薯仔屋電影餐廳

營業中

休息中

呢排政義迴廊咁hit😍約咗朋友喺柴灣收工睇第二次🤘🏻原來電影院隔離仲有一間餐廳相連住，睇過餐牌價錢相當平民化，一於試吓！今次我哋點左一份安格斯雙層芝士漢堡同西冷牛扒配薯條。首先來既沙律的確好大份仲配上脆口蒜蓉多士，其次飲品都不錯👍🏻主食方面，牛肉漢堡睇得出非常抵食大件！香濃芝士厚牛肉漢堡扒，肉汁多而且佢呢個漢堡醬汁調得好好😍西冷扒不得不讚！亦都係大大件食得出好有牛肉味，唔似部份茶餐廳雪藏好耐或者梳打粉那個嗰隻！服務員仲遞上我最愛嘅粉紅岩鹽，味道即刻加分！ 不得不提嘅就係佢呢度嘅薯條，條條好粗大好足料！而且脆卜卜，就連配菜都有驚喜！推介入場/ 收場之後方便黎食下！而家訂埋聖誕到會仲有優惠～

為咗就朋友收工方便，今次走到柴灣睇戲食飯，時間關係就試下呢間薯仔屋電影餐廳。餐廳內有d 90年代電影院味道，暖黃色既燈光，配上有啲年代感既歌曲🎶🎵雖然半自助式落餐，但店員都好有禮貌，重好友善幫手👍🏻首先有三文魚凱撒沙律配法包多士，多士香脆、三文魚同沙律菜都勁新鮮🥗之後係忌廉湯，暖暖肚。美國穀飼西冷牛扒配舖天薯條，牛扒好食有肉味，煎得啱啱好，唔會靭，重有dd肥，好食之餘重好大塊，坐8望10安士。另外重配有餐廳賣點焗薯條，呢個配芝士醬，令人食唔停口，其次重有沙律菜，唔洗擔心唔夠纖維。醬燒豬仔骨配舖天薯條，豬肋骨半份有4條骨之多，焗完唔干但又唔會太「淋」到散、而且好入味，重好熱辣辣保持到溫度😪同樣有沙律菜，重有另一款薯條，呢個係蕃茄肉醬，比較開胃，同芝士醬比，我都係鍾意後者多啲😁最後一杯凍Mocha，十分打卡able，特多cream再加朱古力醬，好彩咖啡本身唔甜，中和返啱啱好～

星期日同屋企人睇完戲，就嚟到位於戲院旁邊嘅薯仔屋電影餐廳食個午餐。餐廳環境以電影主題佈置，陳列左不同嘅模型，色彩繽紛，而且更有夾公仔機、玩具區域同埋仲養咗鸚鵡，啱晒一家大細用餐。食物款式選擇多，而且價錢親民香煎虎蝦蟹肉龍蝦汁扁意粉份量都幾多，扁意粉軟硬適中，而且掛汁，虎蝦新鮮爽彈，煎得啱啱好。鋪天薯條配醬燒豬仔骨(半條)豬仔骨烤得鬆軟入味，面層帶點焦香，燒烤醬甜度剛好, 肉質軟腍惹味。薯條係粗薯條，炸得香脆，薯仔味都幾重，配埋芝士醬同肉醬，味道好夾，食落香口。西班牙雪糕咖啡軟雪糕口感軟滑，牛奶味道濃郁，另外西班牙咖啡香濃，唔會好甜，加埋雪糕岩岩好，咖哩飲落更滑。黑牛依家好少地方有黑牛飲，係細個好中意既飲品之一，雪糕配可樂一流

今日同男朋友去咗薯仔屋電影餐廳食飯凱撒沙律凱撒沙律一上枱，簡直令人眼前一亮，因為除咗佢本身嘅麵包碎之外，上面仲放咗一塊大大塊嘅蒜蓉包，一咬落去充滿蒜蓉牛油嘅香味，雖然罪惡，對於鍾意carbohydrates的我，實在係魔鬼式。軟殼蟹配煙肉蘆筍卷意大利麵隻軟殼蟹足有我半塊面咁大，仲要原隻上，老闆真係不計成本!個sauce完全唔油膩，但又完全可以做到掛汁嘅現象，意粉係al dente，一路食一路充滿香草同埋紫洋蔥嘅香味，簡直魅力沒法擋！鐵板黑椒肉眼扒&虎蝦配薯菜一上主菜, 見到燒至紅紅火熱既鐵板,放上大量薯條,薯菜墊底,上層放著一隻超大虎蝦熱辣辣,霧煙的牛扒好吸引切開肉眼,一陣牛肉香及黑椒香味撲鼻而來 影完相再食都仍然好嫩滑有肉汁,牛扒厚切,肉味夠濃郁,加埋極香既黑椒汁 至於虎蝦蝦肉彈牙, 薯條嘅份量亦都好多西班牙咖啡雪糕至於西班牙雪糕咖啡,將呍呢嗱味意式雪糕溝埋特濃咖啡度, 雪糕有奶香味, 飲落好順滑，啡奶既比例好好蜜桃威尼斯由於小編今日已經飲咗咖啡啦，所以就試吓蜜桃威尼斯，佢係有氣蜜桃汁，再加上軟雪糕，蜜桃汁飲落就知係日本有氣蜜桃汁，佢既係飲品又係甜品，一次滿足兩個願望!

牛扒沒有問幾成熟 非常銀 很難吃餐湯就像罐頭湯朱古力飲料像一杯糖水 很難飲魷魚絲非常幼就像一條絲一般可取的是服務態度良好但是食物一點質素也沒有價錢亦不是特別便宜還要自己到櫃檯落單

約左朋友柴灣行山，但佢中午有嘢做，自己一個冇嘢做，決定explore 下柴灣地鐵站🚉附近有咩食，行行下發現左呢間好得意既餐廳：薯仔屋電影餐廳(⁎⁍̴̛ᴗ⁍̴̛⁎)餐廳喺柴灣cinema city 隔離，相信好多人睇戲前後都會喺度食下野，餐廳用電影做主題，好多佈置都同電影有關係，仲設有兒童玩樂區域、桌遊／漫畫角落，好啱我家大細！ 🎮🕹我叫左：牛肉煙肉漢堡$82 另外加錢叫咗頭盤沙律，同埋蒜蓉包 +$5 凍檸茶+$3 total $90個漢堡包🍔好有驚喜，拎上手，發現個包皮係暖笠笠！ 麵包邊邊好香脆，但入面仲係鬆軟嘅！ 牛肉同煙肉唔會太油膩，牛肉仲食到有肉汁，而且唔係薄切切(≧∇≦)成個看到口感好豐富，材料仲有蕃茄同埋芝士，配上蘑菇醬汁，成個包都好惹味juicy ！ 套餐本身可以揀沙律或者薯條，我揀咗薯條，後尾發現原來加$5嘅頭盤沙律同套餐嘅沙律一樣～ 薯條炸到好香，仲食到少少薯仔味，不過沙律我就麻麻哋，因為我個人唔鍾意食有好多醬汁嘅水果沙律🥹太邪惡太肥啦！蒜蓉包成個都焗到好香脆，食到蒜蓉味👍🏻整體黎講幾好，坐得舒服。價錢唔太貴，如果揀食意粉嗰啲仲抵！ 臨走時仲發現門口放左幾隻雀仔？鸚鵡🦜？ 🤣🤣

地鐵🚇 #港島線尾站 #柴灣揾食 🍽一家四口坐低食個 TEA，Order 左3個下午茶餐🌈至尊香脆大雞脾伴舖天薯條及沙律 + 🌈西班牙雪糕咖啡大雞脾炸到好香好脆，不過再大隻少少就正啦!薯條金黃卜卜脆，配埋芝士超邪惡沙律味道偏甜，岩我。咖啡味唔夠濃，而且味道稍為甜左少少🌈美式焗薯 (香葱煙肉) 伴沙律 + 🌈水蜜桃雜焗薯熱辣辣，不過煙肉就唔係太夠🌈薯仔屋薄餅 (超級風味) + 🌈水蜜威尼斯PIZZA 係薄身底，如果係厚批應該會更加好食雪糕好香牛奶味配上水蜜桃梳打好夾單點 🌈特色珍寶熱狗生菜蕃茄好新鮮，珍寶熱狗加埋茄汁同芥辣醬，一啖咬落好滿足💥薯仔屋電影餐廳 (柴灣)柴灣柴灣道333號永利中心地下J舖B單位

話說今日特登嚟新桂香買叉燒外賣。之後想搵間餐廳食午餐。喺OpenRice彈出嚟就係呢間餐廳叫咗個熱門肉眼午餐同埋千層麵呢間餐廳都幾搞笑。原來要出去付款。員工都好有禮貌。埋單$221首先講吓杯飲品。飲品正常沒有問題。但係份量真係少得少得濟牛扒完全不好味。黑椒汁完全沒有黑椒味。薯條就正常脆卜卜。千層麵新鮮熱辣整出嚟。$100都差唔多。相反牛扒餐就唔值得一食如果真係叫嘢飲可以建議少冰。因為個杯真係好細。牛扒餐建議不要食。因為呢個價錢唔值得

薯仔屋以電影院🎬主題佈置，隔離就係戲院，睇戲前後都可以食嘢～選擇眾多又有下午茶、扒餐、麵食和甜品🍮，仲有兒童餐啱曬一家大細睇戲之前食嘢🙈🙈S3 香煎美國榖飼西冷牛扒舖天薯條🍟 💰206一開始有個前菜，前菜是煙燻三文魚沙律配蒜蓉多士，沙律醬份量很足夠，個人覺得煙燻三文魚🍣幾好味，蒜蓉多士又香又脆🤤整體都幾好食。西冷牛扒要佐7成熟，可以因應個人口味同店員講幾成熟～牛扒嘅火候掌握得剛好，食落去都嫩身，淡淡嘅鹹味和胡椒味，反而更突出牛肉味道🤤唔似坊間餐廳咁濃嘅調味。另外仲有配薯條和沙律，薯條都算粗身有少少鹹味，想要茄汁可以向店員索取🙈沙律味道清新，配埋肉可以平衡下～一個人整體都好飽份量很足夠🤣雜果賓治 💰36賣相吸引，有很多水果果肉，包括水蜜桃，波羅，檸檬和蒟蒻。味道清新唔會話好甜，相當解暑🤣🚇港鐵柴灣站A出口，步行約5分鐘

去左柴灣睇minions🤣 開場之前搵唔到有咩食就去咗戲院隔離間餐廳食～原來呢間餐廳係之前好出名嘅梵高餐廳嘅老闆開，係電影主題～入邊啲裝修都幾cute~ 個backdrop有唔同電影例如Marvel主題嘅薯仔～見佢晚市套餐嘅選擇都幾豐富，所以嗌咗兩個晚市套餐，包埋嘢飲、沙律同埋蒜蓉包，都幾抵食。👉🏻鐵板黑椒汁肉眼扒配薯菜 $98本身諗住咁平都唔expect啲咩，諗住醫肚就算，點知塊扒又幾好食😂 唔係啲cheap cheap扒，個汁都好夾，而且都好大份！本身以為淨係配薯條應該唔夠飽就嗌多咗個意粉👉🏻串燒咖喱雞髀柳京蔥配飯 $106超巨型嘅串燒！因為佢用咗雞髀肉黎燒，而且火候控制得幾好所以超級嫩滑，仲有好多肉汁！個咖喱汁都幾好食！嘢飲我哋用半價轉左特飲，係雪糕提子梳打同埋雪糕芒果梳打，都幾好飲！除咗堂食仲可以外賣，食之前諗住外賣啲薯條入去睇戲食，點知食完個晚餐已經太飽😂下次再嚟睇戲可以試吓😋 我見佢仲有早餐同埋下午茶嗰啲都好似幾抵，個環境都幾舒服同埋幾啱坐～

戲院終於開返~ 呢間餐廳係戲院隔離，食完就可以即刻睇戲🖤 好方便!!🐠 比目魚扒配豬扒 $106 一上枱已經覺得好大份~ 比目魚好大條，個魚皮煎到脆卜卜，而且醃得唔錯，魚肉好滑身，再配上香草醬🤍 YUMMY!! 薯蓉幼滑飽肚，配菜仲有西蘭花、紅蘿蔔、翠玉瓜、沙律菜，好豐富🤤🍦☕西班牙雪糕咖啡 (跟餐加$19) 啲雪糕奶香味好重，好滑🥳 同個咖啡一齊飲好夾🖖🏻🐥 焗葡國雞飯 $72好似好耐冇食過咁，就決定咗呢個試吓🐻 啲汁好多好好食😻 而且啲雞都好滑🤗呢個值得一試!!總括而言 (5個💜係最高)好味指數 : 💜💜💜🤍🤍服務態度 : 💜💜💜🤍🤍環境打卡 : 💜💜💜🤍🤍回頭指數 : 💜💜💜🤍🤍📍薯仔屋電影餐廳🏢柴灣柴灣道333號永利中心地下J舖B單位🕗星期一至日 10:30 - 22:00

夜晚喺柴灣睇戲，入埸前想食個晚飯先，近近地戲院旁邊就有間叫薯仔屋電影餐廳Small Potato Movieland既餐廳。餐廳算大間，有好多座位。餐廳裝修好特別，主題當然係同電影有關啦，有好多figure擺設，有小朋友玩具，仲有部夾公仔機！仲有仲有更特別既係餐廳養左3隻鸚鵡，佢地好可愛，個個行過路過都唔會錯過同佢地打招呼既機會！心心眼望住鸚鵡一陣，食物就黎到，兩個晚市套餐份量十足呀！鐵板黑椒汁肉眼扒配薯菜 $98牛扒肉質淋，唔覺有筋。下面有好多薯條。感覺好經典既鐵板餐。香草燒BB野雞拼豬扒拌薯菜 $106最好味係豬扒，真係煎得好香！！隻BB雞的確係細細隻，但原來都好多肉，外皮燒得甜甜香香。套餐包埋一塊蒜蓉包同沙律。蒜蓉包超級脆，好正呀！沙律菜都好味道。

💸人均消費: $42-120🌿評分: 3.5/5 (淨薯條就4😋)🈚️加一服務費喺柴灣睇完戲隔離就有餐廳真係好方便🍴餐廳環境都頗有格調✨仲有個兒童遊戲區俾小朋友放下電🔋嘢食幾大份性價比都高👻但我哋揀嗰兩杯就唔推薦大家去試🙈✰ 煙三文魚凱撒沙律 ($42)凱撒沙律汁夠多🌿每一塊菜上面都有🥬但唔會多到食落汁多過菜🥗煙三文魚正正常常🍣佢仲有少少煙肉同麵包脆粒拌碟~ 呢個價錢嚟講都算唔錯👍🏻✰ 魷魚鬚薯條 ($42)佢個秘製芝士醬加gravy配埋薯條真係幾好食😋魷魚鬚好大條🦑加上炸粉都唔係好厚👍🏻不過美中不足嘅係薯條浸咗gravy就唔脆🥺如果gravy另上會更好😻✰ 健康奶綠 ($24)冇影到~朋友話非常唔推薦😂話似維他奶加綠茶🍵利申個人覺得似煉奶溝綠茶😂可能太健康唔係好啱我哋🤣✰ 檸檬綠茶 ($24)好似普通檸茶但轉咗綠茶底😗唔知點解嗌咗走甜都仲甜🤨唔推薦🥲希望可以改善下啲飲品同點餐嗰度地下有啲痴笠笠嘅問題🙈

餐廳喺柴灣戲院旁邊，距離地鐵站5分鐘左右，對正怡盛里臨時休憩處，所以街外唔多人行黎行去，坐窗邊望公園都幾休閒ga~入到去真係好似逃離左繁忙既香港咁！入面空間唔會好迫，又擺左d公仔figures, 牆身仲畫左餐廳吉祥物薯仔版公仔😍 好有以前返學佈置壁報咁~ 我仲以為咁有特色既港式café 只會係油尖旺才有 tim~ 入到去就有杯水連餐具放低比我地，疫情期間都安心d~ 同friend夜晚6點幾7點去食飯，晚餐set~ $70-110 呢個價錢油尖旺甚至觀塘都好難搵到啦！ 有西式有日式，居然唔止係拉麵烏冬，仲有鯖魚揀；朋友叫左， 嘩~ 大過手掌😱 唔係見開吉乜乜果d size我就叫左牛扒，又係差唔多成塊鐵板咁大塊，omg~ 有鐵板就緊係要淋汁聽下d聲啦~ 黑椒汁都比得大方， 正😝 塊牛扒食落都唔會好多根咬唔郁，黑椒汁係小朋友都岩既小小辣~ 食完小朋友扒餐，緊係要叫埋小朋友飲品先完美，比起其他café，呢度都幾多飲品揀，唔洗驚夜媽媽唔想飲咖啡茶就得返檸水揀😭 , 有雪糕梳打，又有黑牛，白雪山，雜果賓治呢d聽過，但細個唔俾飲既野；份量都幾慷慨，兩杯都滿到瀉😂 食飽飽，又要回到現代化既香港，希望

/ º #柴灣少有高質西餐@柴灣．薯仔屋電影餐廳° /————————————————總括💬：柴灣少有西餐，街坊價錢有質素環境：★★★★★ | 味道：★★★★★服務：★★★★☆ | 抵食：★★★★★————————————————戲院終於開番撞正想睇套戲上影同小妹睇戲前去戲院隔離環境寬敞好方便食完晚餐先睇戲.晚餐有散叫 / 套餐套餐有主菜、蒜蓉包、是日沙律同飲品仲有好多款特飲半價.°。× 焗芝士汁西蘭花雞肉飯 ×。°飯面鋪滿芝士芝士味濃飯唔會焗得太乾身.鐵板黑椒汁肉眼扒&大蝦配薯菜百另蚊食到鐵板牛排肉眼扒質素高仲有勁多薯條.香煎鯖魚伴洋蔥野菜肥牛飯鯖魚煎得香口魚肉入口嫩滑洋蔥野菜拌飯一流.飲品order左香濃朱古力朱古力味濃上面仲有好大堆 Cream 正.另一杯就紫色維羅納（提子）提子梳打+雪糕夏日飲好透心涼.𝙿.𝚂. 薯仔屋叫下午茶仲有折扣，可以叫外賣，下次叫2個餐都可以番屋企食————————————————─ 𝑀𝑜𝑟𝑒 𝐼𝑛𝑓𝑜𝑟𝑚𝑎𝑡𝑖𝑜𝑛 ─📍薯仔屋電影餐廳 網址: https://s.openrice.com/QrbS053u800~uEWuIAw地址: 柴灣柴灣道3