薩莉亞意式餐廳 (和富)

營業中

休息中

薩莉亞可以話係好多人嘅飯堂，價錢抵，味道唔差，唔收加一但有服務，員工態度好，呢一點已經好過好多坊間嘅其他食店👍🏻甜蝦沙律份量夠味道好，沙律菜都好新鮮，真心好食過出面80幾蚊一份嘅沙律雞翼就唔使多介紹啦，大家每次嚟基本上都會嗌，熱辣辣脆卜卜，而家仲可以買冷藏嘅返屋企自己整，隨時隨地都可以食到佢哋嘅雞翼😚意式洋蔥蒜蓉燒雞，咁大塊雞扒仲有配菜味道仲要好食，30幾蚊真係抵到爆！佢哋嘅漢堡扒味道都唔錯，大家亦都可以試吓～食過咁多次咁多款佢哋嘅嘢食真係搵唔到有邊款唔好食，基本上都係水準之上。

之前幫襯過呢間薩莉亞個印象都係比較污糟同埋服務速度比較慢，今次再來見到已經轉咗做QR code電子餐牌落單，唔使等人過嚟落單，果然點菜速度快咗好多雖然樓面得兩男侍應，一腳踢做收銀、捧餐、收枱，但眼見一個人可以一手捧住三四碟食物真係好犀利，仲要好爽手，值得一讚！講返食物，薩莉亞嘅意大利直接入口甜品真係冇得輸！冇乜人，幾好坐，食完正餐已經夠鐘last order，嗱嗱臨點返個甜品！意大利松露朱古力雪糕 ($20) 咁高質美味嘅雪糕，只係$20雞，唔係單單一球雪糕，而係有層次嘅除咗布甸🍮之外，全部甜品都只限堂食。好彩堂食嘅服務已經改善咗，可以再來幫襯了！

今日同朋友嚟咗呢一間係北角新開嘅薩莉亞餐廳，發現裝修咗之後食物質素同埋格局都有所提升👍🏻正！ 我哋叫咗兩款小食同意粉雞翼、同雞球一上到嚟熱辣辣，又Juicy同埋外脆內軟，比起之前真係好食好多，同朋友都食唔停口😋😋意粉煮得軟硬適中，亦都相當掛汁，以呢個價錢嚟講性價比真係好高👍🏻整體嚟講裝修咗之後，食物質素都提高左，唔錯！

N年前去過北角新都城店，自從去過之後，就將呢間連鎖店同「恐怖」掛勾，無論等位時間，服務（基本上都無乜，但係果時簡單態度差到無論），味道，衛生都係地獄級別。如果想第二日請病假射波，去呢到食一餐就可以滿足哂。但係估唔到和富呢間竟然差咁遠，乾淨好多，食品又夠熱，味道都幾唔錯，人又唔太多。佢既意粉（明太子海鮮意粉）好好食，個田螺都好好味，真係可以一去再去！雖然佢有午餐，但係我就覺得散叫仲好，因為價錢其實差唔多。估唔到呢間餐廳真係改善左咁多，有時諗唔到食咩，呢到都係一個好選擇！

嚟咗個水牛芝士pizza, 價錢咁平都唔要求熱辣辣，自行切開pizza 之後，食中間沒問題，但食到近餅邊開始凍冰冰再嚟個午餐鐵板漢堡，諗住「鐵板」唔會再凍冰冰啦掛⋯⋯ 點知⋯⋯1. 炸蝦炸薯仔粒：冇事。正常炸嘢唔會出現「凍」嘅情況2. 漢堡加腸：出事。食到中間又係凍冰冰各位⋯⋯ 食落肚嘅嘢真心唔好貪平

薩莉亞意式餐廳新分店位於和富，餐廳唔算大間，店員很少，餐具落單全部以自助形式，採用電子自動落單，食物味道正常，價錢就相當大眾化，每人加$13可以任飲自助吧飲料，整體性價比唔錯。

Tasty reasonable price And fast can order and pick up after 10 ~ 20 min later. I recommend it to other

叫咗外賣但係落到去話未攞得，等咗15分鐘之後佢哋話差個包，再等多15分鐘之後佢哋出嚟話其實係冇我想要嗰個飯，佢哋話因為Online叫嘅佢哋唔記得咗停Online嗰個System，就話叫我換另外一樣，最後我用咗45分鐘先拎到我本身應該一落到去就拎到嘅嘢。唔明點解佢哋要好似講大話咁拖住我。如果喺我等到第30分鐘嘅時候我冇表現出我已經等咗30分鐘嘅情緒嘅時候，佢哋係咪可能覺得我等一個鐘都唔係問題？令我就有一種你哋啲時間係時間我嘅時間就唔係時間嘅感覺。

食咁多次薩利亞都好少食佢嘅甜品，今日食lunch 見到加$15就有焦糖布甸🍮就試一試🤪竟然有驚喜！雖然一定唔係自家製，但係食落似明治焦糖布甸，唔會太甜，又有蛋香🤤 決定每次嚟都要叫呢一個焦糖布甸🤣🤣

雖然我是吃素的，但不騙你，我要吃足夠的蔬菜，除非真的走去茶餐廳炒碟菜，其實不太容易。尤其是連價錢都考慮在內的時候。某夜靈機一觸，想到薩莉亞原來有菜吃，那就行了。要了意式菠菜伴煙肉（我不吃肉所以走煙肉），以及香蒜辣汁野菌西蘭花 （各 $19）各一。除了碟頭比較小，還有下鹽好像不用錢之外，$40 有找找還要沒加一，沒什麼好投訴了：兩碟都是微辣的，菠菜是下了不黑胡椒。和富這家分店因為新開，和在一個相對新的商場裡面，門面和衛生都比同區另一分店好得多。

間唔中都會去下薩莉亞搵食，因為佢價錢唔貴又幾好食。北角和富個間較新淨又坐得舒服好多（同新都城個間比較）海草細切沙津，次次黎都會叫，撈埋一齊食好好味，沙律汁亦俾得好足夠。芝士薯蓉，一般般，口感同平時食開既薯蓉唔同，感覺更重忌廉，口感都冇咁豐富。Double薄餅，次次黎必叫，因為鐘意佢既薄餅夠脆同送上黎熱辣辣。配菜份量以呢個價錢黎講算好好。雞肉多莉亞，我地好鐘意食，係一個好重忌廉味既雞肉焗飯。蒜蓉包都係次次都會叫，都係咁好食每位加$13就有飲品吧，有汽水，茶，咖啡簡。

終於開到屋企附近，見輪候冇咁癲，馬上食卡邦尼意粉、四重芝士薄餅，份量貨素都很對辦，$3x大陸都吾得服務吾話得，收碟很快，不收加一！做得飯堂，自己買材料煮也做不到呢個價