薀莎餐廳 (寶怡商場)

營業中

休息中

椰林閣集團繼之前中式點心的名點屋後，今次又一巨獻「溫莎餐廳」。希望可以秉承傳統，帶來又一西餐定位。今晚特登叫個扒据吓先價錢都幾貴，拍得住市中心的xxxback，最特別係可以選擇用鐵板上，或者普通碟上，另外跟個餐湯同麵包，再配飲品。雖然價錢貴左啲$148，但係質素都幾好，有豐富牛肉味，唔會好硬，又冇乜筋，非常美味另外叫咗個最傳統芝士焗肉醬意粉，初頭睇佢好細碟，食落份量都幾多，上面放滿芝士，有啲拉芝士感覺整體來講都幾好味，雖然價錢貴啲，但不失為一個食西餐好選擇

今日欠缺交通，唯有留係自己居住地區搵食。想食既鋪頭原來星期一休息，朋友就介紹呢間高級茶餐廳。睇完餐牌就發覺價錢遠高於平均價錢，至於好唔好食……我哋容後討論。我叫咗個黑椒牛扒飯，配凍奶茶：牛扒：有厚度，無溫度，好似食香口膠咁，用刀切好耐先開（我呢個飯係比海南雞飯更快到）。黑椒汁同樣係唔夠熱。飯底：有d爛，但可以接受。凍奶茶：一開始俾咗杯無奶既凍奶茶俾我，即係淨茶。問落單阿姐，佢竟然答我以為我走奶……如果叫凍L茶，會唔會自動走L呢？友人的海南雞飯：海南雞：少見的有骨海南雞，而且味道偏咸。

這間餐廳是第二次幫襯的了, 正值下午茶時間, 雖是星期六, 但人不是太多, 見人少少, 再試一次認真的, 下午茶的價錢不是太平太平那款, 因很肚餓, 最後叫了魚柳焗意粉, 好肯定我係叫意粉, 但來了是飯, 算吧, 不要浪費。另外亦加了10蚊, 有湯有餐包。餐湯是羅宋, 都好入味, 有料, 不是水汪汪那款。餐包岩岩叮完, 熱熱的, 加上牛油, 100分。魚柳飯來了, 看著不是太大的盆, 不過舖滿了芝士, 都很多的, 飯底是炒飯, 不錯。另外魚柳亦很多, 食曬是都好飽的。雖然盆子好細好淺。這間小餐廳比起茶記坐得舒服, 所以, 應該會有下一次的。

早前在那裡點了一個套餐，當時跟一對情侶撘枱，其中一位隨後也跟我點了同一款餐，一女侍應送餐來時大聲問是誰叫的，對面那位男食客跟我同時揚手，他意會到是我先落單並示意侍應給我，她於是放下餐，正當我拿起餐具的同時她卻突然把我的餐遞給對方，我跟那位對她如此粗劣舉動都感到突兀，互望一時不懂如何反應，她接着癈噏一輪說什麼因為單上註有A號所以應該歸對方那邊，更擺出一副按本子辦事得戚樣子兼且態度惡劣，我本要駡她多此一舉但見第二份餐已經端來才就此了事，但心裡滿不是味兒。首先枱號沒有註明那方位置是A，只不過因為大家叫同一款餐所以當時侍應才特意加上去以作識別，且是我落單在先，這個女的卻不知就裡，自以為是惹怒食客，餐廳留此員工只會繼續趕客。

住左呢頭咁耐，就係成日見D餐廳轉黎轉去。呢牌重開多左好多新餐廳添!~ 今晚自己一個落街食，就決定試試新野。之前經過都見有好多人排隊，今日就見佢岩岩無人排就睇下有無位LA~好快就安排到我入去LU!晚餐餐牌都幾精美，都有好多唔同的選擇。不過睇個價錢都唔平AR...如果你想配飲品好多時都要額外加$18 轉SET呢個價錢晌呢區的舖頭黎講，都算高級~~ 我叫左一客焗豬排飯，無配SET!個飯的份量都唔少，賣相都算OK LA!豬排味道豐富，肉質都鮮嫩!略嫌豬排的厚度較薄，如果厚DD就更好了。

去屯門朋友仔屋企，落大雨唔想帶住小朋友落去食飯，所以買外賣返嚟買，朋友推薦蕰莎餐廳 我哋3大2小，叫咗4個主菜，分別係乾炒牛河$60、 焗拿破崙蕃茄豬扒飯$58、西班牙帆立貝海鮮 扁意粉$58、咖喱雞扒飯$62,加$18跟餐熱飲有d貴... 講返正題，外賣packing 好靚，加分👍湯：一般，紅湯係雜菜湯，係辣嘅😑乾炒牛河：又係乾炒牛河，係，因為呢個係小朋友一家啱食嘅主菜😅呢個炒得幾好，唔油，返到屋企已經唔係太熱，但都好食，証明熱食個時一定ok.焗拿破崙蕃茄豬扒飯:讚啊，汁，豬扒同飯都處理得好好，呢個飯有90分咖喱雞扒飯：我本身唔食辣，但朋友話好味都試試，果然薯仔煮得好入味，咖哩味，辣味同甜味配搭得好好👍唔係好辣，諾諾都食到❤️93分西班牙帆立貝海鮮 扁意粉：另一個一心比小朋友食嘅主菜，竟然係辣嘅（餐牌無寫辣），重辣過咖哩雞飯... 味道on, 只係我食唔到🙄整體嚟講ok, 但價錢有少少貴，可能上次下午茶太抵食😅

前一排發現係建生開咗一間新嘅西式餐廳，本身都無諗住入去食，但見到佢嘅新裝修都幾靚，所以都食咗。我同朋友都係叫咗set lunch 其實質素都係唔差嘅，味道尚可，而我都欣賞佢有加熱過餐包同牛油。有好多餐廳都只係會serve 冷冰冰嘅餐包同剛係冰櫃攞岀黎嘅牛油比客人，所以其實唔差，但我今次想講就係員工的服務。我坐個位咁啱有冷氣機水會跌落嗰將枱到，開頭唔為以就無叫換位，其實都無乜嘢，我都明依啲大家都唔想，你只要換另一個位比我都無乜事，但個職員嘅態度好似唔多願意，都算了，最後都有幫我換咗位。但竟然唔係封咗個位佢，而係叫新客入黎坐。大佬，冷氣機滴水如果滴落啲食物到，係會有食物安全問題，咁樣做係整得幾好味都無用啦！如果咁嘅態度，其實都好影響我下次唔會再食。再加上，我明明未食晒枱上嘅食物，佢都好似趕客咁收碗碟，比我嘅感覺都係唔良好。總括而言，食物質素可以，但態度、服務卻不能接受！希望盡快改善

今日放假諗住一早去行山點知太攰唔知醒最後十點幾先起身起左身去左屋企附近食左lunch先去行山正午行山有種想死既感覺🤣🤣呢間第一次去食有西式有中式我揀左「咖哩牛腩飯」有餐湯有餐包我仲加左椰青只需加$18好抵飲又清甜又解渴咖哩汁唔算辣幾惹味餸飯一流入面仲有薯仔、牛筋牛腩都算幾林另外老公叫左「海南雞飯」食物味道都幾好吖仲有中湯係d阿姐唔夠識做定係佢地無野搵野黎做？明明我個餐包未食完仲問我要唔要？佢打算想收走我話都未食完😅😅真搞笑食物環境味道ok職員要再培訓先得😂😂

新開的店，之前去人多，所以無去食，過咗幾日無人排隊，所以一行8人去試試，但食到一肚氣，貴得黎完全無質素，牛扒肥膏多，點了5成熟牛扒，黎到變9成熟，牛扒同配菜都難食，無牛味又過熟，牛扒食落鞋口，忌廉湯(麵粉同好油) 朋友飲的羅宋湯仲油，所有野都要加錢配，加錢配了意粉，汁同意粉都係冇誠意之作，成個餐都失望，服務都麻麻，所以已入黑名單，不會再去食，百幾蚊咁嘅食物質素，垃圾！8人去食，一致認為食物質素差，貴得黎唔好食，以後不會幫襯，不推介去食。

午巿試吃，餐選擇算多，與附近食店相比起，價錢可以，賣相不錯，份量十足，味道不算特別好但也算ok... 餐廳麵包屬傳統西餐廳味道，也有再吃，但第二天則亂了單，但補單也算快.

這間新開的餐厅，装修不錯，但我叫了一个黑松露菌炒扁意粉，看外觀是可以的，但一吃，真的有點無言，幾本上是没有什么味道，只有淡淡黑松露粉的味，而且汁水太多，扁意粉还可以，不太林。罗宋汤还可人以，算中規中一矩。我朋友的白汁鱼柳焗意粉也是不夠味的，淡得有点出奇，白汁亦不夠香，但外观也是可以的。咖喱雞飯则不錯，咖喱几香，夠浓郁，雞亦不会老，算林滑。如果下次再來，吃咖喱飯好了。