薄荷葉泰國菜

營業中

休息中

今日又入黎元朗搵食，見耐冇食泰國野🇹🇭就同朋友黎左呢間半bar半餐廳食呢到啲音樂都好大聲，加上環境暗暗地同埋有露天位，超有feel，夜晚黎嘆番杯酒都幾chill，不過今日就黎試佢啲野食食物都好多款式可以揀，唔同款海鮮同沙律，而且價錢適中，有啲選擇困難症🤣一黎到會俾左個前菜食住先，係醃青瓜同蘿蔔，好清新醒神甜柚鮮蝦沙律：柚子酸酸甜甜，好多汁，加埋大大隻蝦好新鮮，非常開胃！什菜粉絲煲：有甘荀、粟米仔、西蘭花、椰菜花、芥蘭、車厘茄，都幾多款，健康之選。加上超多粉絲好大碟，差啲食唔晒特色菠蘿飯🍍：同出面好唔同嘅係佢用木桶裝，都幾得意，飯炒得幾香，入面啲料都好多沙嗲（豬/牛/雞）：每樣有兩串，真係好正，燒得好香脆，唔會油而且冇雪味，沙嗲汁味濃，推介必點菠蘿/石榴特飲：都幾大杯，唔會太甜，個人幾鐘意店員服務態度都幾好，食物好快送到，收枱都好快

夜晚過去，裝修得很漂亮，充滿異國風情，點了咖喱，烤肉，金邊粉，烤肉超大串，用高杯子裝著，好好食，咖喱我們沒有點飯，點了包，沾著食好食，因為咖喱都幾多，後面還追加一份包，金邊粉就好看但味道真的一般啦，總體推薦咖喱和烤肉

經過呢間餐廳嘅門口好多次 終於有機會試到啦，今次係嚟食下午茶 因為係閒日， 加上下午時段所以餐廳冇乜人侍應服務都幾好，一坐低就遞上餐牌 不過我同男朋友 揀咗好耐都唔知食乜好 最後決定是但食個飯就算我哋一人嗌咗一碟飯， 我食菠蘿海鮮炒飯佢啲飯好大碟， 份量亦都好多 一個人食係會食淨，飽到上心口整體黎講都唔錯嘅，不過我覺得啲飯嘅味唔夠出同埋啲飯炒得太乾，我唔習慣食咁乾爭爭嘅飯飯入面嘅魷魚同埋蝦， 好似都未夠新鮮相反男朋友嗰個飯，味道反而好出有少少辣辣地，啲冬陰功味好夠食完覺得好開胃， 酸酸甜甜咁嗌飯會送飲品，係跟餐嘅我哋一人嗌咗一杯草莓特飲，同埋菠蘿特飲雖然好鬼細杯，不過味道好好呀真係幾好飲，成杯邊食飯邊飲晒好香嘅草莓味，同埋有好多草莓肉沉晒底啲嘢飲用來影相打卡呃like真係一流夠晒靚至於碟炒通菜，夠曬大碟，份量亦都超級多 我哋食埋個飯，已經好飽所以啲菜都只係食咗一半味道都唔錯嘅炒得幾香，只係啲菜食落有點韌感覺啲菜有啲老咁

諗住搵個地方食少少野飲返杯🍺，見呢間泰國野噤多好評又話好chill未黎試下呢到會播d泰文歌，有幾張露天高枱，坐高枱都ok la但又唔會覺得有幾chill😂2條友叫左個生蝦同豬頸肉+2杯生啤，差不多5舊水豬頸肉$108- 豬頸肉唔夠厚身，太薄，個汁味道麻麻。豬頸飲配跟個沙律，沙律汁酸酸地混埋d蔬菜，可解油膩泰式生蝦$198-6隻， $200，雖然大隻好好肉，但質感爽得好奇怪，同平時既好唔同，配埋個汁感覺唔係好夾

早排去元朗圖書館做完research走嘅時候見到呢間食泰國野嘅餐廳環境唔錯就同friend入左去醫肚坐位可以揀室內or室外我地揀左坐室內裝飾充滿泰國風情餐牌有2人套餐都幾抵食咁不過我地想試多啲唔同嘅野所以就散叫坐低嚟個有機前菜炸蝦球一份有成8粒即叫即炸熱辣辣蝦肉打到好彈外皮香脆 內裏彈牙泰式燒豬頸肉燒到啱啱好 好靚食落肉汁豐富配埋酸辣汁惹味又開胃叫左個細嘅正常辣嘅冬蔭公湯個湯酸酸辣辣 非常開胃獨特的泰式香味同香料令人越食越想食仲有唔少蝦太美味喇！特色菠蘿炒飯炒飯面鋪滿肉鬆一鬆開見到勁足料有蝦、八爪魚、墨魚、腰果、紅蘿蔔粒、粟米粒、青豆飯炒到粒粒分明好香口顏色豐富又好味份糧仲要唔少！有泰式特飲同酒類飲品青檸梳打椰青

呢排想食下泰菜咁就簡左呢間環境幾chill，有bar既泰國菜餐廳。環境佢成個設計都係酒吧咁，有好多泰國裝飾，另外仲有個大熒幕播泰國既mv，好有泰味，亦好有酒吧感覺，佢亦有户外位置。服務店員都好詳細講翻食法，同介紹翻係咩菜式，服務幾細心廚師特色蝦醬炒飯$138一黎到，好有驚喜，估唔到一個炒飯做到咁靚，個樣勁浮誇，打卡一流，佢有一串蝦係頂，中間係魔鬼魚乾，另外亦有d配菜，蝦肉幾鮮味，個殼係脆口所以可以食埋，之後魔鬼魚乾好得意，脆口，鹹鹹地，係魚乾咁，佢係建議整碎佢撈落飯食，因為佢係偏鹹所以要撈飯食，飯既出面有層薄蛋皮包住，整到好靚，蛋皮好薄，飯裏面有提子乾食落鹹鹹地又有提子乾甜甜地，有蝦醬味，亦好香，呢個飯好多口感層次同味道，但樣樣都好夾好好食，佢配菜有少少豬肉，青瓜條，同裏似芒果絲既野，真係食極都仲好多層驚喜咁。沙嗲（豬，牛，雞）串$108佢一杯有6串，串串都大大舊肉，我就簡左豬牛雞各2串，佢另外有個沙嗲汁配，第一口食牛，真係好出色，表面少少脆身，食落好嫩既牛肉，有肉汁。豬肉同雞肉亦都一樣肉質好嫩滑，皮係香脆，配埋沙嗲汁，少少辣亦都增加左佢既野味，呢幾串串燒好好食好出色，一定要試下。泰式

今日約左朋友黎元朗食晚飯，佢帶左我黎呢間好chill既泰國菜餐廳。餐廳擺設同播泰文MV令到氣氛環境都好好。首先我地叫左冬蔭公湯同生蝦。一個細既冬蔭公已經夠2個人每人飲到3碗。而且入面用料好足，海鮮都好大隻，香料足，唔會一味得酸字。主食就叫左我最愛既青咖哩牛同肉碎生菜包。2碟份量好多，特別係青咖哩，愈食愈上癮，食得出有落心機去煮。推介中意食咖哩既人士。而肉碎亦都煮得剛剛好，唔會鞋口。最後追加左碟馬拉盞炒通菜，好夠獲氣。

元朗安康路，每次經過呢條街都見到呢間咁有特式既泰國餐廳，可擇室內或室外座位，店內裝修富有泰國特式，再加上一路播泰文音樂，真係好似去左轉泰國芭提雅食飯咁😂😂；店員又好有禮貌，會過黎同客人吹水，成晚個感覺都好relax一入座已經送上酸辣青瓜小食馬拉盞炒通菜：馬拉盞鹹香味濃郁，好惹味通菜炒得好嫩口炭燒豬仔髀：豬仔脾燒得剛剛好，唔會好乾身，配上微辣雞汁，超惹味👍👍泰式串燒（豬/牛/雞）：用杯企身咁放，多餘既油會滴落杯底，而且溫度又會keep到；3種肉類串燒，配上特製沙嗲汁，好好味，配啤酒一流泰式豬頸肉炒麵：用薄薄的蛋皮包住熱辣辣的炒麵，炒麵好夠鑊氣，豬頸肉好大塊，好有咬口。泰式生蝦刺：用上新鮮海蝦，溫度剛剛好，好爽口，再配上泰式酸辣海鮮醬，好好味黎緊應該有排都未去得旅行，好推介大家過黎薄荷綠，當去左轉泰國，味道又好，價錢都適中

同朋友想輕輕鬆鬆hea hea 地咁吹水地食一個晚餐，佢又勁想食生蝦，諗諗吓元朗可以食薄荷葉。☺️係元朗應該係無人不曉既泰國菜🤔個feel勁正😍😍勁chill 😍又有啤酒飲😆😆我地入左去裏面坐😍😍個環境勁靚，裝修勁岩傾計😏仲勁有特色😋勁多選擇😋我覺得屬於比較fushion 既泰國菜😆蝦片😋送酒剛剛好😈叫左個前菜鳳爪沙律🥳可以話我每次食泰國野都會叫鳳爪🙈生蝦擺得勁靚😋都好好食，好似話係新鮮蝦😝屬於係隱形菜形因為並無出現係menu🙈泰國菜必食椰菜苗😋😋😋因為唔係周圍食到，我就幾乎每次都食🙈🙈唔夠飽最後叫左個菠蘿海鮮炒飯🙈用過木桶裝上，份量都唔少🙈有好多海鮮🙈絕對唔少得啤酒加椰青😆😆最後我地過左過chill既晚上😚價錢對比傳統泰國餐廳係比較貴d,但環境服務同食物都值回票價😊

元朗出哂名係新界西既美食天堂，你諗到，諗唔到既菜式都食在元朗 不過平時食泰國菜 我都指定去某兩間 食慣食熟 好似覺得泰國嘢都係咁上下味。但係！ 但係！ 今日去食既呢間餐廳簡直係震驚72億人口😂餐廳既外圍內圍好chill 有歌聽 燈光又柔和 餐廳位置係圖書館同劇院附近 好有氣氛 一路食飯，一路望住外面既街坊放狗 我有一秒覺得自己坐左係外國 d風吹過黎仲舒服到想訓教 好啦重點講返野食餐牌上面無既生蝦刺身 我真係好想食就膽粗粗問下 姐姐話係虎蝦所以特別大隻 配埋佢個汁 辣到毛管戙 個口感好精彩！鳯爪沙津必食 岩哂好辣既你地同我呢個菠蘿炒飯用筒裝 放耐左仲keep住個餘温 真係好窩心

又來每星期最期待的happy Friday💁🏻‍♀️今日就同朋友去左元朗小酌兩杯抒發一下呢個星期嘅壓力😆「薄荷葉」是間泰國酒吧餐廳並設有户外及室內座位🙌🏻位於元朗大戲院對出的空地旁💕感覺好chill 好適合同知己好友們談天說地🍺清啤 $60打頭陣就梗係要先飲返杯🎉呢度其實都有多款不同啤酒選擇只係我個人比較鍾意清啤不太甜👍🏻🐮泰式燒牛仔骨 $148肥與肉比例適中🤩肉質既軟淋多汁又富滿滿牛香然而味道非常香濃惹味👅能完全滲入牛仔骨內✨可口得不知不覺就吃清了🐽泰式燒豬頸肉 $108豬頸肉本身的脂肪含量很充足因此入口時口腔滿是脂香🤤就算不沾醬汁 只享受原汁原味亦已夠滋味👏🏻👏🏻可惜切得有點薄 欠缺了口感🔥特色蝦醬炒飯 $138上枱時店員會介紹建議食法🙆🏻‍♀️就是把表面脆鹹的魔鬼魚乾卜碎然後連同其他配料拌勻一起享用感受口感與味道的多重變化❤️另外整體的鹹味主要由魔鬼魚乾所帶出而炒飯本身則以蝦醬香為主👃🏻🥬馬拉盞炒椰菜苗 $98獨有的鹹香味濃郁 夠晒惹味椰菜苗亦很嫩口爽脆並把精華全都吸盡💪🏻讓味蕾得到辣,鮮,鹹三重奏🌶

元朗出名多美食,附近大部份都係人氣小店數不勝數!於是同朋友決定食泰國菜,環境十分吸引😍很寧靜又有氣氛,令人很放鬆。食物很正宗又好味👍店員熱情有禮,令我留下美好的印象,開始有少許懷念在泰國的日子😭感覺置身在泰國,設計好有泰國風情很舒適。泰式生蝦刺身⭐️($198)生蝦大隻肉質鮮甜😋加上秘製醬汁酸酸甜甜好開胃,很推介👍肉碎生菜包⭐️($108)分量很大很抵食,是我最喜歡的生菜包😝用新鮮豬肉抄肉質口感比較有咬口,啖啖肉很滿足好味😋冬陰功炒飯⭐️($128)海鮮很足料有魷魚,青口,海蝦,肉質鮮甜彈牙,而且飯粒吸收了冬陰功醬汁味道,鹹鹹甜甜有少許辣很過癮,鍾意重口味既朋友仔不妨試吓。椰青⭐️($45)味道清甜又解渴。

老婆鐘意食泰菜，打開openrice搵下元朗泰菜美食, 就見到呢間餐廳係第二位, 見佢價錢適中, 就試下.我同老婆叫左個串燒, 蝦餅, 豬頸肉抄麵同馬拉盞抄棷菜苗.豬頸肉抄麵係第一個出嚟, 我地2 個都心心眼左, 賣相靚, 仲有一層薄薄的蛋皮放係上面, 加左一條香草, 感覺好似切生日蛋糕咁, 拎開佢的香草, 自己混合蛋絲一齊食, 當然你可以加入香草, 但本身我地2個對香草麻麻地, 所以就冇加了. 抄麵好味, 豬頸肉爽口, 大碟, 仲有好多配菜, 包括九菜, 芽菜, 香芹等, 好香好味.馬拉盞抄棷菜苗, 材料用心, 食得出有用手切材料, 包括蝦米, 乾蔥頭等, 唔似得街邊只係用醬嚟抄. 蝦餅不得了, 外脆內爽口, 超彈牙, 配上泰式辣醬, 不得了, 食到唔定口, 必食之選.串燒叫左3款唔同肉, 雞肉, 豬肉同牛肉都好味, 肉質鬆化.由於疫情關係, 唔會提供水, 我地叫左可樂, 可樂有氣正常, 但我想講, 賣相好靚, 就算一杯可樂都落足心思去處理, 抵讚.

每一次經過這一間這麼有氣氛的餐廳也躍躍欲試，起初見它的裝橫還以為他是酒吧，豈料是一間色彩繽紛的泰國餐廳，今晚一試，非常出色。生蝦刺身，圃坐下店員便向我們推介今天的生蝦刺身， 說今天剛活捉回來，便受不住引誘點了一客，新鮮生蝦果然零舍爽口彈牙，和鋪在面頭的紅椒，酸魚露及生蒜片同吃經已相當好食，店員還特地為我們拿來更香辣刺激的綠色辣椒醬，相比紅色的那個辣一點但沒有那麼酸，辣得過癮。馬拉盞炒通菜，味道富有層次，少甜而不死鹹，通菜炒得脆身，配合著馬拉盞及蝦米肉碎辣椒等同吃，感覺良好。肉碎生菜包，生菜包入面有香蔥辣肉碎紫洋蔥以及金不換等等，全部都是我最喜愛的食材，生菜新鮮爽脆，包着泰式肉碎同吃，好味得很。沙嗲串燒豬牛雞各兩串，沙嗲串燒上菜時置於啤酒杯內， 賣相相當特別，串燒味道非常好，醃得入味之餘又不會太鹹，外層亦都燒得夠香脆，可以每款點兩串定能滿足心多多的朋友。

啱啱搬入朗屏住, 知道元朗有大量好食的餐廳, 經過呢間覺得氣氛唔錯, 就決定一試.我地當日坐係室外, 可能11月天氣不太熱, 有少許秋意, 而且裏面是開住冷氣, 所以感覺好舒服.室內播著音樂, 聲量啱啱好, 同朋友傾計可以用自然聲量, 不用大聲說話, 有一種感覺好似去左外國的泰式餐廳咁, 好正! 氣氛相當好. 好relax除左氣氛好, 食物質素也是好好, 好啱我的口味, 如果要比較的話, 我覺得不論賣相或食物的味道, 都係我係香港食過最好味的一間, 好味過九龍城的泰菜.當日叫左咖哩大蝦, 薄餅同串燒加2支泰啤.咖哩大蝦冇得輸, 大蝦超大隻, 仲大隻過我的手掌, 雖然得2隻, 但佢一開2 , 其實食完半隻都已經好飽, 咖哩面仲有好多配菜, 包括紅青椒, 洋蔥等等, 好香, 配上薄餅一流. 值得一提, 薄餅的賣相也放得好靚, 似一朵花呢.串燒可以雞牛豬各2串, 我地叫左半打, 串燒大大件, 啖啖肉, 肉質鬆化, 配或者不配上沙嗲醬都得, 唔配已經好入味, 配上也有另一番滋味.食到濟濟地, 可以食下佢的前菜, 係酸甜青瓜, 或者飲下泰啤, chill下, 慳正!