薩莉亞意式餐廳 (88廣場) (已結業)

如果平平地又可以食唔同種類既野食既話，黎薩莉亞絕對係好好既選擇！呢間近廣福道既薩莉亞可能因為開係樓上，所以平時唔算太多人，唔需要等好耐位就入得。黎到薩莉亞我一定會叫雞翼同歐陸腸、三文魚沙律！雞翼雖然比較細隻，但好嫩口，同佢既調味做得好好，辣辣地，好開胃！歐陸腸係鐵板上既，所以好熱辣辣，咬落去既時候好多汁會bite出黎，好過癮！今次我仲嗌左鐵板鯖魚同鐵板雞扒，兩份都好熱辣辣，雞扒就不過不失，肉唔算係好嫩，食得出係冰過黎，鯖魚就都算唔錯，都幾肥美既，同鐵板上皮會比較脆，但味道唔算好突出，有點兒偏咸。