薩莉亞意式餐廳 (港灣豪庭廣場)

營業中

休息中

今晚去了位於港灣豪庭的薩利亞意式餐廳，在門外的自助取票機取票等了數分鐘後店員便安排入座。現在大多數的餐廳人手都十分緊絀，這間薩莉亞也不例外，接待、收銀及侍應崗位都有店員互相補位。我們首先點了周打蜆湯，味道十分鮮甜而且夠熱，這個湯下次來的時候一定要再試，然後我們再在餐牌上點了幾款菜式。意式菠菜拌煙肉味道很夾，廚師還細心地加了黑椒，這令我對加分，反而有點期待的煙肉菠蘿薄餅稍為失望，因為上到桌上已經凍了，幸好薄餅也很足料。之後再在餐牌上點了腸仔及雞翼，歐陸風烤焗香腸伴了薯粒用鐵板上，與原味雞翼都是我期望的味道。因菜式份量不多，我們可以任意在餐牌上找多幾款想試的菜式。肉醬意粉略嫌肉醬的份量不夠多；蒜香法包外脆內軟十分出色；榛子脆餅冰雪蛋糕是今晚的另一個驚喜。蛋糕表面平平無奇，榛子味卻很香濃，甜度亦剛剛好。資料相片如下：薩利亞餐廳正門餐廳內設有飲品吧給食客自助使用店內環境乾淨整潔周打海鮮湯十分鮮味，亦keep到應有溫度意式菠菜拌煙肉煙肉菠蘿薄餅歐陸風烤焗香腸原味雞翼肉醬意粉蒜蓉法包榛子脆餅冰雪蛋糕

薩莉亞周圍都有，心血來潮想食，就去咗附近既一間，好多年無食，餐牌都有小小唔同左，多左啲新野，又有小左啲野，不過價錢依然係咁親民Pizza食左一定無伏既煙肉菠蘿，新鮮焗出黎個皮好脆，不過個皮好似薄過之前，但都好食，個芝士雖然無拉絲但係係好味既芝士叫左個新既前菜，香焗薯粒，取代左之前既薯角😞個薯粒份量都幾多，但係有啲dry，得一包茄汁係唔夠點，叫佢俾多包茄汁係要俾1蚊既，下次唔會再叫個薯粒無咩特別又dry🙁小食拼盤都好似係新既，每樣都試到小小幾好👍🏻粗管麵同芝士菠菜味道依舊👍🏻每次必叫👍🏻

話說餐廳9:30pm截單，我9:26pm已登記完安心出行坐低咗，女侍應Sabrina過來說唔好意思截咗單了。我很奇怪說：平時我都是9:30pm來仲可以堂食架。女侍應一邊送我出門一邊回覆說：先生而家都9:27啦。（其實我出到門口都仲係9:26pm)係囉，真奇怪明明仲有3分鐘喎，你仲好意思講出口嘅！我唔同佢理論咁多啦，因為要趕住去第二間買外賣，再講落去可能連飯都冇得食。乜而家香港飲食業真係咁好生意咩？做到要趕客架。集團式經營理應好有系統，呢啲服務質素就應該要正視一下。

剛剛港灣豪庭新開的薩莉亞帶埋小朋友一起去試下。店內裝修簡潔，寬敞座得好舒服。有飲品吧無限暢飲，大人13蚊，小朋友8蚊，感覺好抵，飲品其實無咩特別，不過選擇多又可以自己裝小朋友特別鐘意。脆焗香味雞球HKD20: 鐵板上枱，熱辣辣，好香脆，唔錯幾好食。原味雞翅4只HKD20: 圖片有辣椒🌶️，以為會辣，但系一Ｄ都唔辣，小朋友都可以食，好食😋煙肉菠蘿薄餅HKD30: 煙肉太乾偏硬，餅底薄都香脆，一般。肉醬多莉阿HKD30: 肉醬味道好又多芝士，OKM墨魚汁意粉HKD33: 有好多魷魚偏韌，但系個意粉味道好食😋整體來講唔錯，價錢便宜，適合一家大細來食。

呢間餐廳有好多分店，呢間分店開左唔係好來，係附近返工就入嚟食飯啦！睇吓餐牌先午餐嘅種類唔算太多，今次我揀咗食肉醬意粉配溫泉蛋，然後加$16就可以配有沙律同埋飲品吧，點解話兩個人以上會方便啲呢？因為飲品係自助嘅，自己斟飲品我幾欣賞每張枱都有呢個餐具架，方便又衛生👍🏻👍🏻👍🏻👍🏻呢個意粉汁太過稀啦！唔係幾夠味個沙律都OK啦！嗰杯飲品我自己出去refill咗兩次，如果下次一個人食，我諗我會叫湯算啦，因為真係有啲唔方便。整體來講都OK嘅

由舊址搬到新店地方大了坐得舒適，點餐也由人手轉為q R code，方便快捷不需等候，我喜歡佢食物價錢大眾化，食物的選擇種類亦都多，很受兒童青年的喜愛，最重要不限時，一大群朋友聚餐是不錯的選擇，食物質素一般但性價比高。