蓉芳 (已結業)

我在三點幾去左食all day breakfast. 間店裝修好靚，未去開張之前我以為係食台灣野，好似春水堂咁，飲珍珠奶茶。。。終於上星期有機會試下，睇完menu 原來係食茶餐廳野。。。有d失望。。。。叫左個all day breakfast 同桃子茶(唔記得個名)。。。。。。。。。食物水準，不過不失，標準茶餐廳水準，擺碟靚d，分量都Ok, 下午茶黎講都算大份，反而個桃子飲，係好飲嘅。。。。去打卡幾好，好grand 咁影下港式茶餐廳食品，可以一試

見呢間新新地就諗住試下，下午茶時間黎要排隊，未入之前見到入面有枱，但又冇俾客坐，尤其係一張喺路口既枱，只係擺左一張櫈，因為擺埋另一邊就會阻住條路，結果就係俾左呢張枱我地坐店員同客人都不停喺位後面近距離咁行，係咁撞到張櫈，咁岩見到有另一張二人枱，同個著住西裝褸既店員提出想轉枱，佢竟然話「下？理由呢？」然後落單既時候，心不在焉，不停問「下？」話要熱奶茶，佢話「下？凍？」感覺真的不太好點左一個蕃茄芝士慢煮牛肉淮山麵配黑松露炒蛋加丹麥多士，個麵既賣面唔係太好，味道係好濃既茄羔味，而且慢煮牛肉都頗韌。。另一個點左格紋朱古力西多士，賣相唔錯，但超。級。油。膩！每一啖都食緊油咁。。而且第一次覺得西多士係咸咸地。。。好油好膩，份量多但食幾舊已經唔想食。。下面果塊西多仲要係「乾埩埩」冇糖乜都冇既。。食完即刻有少少胃脹。。價錢唔係話好貴，要收加一但冇服務可言，埋單都係要自己行出去俾錢，同一個麵送3次黎，明明講左只叫左一碗但都不停攞過黎，食物質素亦都麻麻，唔會再黎

經典蕃茄拉絲芝士慢煮牛肉淮山麵蕃茄湯底濃郁，淮山麵口感獨特，慢煮牛牛口感鮮嫩…黑松露炒蛋超香，蛋亦炒得好滑，丹麥多士正正常常蓉芳全日早餐香蒜雞扒 - 煎得岩岩好，唔會過乾班尼迪蛋 - 好味，食個時要小心蛋黃係流心英式香腸 - 正正常常煙火腿 - 韌韌地，無咩味煙肉 - 好乾，仲好細條炒雜菌 - 不過不失茄汁焗豆 - 都係一般罐頭茄汁焗豆，不過呢款焗豆口感唔係咬落去係硬嘅豆，都ok丹麥多士 - 正正常常員工時不時會停係食客隔離企係到唔知做咩會不停開食客張枱個櫃桶收/放餐具

早起的鳥兒有蟲吃，放假都晨早流流起身去食早餐，嚟到呢間位於荃灣開業無耐嘅茶室早餐選擇尚算多，以大路嘅港式早餐為主▶️鮮蕃茄雞肉湯通粉 (配炒滑蛋及丹麥多士) - 滿滿嘅蕃茄濃湯，充滿微酸嘅蕃茄味道，加上鮮嫩雞肉，份外醒神▶️沙茶牛肉公仔麵 (配炒滑蛋及丹麥多士) - 香味濃郁，牛肉鮮嫩，公仔麵亦煮得爽口彈牙▶️炒滑蛋及丹麥多士 - 炒蛋香滑，而丹麥多士就正正常常▶️茶走 (跟餐) - 茶味香濃，喜歡這裡另以杯仔盛載煉奶，甜度多少由食客自行調配

蓉芳係2月先開，至今未夠一個月，名字改得老土，唔知係咪紀念人名緣故呢？見到間店似乎同莎莎公司有關，難道莎莎化妝闖飲食業？講完背景講食物，下午茶係格紋朱古力西多士，約$45-$55左右，味道佳😂西多香脆，而上面糖粉幾香甜，加上cream和價錢，合理，但建議增加小小橙片，會更突出！而菌雞青醬意粉就一般，$72的意粉過軟、反而配料很多，特別菌類，一定飽！重要係椅子很多卡位，超舒服！我就係度拆了一部粉紅色iPad Air 5，十分闊落，幾岩一家人食飯😀

因前天食過一次食物是可以的而且價錢都ok，所以今天買外買回家，但職員態度惡劣仲要罵客人我，說我買得多就唔好1個人來，仲有人話我阻礙手礙腳，真是生氣到極點又不是特別好食，我絕不會再幫襯以免阻手阻腳啦。

最近荃灣千色店開左新Cafe，有啲茶餐廳feel但又有蛋糕咖啡食，為食爸好想去試，所以就扮下孝順女陪佢食個下午茶💕/🌟經典蕃茄芝士慢煮牛肉准生麵配黑松露炒蛋及丹麥多士 $68 + Latte $15黑松露炒蛋香噴噴，雞蛋嫩滑味濃，配上充滿牛油香的丹麥多士很不錯呢😋蕃茄准生麵香甜，帶微微的蕃茄酸倍開胃，軟滑的准生麵掛著絲絲拉絲芝士，非常邪惡；慢煮牛肉份量也很足，與爸爸一人一半都分到4-5粒，啖啖肉軟腍有牛味，像蕃茄燴牛腩，可以一試👍🏻/咖啡略嫌欠缺香氣，味道較苦澀，不過勝在拉花別緻可愛😌/⭐️吞拿魚粟米薯仔沙律三文治 $30這份是為食爸吃的，他說有沙津有菜食算係咁啦😎/整體來說，這裡食物選擇多元化、環境舒適、乾淨企理，平日黎講唔算好多人，枱與枱之間有安全距離，而且勝在位置方便！為食爸仲話遲啲疫情緩和，要帶埋細膽媽來試下全日早餐🥰

見到蛋糕算吸引但款式只有4款，就問企係收銀那些員工當時有二個穿西裝的。便問她們遲一些會否再有多啲款因見到他們餐牌吾止有這些，之後其中一個答埋來話吾知喎。他們又繼續傾計，我再問他們野時好像覺得我很煩。她們繼續又傾完全吾理我，之後我入店內坐下有個員工先叫我拿個針紙來看要同我掃。叫了個意粉等了很久再問下店員，語氣也不好話未得呀！見到店員有店員傾計講笑，穿西裝的又自己繼續傾計。其他客人完全沒人理，其中一枱客叫了二次他們先有反應，其實這個時間你們店內不多人招呼仍甘差，想入來食也真的不想這樣的態度。希望你們正視一下員工服務態度質素！

「青檸朱古力棒棒蛋糕」差點察覺不到的青檸味，需要好專注的品嚐！外層係白朱古力脆皮嗎？只嚐到沙糖味！這件蛋糕由店門口的餅櫃，取出到廚房裝飾後到上枱，需時10min。「朱古力西多士」賣相好得，入口啖啖都滲出炸油，估計爐溫未有控制得好！配以齋啡或者濃茶，可能個胃會舒服啲！這個下午茶應該可以做埋晚餐了！「服務」由於新店舖、新店員，大家都在適應工作中，落單時需要逐樣逐樣講慢啲，否則佢㩒唔切，你就需要再重複講！店員係好勤力嘅！見到客人一放下餐具就會埋嚟問你仲要唔要，縱使明明未食完，仲有半碟份量！環境本來係坐得好舒服，可惜⋯半開放式廚房裡面嘅員工喜歡講粗口，我好想講：客人係聽到囉！

噚日(19-2-2022 Sat)同老公落荃灣俾嘢女友人WYP前食晏,因為前日行千色店時,見到呢間新嘢,上嚟睇其他人上載嘅menu,All day breakfast,甜品都唔貴,於是決定嚟呢間.我哋嚟到都重有位嘅,睇完menu,決定要:4. 叫主食加$15.00嘅紅菜頭橙汁紅菜頭味一向唔太討好,不過加咗橙汁,應該會好啲.我試吓,係飲到橙味,不過始終以紅菜頭為主,所以我都係唔太飲.味道:4分2. 叫主食加$15.00嘅藍天白雲顏色好靚,係藍碟花乳酸特飲,味道就係一杯凍同開稀咗嘅乳酸,當我食咗波蛋卡邦尼意粉飲佢就好舒服.味道:5分3. $78.00嘅波波蛋卡邦尼意粉呢個正常冇問題.味道:3分1. $75.00嘅秘製香蔥豬扒伴波波蛋要意粉呢個等咗一段時間至到,無他嘅,豬扒要煮熟㗎嘛,呢個端上嚟睇係冇汁,心諗要乾哽?食吓先.豬扒竟然唔會好乾,重好juicy,而且佢都算厚,煎得好香,而香蔥就係港式嘅薑蔥蓉,加落豬扒同意粉食,都幾得意.味道:5分5. $36.00嘅熱情果撻呢個後上,味道唔同喺老二花廳同悉尼樂園食過嘅檸檬撻(食評2月11日刊登嘅呢篇  https://www.openrice.c