蕃滿門 (已結業)

這次已是第二次來蕃滿門了!上次午市時多人得要排三,四個字才有位, 今次特意六時多便到達吃晚餐餐牌上差不多都是蕃茄的食物, 有蓄茄湯底的面類 (公仔面,通粉,螺絲粉, 米線.....) 也有些小食和飯類今次便試了兩樣:脆皮豬手配蕃茄湯公仔面第一印象是 : 好抵食!  豬手有兩大舊, 湯面也非常大碗! 當然大份得來, 味道也很重要立刻切開嘗試! 果然沒有失望, 豬手烤得剛好, 雖然不是非常脆皮, 但很有嚼勁!另外,值得一讚的是那個黃色醬汁, 和豬手的味道非常匹配! 真的很不錯而蕃茄面的湯底算濃, 維持水準! 味道也很好只是公仔面上台後宜先吃, 否則便泡淋了~咖哩牛腩併蕃茄豬扒焗飯這個完全是可以同時滿足兩個願望呀! (貪心的胃) 牛腩和豬扒都很淋身, 兩個味道都很夠, 就算將咖哩和蕃茄混在一起吃味道也不錯!而且飯上的芝士也不少, 做到拉絲的效果! 讚!這晚餐吃得很飽! 可以以這個價錢吃到好吃又大份量的算是很值了!絕對會再來的!

同男朋友黎食，發覺原來蕃茄可以禁有特色。水吧個哥哥好靚仔，好nice,仲有煮面個男仔好得意，果然無入錯黎，一定會再反黎食勁鐘意個豬扒飯，味道一流，豬扒好入味。之後叫左杯0茶，好方便，吾洗自己吉0檬，酸度甜度岩岩好，茶味又夠，好開胃，忍吾住再散叫一杯，覺得好值

今日同FD行開元朗，見到有間蕃滿門，本身都蕃茄都冇乜興趣架啦，不過諗唔到食咩就入左去LU～我嗌左個特式蕃茄滑蛋濃湯粉配煙燻黑椒煙鴨胸片！雖然我唔太喜歡蕃茄，但呢個湯底真係好吸引好好味！仲有最正係個滑蛋！！！鴨胸都唔錯～絕對值得一試再試！我D FD話加左spicy既湯底都不錯吃，最衰我spicy得...不過清蕃茄湯配個特色炒蛋已經好正啦!

男朋友知我對蕃茄情有獨鍾, 所以帶左我黎呢間主打蕃茄料理嘅餐廳。抱住好大期望入去; 十分滿意地離開!! 當日4點左右入到餐廳叫左佢地個下午茶2人套餐: 滑蛋蕃茄湯螺絲粉、一碟小食 (香草雞翼, 雞軟骨餃子, 炸芝士條)及2杯餐飲。落左單無耐, 一碗超大碗嘅滑蛋蕃茄湯螺絲粉放左係我地中間, 份量真係嚇親我!! 普通蕃茄湯係淡淡嘅紅色, 會隱約見到湯入面有啲咩野。但係呢個蕃茄湯濃到係完全實色透唔到入去裡面, 同埋係感覺到佢地有啲蕃茄已經煲到有啲溶。單係超濃郁嘅蕃茄味已經但回一半票價!!而配料方面亦十分豐富, 有原粒蕃茄、煮到又林又入味嘅牛腩、冬菇、一咬就爆湯嘅豆卜、貢丸、蟹柳同埋滑一滑嘅滑蛋。而小食方面, 雖然我覺得個雞翼有小小多油得滯, 但係味道唔錯同埋一種有泰國風味嘅香草味。而雞軟骨餃子同炸芝士條都唔錯無咩特別。咁嘅份量, 咁嘅質素都只不過係$92真係抵到不得了!! 但係如果唔係咁肚餓的話其實我唔太建議叫呢個下午茶2人套餐。因為份量真係太多喇, 真係要衡量下係米真係食得晒先好叫, 如果唔係浪費就唔好啦。

一直知道大埔有間專食蕃茄的蕃滿門 一直都想去試食點知最近知道元朗開左分店 我又點可以唔食呢我叫左個炸餃子蕃茄長通粉 個通粉係幾好食既 好香濃蕃茄好開胃 又有得要辣同唔辣 幾好  不過d餃子就真係好油 成隻碟都油到「立立令」 同埋炸得有d硬 栗米幾好食 好甜 不過等左勁耐 碗通粉食完都未黎 要跟一跟進先有得食 同埋好平 跟餐加$3就有 檸檬茶都沖得ok 唔會太甜同澀 店員既服務就有待改善 等左好耐先過黎落單 感覺好hea

一直都希望有機會嘗「蕃滿門」，可惜大埔店離我太遠。想不到最近在元朗開了分店！今天滿懷期待來到了！我們點兩份下午茶和一份小食。＄32  蕃茄濃湯配意粉和貢丸連飲品蕃茄濃湯的蕃茄味十足！可是意粉不太入味。泡沬檸檬茶﹣平常的檸檬茶更好！這個比較像檸檬汁，還是可以自己篤檸檬味道較好！另一份下午茶是 ＄46焗蕃茄豬扒薑飯配飲品。這個值得一試，一來份量十足， 完全是午餐的份量！二來蕃茄味濃，三來薑味慢慢會感受到，比平常的有點特別。豬扒則有點「UN」難以咬開。但整體來說味道不錯。可是在飯內看到有頭髮，差點就吃下了。衛生有待改進。而飲品方面選擇了凍奶茶，不過不失。最後是小食﹣＄17 一口粒粒包（我選了朱古力味）價錢不貴，可是平平無奇的小食。只是多士配朱古力醬。可是單純一個小食來說，味道不錯只是不夠出眾。

早兩日行過想食..但門外已有不少人在等..今次見店內近乎坐滿..問一問後等收拾一下就有一2人枱..店內.. 與隔離枱只隔一點點..枱面積較細.. 亦不時被出出入入的客人撞到..晚餐來說價錢算相宜 五十幾六十蚊店舖經理主動介紹 雞扒及豬手是頗出名的點了雞扒蕃茄湯長通 微辣微辣蕃茄湯非常開胃 味道不覺是味精加持的豬手大約有兩三舊 非常香口 沒有過多肥膏點上附上的甜甜芥末醬更好味 建議先食原味再點醬另點了焗豬扒飯味道有別於街外大x活大x樂的雖沒有厚厚一層汁 依然好重蕃茄味而且大xx的愈食會愈口乾但這個是沒有的但蕃茄湯粉與焗豬 會建議大家試蕃茄湯的另點了很多人都點的泡沫檸茶喝得出不是假檸味 是鮮檸檬茶味道唯一缺點 枱面小一飯一粉一小食後幾乎已擺滿再加兩杯飲品 郁動需非常小心 否則很易打瀉2人埋單共$17x晚飯的話絕對可接受而且餐份量不小 食得非常飽!!

係元朗行街，經過見到佢新開張，又唔使等位，本人又好鍾意食蕃茄，所以就簡左佢喇!三人食都叫左唔少野食，例牌既蕃茄湯螺絲粉配上滑蛋，食得出冇加上太多既味精。豬手經過烤烤，香口，而且唔太咸，配上蜜糖芥末醬，正!芝士手指&小食拼盆冇咩特別，咖哩牛腩拼蕃茄豬扒焗飯，醬汁味道OK，不過飯底如果炒過，會更加好!因為飲品第2杯半價，所以叫左杯菠蘿沙冰，好靚呀!佢係個頂到整左朵花!有心思~~

蕃茄湯底🍅一直對我很吸睛，得悉大埔的蕃滿門在元朗開分店，又想知與屯門同樣以蕃茄作主題的小店有何分別之下，便拉住媽媽來試了。原本只在門口看看餐牌，怕媽媽不合口味，但經理一見到門口有人，就立刻出來迎接，很熱情的款待。在未能推卻之下，媽媽說可以一試，就進去了。裡面的裝潢當然以紅通通為主，而且有不少掛圖，主張新派主意，偏向簡約風。下午茶餐頗為超值，$32起還包飲品，另附後頁。招牌蕃茄滑蛋濃湯（迷你版）（$32），配炒什菌螺絲粉。其實說是濃湯又不太濃，不過鋪上蕃茄粒蓉，吃出蕃茄滋味。而且螺絲粉不會過腍也不會過硬，恰度剛好，配上滑溜溜的炒蛋，和爽口炒什菌，也不俗的。餐飲—熱檸蜜。呷過一口熱烘烘的檸蜜，雖然天氣開始熱，但馬上暖入心，內有二、三片檸檬，檸味足夠，不過太多蜜糖，太甜了。同樣招牌蕃茄滑蛋濃湯（迷你版）（$32），配煎炸泡菜餃子米線。小嚐餃子一口，香脆微辣，媽媽對此超讚，另外這碗蕃茄米線也據說味道可以的。餐飲—凍泡沫檸檬茶。沒有試，但沒有檸檬作底，連紅茶也有檸檬味，方便了客人。順帶一提，這裡需加一服務的，正因如此，所以服務都很好！希望繼續保持

今日心血來潮路經此地~發現有間新開的舖頭~當然第一時間去試新野LA!舖頭用健康的蕃茄做招牌, 又有一D小食,相當吸引!!踏入門口第一步~已經有一男一女的服務員爭相招呼, 眼見客人唔算多~佢地安排左我坐喺餐廳的正中位置,,我覺得有少少感覺奇怪,但係又講唔出想調去邊~坐左陣~望望個餐牌,相片相當吸引,招牌係佢主打的蕃茄滑蛋濃湯 (仲有得揀大中細辣)其他配料就好似車仔面咁,腸仔火腿蛋咁上下,有D特別D係有德國炸豬手同炸鷄話晒係黎試新野,緊係點佢地D招牌菜啦~德國炸豬手蕃茄滑蛋濃湯(大辣) – 原先諗住蕃茄湯可以食得清清地~點估到服務員話可以加辣~我呢D米之連辣妹緊係唔會放過咁特別的味道LA~估唔到入口只係食到一DDDDDD辣味,相信係加左少少辣椒仔 噢~~ 可惜~再冇叫佢加辣了'當係蕃茄湯LA..佢話係蕃茄濃湯,期望可以放下一D~咁會開心一D~所謂的濃湯同一般的羅宋湯質地相若,有少少失望,傳說的滑蛋一D都唔滑,嗯.. 同樣放下不必要的期望,咁會開心一D, 另上德國炸豬手,可憐的小豬,眼見只係皮包骨~肉就有少少~炸得過左火,唔脆但燶~~噢…香酥炸鷄 – 服務員推介的招牌菜~細細件好啱我心水~外

灰灰的天空，落住雨！心情都沈落嚟！不過俾我遇到佢，令我頓時充滿温暖能量！我就係俾呢間蕃茄專門店門口嘅蕃茄吸引咗入嚟！坐低咗環視一周，清新精緻嘅佈置令我即刻陽光返啲！醒神！ 第一次幫襯，都係叫返啲穩陣啲嘅嘢食，我叫咗鮮茄蓉芝士豬扒焗姜飯同有個“讚好”嘅蕃滿門雞中翼!喺等食嘅時間上咗openrice睇下呢間嘢嘅食評，見到有人寫個豬扒飯普普通通，心諗算啦！普普通通都好過唔好食吖！再睇埋其他嗰啲，早知叫蕃茄湯粉啦！因為好肚餓諗住食飯會飽肚啲嘛！ 轉個頭，雞翼嚟喇！好香呀！ 酸酸地嘅蕃茄味令我係咁標口水，第一啖入口濃濃嘅蕃茄醬有少少辣味，惹味之極，仲有半溶嘅芝士，雞翼亦嫩滑！我俾9分，扣1分係我覺得汁多咗少少！跟住飯嚟喇！真係焗㗎啵！碗邊啲汁仲喺度“芝芝”聲起緊泡，第一啖差啲俾佢熱熟條脷，唔怪得知個侍應妹妹咁認真同我講小心熱啦！呢個飯，豬扒夠淋入味，茄汁夠濃，越食越開胃，其實我覺得最特別係個飯底，有啲姜味，但係又唔會辣，呢種姜嘅香味令成個飯好似升級去咗第二個層次咁！好神奇！ 食完呢一餐，感覺充滿活力，開心嘅感覺！好似有個蕃茄喺我身體入面彈彈下咁！

久不入元朗，一入到去卻被"搵食" 這2字難到，不是說元朗沒有食店,而是太多令到自己太花心，也因為很多都是坐到街外而不習慣，純室內店又已貴價西餐廳為主而卻步，好彩最終都找到一家新店落腳。門口招標光亮醒神，蕃滿門當然就是以蕃茄為主打，果然食物全是跟蕃茄有關外連店內都有蕃茄的擺設。選擇食品是倒是不用煩惱，因為每一台都必定見到一碗蕃茄湯粉，可自由選多種意粉。 最後選了螺絲粉和香酥雞扒，另點了一客鮮茄蓉芝士焗豬扒姜飯螺絲粉: 蕃茄湯比出面來得香濃，酸中帶甜而且份量都算不錯，熱辣辣的濃湯入口馬上暖入心房，但單叫價錢卻比一客飯還要貴，反而配上小食還來得合理。香酥雞扒: 上台非常燙口，切開而看到雞的肉汁盡流出來，外表果然炸得香脆配上泰式雞醬很夾。鮮茄蓉芝士焗豬扒姜飯: 明顯的即點叫焗，碟邊滾熱，片開醬汁後煙霧四起。 入口的鮮茄蓉少酸帶甜味道不及湯粉的搶但味道還是可以， 幸好下了功夫的豬扒反而補救了分數，不過說後的姜飯卻不太吃到所謂的姜。餐廳屬於別緻的小餐廳，但也因如此所以人流多時感覺有點擠迫，但服務卻值得一讚，店員對詢問解答詳細而且用心整理。 所以如果喜愛蕃茄的人可以一試。

本人很喜歡食蕃茄，看見這間以蕃茄主打的餐廳，滿心歡喜。原本打算點脆皮豬手，可惜已經售罄；最後點了蕃茄豬排飯。新鮮焗出來，熱騰騰，可惜飯不是焗得太香脆，豬排又不算惹味。最失望的是﹕蕃茄味不濃。難道新鮮蕃茄的味道就比不上蕃茄膏﹖我只能說，這是一客普通的蕃茄焗豬排飯，完全沒有驚喜。

聽聞元朗開左間唔錯蕃茄專門店，就黎試下食lunch。。間野既裝修比較簡約，有點兒似快餐店。。座位比較窄。。不太舒適。。不過侍應既態度同服務質素係元朗區黎講都算唔錯。。都幾有禮貌同埋幾快手。。我同我男朋友兩個人叫左個香酥雞扒蕃茄螺絲粉。。同埋黑椒牛扒蕃茄面。。等左十分鐘左右就有得食。。 本身個粉面已經有炒蛋配埋，唔錯哩！  都幾嫩口。。hehe。。個蕃茄湯味道就比較酸一點，塊雞扒就好正，外面香脆，裡面啲肉就仲好軟熟，好juicy ，不過份量都幾大下，最後食唔哂。另外塊黑椒牛扒感覺似home made 果啲 ， 味道比較淡一點，兩者相比，我較喜歡雞扒。。 總括而言，呢間餐廳食物質素同服務都okay 。。可以再黎～