蕃滿門

營業中

休息中

今日午餐食唔夠, 趁早食個早啲嘅晚餐, 聽日返工返學唔使咁夜, 嚟到呢度呀女最鍾意食蕃茄, 點咗個雜錦蕃茄湯飯，蕃茄滑蛋雞軟骨餃子 螺絲粉，老公最鍾意焗飯，今次揀鴛鴦焗薑飯。 蕃茄湯貫徹始終濃濃的番茄味，今次係微辣，更加醒胃。軟骨餃子都唔錯，都是新鮮煎起，食到裏面有軟骨，堅好爽口!加廿蚊可以多個薯餅粟米同飲品，今日只係得南瓜薯餅， 個薯餅新鮮炸起，熱辣辣送到上枱，切開出曬煙，意外的勁好食邊度平日學生嚟食嘢著校服有八折，亦都有兒童餐，適合一家大細帶埋bb嚟食嘢。

來到農曆新年的時間，除了大型連鎖店外，不少餐廳也會休息，年初四的時間來到大埔拜年後，就順便看看附近有咩好選擇啦！新年當然要著得紅通通一點先有節日氣氛呢，所以食物也要應節一點，選擇紅卜卜的選擇啦！😆年糕，蘿蔔糕食得太多，希望可以食一點醒胃的食物！蕃茄濃湯飯配炒滑蛋🍅蕃茄濃十分香濃，內有不少蕃茄肉及洋蔥呢！蛋也炒得十分香滑！惹味黑椒牛扒～牛扒煎得金黃，但黑椒味不夠，略有一點油膩感！牛扒也不是整件上，分別分開了數件！蕃茄濃湯真的不錯，很香濃！但牛扒就有待改善啦！

試過蕃滿門不同分店的味道，唯獨最喜歡大埔分店的，感覺蕃茄味較真及濃，而其他分店的湯真的比不上。每次必吃的是豬手，脆口入味！今日再試黑椒牛扒，味道一般，但無筯容易切，加分！

去親大埔就會想食蕃滿門，諗起蕃茄湯酸酸辣辣，就流口水啦我食開米線既，因為夠掛湯，我平時食譚仔三少辣既，呢度既小辣係冇辣味，至少都要叫中辣起我呢度大辣都食到，但朝早第一餐廢時食咁濃味就叫左中辣😂個炒蛋就不嬲都出色既，夠大年夠厚身。我自己最中意跟既小食係豬手，因為佢炸得好爽脆，加埋個芥末醬，好惹味！鹽酥雞都不過不失，都大份既魚柳我就略嫌細份左啲啦全都都熱辣辣上黎，即炸既雖然野食唔錯，但我覺得啲枱面可以抺乾淨啲🙈

每次同男友去食都會食佢個香酥雞扒同香脆豬手蕃茄粉....好味道之餘....又十分抵食....雞扒同豬手都大大件熱辣辣....但今次放假朝早行過見到佢早餐都幾吸引就食左佢早餐....原來加埋芝士嘅蕃茄螺絲粉再加小辣係好好食....下次會再咁食

位置挺好找的，大埔中心！晚上排隊等了一下就進去了。推薦點番茄湯面。但是分量超級多，女孩子的話兩個人點一份就夠了。下次來想嘗嘗德國脆皮豬手，應該很好吃。會繼續幫襯噠！

今日又去到我飯堂 同樣地叫豬手 配 蕃茄湯螺絲粉。豬手依然外皮脆卜卜，肉質厚實，點芥末蜜糖平衡豬手既咸度，恰到好處。湯底用新鮮蕃茄熬成，濃郁又鮮甜，加上少少辣醬好惹味！螺絲粉熟成度亦淥得剛好，有咬口！唔中意食螺絲粉亦可以揀其他麵，甚至飯！就係中意佢彈性高。二人晚餐盛惠$117，$53有豬手，大大蕃茄湯粉仲來想點？侍應亦冇圬間講得咁惡劣，起碼經理好有禮貌

次次黎必點豬手螺絲粉，今次叫埋牛排螺絲粉。兩個螺絲粉都係微辣，上次叫小辣辣得滯。好鍾意個湯底咁濃郁，好濃蕃茄味，仲要有個炒蛋放面，好好味。豬手好抵食，兩大舊，又多肉，點埋個芥辣汁仲正。黑椒牛排相對冇豬手咁抵食，但個味好出色，好香黑椒味，而且唔難嚼，林林地。

蕃滿門真係窮人恩物❤️❤️平時以為一碗40幾蚊已經平原來叫一個什錦嘅粉（唔太記得個名）先係至抵 夠兩個人食 都係68蚊（冇記錯的話）！一碗已經有鴨胸 蟹柳 炒蛋 冬菇 牛腩 豆卜 丸 西蘭花亦可以揀辣度同咩粉 我地揀左螺絲粉同微辣 螺絲粉真係好適合配呢到嘅湯 因為粒粒都掛到湯 而微辣就令個湯有多啲層次 辣辣地嘅蕃茄湯 大人細路都啱而且呢個什錦份量又夠 超級抵食啊不過意猶未盡 就叫多左個一口麵包 花生醬好香 好厚身嘅一粒粒多士咁 幾唔錯！晚餐每人40零蚊 有咁嘅質素

次次經過蕃滿門都非常多人排隊，應該都好好食。咁週末就同屋企人一齊早d去啦，但點知都要排隊。最後要搭台同其他食客一齊坐。入到餐廳睇完餐牌，真係嘩左一聲，因為$50左右先得一個湯飯或者湯粉麵，仲要唔包飲品，不過試下無所謂啦。最後叫左個蕃茄牛肉長通粉、蕃茄牛肚螺絲粉同埋蕃茄雞扒公仔麵。頭2個餐都好快到左，但個雞扒公仔麵遲遲都未到，最後俾左個炸魚柳同公仔麵，但我叫雞扒咼，當然話個魚柳唔係我啦。咁個侍應就俾左個公仔麵我先。點知坐隔離台條友一早攞左個雞扒但佢係叫魚柳，之後個侍應就將個魚柳俾左佢，然後將佢個雞扒俾我。有乜理由將人地可能食過個餸拎黎俾我就算。我當然即刻要佢換啦，佢好似唔想換咁。以後都唔會再黎。

天氣開始涼涼地，所以會想食熱辣辣的食物，有時屋企沒有煮飯，我便會立刻記得主打賣蕃茄湯為主的餐廳啦！由於放工已經十分疲累，所以今次沒有堂食，外賣返家慢慢品嘗！蕃茄湯的辣度有多種選擇，食得辣的朋有會覺得十分惹味！就算選擇原味蕃茄湯底也茄味濃郁，十分開胃醒神，咖湯內還有茄肉在內！👏🏼👏🏼👏🏼今次選擇了肥牛做配料，隨飯已付上炒滑蛋！炒蛋炒得十分幼滑，很有蛋香，加上香草在內，份外美味！肥牛也十分入味，份量也不少，如牛肉煮得嫩一點會更好呢！

咁係禮拜五晚就叫左個香煎雞扒蕃茄粉，頭兩舊雞其實都已經粉粉地，不過個陣就都覺得還可接受。但係食到最後一塊，即頭係生既，咁就同左個叫j字頭既女經理反映啦，佢個態度完全敷衍我地，一開頭仲要話餣完係咁，到之後話最多換舊俾我，但係食完依塊咁既雞，我仲邊敢再食。之前蕃滿門都唔會係咁既🙄，好失望。睇番之前啲post都話員工冇禮貌，睇黎個情況越黎越嚴重。如果蕃滿門內部既人睇到依個post，唔該做番好員工訓練

哩度一定係鐘意番茄湯朋友既飯堂啊🤤湯底濃得黎吾會太重口味 加番小小辣🤞🏻仲有好多面底可以選擇！我食左個公仔面底！但比較軟身！個size 都偏大份👹 入面好多番茄🤤佢既小食招牌雞翼熱辣辣超好味！ 番茄醬完全入哂味！加埋哩個粒粒包！ （可選花生/朱古力醬/芋頭）味道！ 好味到我一個人都可以食哂！ 吾會太濃味！醬岩岩好！ 又吾會太煎炸！ 完全要推介啊！個乳酪做緊買一送一！ 超級新鮮！

第一次食蕃滿門，都已經好幾年前啦！嗰時係舊鋪食的，覺得呢到嘅蕃茄湯底足料又好味，所以得閒都會嚟食吓。但開咗新鋪之後都未嚟食過，所以本來今次係想懷緬一下當日嗰種好味，但點知食完之後，真係好失望....呢到平均一個午餐都係$4X或以上，係大埔呢啲小社區嚟講，絕對唔係平。但抱住一分錢一分貨嘅道理，我都照走咗入嚟食！但可惜...呢個係花枝丸蕃茄濃湯粉併牛乳滑蛋$43，螺絲粉係淋的，一定都唔al dente滑蛋份量少之餘，仍都唔見得有幾滑身，略嫌有少少overcook！不過最嬲都係花枝丸，$43碗竟然得兩粒！佢仲要中間切開一半，扮有4粒咁！真係超姑寒！睇嚟食完今次，都真係未必再有下次啦

蕃滿門最初在大埔開業時大概是7,8年前，在舊墟直街那邊，一開始寂寂無夠的小店變身現在已數間分店的半連鎖店，不知道是不是受它熱潮帶領，各區後來也出現頗多以蕃茄麵作主題的食店。這次平日放假特地來吃一吃下午茶，畢竟在假日這裡可是長期要等位，沒甚耐性的我也耐不了。下午茶有十多款，但招牌蕃茄麵只有一兩款，其他是小食類。點了個雞翼蕃茄麵，淺嚐一下。雞翼不錯吃，夠味。蕃茄湯濃，喜歡辣的可點辣一點，蕃茄配辣這個配搭也不多地方有。雖然沒有以前那麼感動味蕾，或許只是因為到處吃多了，但間中來吃一下也夠滿足