蔡瀾越南粉 (已結業)

日期：9月17日人數：3人喺中環一間企理嘅餐廳食set lunch，通常平均消費都超過$150。一係就只可以幫襯連鎖或者小型嘅快餐店，‘求求其其有d肉有d菜蛋白質澱粉質撈撈埋埋打個白汁茄汁黑椒汁甘撐得你懵口懵面米lui返去返工返學返廠返寫字樓唔系你古真系穩餐晏仔甘簡單啊。甘跟飯定跟意粉啊？’。所以喺中環搵食都唔係咁容易。所以其實蔡瀾越南粉係一個中等價位當中唔錯嘅選擇。開業初期好多人嚟排隊，基本上唔等返20至30分鐘都唔會有位。但而家其實只要排10分鐘左右就已經入得。我只會食$68一份嘅雙拼湯河粉。今次我食咗生牛肉拼牛丸湯河粉。餐廳係可以免費任加河粉，所以落單嗰陣我哋已經叫咗加底。另外我哋就叫咗一個米紙卷做小食。河粉係餐廳即做嘅，個人覺得厚咗少少，可以薄返啲。湯底係行清甜路線，清清地幾好飲。鍾意重口味嘅朋友可以落是拉差辣醬，配湯河粉好好食之餘，佢仲係一個脂肪含量極少嘅醬料，非常健康。所以成餐飯都唔算肥膩。小食味道都唔錯，三個人叫一款，份量啱啱好，想慳錢的話可以唔叫小食，加多個粉，一樣夠飽。餐廳仲有一個推廣，就係堂食滿$188或以上，餐廳就會免費送你一本蔡瀾寫嘅書。我哋一行三個人當然食夠數

晚上放工大約10點去食，入去前店員提提我10點半last order，我盡快咁叫了一碗牛腩併牛筋既河粉和1份牛油蒜蓉雞翼。然後食物好快就到了，一上枱食物貌相普通，牛腩牛筋份量少，牛腩肉質好硬，唔同平時食開既牛腩，比較薄身，另外湯底偏鹹，因為我自己本身鍾意食麵會一邊食一邊飲啖湯，所以湯完全飲唔落。服務方面係我最難接受的，佢地同我講11點會關門，10點半左右食到一半咬緊隻雞翼有服務員叫我埋單，企佐我後面等，望住我食雞翼，然後我講佐句: 等我一等先，佢先行開佐。第二，我一邊食一邊有人係我附近拖地，感覺好唔舒服。第三，食完碗麵執走係好合理，我明白的，但服務員係我仲未離開就已經set返張枱，即係放定下一位食客要用既餐具，完全冇諗過我既存在。總括食物普通服務非常差，店員們都急住收工，俾我感受到好想趕食客走。

There is always a line for this pho place and we finally made an effort to line up.I ordered Grilled Pork Neck with Lemongrass & Fried Spring Rolls.The taste was just okay, I guess most of the people come for the reputation of Chua Lam..

星期六係中環覓食，經過見到唔洗排隊就入去試下。安排左上二樓座位，樓梯有小盆栽牆裝飾，很有特色。安坐之後就給遞上了一杯水，飲落甜甜地甘甘味，大概是羅漢果水，好清新既感覺。每枱都擺放左辣椒醬、魚露同海鮮醬，方便食客隨個人口味添加。越南牛肉粉 ($68)叫左兩份越南牛肉粉, 可以揀各兩份配料，就揀左生牛肉、金錢腱、牛筋肉以及牛腩。芫茜、洋蔥和蔥花等配料亦可預先選擇要定唔要，好方便唔同口味既人士。見到越南粉免費續加，落單既時候直接加左一碗。三點幾時間，同行友人太肚餓，黎唔切影相，已經食緊碗粉。隔左一陣，一小碗既續加越南粉亦都黎到。呢段時間比較多人，我地其後添加羅漢果水和越南粉都要再次提醒才送上。香茅烤豬頸肉春捲撈檬 ($68)一黎到見到好多配料，顏色好繽紛，撈檬汁亦另上，可根據自己口味隨意添加。豬頸肉烤的好香，亦有蔥伴食，春捲岩岩整好熱辣辣，撈檬汁酸酸甜甜，甜得非常美味。下次黎會再叫呢個撈檬，好岩我口味。食完之後落一樓埋單，有小驚喜，服務員話店舖週年慶祝，食滿指定金額就有蔡瀾編寫既書籍贈送。《蔡瀾眼中好吃的女人》岩岩食完野就收到本書，不禁聯想起自己，哈哈！

話說放工又唔想煮飯。係某app度搵到有間蔡瀾嘅越南野，於是就試吓啦價錢亦都唔貴喎。佢哋個外賣碗都幾有心思，有埋公司招牌。實記得食過佢啲嘢啦。食物方面叫咗豬頸肉春卷夢粉，老公就叫咗牛肉湯粉。佢哋啲湯啦、粉啦、同埋餸；係會分別係三個唔同嘅容器裏面裝着。所以呢就唔會送到黎嘅時候唔新鮮，同埋淋晒啦。所以送到黎嘅時候個春卷仲係脆卜卜嘅。仲要讚佢，比好多香料、香草同埋芽菜俾你自己放入個湯到，增加佢嘅質感同味道。感覺到好似喺餐廳食到一樣咁新鮮。至於撈夢粉方面，佢亦都會另上。有好多花生粒啦、青瓜啦、車厘茄啦、芽菜啦等等配菜，真係多到你唔信。放入口入邊層次感非常豐富。都叫咗一個通菜。香味十足。略嫌有少少辣，可能我唔食得辣。但係都絕對可以食得晒嘅。柚子沙律呢，就柚子粒粒非常清甜。而且份量一啲都唔小。都係要賺多一句，個包裝非常之靚。而且佢有紙皮幫助啲湯底隔熱，就唔會熱食同冷食撈埋一齊放。唔會因為運送過程，互相影響味道。絕對會回頭嘅一間餐廳！

2：30pm同朋友路過中環，開始肚餓唔知食乜？？？本身小弟係牛痴，九記、水記都經常幫襯，下午茶其實都有好多選擇，但朋友仔偏偏話要食蔡san越南粉，之前都試過，排隊排到癲，唔係女朋友話一定要試要排隊嘅咪煩小弟，（上次經驗係，除咗蒜蓉牛油雞翼會想再食，牛河湯頭其實都叫合格，但就係少咗啲香料味，唔會話想特登搭車嚟食囉）今次朋友話想試吓唔洗排隊，門口見到又有新品上巿，就當比多次機會！！！今次坐樓上，都係得幾枱客，無上次lunch hour時咁嘈，我就叫咗順化牛肉粉，朋友仔就叫咗越式鷄絲湯河，小食都係試新嘢，鮮蝦扎肉米紙卷，芽車快（即椰菜鷄絲沙律），今次可能唔忙，侍應服務態度比上次好好多（上次要嗌三四次都未必有人理你），前後四分鐘左右兩碗粉就到喇！！！但其實我係想食咗小食先囉！！！下次幫襯都係先落小食飲品先再加單穩陣啲，我就偷朋友仔碗鷄絲湯試試，唔錯喎，眼睇好清，但好濃鷄味，仲有少少唔知蝦米定魚乾嘅香味，最重要係果少少啡色嘅葱油，畫龍點睛，本身平平無奇嘅湯都令到香氣撲鼻，但用鷄胸肉做鷄絲只能講有好有唔好，好就健康，唔好就鷄胸如果唔識處理就嚡到食柴咁，但我見朋友仔都食哂，我惗ok啩！！！我嘅順化牛

蔡瀾間越南粉果然冇改錯名，「一生難忘的越南粉」，冇錯，呢碗應該係我一生人食過最鞋嘅雞絲越南粉，真係一生難忘...D 雞好似柴皮咁，竟然仲話雞絲河粉係每日限量供應150碗，齋望個樣都覺得鞋！叫人點食！食碗粉都要加一，計埋小食人均消費要過百，唔係咁抵食囉...侍應招呼一般，有個阿叔上菜時放低碗湯河時鬼咁死大力，搖到d湯都瀉埋，又冇整到我嘅，只係成張枱濕哂啫...惟一可以讚下嘅地方，係孕婦優先入座囉，完全唔洗等就可以同其他同事一齊入座，仲俾咗樓上一間包廂我添... 不過d嘢唔好食，坐得再舒服都冇用... 👎🏻👎🏻👎🏻

去完越南之後就冇咩點食過越南野所以今日就黎左食啦～之前係岩岩開嘅時候食過一次lunchtime都好多人排隊😣個時都等左20分鐘左右但係今次都係lunchtime去但係就相對少人 可能熱潮已經過左😂生牛肉湯河粉（$98）都係叫返佢嘅招牌啦當然🤩其實對我黎講 不過不失因為個湯唔係好濃味啲牛肉有啲老 同埋唔夠生😂不過對男仔黎講係幾好因為佢可以免費無限加麵底所以一定會食到飽 🤣對我黎講 本身麵嘅份量已經好多我自己都唔係好食得曬🥴

湯底鮮甜，豬耳扎肉有驚喜😋河粉嘅粗幼很好，不會過粗或過幼，店內設有免費添麵，如果選擇添麵可以在享用了一半時下單，但我覺得原本份量已足夠女生享用。牛油雞翼有點兒失望，可能是因為這家的名氣抱太大期望，賣相是很不錯的，但牛油蒜蓉和雞翼的味道是分開的，而且炸粉過厚令到入口感覺很硬，雖然雞翼的肉汁也算多，但難以補救。

今日去中環試一試度身訂造嘅西裝，晏就又多人又落雨，所以諗到無諗，揀左呢間Vietnam food, 貪拒夠舒服同乾淨。果然，一如所料，有十個人係到等緊，不過無諗到兩人枱好快有，應該等左五分鐘就有位。今次好似轉左menu, 有個新品雞絲河粉，我嘅至愛，諗都無諗，睇都無睇就叫左。一黎，個湯底同牛河粉嘅湯底完全吾同，d雞亦都係我中意嘅texture, 加埋辣椒青檸無得輸，好快叫左第二碗，因為免費添河粉。今日大家都有d肚餓，叫多碟春卷，真心正！

朋友約係中環食午餐，大家都想食得清淡少少，朋友推薦左蔡瀾越南粉。原來蔡瀾開左間越南粉？為左名氣試下😂約好12:45餐廳門口等，我用OpenRice 地圖跟住個Map行⋯愈行愈遠，真奇怪⋯好彩朋友去排隊等位先。 未到1:00已經有10幾人排緊，排隊時職員會派定點餐紙俾你揀住先。因為餐廳有兩層，我哋等左一陣就有位啦！經過地下果層感覺有啲熱，好似冇咩冷氣。職員安排我哋坐2樓，2樓其實未坐滿，但唔知點解唔俾客人入。坐低即時俾張點餐紙職員(好多人post過Menu我就唔放啦)，我同朋友都係揀越南牛肉粉任選兩份自由組合($68+10%)。一共有7款牛嘅部位/肉俾你揀我揀咗：生牛肉，牛筋肉朋友揀咗：生牛肉，金錢腱外觀上兩碗係一樣㗎，芽菜、薄荷葉、青檸、辣椒嗰啲配料會另外用杯裝住，可以根據你喜好自己加，不錯！第一啖當然係試咩都未加嘅牛肉湯底啦。湯底清甜，唔油膩，好夠味，唔需要加其他調味都得。牛筋肉其實就係平時食嘅牛筋? 呢到切得比較細，而且湯汁有被牛筋吸收。生牛肉肉質細緻，唔鞋口，可惜好快俾熱湯浸到熟曬。重點！呢到可以refill 河粉嫁！其實碗面份量有啲少，女仔自己一碗都係8分飽。以為會好似拉麵店咁

行過呢間餐廳好多次，打正蔡瀾旗號，一開始梗係人山人海，排晒長龍。熱潮過後，長龍不再，當完全諗唔到食乜，醒目仔記起佢，可以一試。初初去到店面，見都full full地，以為要等一張枱。點知店員示意我入去，原來入面內有乾坤！枱面上既調味料好細心咁標籤左係乜嘢醬料。我地特登嗌一個湯粉同一個撈檬，試下唔同造法。先黎個湯粉，嗌左生牛肉配牛筋金邊粉，原本芽菜同香葉係另上既。不過個湯無乜味，成碗野都淡淡的。再黎個撈檬，應該係重口味啲啦。佢提供既唔係平時既酸辣汁，只係魚露，得個鹹字。最估唔到個炸春卷無味，係個豬頸肉有香烤味，但係都無肉味。Overall，好失望。

同朋友係中環睇完展覽，順便去潮聖下蔡瀾開嘅越南粉店，夜晚9:30去到，冇人排隊 即刻入得我點了生牛肉湯河 ($88)，朋友就點了香茅烤豬頸肉春卷撈檬 ($68)，再加了兩個小菜落單等左5分鐘就有得食一黎就試下佢個湯先，個湯的確非常清甜，飲落有好香嘅牛味，一啲都唔覺得油膩，好好味好好味！牛肉唔會太肥，很軟很腍有牛味；河粉很滑，麵量都不少 (不過如果你唔夠食，河粉係可以免費續加的)黃金蝦扒 ($78)好大塊嘅蝦餅，外皮炸得金黃香脆，食落都有蝦嘅鮮味，但嫌佢簿身左d… 如果做厚身d，相信食落會更彈牙蝦醬炒通心菜 ($48)通菜炒得夠嫩，蝦醬惹味，呢個價錢吃到一盤炒菜，真係幾抵係中環呢個地段，仲要打住蔡瀾的名氣，其實真係唔算貴食物味道絕對對得住價錢，去開中環 見到唔洗點排隊，可以去朝聖下!

今日去中環整西裝，although搭的士，以為有好多時間，可以食下新野。點知封左，幾迫，所以無咩時間。發現有間Vietnam food, 係蔡瀾，本身無咩好感，覺得一定係for foreigners or mainlanders。 週午下午，吾算多人，可能舖頭都幾大，吾洗等就有位，坐低睇menu, 價錢正常expensive, 揀左生牛同牛丸河，女朋友揀左牛柏葉同牛鞭花，個湯好正好好味。最正嘅地方係d河粉可以無限添加，我一共食左三碗，所以覺得好平，哈哈哈哈！！

今日又落雨，去到中環就想快快揾間比較乾淨嘅野食😫係娛樂行行上去經過見到間門面乾淨嘅越南野，諗都無諗就入左去！入度間舖都okay大，仲有再入面嘅舖位，佢安排左我地係入面坐！原來呢間野就係蔡瀾嘅越南野！最中意都係pho💁🏾‍♀️本身以為都唔平，但又okay😌 $68 可以揀兩餸，有生牛啦，牛腩，牛栢葉，牛丸，仲有個叫牛鞭花～因爲唔係最好肉，叫左牛栢葉同牛鞭花（原來真係牛鞭花真係同牛鞭有關🙈，食食下先search佢係咩黎😂😂）湯頭正，pho嘅湯頭我覺得好重要！另外一個重點係佢有得無限添食河粉，個朋友都食左3碗！見周圍啲人都不斷添粉，都算抵食！