薩莉亞意式餐廳 (馬田路)

營業中

休息中

其實一向都鍾意食薩莉亞，不過差不多兩年冇食喇！而家唔駛排隊，就回味下啦！甜蝦沙律有細份大份揀 我覺得細份就夠喇 甜蝦都有好多隻，沙律醬又好味，又平又快。而家紅酒限定特價8蚊杯，抵喎，都唔錯有果味。最後甜品叫左布丁，日式味道蛋香，其實比一般餐廳好食。不過d杯依然有油，總覺得衛生一般。

元朗既薩莉亞位置比較偏離市中心不過晚飯時間都係坐滿人要等位勝在地方大好多枱掃code點餐好方便👍🏻👍🏻Promotion $8一杯紅/白酒 抵咼👍🏻👍🏻👍🏻2人份量既甜蝦沙律$35，2人既份量唔算好多，連個醬都覺得唔太夠🙇🏾‍♂️ 甜蝦好好味👍🏻黑椒蜆肉鐵板煮$20，呢個真心抵食🫰🏻🫰🏻必食🔥🔥🔥蒜汁燒魷魚$30，抵食🫰🏻不過要自己切🙇🏾‍♂️墨魚汁意大利粉$34，呢個價錢呢個份量算係咁，不過配料唔多，魷魚有d靭，利粉整得幾好食👍🏻總結：地方大坐得舒適，平民價錢食到正常質素嘅西餐🫰🏻🫰🏻

除左便宜，快速，同多款之外其實都唔係要求佢好食，每次去親都好嘈，想寧靜舒適既一定唔會係呢到喇，最鐘意食係個蒜蓉包同雞翼，之後就係飯同麵咁，叫左好多野食都好抵既，仲可以加錢無限飲品

嗰個女店員服務態度好差上菜嘅時候一吓掉落張枱黑口黑面好似去完非洲咁自己上餐上錯地方好似全部人得罪佢咁直接行開叫另一個男店員過嚟幫我哋換，真係唔想做就唔好做，食幾耐就黑口黑面幾耐

突然肚餓，落街食少少野，屋苑旁邊有平靚正的 薩利啊！隨心所欲想食乜就叫因為5:30就cut order啦!店員服務態度都很好，我們差不多最後一刻才進店裏，馬上叫嘢食，最緊要係 upgraded 無限添飲, 因為真係好頸渴鐵板炒蜆，價錢平，份量都唔少，但係蜆肉就有黑椒同沙之間的東西，食落有沙就唔係咁開心，但真心熱辣辣係幾好食嘅。其他仲食咗啲雞翼同埋pizza，掛住食無影相。飲咗我平時唔會飲嘅勁甜檸檬茶，回味雀巢檸檬茶的味道好耐都冇飲過啦！Cappuccino 都真係OK喎

之前去開元朗搵朋友，但唔知有咩好食，所以就揀咗去薩莉亞。雖然啲嘢食係平，食物質素一般，但係啲服務員嘅態度真係好差。.🐽意式菠菜伴煙肉🐽啲菠菜好似冇點落油，幾健康嘅，但有啲煮到太爛嘅感覺。.🐽雞肉多莉亞🐽幾creamy，但食哂食個會覺得有啲膩。.🐽邦哥尼意粉🐽雖然係蕃茄意粉，但個汁有啲稀，冇咩蕃茄味，仲有偏酸。不過都幾多蜆肉。.🐽白汁野菌雞肉雲吞🐽雲吞唔係幾食得出佢嘅雞肉味，同埋個汁都偏淡味。不過幾多野菌。.最後都係嗰句啦，嘢食雖然係幾平，但味道冇咩特別，服務態度又差，唔會再去幫襯

Saizeriya真係好扺食，嗌左好多野食，pizza 叫左水牛芝士，煙肉菠蘿，一個批先30幾蚊，煙三文魚菠菜意粉好食，份量又夠多，但最差係部朱古力機整幾個月都未整好，本身比好似10蚊任飲好抵

今次去終於唔洗排隊，因為我地6點前就到達了。一到達仔仔就立刻睇餐牌係咁介紹比佢嫲嫲有咩好食，有咩必點的。第一老公必點羊架， 今次的羊架表面焗得好靚好香，但有一件內裡完全唔熟，搞到浪費左一件。仔仔最愛 湯加包，每次來到都必點。我最愛小食， 辣雞翼啦烤魷魚好好味。但個炸蝦下次唔叫了冇咩特別。墨汁意粉和墨汁飯成日都要食的，每次食到個咀黑哂先開心。個肉醬餅有點甜我只食了一口試試味道。最後仲叫了一個pizza今次仔仔和我都order 了要飲品，我們選擇檸檬茶唔錯。

薩利亞一直係平價之選 一個小食20蚊樓下真係好少有但唔知係咪太耐無黎過竟然無左我咁多年最愛既蒜蓉焗田螺！不過雖然咁 但始終性價比係十分高叫左五樣食物都只係139埋單 仲要食得勁飽.食開既人就知雞翼同多莉亞可以話係必點既食物除左呢啲成日點既食物 今次想介紹番新既明太子魷魚蝦仁意大利粉！本著一試既心態去食 點知有驚喜喎又意粉souce 相當creamy 而且明太子都好多有少少可惜既係佢既魷魚太硬太有咬口.食物上得好快 又唔使服務費 真係好抵

夜晚同家人去薩莉亞食嘢，我地2個人， 等枱都算快， 等咗2個字。 我哋總共叫咗五樣嘢， 有蒜香法包，雞翼， 煙燻三文魚沙律， 蕃茄海鮮意粉同一個有兩隻味嘅pizza(辣肉腸同煙肉菠蘿)。首先上枱嘅係煙燻三文魚沙律， 佢都好大份而且都好平， 煙燻三文魚好好食，沙律醬同菜都好足夠，好開胃跟住就係蒜香法包，因為係應該啱啱出爐，所以食落口好香蒜味，而且食落好熱好脆。仲要落埋啲芝士粉落去食，一流 所以次次嚟食都會叫呢個，而且佢都幾平($10)辣味雞翼有四隻， 雖然menu 有寫係辣味，但唔係十分之辣， 食唔到太辣嘅朋友可以試下。呢個pizza有兩隻味， 一半係辣肉腸一半係煙肉菠蘿， 所以可以一次過食到兩種味道。 因為佢係啱啱烤好就上枱，所以食落去嘅口感好好。最後就係蕃茄海鮮意大利粉，意粉嘅份量同埋海鮮都好足夠，都有好多蕃茄。食落味道好好， 不過我就加咗啲辣椒仔，食落就會再惹味啲好食啲。總括嚟講，味道好好，因為佢係即叫即整，所以上枱嘅時候係熱嘅😂係新鮮出爐嘅感覺。而且價錢亦合理，我地埋單總共食左$117。兩個人黎食都算平。

一家三口，想簡簡單單食餐飯，本來想食火鍋，但就我一個胃口比較大，老婆和孩子都吃不了什麼，好像很浪費，想來想去最後就決定去了位於馬田路這間薩莉亞意式餐廳，佢有個優點就係上菜快，點了餐十分鐘內就到齊了，性價比又高，食物方面都保持到水準，這次叫了菠蘿Pizza，蘑菇意粉，意式肉碎飯，煙肉菜，炸蝦，魷魚筒，肉眼扒，飲品俾一個價錢係任飲的，唯一要說的就是肉眼扒有點太熟了，食上口有啲鞋，係一次美味嘅品嚐，如果想簡單食餐飯這裏是不錯的選擇，忘記了還有一個問題，就是叫服務生係有個按鍵的，啲人一按就會全場聽到叮噹叮噹的響，這個有點不好。

前一晚去左元朗交通廣場個間薩利亞，夜晚9：40，距離寫明既截單時間仲有20分鐘，想入去搏一搏。見坐低都無人趕我，睇一睇即刻落單。後生仔肯幫我寫時，有個阿嬸竟然話截左單，望一望手錶，只係45分，都離截單仲有15分鐘。無得食唔緊要，重點係個阿嬸態度非常差。嬲嬲地今日晏晝去另一間薩利亞，近元朗泳池。如果唔想食沙律，薩利亞既午餐其實同散叫價錢相差唔遠。我地叫左忌廉湯同周打海鮮湯、雞肉多利亞、雞肉粗管麵同一個雙併Pizza。雞肉多利亞絕對係薩利亞既必食，份量雖然唔多，但濃厚既白汁、芝士等等材料非常有飽足感，食完仲有Quota可以同朋友Share半個Pizza。而粗管麵算係近年既新品，唔鐘意食飯既都可以試下；加埋Pizza少少地4件，有兩種口味，非常抵。兩個人埋單大約$130，咁飽黎講算係幾抵！最緊要係喱間分店既待應服務比交通廣場個間好太多了。建議元朗食薩利亞既話，最好黎喱間！

去完南生圍，大家都覺得好攰好肚餓，係時候要食個又抵食又好味既晚餐，為今日畫上一個圓滿既句號😎最後簡左元朗其中一間薩莉亞，夜晚七點黎到，雖然位置唔算旺但已經有好多人等緊位等左廿分鐘先有位，一坐低大家都忍唔住即刻叫野食了。薄餅最快黎到。話明水牛芝士，芝士味一定夠，可惜唔多夠熱先講左邊既多利亞，雞肉份量足夠，配埋濃味既汁係一絕；右邊既意粉幾彈牙，墨魚汁濃度岩岩好👍🏿賣相似麥樂雞，咬落脆卜卜，配熟三文魚感覺新鮮青醬絕對唔濃，蜆炒得夠熱，配意粉亦算不俗食完正餐梗係要試甜品！呢度既甜品標榜由意大利直接進口，而且價錢實惠，絕對要試下😋布甸唔算好甜，怕甜既朋友都唔使擔心反而天使蛋糕只有甜味，欠蛋糕口感咖啡凍餅有清新既感覺，甜度肯定係我地所叫既甜品之中最低👍🏿餅皮夠哂脆，榛子味十足，唔錯食左咁多樣野，大家都又飽又開心。黎薩莉亞食野最好既地方係價錢實惠，雖然每樣既份量唔多，但其實可以叫多啲搭救，咁就可以一次過試好多款菜啦😆

蕯莉亞分店愈開愈多。但生意依然很好今日到訪元朗交通商場分店。難得不用排隊等位。一入門就有侍應招呼而且2人都可能坐4人卡位相信食過既朋友多數都會再次光臨。因為已幾十元既價錢換到西式餐飲真係十分回本今日第一次光顧元朗交通商場分店其實都係叫返平時食開的幾款小食前菜:主菜:總結:每道菜都係$25-$35左右。而且難得元朗是不用排隊。食物都有質素。每送菜都好夠熱抵食既

好耐無食, 見佢都多左D 新野。parma ham pizza: topping 係2大塊parma ham,  好似幾抵wor, 下面就是普通芝士pizza, parma ham 都ok, 唔係好咸果d, 全瘦, 下面太多cheese, 有d 漏...煙三文魚菠菜意粉: salmon 有4-5塊, OK LA, 意粉都al dente, 但落得太多芝士粉,咸左D辣TUNA 意粉: 辣辣地幾醒胃, 唔係好食得出D TUNA 碎...可能太碎了, D 茄汁好油.....