薩莉亞意式餐廳 (新都城大廈) (已結業)

之前叫左一杯野飲，同個朋友一杯一齊飲，跟住有個侍應同我地講野飲唔比一齊飲...我認真笑左，點解唔可以兩份飲，r爆頭，諗極都唔明，但系為左錢都唔洗咁...兩份飲都唔得

話明糧尾，即係無錢啦，又點可以食豪啲食多啲有選擇呢？做人最忌無得揀，所以就算糧尾都唔可以虧待自己個胃！一於來人民飯堂薩利亞食好啲！唔係講笑，呢間野仲平過大家樂，份量比起大家樂唔單止無少到，我仲覺得係多添呀！男友於工後同老細飲左兩杯酒，飽飽地，所以我就無得大嗌特嗌喇。咁我就嗌左碟carbonara ,32蚊咁平都做到有流心蛋👍🏻值得讚既而且份量好大碟！男友都嚇一跳！呢碟雞扒係男友既，我原本以為塊扒會勁細（之前係美心MX食過晒鐵板雞扒中過伏，勁細塊）點知真係好surprise,係份量十足既，夠厚夠大夠飽，不過聽男友講係咸左少少。最後心思思嗌左碟小食，辣味雞翼！夠入味！都幾辣～唔食得辣既應該會食左標眼水。今餐總括食左81大元兩個人！勁抵。

星期五放工後去食，6：45到，大概等左半個鐘可以入座，入面其實幾多位，價錢非常平民化，難怪咁多人係門口等位。鋪頭對面有一間文具鋪，等位時可以去逛一逛。我地兩個人嗌畫一個水牛芝士pizza, 4隻辣味雞翼，黑椒蜆肉鐵板煮，周打海鮮湯，肉醬多利亞，都係$104，勁抵。男朋友最鐘意個水牛芝士pizza，有極多芝士，芝士控必試！辣味雞翼，辣得過癮，唔算好辣！黑椒蜆肉雖然只需$19，但絕對唔遜色！周打海鮮湯都幾creamy下！我就覺得最好食覺得係肉醬多利亞！

去開北角又想平平地食意粉，就簡左薩莉亞，可能因為7點前已到，所以一去到就有位，叫左雞翼，墨魚汁意粉，甜蝦沙律，水牛芝士pizza,同埋周打蜆湯，周打蜆湯偏甜左少少，pizza正常，意粉雞翼同沙律都好食，兩個人每人都係食左60幾蚊，真係好抵食，不過一夜d就好多人。

今天來了薩莉亞食lunch，原來轉了新menu，我們加了$13 任飲及加小沙律。我們叫了甜蝦沙律，醬汁yummy；邦哥尼意粉今次大碟了很多，蕃茄味很濃；煙肉菠蘿薄餅餡料很多；甜蝦粗管麵芝士味很夠；墨汁意粉雖然烏黑黑，但很適合喜愛味濃的人啊

黃昏和媽咪到北角搵食，六點四左右已到了薩莉亞意式餐廳，但已剛開始等位，幸好只是等了兩張枱便有位。我們點了一個甜蝦沙律，一個邦哥尼意大利粉，及一個甜蝦粗管麵。需然價錢沒有改變，但size 卻縮水了不過三碟都仍然抵食及美味的，最like 甜蝦沙律吖

四個人食到好似去buffet咁，再叫埋枝竟然又not bad嘅白酒，埋單都只係一百鬆啲一位。甜蝦沙律，醬汁搭究，沙律菜爽脆，無問題。海草，西湯，雞翼，蒜蓉包都無問題。個風乾火腿咁嘅價錢，你仲想點，咸味係重啲的。煙肉波菜無汁，寡咗啲。另外有個菇西蘭花落鹽就重手得滯。燒魷魚我唔係好記得肉醬我不吃牛，但朋友叫咗兩款多利呀都清哂碟。白汁意粉除了不夠咸要自行加鹽外都無乜投訴。紅汁蕃茄意粉唔落茄汁就真係無乜味了。

同兩個同學放左學落左去北角食飯，諗唔到食咩好，又突然想食薩利亞，就去左攞飛。放工時候我地要得十幾張飛先到我地。其實唔知點解次次都會叫雞翼唔係特別好食，但好似譚仔咁，突然會想回味下果種微辣既小雞翼個肉醬多利亞好似冇以前咁juicy但都係大家既最愛，頭一碟清既就係佢卡邦尼意粉中規中矩，係個溫泉蛋加分麵質都ok不過再軟番少少會更好。但真係唔好要求咁高haha繁忙時段邊個會同你慢慢煮個意粉，所以算係咁。最後我地三個人食左一百蚊真係抵到傻

真係由讀書食到而家出黎做野,價錢依然咁平;唔收加一,2個人食左5樣野都係$110蚊,,真係飽到傻仲要幾好味,服務唔差坐位唔迫,,依間餐廳認真犀利!!先黎叫左個 蒜蓉包$10 有2塊,, 一咬落去脆到不得了,,塗滿牛油超多蒜蓉鐵板黑椒蜆肉$19 十幾蚊以為麻麻地啦,,點知係好鮮甜,,重要係無沙,,粒粒開哂口既蜆菠菜伴煙肉$17 超多煙肉係面,,十幾蚊都有咁多煙肉仲要脆卜卜,,菠菜都好嫩份量真係幾多溫泉蛋卡邦尼意粉$32 食卡邦尼點可以無溫泉蛋,,三十幾蚊都無馬虎半熟蛋放係面撈埋芝士粉,一樣係超多煙肉墨汁意粉$32 OMG滿滿既超香濃既墨汁係我既至愛,,墨魚仲要有超多,,食完成個嘴都係墨汁我就覺得好滿足啦

薩莉亞係香港都算係連鎖餐廳，據說來自日本，走平民路線，更係免加一服務費，不時需要等位！為提高效率，飲品自助，需要服務時按檯鐘，除此以外，其實都係同普通餐廳服務一樣。黑松露忌廉野菌意粉：唔算太濃，粉中有淡淡的忌廉同黑松露味，呢個價錢（$3x) 黎講可以接受。雞肉芝士通管粉：呢個味道就比較濃啲，芝士味濃，通管粉個窿比長通粉個窿大，平時比較少見。粉都彈彈地牙，唔錯野菌+雞肉薄餅：好多好多芝士，輕易做到拉芝效果，愛芝士既一定要試！最後比較「奢華」地要左焗田螺，都有版有眼咁多野食都係百三蚊到咋！

今天放假同阿媽食薩利亞我們叫左三文魚塊，肉醬飯，三文魚菠菜意粉，水牛芝士薄餅本來食得好好味，不過個薄餅令我食得不開心，個薄餅等左成半粒鐘先出爐，出來賣相都不差，不過食落去沒有芝士味，得少少蕃茄味，超淡，本身口淡淡的我，食呢個薄餅超唔like**我覺得個意粉超抵食，佢都有六片三文魚**

薩莉亞應該都唔駛再點介紹架喇大家可能叫佢做窮食其實雖然價錢望落幾平下但份量相對應都比較少但吸引到唔少學生去食都算可以叫平民餐廳既今日就無乜特別架喇食黎食去都係個啲啦叫咗個蒜蓉包食唔算太脆口食落其實一般般蒜蓉味都唔太夠既之後叫咗個原味雞翼我覺得個脽翼幾香幾好味仲有啲肉汁流出黎價錢都唔貴叫咗個意粉食比較少汁啲汁都溝得唔好其實但意粉幾好食軟硬適中整體OK不過薩莉亞都唔多去其實因為覺得佢份量始於少但叫兩碟意粉既話就冇咗佢原本平既價值咁所以總體黎講得閒去下都無妨既

薩利亞主打意大利嘅嘢食。最為吸引嘅就係佢嘅價錢比較經濟實惠所以都吸引唔少後生仔嚟幫襯。佢最近新推出嘅黑松露野菌意粉更加係我自己食過咁多次同埋咁多樣嘢食之中最好食嘅一樣野雖然成碟野30幾蚊都唔好expect太過高同埋真係會有所謂嘅黑松露出現但係無論從外表上同埋香氣上都問得出佢同真正嘅黑松露其實冇乜分別意粉嘅質地不嬲我都覺得係好煙銀同埋好滑雖然只係30幾蚊但係個質素坦白講同貴價嘅意大利餐廳其實相差無幾佢餐牌上嘅意粉除咗一條條嘅意粉之外我亦都主力推介闊條麵特別係鮮蝦闊條麵因為焗完之後好大陣芝士味對於一啲芝士嘅愛好者一定要試同埋奶味都好重最重要就係成碟野啲口味都好夾熱辣辣食嘅話味道會仲好所以呢間餐廳之所以可以永遠大排長龍都有佢原因因為好經濟好實惠同埋好味道

講明先，以下食評非專業！點解咁講？因為我係懷住一顆就價錢而着量比分既真誠的心去食同去寫既，所以係有少少bias咖。。。飲野係自助既，要coffee tea or soft drinks可以加$12無限添加，但一加就要全枱加，小朋友就只係$8，水就免費既。要叫野食就按鐘啦！舉手無用咖！叫左兩個pizza，兩個pasta，兩份小食，一份肉。水牛芝士pizzapizza皮唔厚，大量芝士又拉芝咁，芝士味道比較淡，但同蕃茄醬好夾，個人覺得已經幾好食。辣肉腸pizza基本上係頭先個pizza少左水牛芝士加返腸仔落去。唔係傳統我想像中既辣肉腸，但佢又真係辣辣地既腸仔喎 好似阿b係cooking class既製成品咁，都okay既，唔係特别好食，但都香口，可以一戰。温泉蛋煙肉卡邦尼意粉唔記得影相。隻蛋真係好流心既，但個煙肉好健康，一d都唔煙，個肉又唔肥，仲好嫩，另一種食法啦。唔算creamy但唔乾既，okay！白汁芝士雞肉大通粉個盤好保暖，由頭食到尾都仲熱。好多汁，但個芝士同白汁分離左，芝士有芝士焗到香一香，小小脆，白汁係下面流，唔係好濃，水水地，但相對上無咁膩住，可以食多兩啖。可惜通粉份量少，雞就更

今次係第2次食，上次係試深水埗分店，食過後深感平、靚、正，款式又多！今次再去北角分店踩踩場。星期日黃昏，已經好早去到（下午5:30），門口竟然已經有幾十人等緊位😥6點鐘終於入到去😎2個人叫左好多野食😋😋仲加左每人$12任飲，都係基本嘅汽水、咖啡、朱古力、美祿。狂飲熱朱古力，想唔肥都幾難🤣Pizza雖然只係最普通的材料，但都夠熱，味道幾好！野菌意大利飯$19加左2條腸，呢種腸係juicy嗰種，好味！蒜蓉焗田螺，好多蒜蓉😍好香😍焗羊架，三十幾蚊2件，唔會好膻，好好味，性價比非常高👍又到左叫甜品嘅時候，今次叫左香濃朱古力冰雪蛋糕，凍冰冰，朱古力味好濃，似雪糕feel，入口半溶化時感覺好滑！不過我都係比較喜歡上次喺深水埗分店叫嘅榛子脆餅冰雪蛋糕，同樣係口感一流，中間脆餅脆脆甜甜，同埋個榛子味好突出，甜度適中！真係好出色！好好嘅味覺享受☺️☺️埋單無加一，2人夾埋都唔使$200，呢餐真係好味又抵食😋邊個話平野無好🤣