薯皇 (已結業)

很喜歡焗薯, 買肥媽生腸時見到這間鋪便決定買來試下, 點了有燒雞的焗薯, 燒雞好凍, 焗薯一般好食 賣廿元多 蠻貴的

去旺角掃街，行到肥媽個度，見到賣薯仔喎，仲要好大個，梗要一吃，個名我已不記得，只記得個薯大個我隻手，仲有些斤兩，有磨菇、青豆、甘荀、栗米，好好味，但汁唔夠，如果可多些就好。

我個FD介紹我去食,食左個脆雞焗薯,雖然我覺得唔係好抵,不過真係唔錯佢個薯唔係話好HOT,1出就可以食啦,D CHEESE會溶左係成個薯到,每1淡都有CHEESE既香味,好正!!不過佢DCHICKEN就麻麻地,唔脆,又唔滑,1D JUICE都無,如果無左CHICKEN成個薯就會好好食XD佢有3種醬,有3種唔同既口感,唔錯,我覺得最好食係SALAD個個,(其實我個人唔LIKE SALAD醬)粉紅色個個好特別,有少少酸酸地,我覺得麻麻1個薯真係好飽,可以2個人SHARE食,咁會抵好多=]

一食就愛上了不過要企係條街食..係令我唔可以成日去食既原因..但去mk我一定會好想食可能自己本身中意食焗薯上次經過唔見老闆..只見兩個hk人睇鋪..我都係中意老闆係度

薯皇已開張了一段時間，每次經過看見廿多元一個的小焗薯都會卻步，，，畢竟這個價錢在旺角街頭有很多好選擇但見這兒對它的食評也算不錯，於是今天下午決定一試我和男朋友叫了一個墨西哥焗薯和一個美式焗薯，還點了strawberry yogurt shake, 共＄６Ｘ先吃了一口墨西哥焗薯，料算多，薯仔被預先攪成蓉，很香也很好入口, 但旁邊的脆脆完全格格不入。。。yogurt shake 也還可以，有草莓味，也不太甜但後來試的美式焗薯卻可以用難食來形容。。。是沙律焗薯，有半隻灰色的旦，沙律看上去也不太新鮮。。。賣相已經麻麻了，吃了一口...嘩。。。好酸! 沙律跟焗薯的味道很不配合，我男朋友吃了臉色一沉，吃了幾口，實在忍不住，扔掉了。。。最後在附近買了個武大郎燒餅填肚。。。薯的味道其實不差，但配料實在。。。。。。算是最近覺得最難吃的東西。。。廿多元的焗薯，這樣的質素。。。絕對一試難忘。。。。。

早前已在openrice看到該店~今天終有機會路經此地~一嘗傳說中的薯皇滋味原本經過時也只是好奇看看~店內的女職員十分殷勤~把印好的餐牌給我看~我不斷的問題亦細心地為我解答~亦有主動介紹店內新產品part time 的小店員~full heart的工作態度~今時今日咁既服務態度才足夠選了吞拿魚味焗薯~上面的有趣粉紅色特色土耳其醬~栗米十分爽脆~熱騰騰的馬鈴薯散發著陣陣牛油香味~每一羹也能連帶著芝士拉出~雖然很飽~但仍被它吸引著吃個清光順帶一提~店內的土耳其東主真的很會吸引顧客~雖然對他的樣子已有點模糊~但他那一百分的笑容實為吸引人女顧客們小心被他迷倒呢!!

090314 美式焗薯$26之前好有人氣，經過買個嚟試吓唔夠咸味，令到個薯好寡，因為調味唔夠，枉費咗老細一番心機，拎個薯仔挖鬆唔夠惹味，最好加番多啲cream cheese同煙肉吊起啲味

我地睇完一套伊朗戲之後想食中東野，但附近間our restaurant已經試過，唔知點解openrice話呢間野係中東菜喎，可能係因為個老闆係土耳其人掛。個土耳其人都幾好笑容既，仲有一個香港女仔助手。初時我以為呢期咁興食薯，實要排隊啦，點知冇喎。我地叫左一個俄羅斯沙律同墨西哥薯仔。墨西哥有ｄ辣辣地，都ｏｋ既，但俄羅斯就除左有ｄ酸忌廉同一ｄ粉紅色的怪汁之外，冇乜特別囉。兩個薯仔的味都比較普通，係一般港式沙律料，都係oliver's比較香ｄ。但薯皇的薯仔就好腍囉，佢除左個薯仔本身的薯之外，仲會加ｄ薯蓉係上面，但份量對女仔就ｏｋ，男就唔夠飽了。我諗土耳其老細要請埋我地兩個做助手呀，我地一係隔離食，就有一大堆人幫襯啦。

之前o係報紙見到薯皇o既介紹，喜歡食薯仔o既我趁復活節假期同朋友一齊去旺角試試！點知去到登打士街行黎行去都搵唔到，原來間鋪頭o係花園街同登打士街個轉角！我同個friend order o左一個mexican 同一個ocean potato。因爲不太多人，好快就有得食。個薯仔上面有好多“餸”，而且見到個薯仔皮都好脆！食落d薯仔creamy，好似薯蓉o甘！加上d肉同埋脆脆o既薯皮，真係幾好味！唯一問題o係無地方食... 因為我同個friend兩個都買左杯珍珠奶茶，所以我地惟有放低杯野企o係個檔前面食！不過o甘好食，唔駛幾耐已經食完啦！

其實我本身都係鍾意食焗薯, 上次經過見到呢間野因為太飽冇試到.今次專程去試, 叫左個 "OCEAN POTATO" $26, 雖然冇乜人等, 不過都等左一陣, 見住佢係咁壓 D 薯, 壓到好似薯蓉咁. 個薯好熱, 薯皮勁脆, 真係脆過薯片, d 醬都夠多.下次想試下個 MEXICO POTATO.....不過食完都唔算好飽, 但$26 都算係咁, 起碼抵食過 Super Sandwiches.....

見到openrice咁多人讚呢間野又見到好多人排隊,似乎都要試下我們吃了松記後吃了classic potato($22)跟之前的食家的相片一樣, 有粟米, 磨菇, 青豆, 同埋茄汁, 白色的汁和粉紅色的特製土耳其汁佢用人手把牛油和芝士混合, 並加入以上的食材吃時有一絲絲的芝士, 味道很均勻, 不像平日吃的baked potato吃到尾時冇味道有咁多人, 同埋要等咁耐的原因, 係因為阿外國人先生用人手用叉攪均, 所以等得耐雖然整體感覺和味道不錯, 但$22始終有點貴~

22蚊食個薯仔,唔知個D人真係以為有好多料其實只不過係一個新鮮薯仔焗完加DCREAM同D料就係咁簡單平時食既薯溶多數為粉開,新鮮的確有賣點既不過真係完全唔特別,只係一堆CREAM+個薯仔味道仲要好普通12蚊一個就值

經過旺角有小小肚餓，於是就試下呢間既薯仔。店面的面積非常細，不過店面的姐姐笑容非常親切，又詳細解釋及推介不同味道，服務態度方面一流。我就叫左一個墨西哥味，因為貪佢有小小辣。一order後，就見個外國師傅即刻整，大約五分鐘後，一件墨西哥味薯皇就送到我手上。個薯仔比我想像中略大，大概有一個手掌左右大小。薯仔本身十分鬆軟，食落只有微辣。而之前網友講既醬汁過多問題，唔知係咪佢聽到之後改善左，我覺得我果個薯仔唔算落得太多醬，配合肉碎，整體非常不錯。不過始終要企著來食薯仔，如果係一串串既小食無太大問題，但佢個薯仔都幾大，要用匙來食，唔太習慣。

之前成日行過呢間薯皇又係openrice睇過有不錯的評價所以特意來試試外國人老闆請左人啦見老闆會指點下新員工有時重會試食下我叫了個Mexican Potato ($28)同bf 2個人一齊食....都係$14一個人1姐XDD好快有得食...出到黎見到個樣已經好想食個Potato幾熱好鍾意d辣肉碎x茄汁豆辣辣地幾野味配埋salad醬一流如果多d salad醬重好個Potato好大個但因為太好味食到停唔到....重想再食XDD下次我會試下其他味=]

剛巧在旺角, 天氣又有點涼就決意找薯皇和妹一起去的我叫了墨西哥, 她叫了美式等了5分鐘左右就有了我的墨西哥是辣的, 上面有數塊薯片妹的那個上面有一大pat酸瓜沙律well, 其實兩個的用料都是豐富的, 但本人不太喜歡那些薯片而妹的那個......我們直接撥開了所有沙律只吃薯底.....不知是否口味不對,,,很是失望應該不會有下次了