藍鳥廚房 (已結業)

星期日又要過嚟上班，搵咗一間望落去感覺唔錯嘅茶餐廳食午飯。平時我都幾鍾意食雞扒，加上上次過嚟食佢下午茶雞扒飯也很不錯。所以今次食份更加大份嘅雞扒飯。雞扒大件又好食，配菜都唔錯，令整體飯的味道好夾。我仲叫咗杯凍檸茶黎飲，茶味夠，有檸檬味，係一杯唔錯嘅凍檸茶！如果裝修再新淨少少，相信會吸引更多客人來食飯！下次再嚟會試下佢份香煎紐西蘭西冷牛扒飯！感覺同樣大份，味道應該都好唔錯！藍鳥廚房係一間抵食又好食嘅茶餐廳，上菜又快，啱晒香港人嘅急速節奏！

今天要到馬鞍山上班，嚟到We Go Mall商場，真係唔知搵咩餐廳食好！結果就是但搵咗一間茶餐廳試吓，依間叫做藍鳥廚房。你叫咗一份香煎雞扒火腿飯配牛骨汁，雞扒十分香脆，配上牛骨汁十分夾 ！我亦飲了一杯凍檸茶少甜，茶味夠，不過略嫌甜左啲！環境尚算乾淨，服務員也很好態度，上菜也是十分快捷。下次一定要再試吓佢個牛扒飯，我見賣相十分吸引，可惜今日賣晒了！佢仲有一個燒春雞，而家做緊推廣只係$38就食到，真係非常非常抵呀！

呢個We Go Mall 可能就真係唔係好就腳，星期日都冇咩人來。今日因為單車遊，經過見到有好好既泊單車位，就走入來食個TEA上2樓見到呢家BLUE BIRDSunday 下午茶☕️幾唔錯的餐廳，$40有找，而且都坐得OK舒服，不過係太大漂白水味食物方面係得既，湯麵都夠大碗，多士好味，係甜麵包。

Wego mall 商場管理不善，多間餐廳被迫唔續約，但這間餐廳算係由開幕以來仍維持到，街坊價錢合理，同時仍勇於作出多嘗試，以前夜晚有送糖水，而家變咗有燒乳鴿和豆腐花，多點新意脆皮豬手一直做得唔錯，雖然曾試過焗得比較乾，但普遍都外脆內軟，又唔咸，價錢合理，有湯有嘢飲，值得再試

Blue bird kitchen位於we go mall，但近期we go mall都有唔少舖頭結業，可能商場唔就腳，人流比較少，所以過到黎呢個商場都無乜餐廳黃店可以揀。咖哩龍脷柳飯$55咖喱味比較接近日式，帶少少甜味，而龍脷柳炸得香脆，肉質都好實，但就比較薄身，另外還有炒蛋伴飲，算係幾有誠意。Blue bird kitchen有唔同國家菜式，都幾多唔同選擇，不過份量就唔算多，女仔都可能夠飽，男仔就要之後買個包。

叫了手撕雞湯米，賣相核突、鷄不是手撕、似將雞扒打碎。一大陣雪味好腥、個湯冇味又話係雞湯。其實碗米粉都基本冇湯。奶茶勁難飲、水汪汪。見到隔離份常餐，賣相非常差，都唔敢叫，都知道會中伏。自己那份果然係十分之中伏！

在外賣APP預定了這間餐廳的食物，但餸菜的份量小的驚人，鰻魚的份量完全不夠拌飯。而且鰻魚比較乾，口感有點差，而且很薄。在跟food panda 的客服諮詢過後，餐廳回應這是正常份量。價錢合理與否，自行定奪。

去到間餐廳門口，哇 見到甘多人食，差少少滿座，實吾會難食啦，世人都估錯了。🤗🤗🤗我同女朋友叫左紅酒燴牛尾飯鰻魚煎蛋飯兩杯奶茶奶茶上先 我一飲 頂 好立克味奶茶🤐 以為失手姐 少年你太年輕了 依個只係開始。鰻魚飯到 個樣都算幾好 太陽蛋一食鰻魚 好難咬開 仲要有腥味😪💩飯係林嘅 成件事大家想像到有幾精彩。重頭戲紅酒牛尾飯到啦 份量偏少 個樣正常嘅 個汁應該點都有紅酒味啦 頂燶味薯仔都吾放過 燶🙄🙄肉質正常但味道大家都估到 連茄汁味都無大家黎到we go mall諗清楚先好入去

星期六諗住同阿媽，老公一齊去We go hall食晚飯，左簡右簡，簡左1樓嗰間藍鳥㕑房，點知就中伏。可能疫情關係佢哋做好多外買，但就完全唔理啲堂食嘅人。我哋叫左脆皮豬手、啡茹意大利飯、黑椒洋蔥牛仔骨飯3個餐。等咗半個鐘都只係嚟咗個湯同飲品，至於正餐就要不停咁吹，啲侍應就只係話你叫嘅食物係要整耐。吹咗幾次只嚟咗個豬手，再吹先叫人整個牛仔骨飯（其實碟頭牛仔骨飯會難整過豬手咩）但係其間佢不停咁出外買。之後再追多幾次先叫入㕑房整個意大利飯。原本開開心心咁出街食飯，點知變咗一肚氣！呢間藍鳥㕑房完全離晒譜，以後都唔嚟呢度食飯吖

喺馬鞍山附近諗唔到食咩，就入左間商場仔意外經過呢間餐廳門口。本身見到價錢牌價格都好平，都唔抱太大期望，但因為阿姐落力Hard Sell所以就決定入去試試佢俾人水左入去之後友人叫咗咖喱飯而我就叫咗漢堡包。漢堡包係港式漢堡包🍔底面兩層有好多芝麻碎，又香又脆，而且層都有烘過，都係脆脆地嘅而且有醬又有芝士又有蛋又有菜食個包就已經爆曬計漢堡應該係自製嘅，入邊雖然有少少乾，但都幾有咬口，好多肉都好足料配埋薯條真係飽晒啲薯條好脆，份量又夠茄汁仲要畀晒成支你任落本身個餐淨係跟野飲唔跟湯，但係阿姐都俾埋個湯我仲要係我鍾意飲嘅黃瓜豬骨湯個湯冇乜味精味都好重豬骨味入面仲有舊豬骨咬下叫咗杯奶茶，覺得就冇個湯咁好飲啦，覺得比較似奶水朋友就叫咗個咖喱飯，都有唔少肉咖喱汁都好濃，好好送飯。不過朋友就覺得白飯少咗啲，不過如果係女仔食就應該份量夠啦嗰度啲阿姐同埋夥計都好好態度又好人。價錢又平，值得一食再食依家仲有好多外賣自取有半價，有外賣熱線可以比大家打咗電話去，再遲吓去攞

紐西蘭西冷牛扒🥩：都係一般茶餐廳貨色，賣相不錯，容易咬，小孩都咬到！配牛骨汁唔錯嘅！送例湯🥣咖喱牛腩飯：唔知點解食到少少骨，有啲牛腩較硬較韌。咖喱汁非常出色，齒頰留香！送例湯香蔥豬扒飯：正正常常，豬扒大塊厚身，不會太乾，小孩特別喜歡豉油汁撈飯。免費糖水贈送：鮮奶雪耳糖水，熱熱地，每人送一碗，好味呀！再次幫襯原因：店員服務好、坐得舒服、免費添飯🍚、加$3有紅豆冰🥤、送糖水、適合駕車人士！🚗

平安夜的午餐，一家大細經過這間餐廳，見到門口餐牌款式多多，價錢經濟，望入店內座位尚算寬敞舒適，覺得比較適合小孩進餐。入座後，正煩惱點餐時，店員竟然送一碟即炸薯條給小孩吃，一開始就加分啦！鰻魚煎蛋飯：半條鰻魚充滿鰻魚汁，賣相吸引，好吃推介。煎蛋較細小，但蛋汁流入飯中更加提升美味度。厚切牛脷飯：牛脷有咬口，配合醬汁餸飯一流，還可向店員要求加飯，服務周到。豉油雞髀米線：大大隻雞髀非常入味，容易拆骨，雞肉偏軟，極之適合小孩吃！米線軟硬適中，豬骨湯中還有椰菜和白蘿蔔，感覺豐富喎！今天惠顧滿$200 ，還可以拿單據到商場服務台換領午餐肉一罐，非常超值啊！　

諗住樓下茶餐廳好多人排隊，所以上Mall 的2 樓搵食，見到間藍鳥好似好多選擇入左去， 本身有d 作感冒喉嚨痛，專登唔揀咖啡呀炸呀果d 熱氣野， 叫左個忌廉沖龍利魚柳飯轉意粉，結左黎左個吉列炸到好似kcf 的雞咁，既魚塊，首先龍利魚柳應該係一片的，輕輕煎的，佢係魚件。。假如係吉列既，應該要在餐牌寫明，即係假如我叫雞扒返，唔會俾吉列雞扒我ga 嘛， 結果只好把外層炸粉去掉，食到既魚肉很少。。。 那也沒法子。。但我覺得今時今日唔可以咁做生意。

第一次帶小孩去We go Mall，周圍都好多嘢玩不過太貴，行吓行吓去到呢間藍鳥餐廳，見到兒童餐Poster吸引住小孩，假日午餐時間都要等等位，這裏都不少人惠顧！入座後看見餐牌的午餐都經濟實惠，便建議小孩吃麵餐。兩大兩小結果點了：紅酒燴牛脷飯：一碟有三塊厚切牛脷，牛脷味道很好，容易咬又入味，配以香濃醬汁送飯一流，我們點餐時要求多飯，結果免費另上一碗飯，絕對加分！鰻魚煎蛋飯：竟然有半條鰻魚，分量十足，鰻魚肉質有彈性，口感一流，配以濃濃的鰻魚汁伴飯，真是吃不停口，唯煎蛋不是即製，又是全熟蛋，所以比較硬身沒有蛋香。豉油王雞髀公仔麵：雞髀大大隻，豉油王香味重，雞髀炮製至軟身，不錯！公仔麵不過不失，但伴麵的椰菜非常生，帶點苦澀味！跟餐飲品選擇紅豆冰只是加$3 ，非常超值，而且紅豆份量多又甜！

上星期自己行過食左侍應極力推介西冷扒，好味，好大份，扺食。今日叫埋男朋友一齊食叫左燒春雞同T骨～T骨牛味好重！唔錯!～ CP值高!!值得推薦!!!!!!!!!!!