蕃滿門 (已結業)

星期日嘅元朗好熱鬧，一家大細出外食lunch，要搵位唔容易。今日飲茶一定要等位，經過蕃滿門見到仲有位，就拿拿淋入去醫肚。之前係大埔試過蕃滿門，印象中不過也不失。今再食，希望會令人滿意啦。叫咗招牌滑蛋濃湯螺絲粉併鹽酥雞扒，由於有上次經驗，今次叫咗中辣蕃茄湯底，辣中帶甜， 略嫌唔係好夠酸，但蕃茄算多。滑蛋幾滑，配埋蕃茄湯，好match。鹽酥雞扒鬆脆，炸漿少厚。朱古力要另外再加錢，但朱古力味唔濃，麻麻。如果係蕃茄迷又未試過，都不妨一試，咁先可以同真他出名蕃茄湯底嘅食店作出比較。

愛茄的我一直覺得滿門的茄味很假，跟勝香的及星座的有一段距離，試過一次大埔店便再沒下次，但奈何今天美人想來點茄的，週日床上懶洋洋，就算你鼓起懶氣想去勝香星座，週日也沒有開，唯有又一次滿門吧。因為對昨天那杯好野仍一直掛念的關係所以點了一杯凍朱力，莫說跟昨天那杯比了，就連與一般茶仔比較也相距甚遠，完全淡茂的，不夠甜也沒有朱力味，跟昨天的好野簡直差天與地。香酥雞扒蕃茄羅絲粉，雞扒炸得頗脆而不油膩，扒身亦不算太肥，味道可以。蕃茄湯分店之間質素相若，茄味保持一貫的假。咖喱牛腩焗飯，算是比較穩陣的菜式，平穩過關。

係元朗實在太多數之不盡既食店，想食咩菜色都應有盡有~對於有選擇困難症既我尤其煩惱，所以今次無目標咁搵食~見到邊間餐廳有feel就入去啦終於，係門口見到menu有我最愛既肉醬意粉，二話不說就入咗去~入到裡面先見到原來蕃茄係主角~見到座位頗多，但密密麻麻~坐低咗之後同隔離枱非常親密~動作大啲都掂到人地隻手仔今次女朋友叫咗滑蛋玉子公仔面，我就當然叫肉醬意粉啦～公仔面煙煙韌韌，唔會煮到淋ber ber~滑蛋雖然浸係湯裡面，但無因為咁而令到滑蛋過熟，入口非常幼滑~蕃茄湯蕃茄味好濃，頭幾啖都覺得味道唔錯，之後茄膏味越飲越出~越飲越酸。飲咗3份1就放棄上枱果時真係呆咗幾秒，$58竟然咁大兜，賣相唔錯~面層既芝士味好香好濃，意粉都煮得剛好，味道其實唔差~但係問題出咗係肉醬份量，咁大兜意粉，肉醬只係鋪係意粉面薄薄既一層，食到尾就好似乾啃意粉咁~每張枱都有個咁既號碼牌，埋單就係攞呢個牌去櫃面俾錢~以為自己攞牌出去俾錢就唔收加一?少年，你太年輕了~

蕃茄蛋濃湯螺絲粉+吉烈豬扒$53等老公收工，第一次行入來試下，環境不嘈，可以好好享受美食蕃茄湯味濃，滑蛋好滑，呢間舖頭表明無味精，個人感覺覺得無可能呢～ 吉烈豬扒：很燶，黑忟忟，不夠入口都好香口，個豬扒醬酸甜，很醒胃～

以蕃茄為主要食材的餐廳在香港中少之有少, 非常適合飲食以多肉少菜的香港人.蕃滿門的下午茶套餐多數為 $32 至 $50的合理價, 我們點了螺絲粉蕃茄湯底配牛腩 及 芝士蕃茄焗牛肚薑飯. 蕃茄湯底非常足料 (能吃到蕃茄蓉), 牛腩不會太韌, 酸度適中, 十分䦕胃. 蕃茄焗牛肚薑飯更是令人喜出望外, 芝士香味及茄香非常濃郁, 牛肚入味, 薑飯夾雜著少些薑和胡椒的辣味, 使整個焗飯份內醒胃. 值得一試 !!!!! 

原來我一直都講錯餐廳個名叫『蕃茄門』，而家至先睇清楚！身為蕃茄迷嘅我，經常周圍試好多蕃茄類食物！之前食開果間執鬼咗！而蕃滿門都係我喜愛蕃茄餐廳之一！今次叫咗個下午茶餐－招牌蕃茄滑蛋長通粉 配雜菌湯個底啖啖都係香濃蕃茄，微辣配長通粉的好處就係可一邊食、一邊飲個湯底！ 入味d ！雜菌好多好香、滑蛋口感幼嫩！ 味道、份量都岩岩好，非常棒！Thank you

我們本來打算去元朗一間比較舊的西餐廳的，可惜那家餐廳週三不營業，而天氣又太曬太熱，我們不想走太遠了，便來了這裏。　　是日是公眾假期，人十分多，幾乎滿座了，侍應也忙著招呼食客和捧餐。　　其實早前我吃過在太古城的蕃滿門，我們兩個人吃一碗超大的，但這裏似乎沒有，所以我們只好分別叫了。這家標榜用料天然，不加味精。　　我點了蕃茄濃湯素螺絲粉，湯底要小辣。　　剛上來的時候我吃了幾口不覺得有辣，後來有匙，辣得不得了，我才仔細看，他們把辣醬放進湯裏去沒拌勻，以致於湯中央有一團辣醬，後來整碗粉愈吃愈辣，辣到幾乎要噴火，我都沒心情吃了。我明明是要微辣的，後來竟變成了大辣。　　湯底的確有濃濃的蕃茄味，我要的素料包括炒蛋、西蘭花、椰菜花和粟米粒，不過可惜真的是太辣了，我無法吃得下啊。

我本身都很愛吃蕃茄...當然一定要來試試..有意粉有飯任君選擇~~勁多茄醬....牛脷都完全蓋住..成個份量連我相公都吃不下去...真是令人驚訝..味道還算不錯!!!很香蕃茄味道用料十足加錢的蕃茄湯....龍蝦丸普通貨色...西蘭花應該是先烚好再放湯..所以不會浸淋.湯底不用說....足料蕃茄味~牛腩超多..雖然有點肥但好好食...............滑蛋加蕃茄湯一流...我很努力地吃吃吃...都吃不完....估不到我那麼愛蕃茄都竟然吃不清..可想而知份量是那麼多.令我驚喜的連鎖店...希望能保持份量和水準!!!!

收左工，雖然元朗多野食，但都想食得健康D。見有朋友俾左張積分卡我，就去試下，順便換杯野飲。入到去人唔多，可能大概都10點半，都就CUT單。點左個蕃茄濃湯通粉餐，配雞軟骨餃子，之後再多$6蚊要多個蔬菜肉丸湯。蕃茄濃湯通粉餐:份量超乎我想像，好大碗，湯又多。個湯同其他蕃茄專門店既唔一樣，有辣汁，好惹味！雞軟骨餃子:炸的，入面D軟骨炸都脆哂，不過油頗多…算啦，有蕃茄中和下，一流！蔬菜肉丸湯:超細，手掌咁大碗，唔抵，兩粒西蘭花，兩粒雪藏墨魚丸，完！我會俾7分啦，個餃子真係加左好多分，加上價錢60都唔洗，CP值高！

第二次同男朋友黎食，今次叫左個豬手螺絲粉，豬手好入味好淋，蕃茄湯依舊禁好味，正！飲品方面，今次都係叫泡沫0檬茶，男朋友問，點解唔試下第二d飲品？我就話，最簡單既野最難keep到水準。所以我決定叫多次睇下keep唔keep到！過左5min,飲品到左，飲第一淡已經知道水準keep得好好！飲得反第一次飲果種味道。酸•甜度比例岩岩好，再望下出飲品個窗口，原來又係果位靚仔哥哥沖 另外出食物果個窗口雖然唔見好得意果個男仔，但係已經足夠！改進地方：得一樣野要改，就係唔好以為客人掛住食野就聽唔到聲，出食物個窗口經常聽到好大聲既粗口！叫客人點安靜享受食物？希望管理層可以正視！

蕃茄含豐富既維他命c…其實係我至愛黎…呢間標榜新派主意…專用意大利羅馬蕃茄…配合新舊煮法…最重要係無味精…呢度既午餐同menu散叫既價錢都係差唔多…所以就點左個脆皮咸豬手配特色蕃茄濃湯螺絲粉…可能製作咸豬手需時…比起隔離枱我等得耐d…不過要食好野…係要有d耐性…蕃茄湯都好大碗…仲熱辣辣…鍾意飲湯既話…其實都唔需要另外叫餐飲…新舊製法既蕃茄湯…應該除左用鮮蕃茄敖湯之外…仲加左d蕃茄膏…食得蕃茄果種酸味既話…就真係十分滿足…而且仲有d蕃茄溶食下…旦好滑…螺絲粉亦不會太腍…豬手得2件…但好好肉地…豬皮果邊唔係肥膏黎…係豐厚既骨膠原…最適合女士不過…脆皮得黎又好咬口…唔會好乾好硬…d肉一切就甩…煮得時間啱啱好…留意埋單係拎牌仔出收銀度…但都要加一收費…

是日叫左個二人餐, 都想試下佢有何特式, 點知D湯底起初上黎既時間已經睇唔到D粉, 感覺就好似湯多過份, 而且好似車仔麵咁, 咩都有D...牛腩又好UN, 塊鴨胸得塊皮, 而且D湯越食越鹹....真心覺得D茶記, 不過分分鐘茶記仲好食...最搞笑係佢既小食拼盤, 明明寫既係芝士棒, 卻黎到既時候係芝士三角形...即係咁, 如果冇既, 可以先同客人講, 唔係上咩食咩羅...咁樣係咪太過冇SERVICE呢...D WAITRESS仲好笑, 叫佢收野, 好似阻住佢傾計咁, 冇野做, 叫佢幫手收野黑面....

朋友好耐無見又唔知食咩，見未試過就去食下，朋友叫左碗面好大碗，我就普通份量，份量係夠唒，但我覺得味道比較重，我覺得咸，唔係平時天然既蕃茄味，似落左茄膏定咩咁，因為我唔中意味精太重或咸既野食，所以我試完就唔打算再食!

蕃滿門在大埔起家, 早前踏完單車專程去吃蕃茄湯粉, 大埔的分店位置不近火車站, 要轉車的, 不太方便, 所以只光顧了一次便沒再去近日在元朗突然發現蕃滿門分店新開張, 還要在教育路, 十分方便的位置, 對我這個蕃茄迷來說, 很是驚喜, 以後可以很方便的吃到美味的蕃茄粉了! 蕃茄湯可以揀辣的, 我覺得有少許辣更好, 會更加惹味!湯底感覺沒有味精, 是原始的蕃茄味, 當中有蕃茄肉, 炒蛋炒成滑蛋, 是一般快餐店的早餐炒滑蛋水平我們加了粟米, 粟米和蕃茄湯好夾 煎雞扒幾香 另外叫了芝士磨菇焗西蘭花, 好豐富的芝士汁料這餐廳的食物質素中上, 價錢相宜, 一碗蕃茄粉份量不少, 我見好多人都一人一碗, 但牛先生和我晚上都習慣輕食, 兩個人吃一碗, 再加一個小食, 已經很足夠了! 價錢一百元左右, 健康有營又快捷方便, 好過煮飯吃!

openrice見到幾多好評, 我又鍾意食蕃茄, 加上未食過以為係新餐廳, 放工後決定去試試但朋友同我講間餐廳已經開咗好耐 -_- (佢食咗好多次 lol, 咁我又真係好少行教育路依邊既)朋友點咗蕃茄濃湯麵 (自選配料)個湯底好濃蕃茄味, 食到冇味精 (食食下先記得影相 xp)我就好肚飯叫咗蕃茄芝士焗豬排飯嚴格黎講, 係焗豬肉飯, 因為唔係整塊豬排上芝士都落咗好多足料, 醬既份量啱啱好夠撈飯但又未至於好濕, 調味比較重黑椒味所以好香同辣辣地, 可以同蕃茄既甜味平衡番麵同飯既份量都好大, 食到飽飽 我地仲有一人一杯泡沫檸茶, 特別既係佢柞咗d檸檬落d茶到, 所以係唔洗自己篤檸檬既惟一挑剔既係枱同櫈都好細, 肥d都驚過唔到, 驚整到隔離枱, 但香港租金貴冇辦法, 侍應姐姐收碟都收得密唔驚擺唔落野食總括黎講, 份量大又抵食, 見到隔離枱叫咗二人套餐 (有前菜, 两個自選焗飯/湯麵, 甜品, 2杯野飲), 真係好多, 3個普通胃口既女仔都夠食, 下次可以encore