蔡瀾越南粉 (已結業)

Lunch time同同事嚟咗呢度食，佢有兩層，都幾大，所以唔駛等好耐，以上菜都快，至於味道方面，可能因為佢門口寫住一生難忘嘅越南粉，令人太期待，加上蔡瀾又係出名嘅美食家，期望大左，失望自然大左，對我來講係中等水平，不過肥牛俾得幾多，而且可以免費添河粉，所以男同事都夠飽，下次會俾多次機會佢，食埋小食。結論係60幾蚊一碗可以一試，但未至於難忘。

之前上網見到中環有名人蔡瀾開的越南粉，於是星期日我地一行四人就慕名去食。可能係星期日，去到唔使等位就可以直接入餐廳。今日叫左撈檬、三碗牛肉湯河同兩個米紙卷。豬頸肉春卷撈檬今次最推介食嘅係撈檬，份量好足，春卷炸得香脆，豬頸肉燒得啱啱好，好香生牛肉系列河粉，湯頭都唔錯，味精亦唔算多，食完冇好口乾，肉啲份量比較少同肉質一般。麻醬手撕雞米紙卷味道一般，麻醬唔出，完全食唔就麻醬味，雞肉唔滑鮮蝦扎似米紙卷味道偏啖，蝦🦐都爽口，如果唔用醬汁就冇味辣醬值得一試以中環黎計，價錢唔算貴。食物質素都幾好，米紙卷可以唔叫。P.S餐廳有供應羅漢果水俾客人飲👍🏻👍🏻

「令人一生難忘的越南河粉」這個形容用於蔡瀾越南粉真的一點都不誇張，它完全承受得住這句誇讚。我最愛的就是河粉的湯底，每次吃完都是念念不忘。在河粉裡妳會吃到認真和用心，發自內心的感受得到食物之美。

蔡瀾越南粉香茅豬頸肉春卷撈檬 $68蒜蓉牛油雞中翼 $58榴槤雪糕 $39🍦推介撈檬😋啲料好多好大份豬頸肉烤得岩岩好有好多炸蒜夠哂香口榴槤雪糕超好味佢有少少似雪葩既🍧配埋啲麵包碎係底建議大家可以等雪糕溶咗浸份底先食連埋麵包糠真係正呀有濃濃榴連香～🤤牛油雞翼炸到好香好熱氣蒜蓉好多又香塊皮炸到好脆應該會好熱氣所以少食多滋味

唔知大家鍾唔鍾意食 越南河粉 呢今次用 ubereats 叫左蔡瀾開既越南河餐廳生牛肉金錢腱pho♥️ $78好鍾意好鍾意好鍾意佢個湯✨超清甜放咗落河粉入邊又變咗另一個層次真係好香好好味😋記得要熱辣辣既時候要食晒佢🤩生牛肉比較上比例就少左啲⋯但以$78呢個價錢來講⋯可以接受啦真係👉🏻👉🏻👉🏻一生難忘的越南粉👈🏻👈🏻👈🏻/除左越南河粉 之外 另外仲叫左個香茅烤豬頸肉春卷撈檬 $78賣相好吸引 色彩繽紛3條春卷 食落幾特別 有種咸香味唔知入邊包左啲咩呢😋豬頸肉都有比到8片咁多😃👍🏼檬粉既汁都好味😋酸酸的 好開胃

成日行過已經想去試好耐，今日叫咗生牛河、雞絲河、小食拼盤、米紙卷、波羅冰。生牛河味道一般湯唔夠濃牛肉還可以反而雞絲河湯頭有甜味不過雞絲鞋口，米紙卷唔好食可以唔駛叫，小食拼盤有蝦餅、燒豬頸肉、春卷同米紙卷，蝦餅無蝦味燒豬頸肉亦唔香春卷OK。總括嚟講試一次就夠。

Lunch 永遠人頭湧湧，不過好彩位置多，所以唔駛等好耐，叫咗個生牛肉湯河，湯頭係牛骨，好味！飲灑，個粉仲可以免費加，下次試其他！可以一試，但未至於一生難忘！加d辣會更正。

經過中環鏞記，嗰日去相睇，睇完有啲肚餓。就試吓呢間啦，呢間野一入去比張紙嚇親，睇落全部幾百蚊，我都冇嗌嗰啲可能係幾大碗嘅，或者好有特色唔知道咁我就叫返啲正常嘢正常嘢其實都係正常價錢唔係講笑真係幾好食，我作為銅鑼灣食神，今年都好少為好嘢而開post！你問我點好食我好難形容俾你聽，食過就知道原來水準係可以進一步提升。飲品方面都好特別，嚟到嘅時候全部都係冰，但師傅應該係用心調校過嘅。你只要搞兩下，甜到濃度就啱啱好。地方尚算舒適，行過路過一定要試吓😄😄😄

第二次食，中午時間唔係太多人排隊，因為佢有2層，所以排一陣就有位，次次黎都係食兩餸河粉，生牛肉同埋扎肉，味道確係唔錯，扎肉入面有豬耳粒粒，幾有口感，湯底都好好飲，唔太鹹，飲完唔會口渴，但係份量太少，得個碗大，都要$75埋單，唔太抵食。

食家蔡瀾開的越南粉店～見店内都不少人！朋友咁岩話我知在附近～又來湊熱鬧試下啦$88生牛肉湯河粉～精粹係個湯底，的確好濃郁好味的本身河粉真的不太多，的確唔會太飽，只是填補餓感，唔滿足的，幸好給我看到餐牌角落上寫上免費添加，膽粗粗的一問原來真的可以refill，有點不相信雖然唔會食到好多，但我只加一碗都已經足夠了湯底好味，加上可以添加到你食到飽，頓然覺得值回票價！唯一覺得美中不足就是店内大部份都是高櫈，我個人會坐得不舒服的。

今日我同女朋友去左呢間野食個午餐。因為我女朋友吾想食太飽，所以我地就揀左蔡瀾河粉試下啦。首先，啲員工態度真係好麻麻，比人感覺好吾耐煩。第二，正值夏天，店內冷氣有開等於無開......但環境都尚算乾淨。但係真係熱到抽筋！！！第三，係我地最想劣評呢間野的原因：就係啲餸少到一個點呢得三粒仔牛筋！！！粒粒同麥提沙差吾多大小，吾洗慳皮到咁啊？！重有啲牛柏葉，切細細條的確係吾錯的想法，但係咁細條係咪都應該比返多啲我啊？！總括而言，呢間野吾值得再光顧，價錢同食物的份量完全不成正比！！！

中午吃飯，便提早一點來蔡瀾越南粉餐廳，這樣便不用等位。可能是名人效應，也可能是餐廳的水準吸引，一般午市都會有人龍在排隊。之前一直都是點比較普通的生牛河，今次就點了這個順化牛肉粉，確實有驚喜！湯底有濃濃的牛骨香，也有各種香料和辣椒的味道，比一般生牛河的湯底帶來更多重的味覺衝擊！蝦醬炒通菜非常有火候，不會太鹹，也不會太油，的確不錯。飲品大概$34一杯，午市來說也算昂貴，因為都是需要單點的，沒有午餐套餐。店內面積頗大，分樓上樓下兩層。

之前一直聽蔡瀾開既越南粉都大排長龍今日下午茶時間去 見倒唔洗排隊一於試試佢!原來舖頭都幾大 都好多位~落單係自己tick既 走蔥走芫荽可以自己tick唔洗驚落錯單😉叫左生牛肉河 牛油雞翼同越南滴漏咖啡😋生牛肉河 $68以為會勁貴 $68都可以接受湯底清甜 牛肉都算鮮嫩 唔錯啊👍🏼牛油雞翼炸到脆卜卜 香脆可口上面仲有d炸蒜 食落真係好香好好味😋越南滴漏咖啡(熱)咖啡本身好香 同煉奶一齊飲perfect match☕️

之前經過蘭桂坊，知道有間蔡瀾越南粉，今日終於有機會去試，我揀咗個自選材料嘅越南粉，揀咗生牛肉同埋牛展，其實生牛肉同牛展就中規中矩都幾好味，個粉尚可但我就覺得個湯底出色，所以成碗麵個評分都有80分，可以再encore。另外小食就叫咗蒜香雞翼有五隻，都好多蒜蓉喺面，如果鍾意食蒜蓉嘅朋友就一定會覺得好味，另外朋友叫咗個雞絲粉 ，我見到個雞絲都幼嫩，佢畀咗一舊我試都唔錯，呢間舖頭可以再嚟試。 下次大家有機會去蘭桂坊玩，都可以嚟呢度食飽先，又或者玩完黎衣度食都唔錯。。

一生難忘的越南粉⋯難忘只係因為老闆係蔡瀾。一定唔會因爲碗粉囉⋯⋯最難忘係蔡瀾會覺得呢碗粉會一世難忘囉⋯⋯這間餐廳我只到過一次。當然最大原因因爲個老闆啦。第二個原因係因為佢地下午茶有優惠-某兩款飲品有半價。就是以下這一杯-話梅青檸梳打。睇相都知道這杯梳打真係麻麻。檸檬多核。話梅又唔酸又唔甜⋯飲品又唔算大杯。不過佢地有水供應。都算良心食店。所以就來試一試。入去坐下後就覺得自己無選擇錯誤。唔係因為佢地食物好。都唔係因為佢地服務好。係因為佢地價錢在中環這片土地已經算係比較貼地。這間餐廳有個開放式廚房。一入門口就可以見到。通道都幾闊。但位和位之間就比較窄。裝修不花巧。食客大部分都係一至兩位左右。本來想試牛肉麵。因為廚師推介。但最後選擇了食撈檬。這裡只有一張餐牌。一張里面有兩面。其實食物選擇比其他越南餐廳少。但如果一人餐嚟講都算好夠。等咗一段時間主菜終於來到。這個撈檬賣相很好。材料都算多。配菜都足夠。但最差係個檬粉。食落似發賬米粉。呢隻檬粉又唔太入味⋯佢地的酸甜汁都唔係太入味。落好多才可以感受到那陣味道。這餐一個人食了大約$80左右。因為還有加一要比。中環地方都有心理準備。但如果飲品無特價就可能要