薯皇 (已結業)

經過旺角有小小肚餓，於是就試下呢間既薯仔。店面的面積非常細，不過店面的姐姐笑容非常親切，又詳細解釋及推介不同味道，服務態度方面一流。我就叫左一個墨西哥味，因為貪佢有小小辣。一order後，就見個外國師傅即刻整，大約五分鐘後，一件墨西哥味薯皇就送到我手上。個薯仔比我想像中略大，大概有一個手掌左右大小。薯仔本身十分鬆軟，食落只有微辣。而之前網友講既醬汁過多問題，唔知係咪佢聽到之後改善左，我覺得我果個薯仔唔算落得太多醬，配合肉碎，整體非常不錯。不過始終要企著來食薯仔，如果係一串串既小食無太大問題，但佢個薯仔都幾大，要用匙來食，唔太習慣。