蕃滿門 (已結業)

今日lunch係附近經過，又落雨，所以就搵個唔洗淋雨的地方，所以就去左奧海城foodcourt，我地4個人其實都難搵位，仲要lunch time所以我地都等左一陣我就叫左金菇牛丸番茄湯螺絲粉 +$3要粟米湯底番茄味好濃好真，紅紅的，好吸引，又唔鹹，仲有少少番茄蓉，有D口感!!!螺絲粉份量都好多，軟硬適中，食完好飽牛丸有3粒，同平時果時D唔多，冇太大特別金菇就一大束粟米有驚喜，本身會以為係m記果D，但唔係，佢ed又大粒又甜，+$3好抵

A BIG BOWL of Fusilli COMBO with Tomato Soup.🍜🍅🤤Finally found a place where you can have some good quality tomato soup.😋 The soup base was made with fresh tomatoes and tomato paste, very rich in flavor!🍅😍The whole bowl comes with sooo many ingredients, including Smoked Duck Breast, Beef, Shiitake Mushroom, Fried Beancurd, Pork Ball, Crab Stick, then topped with a Scrambled Egg.😇😇The most perfect COMBO for satisfying your hunger!🔥

我對蕃茄湯底嘅食物情有獨鍾尤其係有新鮮蕃茄肉就更加正而呢間蕃滿門 Tomato Club 我已經食咗好幾年首先呢間餐廳基本上係以「蕃茄」作為主題 所以嚟得就係為左食蕃茄濃湯底通常我都會揀特式蕃茄滑蛋濃湯 $53 因為當中最鍾意嘅香酥雞扒之餘仲可以點牛扒、魚柳、咸豬手等等點都有一款岩你心水覺得份量太多?仲有一款係招牌蕃茄滑蛋濃湯 $47 而呢款就可以點選一款配料豆卜、牛丸、牛腩呢啲以上呢兩款都可以選擇辣度 分別有原味、微辣、小辣、中辣、大辣、巴辣甚至可以加$2轉麻辣湯底但我就唔建議咁做喇 如果唔係就無咗嚟食蕃茄濃湯嘅意義關於湯底方面 蕃茄濃湯是名副其實 因為每一口湯都完全感受到濃濃的鮮蕃茄味而且有蕃茄碎肉伴隨粉麵 甚至乎試過將湯底完全飲哂肉類方面 牛扒、煙鴨胸、餃子對相的份量係比較少如果係一啲較大食的朋友們就要有心理準備份量可能會唔夠多 但係味道唔差如果想飽肚的話就要揀雞扒、豬扒，咸豬手喇因為份量係會多啲 整體來說大大碗的蕃茄濃湯粉麵加上滑蛋的配合色香味俱全 配上 香炸嘅雞扒 已經令人垂涎欲滴 如果朋友們真係唔夠飽的話 記得加 $13 南瓜/菠菜煙肉薯餅喇 都係好好食

好耐無黎過奧海城， 奥海城變左好多。今日經開去左food court 搵食， 比佢d蕃茄吸引住， 叫左個少辣蕃茄脆皮豬手烏冬+粟米少辣蕃茄脆皮豬手烏冬+粟米 $58+$3熱辣辣蕃茄濃湯撈均個烏冬， 好香濃既蕃茄辣湯底，+$3 粟米， 粟米好甜脆皮豬手：脆卜卜豬手係即叫即整， 大約等左10分鐘。 2舊豬手大大舊， 脆卜卜熱辣辣 配埋個蜜糖芥末 但凍左就有d膩大大碗烏冬+2大舊豬手 $58+$3 共$61， 都幾抵食同好味下次有機會黎會再幫襯

自從元朗分店執左之後，好耐無食過蕃滿門啦今日打算係奧海城睇戲前去food court 食下野竟然見到蕃滿門係度開左分店！諗都唔諗，就決定食呢間回味下雞扒配蕃茄滑蛋螺絲粉 （微辣）蕃茄湯底微甜，唔會酸滑蛋好好味好滑～ 螺絲粉唔會太淋（但要快快食，愈浸會愈淋）記得！就算唔食辣都要試下微辣！蕃滿門既辣同湯底十分夾！香煎雞扒雞扒有得揀煎同炸，為左唔好禁熱氣，緊係揀煎啦（都係安慰自己啫）雞扒煎得好香口，皮脆，但雞肉又唔會乾到無汁！仲有泰式辣醬點，推薦！必加配之選-豬手加$18 有一舊仔既豬手雖然，係細舊左d，但必須試呀！豬手皮好脆！有d似德國豬手feel配埋蜜糖芥末醬中和番個咸味，無得彈

去完superpark玩，去之前去食晚飯，人多去美食廣場方便，每人都一定揀到，去到地方大，做成書店式樣，光猛乾淨！店舖好多！同肥髀都唔太肚餓，揀咗呢間，唸住酸酸地開胃，餐牌選擇唔多，揀好比錢店員比單同呼叫器我，叫我去第二個櫃臺攞糖水！好快出到！野菌一族加配烏冬（$39+$5）一碗唔太大碗，紅配黃賣相幾好，不過炒蛋好粉，一篤就散晒，一啲味都無，差！啲湯幾濃蕃茄味，雜菌款式都幾多，不過無乜味，烏冬少，烏冬唔夠煙韌又易斷，唔好味！西瓜西米露（跟餐$12）肥髀食！食物一般，落單男店員好冷漠，我第一次幫襯，睇完餐牌都有啲配搭上嘅問題，佢答好簡單又顯得唔耐煩，比晒呼叫器我之後，指一指糖水櫃臺就算！一啲都唔helpful!食物同服務都一般！

蕃茄控除咗星座之外又搵到好食推薦！話說公司附近嗰間分店成日大排長龍，於是喺food court見到就好想試下！一碗至大碗嘅兩個人share真係剛剛好，啲蕃茄湯可以成碗食曬，連螺絲粉食都好鬼夾！同譚仔原理一樣，最鍾意叫最大大碗同人share食，因為咩餸都有零舍爽丫丫🤤濃濃嘅蕃茄湯配冬菇蟹棒、豬手、西蘭花、粟米火腿、排骨、炒滑蛋同洋蔥，呢個組合好難唔鍾意嘅。如果可以加蛋就好嘞，triple eggs please~~ 🍳 ·最近大愛嘅飯堂，蕃滿門！！

早上看電影後，原來旁邊便是food court，以前在地面(現為無印)。11點多開始餓，走了一轉看有什麼好吃的，多數也在其他food court吃過了，唯獨這間蕃滿門未試過。愛蕃茄湯的味道，看第一遍時已留意。店員推介那個大大碗的雜錦蕃茄麵餐，不過實在太大碗了。另推介牛扒同埋豬手，咁一於試下豬手蕃茄螺絲粉，+$3粟米粒。賣相都唔錯，豬手外層脆脆的，也不un，配埋那個酸甜醬更好味。主打的蕃茄湯夠濃夠熱。湯一定夠熱先好味。外加的粟米粒夠甜。而喜歡通粉、螺絲粉的我，一定揀呢樣，冇揀到飯(驚唔夠飽可以配飯的)。Food court環境也不錯，乾淨光猛，加上還算早人不多，可以食個安靜的lunch。不過有些枱係高腳椅，好難坐。誰說food court冇好野呢。除了食物、環境，店員亦親切，呢樣都加分。蕃茄湯夠濃夠熱，粟米粒夠甜。外皮脆，配埋醬好好味的咸豬手。冇乜人，好舒服的感覺。

以前去蕃滿門次次都一定要入到大埔先有得食，近來有朋友話我知原來好近旺角既奧海城food court竟然都開左間！係旺角諗緊食咩之際，諗起蕃滿門，一於就去佢奧海城分店如果唔係從奧運站出發，由旺角既話，係朗豪坊H&M門口行過去奧海城其實只係一條直路，5分鐘就到天橋口，一過天橋就連接到奧海城商場，歎住冷氣行多5分鐘就到food court。一點幾都算lunchtime時段去，foodcourt好多人，但一兩個人去食都算易搵到位。呢個food court幾新淨，裝飾時尚，環境幾舒服，而food court入面黎講，呢間係無得輸點菜後唔洗一分鐘就有喇快得出奇食過幾次蕃滿門既經驗話我知微辣公仔麵湯底係最好味，有dd香辣之餘又唔會蓋過本身既蕃茄濃湯湯底公仔麵可以一路拉上黎食一路帶到D濃湯入口，口感好正。配搭返自己鐘意既配料，平時我鐘意揀廚師腸加粟米，今次無廚師腸揀，所以揀左花枝丸加粟米，一流，花枝丸咬開浸返落湯會索埋D濃湯味。滑蛋係點都有架唔少得既當然間中食一羹蕃茄肉啦，真係好濃好足料鐘意蕃茄湯底既一定唔會失望，本新無興趣既（我）都會一食就愛上左蕃茄濃湯分量剛好，42蚊食到超滿足希望蕃滿門會繼續開多

在奧海城, 想要吃得平民化一點, 又不想要跑去大角咀開餐, 「大食代」都算是一個選擇, foodcourt的好處就是可以一同而坐卻又能各有選擇, 你吃你的pepper lunch, 我吃我的蕃茄麵, 各自修行亦無不可。大食代裝修搬位過後, 美食選擇好像有變多一點。蕃滿門那酸酸甜甜的蕃茄濃湯, 碗裡的茄肉也給了不少, 滑蛋的份量雖然不多, 但也算是滑得貼題, 湯底可以選擇辣度, 嗜辣的我當然是先要了個大辣來一試水溫。酸甜辣的組合, 一直以來都是滋味, 吃過油揚的也配過豬手的, 整體質素都算OK, 喜歡蕃茄的人可以一試

一直都鍾意食蕃茄湯底嘅野，呢間蕃滿門係係food court 入面，本身無期望過food court食物質素，但呢間野食真係令我好驚喜：蕃茄湯夠濃，牛扒好味，其他餸例如豬手都好好食！ 價錢又適中，成為我常食餐廳之一！

奧運站附近有好多好野食，想平民化d可以行去大角咀，天氣熱唔想出商場一有各式各樣ge餐廳同大食代可以選舉。今日自己一個食午餐，又怕熱，商場food court就係最好ge選擇啦😁每次去親food court，行完一圈，最後都係選擇蕃滿門😆感覺係food court裏宏宏眾多食店中最抵食同健康的選擇👍🏻而我最鍾意食香煎雞扒番茄滑蛋濃湯公仔麵😋😋😋雞扒煎得好香，皮脆肉嫩，配上泰式辣醬更是別有一番風味! 公仔麵不太出色，但是番茄濃湯很令我回味！番茄好足料，好濃郁，而且唔會酸酸的，吃得出番茄的鮮甜👍🏻👍🏻👍🏻份量足，真材實料，不用$50讓我捧著肚子滿足地離開，唔錯！

我們倆口子除了放狗外，拍拖的節目基本上只會每一至兩週看一齣電戲，今晚在看電影前勿忙地到Food court找點東西吃作為晚餐，由於大家都不算餓，正好見到有人在吃大大碗通粉，所以我們也點了一個兩份食⋯蕃滿門以蕃茄作主打，其中雜錦蕃茄滑蛋濃湯螺絲粉最為奪目超級大的湯碗，其實份量又不是真的很驚人，假如肚子餓一點，其實一個女孩子也能吃光⋯蕃茄湯底很濃郁，而且材料算足，作為速食晚餐是一個非常好的選擇，價錢亦算合理﹗

再次來到番滿門，每次都會叫番茄湯麵配豬手 番茄湯十分濃郁，亦有很多番茄蓉，再加上滑滑的炒蛋 我覺得跟麵係最好食，朋友就中意跟螺絲粉(^^) 茄湯通常會叫微辣，酸酸甜甜再配上一丁點辣，實在很美味。作為番茄控我會比滿分 另外，豬手水準好高，外皮小小脆，肉亦算淋，咬落好香唔會太肥 配埋芥末醬更香，亦可解油膩感。朋友比較喜歡佢嘅炸雞排，配泰式醬，酸酸地幾惹味佢仲有好多小食 我食過花枝丸啫 都幾彈牙香口 上面仲有小小七味粉 好易就會一個人食唒

同事介紹foodcourt有得食蕃茄麵or鏍絲粉，即刻去試，因為一直好鍾意食蕃茄麵。本來都唔抱太大期望，因為食過其他蕃茄麵都未食過一個令我覺得好好食嘅，多數食落口蕃茄還蕃茄，麵還麵，個麵完全吸唔到蕃茄味。都有幾多選擇，多數食炸雞扒or豬扒，我比較鍾意食鏍絲粉，少辣，超好食，夠味又有少少辣，個炒蛋又好好食，有時連個湯都會飲埋（但有加辣所以飲完會幾口渴）食到上癮，每次返奧海城都會去買lunch. 雖然最出名好似係德國豬手，不過個人覺得同個麵/粉唔太夾。