薄餅博士 (已結業)

去朋友屋企玩，哩排天氣一係好曬一係大雨，所以就決定叫pizza食，而且佢又有炸雞賣，由order完至送到手上都係30分鐘左右，確實幾好，食物好熱，炸雞唔錯幾好食。

咁岩為食妹子去開荃灣搵朋友！行過發現原來phd 賣野飲bro!試新野先🤔🤔🤔🤔因為食左飯既關係，我地就淨係買左野飲同甜品🤣 下次再食佢既名物～意大利薄餅唷☺️試左兩杯推介的飲品👏🏻🧐角切鮮檸蜜糖金桔檸檬紅茶🧐味道唔錯既，紅茶底好濃，大大粒檸檬，美中不足係個雖然檸檬好大粒，但係由於你篤佢唔到，所以喜歡特酸既朋友就要自己諗諗計啦（我地剪左開左個包裝用飲管，篤篤篤篤篤😌😹），淡淡地金桔味，有小小茶餐廳feel~🧐海鹽金桔檸檬爆珠紅茶🧐爆珠爆珠爆珠，好重要所以講3次！爆珠可以話係好易入口，一咬立即係口大爆發☺️☺️☺️😎。海鹽味偏淡既🤔口味似係紅茶爆珠多d😎 爆珠比一舨珍奶鋪偏多，食爆珠都抵番曬🤟🏻🤟🏻🤟🏻布甸不錯，但啫喱就。。。。不可一不可再，膠味濃，伏左d😭😭😭😭報告完畢😌😌😌

呢日夜晚order咗PHD，個套餐包PHD珍寶大批、拿破崙海鮮螺絲粉、3件脆香雞、忌廉雞蓉粟米湯、2個輕盈沙律，網上訂仲送咖喱角配泰式醬。輕盈沙律入面有青瓜、粟米、車厘茄、菠蘿同生菜，食起上嚟口感爽脆，感覺都幾清新。拿破崙海鮮螺絲粉即係雜錦海鮮配番茄醬，螺絲粉都幾掛汁，但係就煮得比較腍。PHD珍寶上面嘅配料有牛肉粒、五香肉粒、菠蘿、蘑菇、洋蔥同青椒，芝士同埋番茄醬都唔少，菠蘿可以同啲肉類平衡一吓，不過就令到個批底偏濕。

早幾日去左朋友屋企慶祝佢嘅生日，玩完啲紙牌遊戲過後，肚仔又餓起來，於是就上網訂左PhD，由網上開始訂到預計自取時間前後不到10分鐘，勁快趣！8條友玩包剪揼，輸左個果去拎⋯結果又係我⋯好彩朋友屋企同PhD 距離唔遠姐！今次叫左兩個批同8件雞，一次過滿足哂兩個願望。今日訂pizza 仲有買一送一優惠添千島夏威夷雙倍火腿（芝皇脆邊大批）雖然訂左話雙倍火腿，但我唔覺有雙倍火腿lo，反而我覺得係雙倍菠蘿，至於佢嘅邊的確係脆嘅，同埋好夠芝士。爐烤海鮮（芝皇脆邊大批）呢個批就多料喇，同埋佢啲燒烤醬好惹味，但我就略嚴唔夠，如果可以多啲醬就好喇。蒜香牛油蜜糖脆香雞8件蒜香重蜜糖少，但都係水準之作。

芝脆雞 荃灣 外賣津津有味既一個晚上個日我哋有個farewell party，叫咗芝脆雞外賣 叫咗三個大pizza、一盤炸雞、一盤肉醬意粉同一盤炒飯。一定係食pizza先啦！ 肉醬個pizza加埋啲芝士係冇得頂既組合；另外兩個pizzas都係有千島醬既，一個多啲料有海鮮咁樣都好好味，但略嫌佢啲醬唔夠多，有少少乾。但我覺得芝脆雞pizza既皮邊比較冇咁硬，好似炸麵包咁既，又唔會好漏。炸雞熱辣辣食冇得輸！件件都大大舊，咬落去啲汁出黎好正。但真係要熱先快啲食，唔係個皮可能會變淋，因為佢又唔係炸到好脆個啲。至於炒飯同意粉，驚喜地好食，平時食到會都係諗住啲飯係填肚算，但呢個炒飯唔會太乾同有啲辣辣哋，幾好食。肉醬意粉唔係平時咸味會既，佢呢個甜甜咸咸都幾特別！芝脆雞平時個價都唔算太貴，有呢個水准真係good丫！

PHD 8週年除了正在推廣$8星級連環賞外，菜單更新增了幾款新口味，今天正好可以點餐一試，我點了一個W2的2-3人餐 $170，套餐包括手拉薄餅大批一個 （+$17升級成360度芝心批）、一客焗飯/意粉和雞翼8隻。每個套餐可以$8升級脆香雞上髀2次，我再另+$38追加了2件蒜香牛油蜜糖脆香雞，是次點餐共$241。千島海鮮薄餅大批有魷魚、青口、蟹柳、菠蘿、青椒和紅椒…再配上又滑又濃的千島醬汁，非常香濃味美。蜜糖BBQ味雞翼表皮烤得香香的，咬下去帶有微甜的蜜糖味，雞肉還是很嫰滑。脆香雞 VS 蒜香牛油蜜糖脆香雞 （新口味）兩者的雞皮都非常香脆而不油膩，雞皮下的脂肪都有連帶肉汁，而且雞肉還是很嫰滑，並沒有烤乾。新口味的表皮比傳統多了少許醬汁，有香濃的蒜香牛油味，再帶有微微的蜜糖甜味。肉醬意粉 VS 意式肉醬螺絲粉 (新口味)兩者的醬汁基本相同，但螺絲粉比意粉較吸醬汁，如果醬汁份量相同，每根意粉基本上都可以沾上肉醬，但螺絲粉那份吃到三份之二就明顯見到不足。

我地兩個人點左個二至三人套餐，有大批一個，焗飯一個，雞翼8隻，再加炸雞，又送左個意粉，可以食足兩三日！千島海鮮加左芝心批，有蟹柳，鮮蝦，菠蘿，青椒同紅椒… 今次個pizza有好多芝士同千島醬汁，送到黎果時d芝士重係熱辣辣溶溶地，非常之正！PHD的脆香雞質素一向有保證，今次都係水準之上，皮脆肉嫩，又唔會炸到好油膩！蜜糖BBQ雞翼，肉質雖然幾嫩，但調味可能重手左，無乜蜜糖味，重有少少咸，而且食完非常非常非常之口渴！訂單滿$180送既肉醬意粉，雖然味道可以，個意粉份量幾大，但d肉醬唔夠多，要我自己另外再架茄汁同黑椒調味。芝士滑豆腐海鮮飯，有豆腐，蘑菇，蝦同青口…豆腐混合著有芝士和忌廉的醬汁，味道香濃，豆腐滑滑的口感伴著米飯也很特別。

🔖海鮮嘉年華2-3人套餐🔽爐烤魷魚比薩🍕薄餅博士出🆕新口味❗吾係講笑😌依個pizza好多好多配料:有蝦，青口，桃，蟹柳，少不了主角-魷魚圈，批面鋪上芝士，配上秘制燒烤醬汁好惹味，我覺得依個新口味確實不錯，起碼比到我新鮮感先🙆其實我係一個好吾鍾意食椒既人，紅椒呀青椒呀通通都咪搞我，而依個pizza就岩哂我😋點解 ? ? ?依款Pizza摒棄一貫比薩店灑上青椒紅椒既做法，用秋葵作配料，除左有新鮮感，秋葵仲有好高既營養價值🙆值得一讚的是薄餅博士烤既pizza批皮香脆食落鬆軟!套餐叫左葡汁雞肉焗飯，之前拎左傳單買滿指定金額送肉醬意粉，而雞翼就叫左大韓柚子口味🆕又係新野 酸酸甜甜帶有柚子味，幾清新今餐用左吾洗200蚊就埋單，我覺得幾抵食，份量足夠4個人食👫👭 而且薄餅博士質素有保證，間中又推出新款式，岩哂我依類鍾意貪新鮮既人! 重點係大熱天時吾洗落街，係屋企開住冷氣就可以嘆住pizza😄 好鬼梳乎!

呢排都幾經常叫PHD嘅外賣，一來價位合理，二來質素穩定，叫過幾次都無話太大落差（最差一次係送到後唔夠熱、只係微微哋暖）。呢晚係平日關係，唔洗一個鐘就送到。今次叫咗一至五2-3人餐，揀咗PHD多寶大批、拿破崙海鮮意粉、蜜糖BBQ雞翼，另外再單點脆香雞上脾下脾，因為晌網上訂購滿$180，所以仲送咗份咖哩角配泰式醬。PHD多寶大批餡料有雞肉、辣肉腸、蘑菇、五香肉粒、洋蔥、青椒同芝士，餡料分佈均勻，份量亦夠多，手拉薄餅批底口感鬆軟。拿破崙海鮮意粉，入面有青口、蝦、魷魚、蟹柳、罐頭菠蘿，量雖唔多，但總算每啖都有配料，番茄醬味道酸甜，意粉軟硬度都討好。蜜糖BBQ雞翼，蜜糖味唔突出，不過就烤得唔乾身，都幾香口。脆香雞，沾有碎黑椒粒嘅炸皮夠薄同脆，肉汁都幾豐富，我覺得比某某炸雞專門店出品美味。咖哩角配泰式醬，食嗰陣已經偏腍唔脆，相對起來一般，不過呢款唔洗錢送嘅就算啦！

見到報紙有平Pizza食，咪又走去試下先，雖然要自己拎外賣，不過反正都未試過吖！叫了S1套餐，雞肉磨菇Pizza，蜜糖雞翼8件，肉醬意粉一客，3個忌廉雞蓉粟米湯，個意粉加一蚊就有喇，超大。返到屋企即食，難然只是加一蚊便有肉醬意粉，但吃下超好味，意粉煮得不算太淋或太硬，個肉醬好味，唔酸又多肉碎，差不多每一啖都吃到啖啖肉同醬汁，吃完個意粉便試下個Pizza先，材料不算多，雞肉同磨菇可以下多些，吃下沒有特別，個Pizza有待改進，好在蜜糖雞翼

中午過後，三位妞妞都齊集於我家，準備攻打四方城， 古語有云「三軍未動，糧草先行」，正好PHD家正在做推廣，套餐可以免費升級至“360度 芝皇脆邊”，妞妞們都是芝士控，正好一試。40分鐘左右，熱辣辣的外賣便火速送到，送餐的小伙子也蠻有禮的，有說謝謝謝謝！咖哩角配泰式醬外賣滿$180免費加送的，咖哩角皮薄香脆，尚且不算油膩，只是餡料偏少，沒嚐到咖哩的味道。柚子雞翼雞翼香口，肉質尚算幼嫩，未有烹調過時。柚子蜜的醬汁微甜帶酸，配上金黃的雞翼，帶出一點清新口味。千島海鮮PHD強調她家的是“手拉薄餅”，這個千島海鮮的餡料包括: 蟹柳，魷魚，蜆肉，菠蘿，青椒，紅椒…還有…最出色的千島醬汁！ 橙色誘惑的醬汁，伴隨着菠蘿等配菜，酸中帶甜，提升了海鮮的鮮美。當然少不了品評一下是次新推廣的“360度 芝皇脆邊”~《金黃芝皇，外脆內軟，滋味滿足》平常芝心批的芝士都是白色而且填得滿滿的，所謂芝皇，其實就是芝心用上黃色芝士，味道的確比較香濃一點，但分量相當不足呢~比傳統的芝心份量少了一半，應該是害怕太重口味，客人接受不了吧！脆香雞下髀有光顧的朋友都知道，她家的炸雞已經可以和KFC爭一日之長短了！雞皮炸醬薄，而且炸

我的MEGA星期二又黎啦~, 上次已經試過一次, 未知是否第一次做, 下單甚至提貨都比較混亂, 今次真係好好多。自從上次知道可以先用電話落單, 再於預定的時間到店取貨, 不需再盲等PIZZA, 此優惠又只限外賣先取, 遠少少都唔介意。千島夏威夷 ($59)- 今次加左$17要埋佢既芝心批, 新鮮熱辣辣的PIZZA真係比放涼的好食數倍, 一個大PIZZA, 至少都有10吋, 材料有火腿, 菠蘿, 粟米同芝士, 縛款材料都是簡單食材, 唔輸得, 而且用千島醬, 比茄醬少左酸味, 但多了清新味口感芝士滿滿佈上, 一D都無求其減分量, 而且芝心批仍可拉絲, 但芝士味就欠奉, 可能只有 ' 只供拉絲, 沒有芝士味' 的MOZARELLA onlyPIZZA 底是薄的, 但是屬於鬆軟批底, 不是脆底, 入口煙煙韌韌, 正兩口子食一個大批做晚餐,都可以飽到上心口, 抵~  

今晚我們去咗荃灣大壩街嘅「薄餅博士」買外賣自取返屋企食！我們買咗千島夏威夷「大批」同千島海鮮「普通批」！千島夏威夷「大批」嘅材料好豐富，味道酸酸甜甜，相當開胃！千島海鮮「普通批」嘅各式海鮮餡料都幾多，餅底好香脆鬆軟，唔會太過厚身，味道非常惹味！

今晚諗住叫Pizza, 見食得多Pizza Hut，咪試吓PHD惡夢隨即開始...18:58 下Oder  電郵覆估計送貨時間為19:53見19:53未到都心知不妙，因為平時叫Pizza Hut每次都早幾分鐘到，永無遲到20:10 打去電郵留低既分店電話，電話唔通最後要搵番網頁總機電話打上去催，接線生話會同分店聯絡20:15 分店打黎(來電顯示與電郵給我的有出入)，話車已經出左，10-15分鐘會到20:30 餓到我癲既情況下打返去來電顯示要求cut單，佢仲話車出左就到我就同佢：「你地已經遲左接近40分鐘，我叫pizza hut就永遠無遲，我已經餓到死咁濟.. 同我cut左張單，同埋叫個車手唔好上黎」佢最後都有講唔好意思同「好」...20:42 車手上到黎按鐘(好明顯佢地係無溝通)，佢仲唔知發生咩事我話我已經cut左單，佢有啲唔明，我話：「估計送貨時間係19:53, 你自己望吓隻錶」諗住試一間未食過既，竟然受到咁既待遇真係好唔明佢地同一集團，點解服務會差咁遠

今晚係荃灣廣場睇完戲,有D肚餓;咁岩見到PHD做緊外賣自取匕折優惠,就決定試下。其實我一向對pizza不太感興趣,唔知應該落咩order好。好彩企係counter既靚女不厭其煩咁俾意見我,最後點左個普通批同一個沙律試下,90蚊都唔诜,好抵。估唔十分鐘就有新鮮出爐既pizza,真係好快, 定係我一路望住個靚女唔覺得時光正在飛逝個靚女仲要好溫柔地同我講多謝曬搞到我有少少...返到去趁熱試下個pizza, 其實我本身對佢冇咩期望,但估到係好好食,個pizza真係好足料仲有個沙律真係好新鮮,賣相亦都好靚,忍唔住要影相下次一定要試下佢既脆香雞;順便去見下個靚女