薯不簡單 (已結業)

今次跟住網上嘅食評 去到虹橋附近搵食🤓啲多人推介嘅餐廳都好集中 薯不簡單喺一間出名嘅沾麵店轉角彎 唔算難搵去到成間鋪頭都係煎炸野同薯仔 最啱啲同我一樣咁鍾意食薯仔嘅朋友🤤🤤🤤樣樣嘢嘅價錢都唔貴 而且老闆仲好好人☺️ 由於要留肚試其他嘢嘅關係 我只係買咗一個＄18嘅咖喱肉醬薯堡老闆收到order就即刻落鑊炸 每件食物都好精準咁用Timer計時 時間夠就有得食 等緊嘅時候我望咗一望 覺得小店嘅衛生環境都相當理想唔好睇個薯堡望落好似唔係太大個 其實食落去咖喱味好濃 啖啖都係肉醬同薯仔 食完都好滿足㗎 如果要食其他嘢嘅朋友 建議你吔兩個人share一份咁凍嘅天時食到熱辣辣嘅炸薯仔 真係諗返起都幸福啊😚😚😚

食完章魚燒之後就一定見到大大隻「臭豆腐」三個字，我哋即刻兩眼發光，身體更不受控制彈埋咧間「薯不簡單」店，就算個胃宜家剩番3%位，都一定要掃埋咧間臭豆腐，希望薯不簡單唔好令我哋失望～ 同朋友掙扎好耐，叫一件定兩件臭豆腐呢？ 因為一件$8，兩件$15，不過最後都只係叫咗一件嚟試下！眼見一路有食客叫外賣店內都有好多其他小食（如圖）原來咧間都有元朗鬼巴士嘅滷味食，唉！ 我下次一定嚟試～臭豆腐（$8一件，$15兩件），即叫即炸，外皮酥脆可口，中間豆腐唔會好實，所以好好味。推介這家「薯不簡單」，因為佢哋嘅炸臭豆腐都係唔簡單，正～～～

在香港, 甚少以薯仔做招牌菜的店舖. 早排睇雜誌, 介紹屯門虹橋一間很出色的手工薯堡, 但小店位置頗為隔涉, 故一直未有時間拜訪, 今晚終於有機會品嚐. 我選了芝士蘑菇煙肉薯堡, 由於即炸, 要等 7 分鐘. 金黃色拳頭般大的薯堡, 內裏是充滿餡料的薯蓉, 再配上椰菜絲及沙律醬, 真的超美味 另店員親切有禮, 款待客人. 而且小店亦很細心, 因焗薯皮, 風琴薯, 薯堡等美食制作須時, 為免客人等待, 可致電落單, 預訂自取. 值得一讚, 故誠心推介此店

說起風琴，大家有否想到優越又美麗的音樂呢？最近，薯不簡單吹出了新食品，就是風琴薯。他可以選擇不同醬料，例如有芥辣、咖哩和沙律 。本身與朋友只是選擇了咖哩味，因為覺得芥辣會辣， 而我們都不吃辣的。 可是老闆極力推介咖哩與芥辣一起吃，所以我們便決定一試。等了數分鐘， 薯仔已經焗好。 一股香濃的薯味存入鼻中。賣相也太吸引了! 配水點香蔥，把薯仔的味變得多層次, 不會很單調。而芥辣月一點也不辣，是老闆專登獨家調製的! 很讚。另外我們還點了一個薯寶和腸粉吃。薯堡依舊很惹味可口,香脆濃郁。而腸粉很嫩滑幼細，腸粉的皮拉得得十分薄。 沒有雜質和粗糙感。

讀書時代有個壞習慣，每逢想逃避温習的時候，便會「下廚」做些工序繁複的小食，當中最愛弄的便是帶餡的薯餅。下廚背後的動機顯然而見，而這種簡單美味的手造薯餅，便成我多年來喜歡的小食之一。從屯門社交網站打聽到，近日虹橋又有新小店進駐。「薯不簡單」，打響名堂之作便是自製的薯堡。虹橋是不少人氣食店的發跡之地，當中有的選擇紥根於此，有的一炮而紅遠走它方。近期的成功例子是屯之大版章魚燒，在我來說是「雷聲大，雨點小」的小店一家而已，卻在社交平台的宣傳攻勢下突圍而出，如今亦遠走它方另覓發展了。這些成功例子說明了，每個地區都總有一條食街，滋養着那些剛起步，資金不多，但盛意拳拳的小店們。薯不簡單鋪面不大，也簡樸得不行，店前在賣魚蛋、腸粉、山竹牛肉等簡單小食，跟那些街坊小食店沒兩樣，倒是老闆的魚蛋辣汁為小店帶來多點看頭。店內有只兩張食桌和一部電視而已，不算舒適的用餐環境，勝在十元八塊的小食也可堂食。而小店的後方是個廚房，所有薯堡、芝士肉丸都是在此新鮮即炸，確保成品新鮮熱辣。每個薯球平均等候時間約為8-10分鐘，這期間老闆會給你一個牌子，不會强行要食客在大熱天下排隊以虛張聲勢。在等候期間老闆會跟街坊們寒喧一番，即

最近看見網上很多人也介紹這間小店，聽聞它的薯堡很棒，是必試的小食。在放假的日子，做決定與做女朋友來這裡一試。我點了咖啡薯堡 $15，而她則點了其他味道。我地等咗一陣，店員就炸好兩個薯堡。一攞上手，好香呀！ 點解可以炸到咁香既？！而賣相都好鬼死吸引!金金黃黃，再加d綠綠既椰菜係底到襯托，美感一流!我個咖喱薯堡，味道好似日式辛辣咖啡，呢隻咖喱味平時會用黎撈烏冬既。而今次放咗係薯蓉入面，撈黎食好特別。味道出奇地好味。不過，我覺得芝士蘑菇煙肉薯堡，係暫時最好既口味。

上次試完它的芝士煙肉薯堡， 今次決定一試它的肉醬薯堡。今次去的時候比較多人，所以大約要等10分鐘的時間。在中午時分，站在街上被太陽曬著，為的就是吃他的薯堡，真的有點辛苦它的番茄肉醬薯堡 $15 外層的薯蓉又是炸得十分之脆，很新鮮。而今次的餡料， 有點像在吃肉醬意粉的味道，不過是配上脆口的薯蓉。 酸酸甜甜，很開胃很好味!我覺得番茄味可以濃多試，因為覺得不夠酸。 所以這次也加了茄汁，去增加酸酸甜甜的味覺。 不過若果它肉醬的餡料，本身能再加多一些，就一定會更可口好味了!

芝士蘑菇煙肉薯堡，皮炸得超脆！！ 芝士份量亦不小！ 個人喜歡落d d 茄汁係隔離，更野味。但記住唔好落正係個薯堡面到，因為新鮮炸完很脆。因為佢新鮮即炸，所以order 完後要等約7分鐘。

今日經過呢間小店，老闆大力推介下就盡管試下佢地嘅芝士蘑菇薯堡啦！由於係即叫即炸，所以要等大約7分鐘~ 係等食其間，老闆重請我食左粒魚蛋，試左中辣，幾香蒜同紅蒽頭味，值得再試~新鮮即炸嘅薯堡唔太油膩，食落無咁罪惡感咬落去內脆內軟，淡淡嘅芝士加上蘑菇同洋蔥，食落唔會太膩，感覺幾清新~下次一定會試埋其餘兩款薯堡 小店咁有去做，我一定會支持，希望佢可以keep住水準，千萬唔好當紅後就失準啦！

肉醬薯堡：外脆內軟，肉汁鮮美。煙肉芝士蘑菇薯堡：同樣外脆內軟，煙肉香口，菇味濃郁。尚有一款黃金薯堡，未有機會食，下次要試埋先得。還有其他小食，好似魚蛋、腸粉。成為＄33的小食，正。