薩莉亞意式餐廳 (88廣場) (已結業)

這店比較隱閉, 但來光顧的都是熟客仔！ 尤其是周六日, 得到很多姐姐的垂青, 擠得水泄不通呢！近排, 我喜歡上菠菜煙三文魚意粉, 可以吃到煙三文魚, 又有菠菜, 營養應該幾均衡, 又好味！ 還有我加了海量的芝士粉, 及少量黑椒粉！ 真的是Mix & Match！ 芝士粉要趁熱落, 否則唔夠熱, 溶唔晒, 食落一粒粒黏着的, 無咁入味！我見餐牌有得叫煙三文魚, 但這個意粉的煙三文魚竟然有單叫的一半份量啊！抵食另外, 也點了炸雞球, 加埋白飯, 小朋友喜愛食呢！

有一天在大埔太和探完親，轉頭就開車入大埔墟，目的是買下日常的生活所需。開車到停車場，一泊好車，兒子就直指停車場入口處的《薩莉亞餐廳》。說今天不去街市，不食茶餐廳，要食《薩莉亞》。我們說，不用排隊就吃 (因為當日仍是2人限聚)。結果，只是排兩個籌啊。而且不一會就安排到兩張一前一後的檯給我們。於是，我們一家，又開心地《薩莉亞》了。食《薩莉亞》，其中一樣我同阿仔都喜歡的，就是蒜汁燒魷魚。原條的汁燒魷魚，見到已經超興奮。有時做得太乾會影響口感。但這次的出品卻是剛剛好。夠香口，夠腍，不點醬也非常好味道。黑松露野菌忌廉意大利粉。這是一個味道很出眾的意粉。主要原因就是落得夠多黑松露，令到整個意粉都超香口。香有，味也有，沒有說不好的理由。明太子魷魚蝦仁意大利粉，也是一個非常之香口惹味的日式意大利粉。明太子這東西，就咁食味道也許會太濃。但這樣配合意粉一起吃，同黑松露一樣，是味覺上的 catalyst。只會令食物更香，更可口。溫泉蛋肉醬多利亞，也就是一個免牛飯。但多了芝士，多了溫泉蛋，而且焗到香一香。單是 "香" 這子 (我已經提了三次)，就是是日三個食物的共通了。一香，可以說是勝百味啊。好味道又便宜的一

薩莉亞曾經係我中學經常流連嘅地方。中學生經常去嘅地方不外乎平，可以坐得耐呢兩個因素。其實而家嘅中學生個個都好有錢。手上一部iPhone 12，手揸一杯starbucks但至少。我中學嘅年代係流連薩莉亞😆好喇，講返正題，今日午餐去咗食薩莉亞。見咗羊架配薯條加粟米。首先講佢個羊一啲都唔酥。而且煎得啱啱好，唔會話過熟。而且味道唔錯。分量嚟講七十幾數有四舊羊架可以話非常抵食，薯片我就覺得少咗啲啲。如果多返啲就好喇。

今日難得個fd 帶囡囡一齊嚟大埔, 她想食薩莉亞意式餐廳, 小妹妹話要食意粉&甜品. 今次, 我哋就滿足佢要求. 一位男帶位有禮貌同我哋一一量體溫, 等一陣就帶坐卡位, 乾淨&舒服, 加件外套冷氣剛剛好, 大家食客都有帶口罩出去攞飲品.小妹妹特別要求先一碗意大利菜湯 $12, 佢話yummy yummy. 我當然要任飲Bar (大人每位 $13) 我超like 飲嘢, 另外叫一客蒜蓉法包 $10, 中華海草 $10, 歐陸風烤焗香腸 (4 條) 配薯角 $ 19, 煙肉菠蘿薄餅 $30, 青醬蜆肉西蘭花意粉 $35, 紐約芝士蛋糕 $18新出的青醬蜆肉西蘭花意粉, 真的驚喜, 好好味, 一次過滿足有海鮮有菜有意粉,加上香草炒意粉, 味道好配. 可惜飲品機沒有奶茶和朱古力, 希望薩莉亞日後加上.

Really enjoyable dinner! The price is great for what is delivered, especially enjoyed the pizza that was super fresh and hot! The pasta was flavoursome, patty as well. However, the fried chicken was a slight letdown, not crunchy at all - but least it was hot and the sauce was great. Overall a satisfying dinner with a good price!

去薩莉亞最近愛上了呢個黑松露野菌忌廉意大利粉 黑松露味好勁！啲菇菇又大隻 好有肉地！ 最欣賞薩莉亞煮既意粉 未試過令我失望煮得岩岩好，唔會過硬又唔會煮到淋patpat咁仲嗌左個溫泉蛋肉醬多莉亞，幾好唔錯，好creamy好多醬，食完會飽飽呢個有驚喜喎！除左隻蛋。 塊漢堡排煎得幾好👍🏼緊唔少得辣味雞翼今次雞翼比較瘦削三條友埋單都係每人五十幾

自從中學畢業，我應該都有五六年冇食過薩利亞（出賣左年齡）。4月係日本見到想衝入去試下日本同香港有咩唔同，俾朋友極力阻止左我之後，一直都好想食返。今晚就趁機會試下。同媽媽2個人去食，瘋狂點菜，因為我好貪心咩都想試下，價錢又平，總共點左5樣食物。媽媽喜歡食菜，就點左煙肉菠菜。冇咩味道，清清淡淡。另外點左煙肉菠菜意粉同燒鯖魚。 我以前都好鍾意煙肉菠菜意粉，少少辣好惹味。不過燒鯖魚好腥 ！！！！！！媽媽食唔落 ，我唯有加好多辣椒仔先可以放到入口！！蘑菇意大利飯ok！我太耐冇食第一次見到有呢一個焗蛋 我自己覺得味道麻麻，因為好甜，我expect佢係鹹嘅！！可能西式係咁ge味道，我自己食唔慣。總括而言，真係好抵食！！叫咗五樣嘢都係百幾蚊 ，出去西餐真係一碟意粉未加一都百幾蚊，當然個味道都比唔上一d西餐廳。個份量就同我印像中都係一樣，唔多，比較細份，不過五碟嘢兩個人食其實已經好夠！！ 絕對對得住佢個價錢！好滿足！！

放工突然想食西餐，所以就去左薩莉亞。叫左超多野食，120蚊都唔洗。仲要飽到肚腩仔都出左黎叫左一個甜蝦沙律，每次去必叫。甜蝦很爽口與菜很夾。最好食的，我覺得係水牛芝士pizza,因為芝士味很濃，本人是芝士控

如果平平地又可以食唔同種類既野食既話，黎薩莉亞絕對係好好既選擇！呢間近廣福道既薩莉亞可能因為開係樓上，所以平時唔算太多人，唔需要等好耐位就入得。黎到薩莉亞我一定會叫雞翼同歐陸腸、三文魚沙律！雞翼雖然比較細隻，但好嫩口，同佢既調味做得好好，辣辣地，好開胃！歐陸腸係鐵板上既，所以好熱辣辣，咬落去既時候好多汁會bite出黎，好過癮！今次我仲嗌左鐵板鯖魚同鐵板雞扒，兩份都好熱辣辣，雞扒就不過不失，肉唔算係好嫩，食得出係冰過黎，鯖魚就都算唔錯，都幾肥美既，同鐵板上皮會比較脆，但味道唔算好突出，有點兒偏咸。

薩莉亞不嬲都係窮人恩物haha今日心血來潮就一個人去左食午餐😛可能呢間係樓上鋪又多位所以佢比一般既薩莉亞都少人好多 唔洗點等位環境都寬敞乾淨 樓上鋪叫做可以靜靜地食個飯午餐menu 平時我會嗌1+B $40有湯有沙律有主食滿足哂所有願望但今日唔太餓 所以就散叫左個雞肉多利亞 $29啲飯焗出黎火候都唔錯 配埋白汁好好食！濃得黎又唔會好膩 食完好滿足！推介！

過冬一家人晚上會去我屋企做節，十一點就出發去大埔墟街市買餸，d海鮮同餸菜真係又平又新鮮。帶住阿女同工人姐姐，係街市左迫右迫，用左至少一個鐘先買完嘢，個時已經差不多一點，又無食早餐，真係餓到一個點。大埔咁多好嘢食，點解阿女偏偏要揀呢間所謂既意大利餐廳呢！周打魚湯，只係普通忌廉湯加左少少蜆肉，味道一般啦！辣味雞翼，唔算辣；中華海草，應該係日本餐廳食；水牛芝士薄餅，都可以，夠份量，芝士味的確好足夠；至於個黑椒蜆肉比較乾身但好重黑椒味。阿女叫左個飲品吧餐，$8 佢可以任飲，佢整左杯熱朱古力奶，飲左一啖，佢就話：「麥當勞好飲好多呀！」但$94食到咁多嘢，平平地麻麻地就一餐啦，唔要求太多了！

平平地既大餐🤪一聽薩利亞個名就知佢既野食係好平同款式多！見好耐冇食就去食下！上到去都幾多位，職員服務都幾好幾細心！睇睇餐牌，好快就揀好食咩！我地叫左個三文魚菠菜意粉，辣味雞翼，黑椒汁漢堡同埋粟米pizza！ 三文魚菠菜意粉係白汁既，三文魚份量都幾多面頭會有芝士粉，食落都幾creamy!雞翼就比較細隻，辣味就岩岩好！而黑椒汁漢堡會配埋粟米薯角同埋有隻煎蛋，漢堡肉食都落都幾juicy,粟米就甜甜地，整體都幾好味！最後個粟米Pizza就唔係咁滿意，焗既時間唔夠耐，餅底有啲生！

薩莉亞喺日本係大型連鎖，所有主要城市基本上都會搵到。定位係Family Restaurant，即係價錢合理，坐得舒服（以四人卡位居多），有加十幾蚊任飲嘅Drink Bar，適合一家大細求其食餐或中小學生放學去做功課。來到香港，除咗地方冇咁大同等位等得耐之外，基本上都有齊以上特色，而且無入鄉隨俗咁限食飯時間。當然味道就好視乎當地食材質素。餐牌大大本，沙律、意粉、焗飯、pizza、鐵板、小食都有齊。睇過幾次就知佢來來去去都係嗰啲材料：Mozzarella芝士，菠菜，煙肉，番茄汁、白汁。今日健康啲，就要一個pizza加個菠菜。Pizza 係基本嘅番茄底加芝士，同Pizza Hut 迷你批大細差唔多。新鮮焗起嘅芝士係有拉絲效果，番茄底亦唔係淨係茄汁茄膏，食得出有真番茄。要批評的話，隻芝士只係得淡淡嘅奶味，冇乜香味。不過呢個價錢要預咗。菠菜同煙肉係就咁烚嘅，自己加少少鹽同胡椒，份量同味道都OK。

糧尾財盡，這個時候就會想起薩莉亞。星期日晚有一半是外籍女傭，幸好場地夠大，流量算快。等了約十五分鐘就有位，甫坐下馬上點菜。蒜蓉法包很香脆，外脆內軟，蒜蓉夠香、惹味，必點！每次必點水牛芝士Pizza，因為芝士實在太出色，可拉絲，加tabasco有少許辣，味道更出色。蕃茄海鮮意粉又是開胃之選，真材實料的蕃茄、青口、魷魚和蝦，實在值回票價。加少許tabasco更好吃。黑松露野菌忌廉意粉好creamy，不過吃得多會膩，跟友人分享最適合。

本身朋友都考試期間，諗住係屋企附近頹食，點知朋友話帶我去食意大利菜，行到去發現原來係傳說中既薩利亞，都好，因為好耐無食，好想念。我地當放題咁嗌，嗌左7樣野，全部價錢都唔超過40蚊，全單都只係一百多，抵食之選，糧尾恩物。今次試左芝士長通粉，啲芝士焗到岩岩好，唔會太硬，又唔會太熱食唔到，長通粉份量都岩岩好，太多芝士反而會好濟。呢到最好既係，可以拎芝士粉仼加唔嬲，出面食一餐芝士既都要五六十蚊，所以呢到真係好抵。