薄餅博士 (已結業)

芝脆雞 荃灣 外賣津津有味既一個晚上個日我哋有個farewell party，叫咗芝脆雞外賣 叫咗三個大pizza、一盤炸雞、一盤肉醬意粉同一盤炒飯。一定係食pizza先啦！ 肉醬個pizza加埋啲芝士係冇得頂既組合；另外兩個pizzas都係有千島醬既，一個多啲料有海鮮咁樣都好好味，但略嫌佢啲醬唔夠多，有少少乾。但我覺得芝脆雞pizza既皮邊比較冇咁硬，好似炸麵包咁既，又唔會好漏。炸雞熱辣辣食冇得輸！件件都大大舊，咬落去啲汁出黎好正。但真係要熱先快啲食，唔係個皮可能會變淋，因為佢又唔係炸到好脆個啲。至於炒飯同意粉，驚喜地好食，平時食到會都係諗住啲飯係填肚算，但呢個炒飯唔會太乾同有啲辣辣哋，幾好食。肉醬意粉唔係平時咸味會既，佢呢個甜甜咸咸都幾特別！芝脆雞平時個價都唔算太貴，有呢個水准真係good丫！