蕃滿門 (已結業)

今日午餐, 同同事黎試下奧海城呢間蕃茄通粉, 本身好鍾意蕃茄湯底, 點知一試難忘! 仲可以選大中小辣, 鍾意食辣既我, 選左中辣, 好惹味! 賣相吸引! 味道香濃! 回味無窮!鹹豬手, 加埋甜芥辣, 肉質彈口, 好好食!

去親奧海城我都一定係去呢間!個蕃茄湯茄味好重,有得簡辣唔辣,今次我簡左少辣配埋螺絲粉,佢係非常多配菜,有炒蛋,冬菇,牛肉,玉子豆腐西蘭花真係好大碗!係個碗本身已經好大個!相信一個人無可能食得哂,所以我都係同朋友SHARE推介比每一個蕃茄迷

終於都返來了!之前無左大食代, 想係奧運城入面搵D大眾化既野食真有點困難. 等左一段時間終於為食回歸了. 襯今日放工無約會, 快快去回味下先. 地點改左上二樓, 地鐵站行去上一層電梯就見到, 另有一個出入口係戲院, 方便影迷醫肚睇尼大家都同我一樣咁期侍, 咁興奮, 未到晚上七點已經人頭湧湧. 地方大左, 坐位多左, 而且仲有露天位, 境觀非常開揚, 對住個山有海既靚景食野, 心情及味道都自然提升really. 想要對住哩個富宅景食飯, 除左花幾百幾千萬買返個海景豪宅之外, 而家只要花幾十蚊來大食代就有煙燻鴨胸蕃茄濃湯螺絲粉 $49 (小辣 - 辣度有幾種選擇)大大碗, 螺絲粉及炒滑蛋份量多, 蕃茄粒好多好大粒之餘, 仲有一個完整的蕃茄. 蕃茄濃湯夠味, 小辣度恰好, 好開胃. 食材豐富, 食一匙就有齊晒螺絲粉炒蛋蕃茄同湯, 不只是蛋有蛋味, 蕃茄有蕃茄味煙燻鴨胸亦份量十足, 大大件, 煙燻香上配上鴨油香, 肉質嫩腍埋單$49, 食飽飽滿足地回家