薯粉家

營業中

休息中

零晨兩點周圍搵野食...原來收5點試左好多款野食 哈哈燒牛舌 燒韮菜 韭菜豬紅都唔錯呀！醬油蝦等得有d耐 但好好味下次會再去食！仲有1664 絕配串燒！仲試左焗薯蓉 焗薯粉 芝士撈丁還可以！

等女友去好MK食麵，無聊行入快富街夾公仔，夾咗十五蚊都唔中，四圍望吓邊度有嘢飲，睇見呢間舖門口擺咗張枱放埋煙灰缸，就比坐低睇餐牌。先嚟杯凍珍珠奶茶。女友柯打呢杯。試幾味小食。全程收銀處疑似老闆娘不停同疑似熟客搭哂膊頭有講有笑，甚有家庭作坊小店feel。整體食物味道合格，下次試試佢地好多人叫嘅薯粉。

本身打算食爭鮮但系行行下見到呢間吾太起眼既鋪頭好多小食既圖，我又好肚餓又趕住返工，諗左陣就決定試下！一坐低睇餐牌以小食為主，價錢感覺上同意樂薩莉亞咁上下，於是乎我點左個芝士撈丁($31)，鐵板餃子($18/5)，香蒜肥牛焗金菇($33)，芝士磨菇薯條($33)芝士撈丁份量還可以，好多芝士系面不過略嫌吾夠熱，我覺得溶d會易撈d，配兩粒芝士丸系到，芝士丸好特別，入面個d系奶黃色，我想問系吾系自家但系最後冇問到鐵板餃子雖然有d大小不一，但系勝在夠惹味，我收工仲特登買多次黎食！正肥牛焗金菇呢肥牛份量吾夠金菇多，多返d就perfect，金菇夠多！正！芝士磨菇薯條，本身以為份量幾多，不過得七八個薯角，磨菇系幾多既，不過薯角脆d會更好！環境地方雖小但系幾企理所以Good！因為電話容量不足所以冇影到，但系呢間小店會成為我既"私竇"其中之一！最讚系營業時間至到早上五點，岩哂我d夜鬼

       今日收工收成凌晨12點，呢個時間仲有咩好食？我個同事就二話不說要帶我哋去一個好正嘅地方。既然有好嘢食我哋就跟住走吖！行到呢條寧靜嘅街道，看到前面有一片光，就係呢間叫"薯粉家"嘅餐廳！！！                   行到去門口，里面好多人只好在門外等了一陣~呢棟大厦外搭咗個竹棚都冇影響佢哋嘅生意，而且現在已經係夜深12點幾，呢度仲咁熱鬧，犀利！聽我同事講佢哋呢度係新舖，之前係前面條横巷度已經好多人幫襯…        等咗一陣我哋3個有位坐la~看到牆身兩邊都舖滿食物嘅照片，嘩！全部睇落都好吸引吖…我好多都想食，仲有黑板上都有美食推介，真係未食都流曬口水~~~              我哋商量咗一陣就開始落order:            蒜香豆卜：$18抵食！豆卜唔油，干身好香脆，記得要點呢個蒜香汁一齊食哦，好味…         芝士烟肉薯條：$35呢度嘅薯條係粗條，我本人較鐘意食，炸得色澤均勻，再配上個醬汁，一流…       燒多春魚：$18再抵食！燒得啱啱好，唔會干，好香口，正…       燒韭菜：$9都係抵食！而且仲係好食…每人一串       

有好多朋友都推介我一定要去呢間舖,今日正好休息,我就約咗我朋友今晚過去.我哋約在地鐵站B2出口等...一出地鐵站我哋就沿呢條路一直向前行,行到一條橫巷,我朋友就同我講呢度就係薯粉家舊舖,然後我哋再一直向前行,不遠嘅地方看到一個閃燈牌,再行前少少已見到門口有好幾張台已坐满人...    一入到去店員就同我朋友打咗聲招呼,嘩!好多人...我哋好好彩啱啱有两人走咗,佢哋就即刻执好張台安排我哋入去坐,一坐低我朋友就話一定要食呢度嘅燒生蠔同燒聖子皇...因為我哋都鐘意食海鮮,所以我就叫佢揸主意,呢度有好多品種嘅嘢我都好啱食,尤其燒烤類別:燒蠔.燒蝦.燒聖子.燒鮑魚.燒扇貝.燒牛舌.燒鴨舌.燒秋刀魚.燒韭菜.燒茄子...嘩仲有好多小食:雞亦.餃子.魷魚鬚.金菇肥牛.豬紅.焗薯.焗飯...種類好多好多,樣樣我都想食,都吾知食邊樣好...我朋友話我第一次過來就一定要食個酸辣粉,我都OK食得辣,但佢就叫我先試佢哋呢度嘅3級小中辣先,話吾够辣可以加,咁我就聽佢嘅!    我朋友已經安排好我哋食D咩同我商量後佢就開始落單:酸辣粉,燒生蠔,燒聖子,燒海蝦,香蒜釀司奄,燒牛舌,通菜,燒多春魚.仲有两杯乳酸沙冰.