常強嘅薑汁味，有少少味，奶味都濃郁，不過唔知係咪撞得唔好成個質感係流質嘅狀態，一啲都唔係凝固 😂好失望…🍴冰花燉蛋 $27 (5/10)有蛋味但過左火候，好老，唔夠滑推薦指數: 6/10可能堂食好啲….

葫蘆館由細食到大，由佢仲係斜路舊舖已經開始黎幫襯。細個鐘意食佢既大堆頭，大個接受到薑味就開始食佢既薑汁撞奶。薑汁撞奶係每次黎必食！薑味濃，唔太甜，而且個texture係撞得岩岩好，唔會太水溜溜，亦唔會太硬。依家香港真係好少有地方做得咁有水準！另外叫左個冰花燉蛋，只有凍，無熱。蛋味香，而且都幾嫩滑，好食！可惜葫蘆館做到2月底就結業，以後就只能夠係記憶中回味。

📍 葫蘆館🇭🇰 觀塘宜安街2-4號地下2A號舖早前係網上見到佢結業通知一於就去試下呢個傳統著名嘅薑汁撞奶🤩晚上10點左右去 排左15分鐘左右除左甜品 原來佢都有啲鹹食！想試嘅話 就要趁24/2之前去食啦～😋 薑汁撞奶 $30之前都試過係屋企整過 但無一次成功同埋唔係好多地方有得食呢度整得好完美！睇落好似好水咁但其實唔係 質感好似燉奶咁滑～同埋超夠薑 夠辣！😋 凍紅豆沙燉奶 $27唔錯～一樣好滑 唔會好甜😆😆

每次經過觀塘都會想食葫蘆館，特別係冬天的夜晚，必點多薑的薑汁撞奶做宵夜。薑汁撞奶唔係太多糖水店會做，而且我會要求多薑汁，特別正，食完成個人暖晒，驅寒最啱養生女士。薑汁撞奶 $31我要求多薑汁，唔好見佢咁奶白色，其實好辣。今次叫外賣係車趁熱食埋先走。如果堂食仲可以親眼見住佢點樣用薑汁撞奶。剛剛見到有新產品，$10包薑糖，簡直係街坊親民價錢。即刻買來試下。估唔到好味喎，即刻再買多一包。其實小店有好多類型嘅糖水，有芋圓，豆腐花，飛碟之類嘅傳統糖水同埋小食，多士，沙律，刨冰，布甸，涼粉，西米露，紫米露，燉糖水之類，好多類別。一家大細去食一定搵到啱嘅嘢食。