薀莎餐廳 (寶怡商場)

營業中

休息中

從未試過未走就寫食評。長輩叫左一個掛左相（應該出名／自豪既野）咖哩牛腩飯，我叫左是日晚餐其中一個卡邦尼雜椒野菌仿蟹柳棒意粉。個意粉，落芝士粉就係卡邦尼？白汁水一樣稀又冇味，意粉冇味都算，椒同菇冇味，成碟野除左現成既蟹柳有本身咸味，所有野都冇味。從未試過出街食野要加鹽加胡椒粉先食到兩啖麵。。。之前食野正常架喎。。。以後吾再黎。。。。

今晚同朋友喺屋企樓下附近諗緊食咩，突然好想食港式鋸扒，所以就入咗溫莎餐廳。我哋三個人總共叫咗一個肉眼牛扒鐵板餐配白飯，一個西冷牛扒晚餐配意粉，另外再叫咗一個蔥油霸王雞餐，三個餐都有餐湯，有紅湯或者中湯選擇，再配餐飲。牛扒上餐時，鐵板夠熱，滋滋聲，好彩餐廳有提供餐紙擋住我件白色衫。牛扒叫咗五成熟生熟程度啱啱好，而霸王雞味道相當好，雞肉嫩滑，份量都幾多。總括嚟講，呢餐都相當滿意，絕對可以止倒我港式西餐嘅癮

當日3號風球，正是媽咪生日！媽咪打算走到屋企附近的餐廳看看，哪間多人幫襯即是代表質素不錯！我們才幫襯！經過屯門寶怡商場地下 759隔離的 <薀莎餐廳>，她就決定這間食！當晚橫風橫雨之下，我條短裙已被淋濕大半部份，小腿濕到上大腿；入餐廳前，先收雨傘，加上當時又要用安心出行，對手真的手忙腳亂，心情也不太好！這裡設有4人枱及卡位，媽咪選擇卡位，桌與桌之間，空間感算充裕，我們都覺得坐得舒服！媽咪及我行得快，先行入座；爸爸行得慢，稍後一兩分鐘才入座，店員先給予兩杯水，以為我們兩個人！之後，爸爸的熱檸檬茶送上時，店員說熱檸水！當我杯熱杏仁霜及媽咪杯熱好立克一齊送上桌，的確難以分辨，女店員好醒目，幫我哋嗅一嗅，講清楚哪杯是杏仁霜及好立克！餐牌由於各餐牌只得一個，爸爸媽咪先睇，爸爸睇完即落單，當時我尚未睇餐牌；所以，我跟媽咪一齊落單，至於，細佬放工後瞓覺，基乎一睡不起，買外賣給他！換言之，我們一家4口，落了3次單！鐵板牛柳配意粉 $148媽咪第一眼已看中餐墊紙上的牛柳餐！牛柳厚身，而且肉嫩 juicy，配蒜蓉汁，香氣撲鼻又惹味，她好滿意！忌廉龍蝦汁香草烤雞扁意粉 $58烤雞份量豐足！扁

蕰莎餐廳兩大塊雞扒🥰份量十足👍👍薯條好脆，真系即炸既☺️仲要有條甘大既腸❤️❤️❤️平民化得嚟，都算誠意十足，其實兩個人食都可以，基本上一個人反而食吾晒😅😅

星期日食早餐人多係銖正常既事,我同朋友一入到餐廳同櫃面同事講:唔該,兩位!個櫃面同事無理 咁掃完杳行個安心出行就係櫃面正對面等待叫位,等左8-10分鐘,另一位侍應叫兩位入面,門口另一組兩位既人行左入去,我心諗:唔係我地排先既咩?  之後又有兩位客人走左入黎,又行埋左去張四人卡位度,我地當下已經講係我地排隊先,但餐廳職員都無動於衷,任由前者兩個人分別霸佔各一邊,後來另一位侍應才安排我們到另一台已有人坐的四人卡位,但當下我們已立即離開坦白講餐廳食物尚算不錯,但咁既服務態度真係唔會有下次,忙同唔忙都好,d員工都好似自己做自己野,有次我坐最近廚房果行,想點餐等左5分鐘都無人黎,但聽到廚房位有4-5個人吹水既聲,我就唔明點解我叫極揮極手都無人出黎,建議以後食同類野都去附近另一間算

叫個什扒餐，先唔講有幾咁難食，當晚我去呢度晚飯，我坐响度，個待應托住個托盤上飲品，成杯果汁倒落我身上，連對鞋都入晒冰水，個身濕晒，侍應只係講左一句對唔住，我話濕晒啦點算，我都未稔住佢，我濕住個身，佢一路抹枱，一路講：「我都唔想架，係杯嘢自己跌落嚟架，都唔知點解杯嘢無啦啦會跌」態度極差&悔氣，我著左火話:「你講乜嘢？」你say sorry我都冇嘢，麻煩你同我解釋下，乜叫杯嘢自己跌落嚟？你係無辜，係杯嘢自己生左隻腳，一嘢跳樓咁跳落我度，所以搞濕我係迷？

返工放飯千祈唔好去買，買完外賣就等攞走，佢哋會儲埋8，9個外賣，先至打包，新喺上面，就會包咗先,你早買就等得越耐，見到後邊嗰啲全部包晒就到你啦！食物一般，唔食唔可惜，其實附近好多好多選擇,見到無人等外賣你就唔好買！唔知等到幾時！見到入邊張枱有幾個外賣，你就買啦！多外賣職員先會包，你見到有幾盒咪買囉！

做完強檢係附近搵嘢食，見呢間門面幾靚幾乾淨就入去試下，出品唔錯咖哩豬扒飯($42)咖哩好香，豬扒香口唔乾，好食👍🏻迷你雪菜肉絲米粉配腸仔炒蛋($35)個碗好迷你不過裝得好滿，食落份量都唔少，炒蛋👍🏻👍🏻 美中不足嘅係牛油多士無飛邊杯熱朱古力好甜好甜好甜埋單$77，呢個價錢咁嘅份量無得輸👍🏻順帶一提，樓面侍應唔多，落單要等耐少少，不過員工有禮貌，上菜都算快，大家可以俾多少少耐性體諒下🙆🏻‍♀️🙆🏻‍♀️🙆🏻‍♀️

平時都見多人排隊，難得今次無人排就入去食啦！叫咗個扒餐，諗住佢同椰林閣一樣集團，D扒應該唔錯，點知完全唔得，好硬，唔淋。屋企人下午茶叫咗個脆脆豬餐，好脆👍 凍鴛好飲，又大杯，唔錯嘅。服務質素就差D，我坐好入，想落單，等咗好耐都冇人應🙄 ，有待改善

溫莎餐廳呢個名好似幾懷舊咁，一開張果陣排曬長龍！係開張初期食過，早餐既粉面餐覺得麻麻地，因為都係凍既，但後期有改善，而且扒餐都幾大舊，抵食！今次就試咗個雜扒餐同埋牛柳。其實點解會揀呢間餐廳，因為鍾意飲佢嘅羅宋湯，好濃味，材料又多！！但至於扒類就真係一般般，少少鞋口又無肉味。服務態度方面，so far 黎過幾次都ok

今日朋友約左朋友攞嘢，攪到差唔多3:15，就同佢近近地落左薀莎食個下午茶。豬扒配薯條 - 塊豬扒好好食，炸得香口唔太油，但堆薯條就出晒事，好似冇炸過咁，咩事🙄，原全冇薯味😑西多士配糖漿仲差，黎到睇倒件野咁嘅色水已經檸晒頭，都知中伏，食落口，中間啲花生醬發生咩事，乾到冇朋友，食一件要飲一啖檸茶😥，最終好唔容易食左半份，真係哽唔落啦，放棄😑

之前行過好多人排隊，今次經過見唔洗排隊，所以入去試下，點知伏味重，晚市市段，點了兩份牛扒餐，一份牛柳一份肉眼，無色無味，貴得黎完全無質素，點了7成熟牛扒，黎到變5成熟，牛扒無牛味仲有雪氣，牛扒食落鞋口，羅宋湯過咸，汁唔夠熱，服務都麻麻，加錢有薯蓉青口同樣質素差，薯蓉無味又乾又散，似用粉開出黎，成個餐都失望，服務都麻麻， 員工服務態度一般! 所以已入黑名單，不會再去食，百幾蚊咁嘅食物質素，一個字差，食物質素差，貴得黎唔好食，以後不會幫襯，不推介去食，食到一肚氣! 

黎到呢邊食Lunch,就試下溫莎餐廳，佢有少少椰林閣既影子，賣既就係港式西餐。今日叫左個焗豬扒飯，先講跟餐既餐湯，好杰，並唔好飲，我飲到一半就放低左。然後就到主菜，焗豬扒飯，佢個炒飯底值得一讚，好香蛋香，豬扒諗度中等，談不上非常入味。醬汁方面就係正常茄醬味道，餐廳比左唔少芝士上去焗，賣相是唔錯的。性格比方面我會比3.5分/5分，始終係街坊餐廳，呢個價錢中規中矩，無太大抵食之處，就係一間普通醫肚既西餐廳。

今日難得同媽媽出去行街行完之後開始肚餓就隨機搵咗一間餐廳食飯店內裝修都唔錯 環境望落都乾淨我自己就叫咗一份肉眼牛扒配薯菜七成熟而媽媽就叫做馳名海南雞飯上菜後我先試咗媽媽叫埋海南雞飯雞肉都好嫩滑 而且去埋骨配油飯一流👍🏼肉眼扒份量都算大份味道都尚算新鮮 肉汁都幾豐富 而且唔鞋同唔痴牙比想像中好食雖然好好食但係我都食唔晒好彩可以同媽媽happy share👍🏼總括嚟講呢間餐廳嘅食物性價比都高可以再黎🤣🤣🤣

餐廳早餐唔差，差在服務員，多士跟麥皮低食，但本人不喜歡沙糖要求練奶，一個態度看似高級的師奶員工說話冇，我問冇練奶？咁茶走啡走落咩奶，佢話呢d 就得，麥皮唔比奶，話係公司規矩，真的一間高級餐廳，真想問呢間公司是否真係有咁既規矩，定呢位高級師奶服務員揸住雞毛當令箭。發覺呢間餐廳都開始少人幫襯，希望真高層落去了解一下。