蒲羅

營業中

休息中

今日喺樂富放工見到有間食新加坡菜嘅餐廳叫蒲羅睇吓menu, 有好多選擇仲有下午茶供應👍🏻見餐廳入面有位，就入去試吓啦✨越北綜合牛肉湯粉🍜🐮有生牛肉，牛展，牛肉丸上菜時見到仲係鮮紅色嘅生牛肉🥩好快就俾啲熱辣辣嘅湯淥熟證明餐廳真係提供生牛肉同埋啲湯都好夠熱🔥湯粉面頭有好多䓤🧅🥬好睇之餘又好有青草味啱晒鐘意食䓤嘅我河粉煮得剛剛好🍜夾落唔易斷又唔會一餅野咁痴埋份量亦好多，隻碗好深，食極都仲有🤟🏻湯粉會伴隨一小碟辣椒🌶️生牛肉有三大塊🥩唔係全部都係肥膏食落似係牛板腱肉牛展有三大塊🥩而且每塊又大又厚食落好淋👍🏻牛丸咬落唔係普通牛丸係有好重牛味嘅牛筋丸湯底鮮甜，飲落唔鹹食完碗麵都唔會口渴😋✨蝦頭膏生菜🥬上菜就聞到海鮮蝦油香味食落冇渣唔苦✨南洋白咖啡☕️要熱的咖啡好香飲落仲有陣陣榛子香🌰又帶有少少咖啡苦味兩者好夾🥳餐廳內部乾淨企理枱枱櫈櫈都好乾淨餐廳通風充足💨💨食碗熱辣辣嘅麵都冇滴汗侍應態度親切有禮👍🏻對食客都好attentive👍🏻👍🏻會再幫襯

樂富呢個成熟既住宅區，都有好多吾同特色既餐廳🍴如果想食新馬菜，就會推薦多間分店的餐廳——蒲羅，絕對有品質保證啊😋呢度一看裝潢就有氣派，新馬菜的風格，店員服務態度也很好很友善。晚餐有套餐可以選擇，亦都十分划算，主食小食加飲品，都係$100 內。今次要食正宗肉骨茶，我就點左正宗巴生肉骨茶配油飯 $92， 小食就要最喜歡的新加坡🇸🇬鹹蛋黃魚皮，加杯熱南洋白咖啡就perfect 啦。肉骨茶用微火熱住，賣相不錯，份量也多，冬天喝喝肉骨茶補補身真的不錯，整個人都暖和了。鹹蛋黃魚皮是我的最愛，跟平時吃的一樣，有水準不錯👍食飽飽最後嘆返杯咖啡☕️大大的滿足😌

叫左蒲羅蝦麵+鹹桔水之前係馬來西亞食過，會比較重口味好香濃蝦味及油膩少少，燒肉皮脆邊，食完真係返唔到轉頭，因為太好食。香港食這是相對比較淡蝦味，湯底唔出色，叫做過下癮，湯底唔油膩帶清淡蝦味，港式蝦的蝦麵😂麵質有兩款，油麵加米粉夠彈牙，麵的配料普通，有豆腐卜，豬腩肉、蝦、豆角，食食下先發覺無雞蛋，問完佢有補畀我。熱鹹桔水幾好喝飲品類有幾多選擇環境有播音樂，d音樂好嘈好難聽，強烈建議關左音樂。加一服務費整體同期待中有出入，湯底會失望，不會再叫蝦麵，會想試其他菜式😅

今日上完堂後，我去左位於樂富聯合道198號樂富廣場A區1樓1104-1105號舖的蒲羅用膳，環境舒適，裝修雅緻，好有東南亞風格，坐得舒服。我點左個 海南雞配油香飯 $62，越式烤豬頸肉 $28，峴港炸蝦餅 $28，餐飲係熱鹹桔水（跟餐）。海南雞配油香飯賣相不錯，有蟲草餐湯，雞肉嫩滑好味，油香飯好食；越式烤豬頸肉好香口，皮脆肉嫩好好味；峴港炸蝦餅係一款好好食的菜色，蝦餅肉質軟嫩好味，點越式酸甜醬更惹味；熱鹹桔水十分潤喉好飲。

同朋友嚟樂富食好嘢，揀咗間好多好評嘅餐廳😆越式綜合牛肉湯粉🍜🥩 湯底鮮美，牛肉鮮嫩，有三款牛：生牛肉，牛展、牛肉丸，款款都好味😋😋越南炸春卷（2件）🥢🌿 外皮金黃酥脆，內裡餡料豐富，酥脆開胃～馬來沙爹濃湯鍋 配米飯🍲🍚 抵食一人火鍋！沙爹的濃郁香氣搭配米飯超滿足！配料豐富有娃娃菜、枝竹、魚蛋、牛肉等等街頭雞肉串燒（4串）🍢🐔 外焦內嫩，醃製的香料味道十足，搭配特製醬汁，充滿濃郁的風味，適合同朋友分享桂圓紅棗茶🍵 黑糖薑棗茶🍵女士必點🥰 桂圓及黑糖的甜香加紅棗好暖胃

蒲羅充滿東南亞風情，裝潢獨特，色彩鮮艷，帶來熱帶嘅氛圍。菜單上提供多款地道美食，如海南雞、叻沙和泰式炒河，味道十分正宗。廚師使用新鮮食材，搭配獨家醬料，每道菜都有獨特風味。餐廳氣氛輕鬆，服務熱情友好，非常適合與朋友聚餐或家庭聚會。🐔海南雞配油香飯套餐$86雞肉鮮嫩搭配香味四溢嘅油香飯，配上特製的醬汁更能帶出海南雞的鮮味😍隨餐附送蟲草花清湯🍖街頭雞肉串燒雞肉串烤得外焦內嫩，香氣四溢，，配上特製沙嗲醬十分惹味，推薦😋🍸薄荷青檸梳打清涼解渴，適合食東南亞菜飲😚

餐廳位於樂富廣場，樂富火車站行幾分鐘就到，環境都好乾淨企理，裝潢都幾別緻，有充滿藝術感既牆畫和東南亞風格，大大增加左空間感，令人用餐時感到輕鬆自在。越式綜合牛肉湯粉生牛肉經滾熱既湯底慢慢灼熟，半生熟令口感豐富有層次感，牛肉味保持濃郁之餘肉質鮮美粉嫩，牛肉味同時亦有滲入湯汁，令湯底更加鮮甜可口。配料有生牛肉片、牛展和牛肉丸，牛丸彈牙多汁，牛脂香油濃郁可口。海南雞配油香飯海南雞肉質鮮嫩，鮮味十足，有提供薑蔥蓉、黑醬油及酸辣汁沾點食用。海南雞口感滑嫩，雞皮油脂味濃郁，值得一讚無咩骨或碎骨，食落啖啖肉。越南炸春卷春卷旁放置了生菜和香葉。可以以生菜包春卷方法食用，再加上魚露調味。又可以分開食用，春卷炸過更香口，餡料好多，有香菇、肉碎及豬肉等。街頭雞肉串燒作為食肉獸的我當然要試一試，有提供沙嗲醬供自由沾點，濃郁的沙嗲味帶點香辣味，香口惹味。薄荷青檸梳打凍馬來手工拉茶

以前時常去樂富街市熟食中心食嘢和買海鮮，非常出名，今次經過樂富商埸，見這食店下午茶時間仍然人山人海，就和朋友入去試吓。這裡環境闊落光猛，多卡位，服務員充足，他們多數是後生仔女，十分有禮貌和有工作效律。見menu 下午茶餐有很多選擇，價錢親民，最平$4 8👍🏻。街頭香茅豬扒湯粉以為下午茶餐系细細份，這個size似正餐份量，豬扒系厚切，肥瘦適中，食落5會 鞋囗，外面炸得香脆，入面有肉汁，十分juicy！而且是熱騰騰的！湯粉加左羅勒葉好香，還有大量蔥絲和洋蔥😋😋，這價錢質素超出預期，怪得這麼多食客。順化香茅豬扒飯這份餐賣相已好吸引，豬扒差不多2隻女士手掌大，系喜歡食肉朋友必食之選😋，豬扒面灑上適量蔥油，還配上酸蘿蔔絲，十分惹味！白飯份量適中，糸一級絲苗米，很有米香。 桂圓紅棗茶茶餐包埋，不需加$，顏色十分豐富，除紅棗、桂園，仲加左玫瑰花和杞子，不會太甜，味道不錯👍🏻。

感覺而家啲人都鍾意在外覓食，因為星期日在樂富，看得上的食肆都會人頭湧湧的。這天自己一個人，都預咗座位唔會好，這店有不少單邊二人座或可移枱。剛好等到一個單邊梳化位，坐下，店員隨即就加隔板🙄⋯⋯感覺去咗茶記。最緊要店內還有半間店的空位。叫了海南雞飯拼新加坡喇沙，很快就到。先嚐喇沙，湯底芳香，有濃郁花生香，稀稠適中，味道不錯，香而有非常微微的辣。不過內裏的米粉一舊舊，還未煮妥。海南雞肉質算滑，份量適中。正常的有三款汁，那像豉油汁的幾特別，不知問否酒香，味道吸引。要加一服務費，但不覺有服可言。如果純粹食物，都仲可以來，但若想輕鬆嘆餐，就不要了，因為環境氣氛難輕鬆。最後埋單$94

樂富廣場自從翻新過後，多左吾同既食肆進駐，今次同大家介紹主打正宗星馬菜既連鎖店 一 蒲羅 🌟馬來燒雞配油飯 $52雞扒燒得夠香，外脆內嫩油飯食得出油香，以連鎖店水準黎講，絕對合格有餘🤤👍🏻👍🏻🌟峴港炸蝦餅 $28蝦餅口感彈牙🌟椰汁鮮沙冰 $12椰汁沙冰，清甜消暑蒲羅樂富聯合道198號樂富廣場A區1樓1104-1105號舖

今次你到樂富搵嘢食，行到下午茶時間就睇下有咩好食，發現到有間有下午茶嘅越南餐廳就入去試下，好多人都識嚟食下午茶，睇黎好出名，裝修簡潔，有卡位，職員做嘢都好快手，抵讚越式綜合牛肉湯粉 叫咗佢的招牌牛肉湯粉，有生牛肉，牛展和牛肉丸，生牛肉好軟熟，湯夠熱可以煮你想要嘅牛肉程度，牛展有少少軟筋，口感一流，牛肉丸都重牛味，湯底好清甜，份量十足蒲羅蝦麵佢係一碗參參蝦麵，夾雜了兩款面底，啲餸都好多有蝦，有半隻流心蛋，豆腐卜，半腩肉， 樣樣都好新鮮，湯底係喇沙湯底，好濃鬱新加坡咸蛋黃魚皮小食追加咸蛋魚皮，呢個炒得好好，即叫即整，熱辣辣，咸蛋黃掛滿每一塊魚皮上，好正順化香茅雞翼雞翼炸得好好，外脆內軟，裏面仲係 juicy黑糖薑棗茶 & 椰汁紅豆冰黑糖薑棗茶，薑味十足，再加埋紅棗，好補身 🤗椰汁紅豆冰係冰沙，紅豆煮得好軟熟，啖啖椰香 😁

我今日放假，特意約同好友去位於樂富聯合道198號樂富廣場 A區1樓1104-1105號舖的蒲羅食下午茶餐，環境舒適，坐得舒服。我點左個娘惹茶燻鴨配油香飯 Nyonya Tea-Smoked Duck Breast with Rice in Chicken Oil $62，好友點左個 無骨海南雞配油香飯Boneless Hainanese Chicken Rice $62，另加 斑蘭咖吔多士 Pandan Kaya Toast $28，餐飲係熱黑糖薑棗茶 Brown Sugar, Ginger & Red Jujube Tea ，熱桂圓紅棗茶 Red Jujube, Longan & Wolfberry Tea。燻鴨的鴨胸肉燻得結實好味，海南雞的雞肉嫩滑，斑蘭咖吔多士香脆好食，薑棗茶好飲，紅棗茶好味。

位於樂富廣場A區的「蒲羅」是食新加坡菜，大大的門面裝修新淨光猛，店內有很多卡位，坐得舒服。餐牌上有很多東南亞美食，價錢親民，而套餐A+B+C 有主食、小食和飲品，選擇多，價錢更抵。《 海南雞配油香飯》$86食新加坡菜怎少得海南雞呢！無骨海南雞啖啖肉，食得過癮，皮薄肉嫩，配埋油飯和湯，滋味無窮。《 牛肉湯河粉》 $90 有生牛肉、牛𦟌、牛肉丸，三樣餸都好正，加了勁多蔥和蒜更加惹味豐富。《 酸辣無骨鳳爪》鳳爪加入自製的辣椒油、醋、蒜蓉等醃過，香辣有嚼勁《 順化香茅雞翼》雞翼皮香肉嫩，很惹味。《 越南炸春卷》$48春卷香脆不油膩，包著生菜一齊食，更添風味。套餐還包埋特色飲品薄荷青檸梳打 桂圓紅棗茶

主打新加坡菜嘅［蒲羅］，糅合越南嘅特色美食，各有捧場客~今晚就約朋友，一個食正宗巴生肉茶，另外一個就點河內生牛肉湯粉😋在這裡，內骨茶基本係招牌菜，一上枱已經聞到濃濃藥材味，喝一啖就停不了，藥材加香料餚製嘅排骨，口感鬆棉，肉質香甜，把豆卜和油條浸在肉骨茶片刻，吸收完湯嘅精華後放入口，回味無窮💯生牛肉湯河啲牛肉大塊又有肉味，睇住啲生肉慢慢俾熱辣辣嘅湯淥熟，必試！街頭雞肉串燒味道有層次，香茅味香吾韌而且入味，加埋祕製辣汁好開胃😌呢度食物質素好，坐得舒服，服務又吾錯，樂富站行嚟都近，下次再食過！

上次食完依間已經念念不忘😍 今日約朋友去旺角終於有機會食返，質素依然都係咁高，叫咗兩個套餐再加個小食都唔使$240，真係超抵食呀，兩個食到勁飽😆😆😆 誠意推薦大家一定要嚟試！💟正宗巴生肉骨茶 配 油香飯必食肉骨茶😍 肉骨湯采用豬骨和香料長時間熬煮,湯頭醇厚濃郁,搭配油香飯一起食用,讓人回味無窮💟香葉烤雞扒喇沙摻摻喇沙湯底好惹味！用上兩種麵條口感好特別，好豐富😆 雞扒外酥內嫩，好好味！💟酸辣無骨鳳爪口感爽脆，酸酸辣辣好正啊😆💟越南炸春卷（2件）酥脆香口的春卷，很不錯😋😋💟櫻花蝦娃娃菜新鮮娃娃菜加香氣四溢的櫻花蝦，蔬菜爽脆清甜💟桂圓紅棗茶女士必飲養生茶，有桂圓、紅棗、玫瑰、龍眼，帶有自然甜香，有助於養顏補氣～